LexUZ шарҳи
Мазкур қарор Ўзбекистон Республикаси Вазирлар Маҳкамасининг 2019 йил 19 декабрдаги 1015-сонли «Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги фаолиятини ташкил этиш чора-тадбирлари тўғрисида»ги қарорига асосан ўз кучини йўқотган.
«Реклама тўғрисида»ги Ўзбекистон Республикаси Қонунини бажариш юзасидан ва иқтисодий ислоҳотларни чуқурлаштириш, товарлар (ишлар, хизматлар) бозорида рақобатни ривожлантириш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон Республикаси Монополиядан чиқариш ва рақобатни ривожлантириш давлат қўмитаси ҳамда унинг ҳудудий органларига реклама тўғрисидаги Ўзбекистон Республикаси қонун ҳужжатларига риоя этилиши устидан давлат назоратини амалга ошириш функцияси юклансин.
Кейинги таҳрирга қаранг.
(1-банд Ўзбекистон Республикаси Вазирлар Маҳкамасининг 2000 йил 24 октябрдаги 412-сонли қарори таҳририда)
2. «Реклама тўғрисида»ги Ўзбекистон Республикаси Қонуни талаблари ижро этилишини таъминлаш 2-иловага мувофиқ давлат бошқарув органларига ва жойлардаги давлат ҳокимияти органларига юклансин.
Давлат бошқаруви ва жойлардаги давлат ҳокимиятининг кўрсатиб ўтилган органлари бир ой муддатда ўзларининг амалдаги низомларига тегишли ўзгартириш ва қўшимчалар тўғрисида белгиланган тартибда таклифлар киритсинлар.
3. Монополиядан чиқариш ва рақобатни ривожлантириш қўмитаси ҳузурида Реклама бўйича идоралараро кенгаш тузилсин.
Кейинги таҳрирга қаранг.
Реклама бўйича идоралараро кенгаш тўғрисидаги Низом 3-иловага мувофиқ ва унинг таркиби 4-иловага* мувофиқ тасдиқлансин.
давлат бошқарув органлари ва жойлардаги ҳокимият органларининг, шунингдек, республика жамоат бирлашмалари (ташкилотлари)нинг реклама тўғрисидаги қонун ҳужжатлари талабларини бажариш масалалари бўйича ўзаро ҳамкорлигини таъминлаш;
товарлар (ишлар, хизматлар) бозорларида, шу жумладан, жисмоний ва юридик шахсларнинг пул маблағларидан фойдаланиш билан боғлиқ банк, суғурта ва бошқа хизматлар бозорларида, шунингдек, қимматли қоғозлар бозорларида рекламани тарқатишда ҳалол рақобатни ва жамият манфаатларини ҳимоя қилиш;
реклама берувчилар, реклама ишлаб чиқарувчилар, реклама тарқатувчилар ва рекламадан фойдаланувчиларнинг жаҳон стандартларига ва миллий анъаналарга зид бўлмаган манфаатларига риоя қилиш.
Кейинги таҳрирга қаранг.
4. Монополиядан чиқариш ва рақобатни ривожлантириш қўмитаси вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда рекламани жойлаштириш тартибини бир ой муддатда 2-иловага мувофиқ ишлаб чиқсин, тасдиқласин ва белгиланган тартибда амалга киритсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Б. Ҳамидов ва Ўзбекистон Республикаси Бош вазирининг ўринбосари Ҳ. Кароматов зиммасига юклансин.
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2000 йил 24 октябрдаги 412-сонли қарорига асосан ўз кучини йўқотган)
T/р | Реклама тўғрисидаги қонун ҳужжатининг талаблари | «Реклама тўғрисида»ги Ўзбекистон Республикаси Қонуни моддаси | Қонун ҳужжатлари талаблари бажарилиши учун масъул бўлган давлат бошқаруви ва жойлардаги давлат ҳокимияти органларининг номи |
1. | Телекўрсатувларда ва радиоэшиттиришларда; Оммавий ахборот воситаларида; Почта жўнатмалари, электрон алоқа воситаларида рекламаларнинг бир хил бўлишини таъминлаш | 11-модда | «Ўзтелерадио» компанияси, Давлат матбуот қўмитаси, Ўзбекистон почта ва телекоммуникациялар агентлиги |
2. | Ҳомийлар тўғрисидаги ахборотлар бўйича кўрсатмалар Ҳомийлар хизматларидан телекўрсатувларда ва радиоэшиттиришларда фойдаланишга йўл қўймаслик | 12-модда | «Ўзтелерадио» компанияси, Давлат матбуот қўмитаси, Ўзбекистон почта ва телекоммуникациялар агентлиги, Маданият ишлари вазирлиги, Давлат спорт қўмитаси. «Ўзтелерадио» компанияси |
3. | Яширин рекламалардан фойдаланишга йўл қўймаслик | 14-модда | «Ўзтелерадио» компанияси, Давлат матбуот қўмитаси, Ўзбекистон почта ва телекоммуникациялар агентлиги |
4. | Телевидение ва радиода рекламаларни чеклаш | 17-модда | «Ўзтелерадио» компанияси |
5. | Оммавий ахборот воситаларида рекламаларни чеклаш Матбуот нашрларида тамаки маҳсулотлари ва алкоголли ичимликлар рекламасини чеклаш | 18-модда 23-модда | Давлат матбуот қўмитаси, оммавий ахборот воситаларини нашр этувчи вазирликлар ва идоралар, мустақил оммавий ахборот воситалари |
6. | Ташқи рекламаларни жойлаштириш тартибини белгилаш, ташқи жойлаштиришни назорат қилиш Тамаки, тамаки маҳсулотлари ва алкоголли ичимликлар рекламаларини ташқи жойлаштиришни назорат қилиш | 20-модда 23-модда | Жойлардаги давлат ҳокимияти органлари |
7. | Ер усти транспорт воситаларида; метрополитенда, вокзалларда, портларда ва аэропортларда рекламаларни жойлаштириш ҳамда тарқатишни назорат қилиш | 21-модда | Ички ишлар вазирлиги (ДАН); жойлардаги давлат ҳокимияти органлари |
8. | Почта жўнатмаларида рекламаларни тарқатиш учун рухсатномалар бериш | 21-модда | Ўзбекистон почта ва телекоммуникациялар агентлиги |
9. | Қуйидагиларни реклама қилиш учун рухсатномалар бериш: Вояга етмаганлар учун дори-дармон воситалари; Гипноз қилиш ва таъсир кўрсатишнинг руҳий ёки биоэнергия усулларидан фойдаланган ҳолда даволаш сеанслари, шунга ўхшаш бошқа тадбирлар; Тиббиёт буюмлари, тиббий техникани, гигиена, дезинфекция, дезинсекция ва дератизация воситалари; Даволаб бўлмайдиган ва даволаш қийин бўлган касалликларга нисбатан терапевтик натижа. Тиббиёт муассасалари учун мўлжалланган дори-дармонларни реклама қилиш тартибини белгилаш, унинг бажарилишини назорат қилиш | 22-модда | Соғлиқни сақлаш вазирлиги |
10. | Қуйидагиларни қўллаш ва сотиш учун тегишли рухсатномалар бериш: Косметика воситалари, витаминли ва биологик фаол озиқ-овқат қўшимчалари; Маиший кимё воситалари, озиқ-овқат маҳсулотлари | 22-модда | Соғлиқни сақлаш вазирлиги «Ўздавстандарт» маркази |
Кейинги таҳрирга қаранг.
1. Реклама бўйича идоралараро кенгаш (кейинги ўринларда Кенгаш деб аталади) Ўзбекистон Республикаси давлат органлари ва жамоат бирлашмаларининг рекламани ишлаб чиқариш, тарқатиш ва жойлаштириш, реклама фойдаланувчиларини чалғитадиган ёки фуқаролар саломатлигига, фуқаролар ёки юридик шахслар мол-мулкига, атроф муҳитга ёхуд кўрсатиб ўтилган шахслар шаънига, қадр-қимматига ёки ишдаги обрўсига зарар етказадиган, шунингдек, жамоат манфаатларига, инсонпарварлик ва ахлоқ тамойилларига таҳдид соладиган рекламадан жамиятни муҳофаза қилиш масалалари бўйича ўзаро ҳамкорликни такомиллаштириш мақсадида тузилади.
2. Кенгаш ўз фаолиятида Ўзбекистон Республикаси Конституциясига, Ўзбекистон Республикаси қонун ҳужжатларига, шунингдек, ушбу Низомга амал қилади.
«Реклама тўғрисида»ги Ўзбекистон Республикаси Қонунининг рекламани ишлаб чиқариш, жойлаштириш ва тарқатиш соҳасидаги муносабатларни тартибга солувчи бошқа қонунлар ва меъёрий ҳужжатларнинг қўлланиш амалиётини таҳлил қилиш;
товарлар (ишлар ва хизматлар) бозорида рекламани ишлаб чиқариш, жойлаштириш ва тарқатиш жараёнида пайдо бўладиган хулқ-атворнинг маданиятли норма ва қоидаларини шакллантиришга йўналтирилган чора-тадбирлар тизимини ишлаб чиқиш ва амалга ошириш;
юридик ва жисмоний шахсларнинг реклама фаолиятига кўмаклашиш, реклама тўғрисидаги қонун ҳужжатлари бузилишининг олдини олиш, реклама фаолиятини тартибга солиш механизмини такомиллаштириш;
товарлар (ишлар ва хизматлар) бозорларида, шу жумладан жисмоний ва юридик шахсларнинг пул маблағларидан фойдаланиш билан боғлик банк, суғурта ва бошқа хизматлар бозорларида шунингдек, қимматли қоғозлар бозорларида рекламани тарқатишда ҳалол рақобатни ва жамият манфаатларини ҳимоя қилиш;
реклама берувчилар, реклама ишлаб чиқарувчилар, реклама тарқатувчилар ва рекламадан фойдаланувчилар манфаатларига риоя этиш;
Ўзбекистон Республикасининг ижодий уюшмалари, жамоат бирлашмалари, нуфузли хорижий ва халқаро ташкилотлар билан реклама фаолияти масалалари бўйича алоқаларни ривожлантириш;
реклама фаолиятини ёритишга, ҳалол рақобатни, рекламада ижодкорликни қўллаб-қувватлашга йўналтирилган тадбирлар (конференциялар, симпозиумлар, семинарлар ва танловлар)ни ташкил этиш ва ўтказишга кўмаклашиш;
реклама фаолиятини давлат томонидан тартибга солиш ва ўзини ўзи тартибга солиш бўйича чет эл тажрибасини таҳлил қилиш;
реклама фаолиятини амалга ошириш устидан назоратнинг самарадорлиги масаласи бўйича жамоатчилик фикрини ўрганишни ташкил этиш;
рекламани назорат қилишга тааллуқли қонунлар ва меъёрий ҳужжатларни такомиллаштириш бўйича таклифлар ишлаб чиқишда қатнашиш;
Кенгаш вазифаларини ҳал этиш учун ишчи гуруҳлар, комиссиялар тузиш ва улар ишида жамоатчилик асосида ишлаш учун тегишли мутахассисларни жалб этиш.
5. Кенгаш вазирликларнинг, давлат бошқаруви республика бошқа органлари, жамоат бирлашмалари вакилларидан, улар раҳбарларининг тақдимномасига биноан шакллантирилади.
Кенгашда ишлаш учун (уларнинг розилигига кўра) мутахассислар, олимлар, экспертлар ҳамда рекламани ишлаб чиқариш, жойлаштириш ва тарқатиш фаолияти соҳасига кирадиган турли ташкилотлар ва муассасалар, шу жумладан, хорижий ташкилотлар ва муассасалар вакиллари жалб этилиши мумкин.
Кенгаш таркиби Ўзбекистон Республикаси Вазирлар Маҳкамаси томонидан тасдиқланади ҳамда Раис, икки нафар ўринбосар, котиб ва ўз фаолиятини жамоатчилик асосида амалга оширувчи Кенгаш аъзоларидан иборат бўлади.
Кенгаш мажлисларини чақиради, уларнинг кун тартибини тузади, уни Кенгаш мажлиси ўтказиладиган кунгача тўрт кундан кечикмай Кенгаш аъзоларига етказишни ташкил қилади;
Кенгаш аъзоларининг Кенгаш қарорлари ва вазифаларини бажариш бўйича ишларини мувофиқлаштириб боради;
давлат органлари, жамоат бирлашмалари, бошқа юридик ва жисмоний шахслар билан муносабатларда Кенгаш номидан вакиллик қилади;
8. Кенгаш ўз ишини ўзи тасдиқлайдиган иш тартиби асосида амалга оширади. Кенгаш мажлислари заруриятига кўра, лекин йилнинг ҳар чорагида камида бир марта ўтказилади ва протоколлар билан расмийлаштирилади. Кенгаш ўз ишлари бўйича ҳар йили якун чиқаради.
9. Кенгаш қарорлари тавсиянома тусида бўлади ва мажлисда раислик қилувчи ҳамда котиб томонидан имзоланади.
10. Кенгашда кўриб чиқиш учун киритилган масалалар ва унинг қарорлари лойиҳалари Кенгаш аъзолари томонидан, иш режасига мувофиқ вазирликлар, давлат бошқаруви республика бошқа органлари ва жамоат ташкилотлари вакиллари иштирокида тайёрланади.
Кейинги таҳрирга қаранг.