Республика аҳолисига ва иқтисодиёти тармоқларига табиий газнинг узлуксиз етказиб берилишини таъминлашга доир ишларни кучайтириш, газ тармоқларига ноқонуний уланишнинг олдини олиш ва бартараф этиш, шунингдек табиий газ учун тўлиқ ва ўз вақтида ҳисоб-китоб қилиш мақсадида Вазирлар Маҳкамаси қарор қилади:
1. «Ўзкоммунхизмат» агентлиги ва «Ўзбекнефтгаз» миллий-холдинг компаниясининг «Ўзтрансгаз» акциядорлик компаниясининг «Ўзгазсотиш» шуъба унитар корхонасини ҳамда унинг ҳудудий ваколатхоналарини белгиланган тартибда «Ўзкоммунхизмат» агентлигининг «Бошкоммунгаз» корхонаси тасарруфига табиий газни сотиш ва унинг учун истеъмолчилар билан ҳисоб-китоб қилиш бўйича ягона тузилма ташкил этиш мақсадида бериш тўғрисидаги таклифи қабул қилинсин.
Олдинги таҳрирга қаранг.
2002 йил 1 апрелдан бошлаб табиий газни, «Ўзтрансгаз» акциядорлик компаниясининг магистрал газ қувурларига тўғридан-тўғри уланадиган истеъмолчилардан ташқари, улгуржи истеъмолчиларга ва аҳолига сотиш «Ўзкоммунхизмат» агентлиги ҳудудий газ таъминоти корхоналари томонидан 1-иловага мувофиқ амалга оширилади;
(2-банднинг иккинчи хатбошиси Ўзбекистон Республикаси Вазирлар Маҳкамасининг 2003 йил 2 октябрдаги 421-сон қарори таҳририда — Ўзбекистон Республикаси Қонун ҳужжатлари тўплами, 2003 й., 19-сон, 179-модда)
Олдинги таҳрирга қаранг.
«Ўзтрансгаз» акциядорлик компанияси ва «Ўзкоммунхизмат» агентлиги ўртасида табиий газ учун ҳисоб-китоблар магистрал газ қувурлари ва газ тармоқларининг бўлиниш чегараларида ўрнатилган ҳисобга олиш приборлари кўрсаткичлари бўйича амалга оширилади.
(2-банднинг учинчи хатбошиси Ўзбекистон Республикаси Вазирлар Маҳкамасининг 2003 йил 2 октябрдаги 421-сон қарори таҳририда — Ўзбекистон Республикаси Қонун ҳужжатлари тўплами, 2003 й., 19-сон, 179-модда)
Кейинги таҳрирга қаранг.
3. «Ўзбекнефтгаз» миллий-холдинг компанияси ва «Ўзкоммунхизмат» агентлиги «Бошкоммунгаз» корхонаси ва «Ўзулгуржисавдо» акциядорлик компанияси ўртасида тузилган контрактга мувофиқ Украинадан клиринг бўйича етказиб беришнинг фойдаланилмаган қолдиқлари ҳисобига сотиб олинадиган 501 минг АҚШ доллари миқдоридаги 52 та ҳамда «Ўзбекнефтгаз» миллий холдинг компаниясининг ўз маблағлари ҳисобига сотиб олинадиган 248 та газни ҳисобга олиш приборларининг 2002 йилда газ қувурларининг бўлиниш чегараларида алмаштирилиши ва ўрнатилишини таъминласинлар.
4. «Ўзтрансгаз» акциядорлик компанияси ва «Ўзкоммунхизмат» агентлиги улгуржи истеъмолчилар ва аҳолининг дебиторлик ҳамда кредиторлик қарзларини 2002 йил 1 мартдаги ҳолатига кўра хатловдан ўтказсинлар ва 2002 йил 1 апрелгача уларни топшириш-қабул қилишни белгиланган тартибда амалга оширсинлар.
Олдинги таҳрирга қаранг.
6. «Ўзкоммунхизмат» агентлигининг ҳудудий газ таъминоти корхоналари газ сарфини ҳисобга олиш приборлари бўлмаган улгуржи истеъмолчилар билан табиий газ етказиб бериш юзасидан янги шартномалар тузмасин.
Кейинги таҳрирга қаранг.
(6-банд Ўзбекистон Республикаси Вазирлар Маҳкамасининг 2003 йил 2 октябрдаги 421-сон қарори таҳририда — Ўзбекистон Республикаси Қонун ҳужжатлари тўплами, 2003 й., 19-сон, 179-модда)
7. Минтақалар раҳбарларининг Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига ажратилаётган табиий газ ҳажмларидан оқилона ва самарали фойдаланиш масалалари бўйича жавобгарлигини ошириш мақсадида ижтимоий соҳа объектларига ҳамда кичик ва ўрта бизнес субъектларига (тут ипак қурти боқиш, хусусий уйлар ҳовлисидаги иссиқхоналар ва озиқ-овқат пишириш учун) газдан фойдаланиш учун рухсатномалар бериш функцияси Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига минтақа учун белгиланган лимитлар доирасида юклансин.
Кейинги таҳрирга қаранг.
«Ўзкоммунхизмат» агентлиги, Ўзбекистон Республикаси Молия вазирлиги, Монополиядан чиқариш ва рақобатни ривожлантириш давлат қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда минтақалар томонидан ижтимоий соҳа объектлари ҳамда кичик ва ўрта бизнес субъектларига газдан фойдаланишга рухсатномалар бериш тартибини бир ой муддатда ишлаб чиқсинлар.
8. Ўзбекистон Республикаси Давлат мулки қўмитаси «Ўзбекнефтгаз» миллий холдинг компанияси билан биргаликда қонунчиликда белгиланган тартибда «Ўзтрансгаз» акциядорлик компанияси устав фонди миқдорини акцияларнинг давлат пакетини «Ўзкоммунхизмат» агентлигининг «Бошкоммунгаз» корхонасига берилаётган «Ўзгазсотиш» шуъба унитар корхонаси ва унинг ҳудудий ваколатхоналари мол-мулки қиймати суммасига қисқартириш ҳисобига камайтирсин.
Белгилаб қўйилсинки, «Ўзтрансгаз» акциядорлик компаниясининг «Ўзгазсотиш» шуъба корхонасининг берилаётган мол-мулки қиймати қўшилган қиймат ва даромад (фойда) солиғини ҳисоблаб чиқаришда «Ўзтрансгаз» акциядорлик компаниясининг ҳамда «Ўзкоммунхизмат» агентлиги «Бошкоммунгаз» корхонасининг солиқ солинадиган базасига киритилмайди.
9. Ўзбекистон Республикаси Адлия вазирлиги манфаатдор идоралар билан биргаликда бир ой муддатда Вазирлар Маҳкамасига жисмоний ва юридик шахсларнинг газ тармоқларига ўзбошимчалик билан уланиб олиш, табиий газдан самарасиз фойдаланганлик ва уни ўғирлаганлик учун жавобгарлигини кучайтириш юзасидан таклифлар киритсин.
10. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов, Қорақалпоғистон Республикаси Вазирлар Кенгашининг Раиси, вилоятлар ва Тошкент шаҳар ҳокимлари зиммасига юклансин.
Олдинги таҳрирга қаранг.
Кейинги таҳрирга қаранг.
(схема Ўзбекистон Республикаси Вазирлар Маҳкамасининг 2003 йил 2 октябрдаги 421-сон қарори таҳририда —Ўзбекистон Республикаси Қонун ҳужжатлари тўплами, 2003 й., 19-сон, 179-модда)
Кейинги таҳрирга қаранг.
1. Ўзбекистон Республикаси Вазирлар Маҳкамасининг «Республика халқ хўжалигини ва аҳолисини газ билан таъминлашни ташкил этишни яхшилаш чора-тадбирлари тўғрисида» 1993 йил 2 декабрдаги 587-сон қарорида:
2-бандда «Янги корхоналарни» ва «корхоналарни газ таъминоти тизимига улаш» сўзларидан кейин «ижтимоий соҳа объектлари ҳамда кичик ва ўрта бизнес субъектлари (ипак қурти боқиш ва хусусий уйлар ҳовлисидаги иссиқхоналар ҳамда овқат тайёрлаш учун) бундан мустасно» сўзлари қўшилсин;
6-бандда «истеъмолчиларни газ таъминоти тармоқларига бундан буён улашни тўхтатишни» сўзларидан кейин «ижтимоий соҳа объектлари ҳамда кичик ва ўрта бизнес субъектлари (ипак қурти боқиш ва хусусий уйлар ҳовлисидаги иссиқхоналар ҳамда овқат тайёрлаш учун) бундан мустасно» сўзлари қўшилсин.
Кейинги таҳрирга қаранг.
2. Ўзбекистон Республикаси Вазирлар Маҳкамасининг «Табиий газ етказиб бериш ва унинг учун ҳисоб-китоб қилиш тизимини такомиллаштириш тўғрисида» 1999 йил 21 сентябрдаги 439-сон қарорида (Ўзбекистон Республикаси ҚТ, 1999 й., 9-сон, 57-модда):
«Ўзкоммунхизмат» агентлигининг «Бошкоммунгаз» корхонаси 2002 йил 1 апрелдан эътиборан газ сарфини ҳисоблаш приборларига эга бўлмаган улгуржи истеъмолчилар билан табиий газ етказиб бериш юзасидан мавжуд шартномаларни бекор қилсин ва янги шартномалар тузмасин»;
иккинчи хатбошидаги «улгуржи истеъмолчилар томонидан» сўзларидан олдин «Ўзтрансгаз» акциядорлик компаниясининг магистрал газ қувурларига тўғридан-тўғри чиқиш имкониятига эга бўлган» сўзлари қўшилсин;
бешинчи хатбошидаги «чакана истеъмолчилар (аҳоли) томонидан» сўзларидан олдин «Ўзтрансгаз» акциядорлик компаниясининг магистрал газ қувурларига тўғридан-тўғри чиқиш имкониятига эга бўлмаган улгуржи истеъмолчилар ва» сўзлари қўшилсин;
Кейинги таҳрирга қаранг.
г) 9-банднинг биринчи ва иккинчи хатбошилари «Ўзтрансгаз» акционерлик компаниясига» сўзларидан кейин «ва «Бошкоммунгаз» корхонасига» сўзлари билан тўлдирилсин.
Кейинги таҳрирга қаранг.
3. Ўзбекистон Республикаси Вазирлар Маҳкамасининг 2000 йил 10 январдаги 8-сон қарори билан тасдиқланган Ўзбекистон Республикаси истеъмолчиларига газ етказиб бериш қоидаларида (Ўзбекистон Республикаси ҚТ, 2000 й., 1-сон, 2-модда):
«Ижтимоий соҳа объектлари ҳамда кичик ва ўрта бизнес субъектларига (ипак қурти боқиш ва хусусий уйлар ҳовлисидаги иссиқхоналар ҳамда овқат тайёрлаш учун) газдан фойдаланиш учун рухсатнома тегишли равишда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан минтақа учун белгиланган лимитлар доирасида берилади»;
«Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан табиий газдан ёқилғи сифатида фойдаланиш учун берилган рухсатнома тегишли равишда янгидан қурилаётган, кенгайтирилаётган, реконструкция қилинаётган ва фаолият кўрсатаётган ишлаб чиқариш объектларини ёки ижтимоий соҳа объектлари ҳамда кичик ва ўрта бизнес субъектларини (ипак қурти боқиш ва хусусий уйлар ҳовлисидаги иссиқхоналар ҳамда овқат тайёрлаш учун) газ билан таъминлашни лойиҳалаш учун асос ҳисобланади.»;
иккинчи хатбошидаги «тўғридан-тўғри шартномалар бўйича» сўзларидан кейин «газ қувурларининг бўлиниш чегарасида ўрнатилган газ ҳисоблаш приборлари бўйича» сўзлари қўшилсин;
«Бошкоммунгаз» корхонасининг газ сотувчи ташкилотларига магистрал газ қувурлари ва тармоқларининг бўлиниш чегарасида хўжалик ҳисобидаги газ сарфини ҳисоблаш приборлари бўйича уни кейинчалик «Ўзтрансгаз» акциядорлик компаниясининг магистрал газ тармоқларига тўғридан-тўғри чиқиш имкониятига эга бўлмаган истеъмолчиларга ҳамда чакана истеъмолчиларга (аҳолига) сотиш учун етказиб берилади».
4. Ўзбекистон Республикаси Вазирлар Маҳкамасининг «Ўзкоммунхизмат» агентлиги тўғрисидаги низомни, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг ҳудудий коммунал-фойдаланиш бирлашмаси тўғрисидаги Намунавий низомни тасдиқлаш ҳақида» 2001 йил 13 февралдаги 74-сон қарори (Ўзбекистон Республикаси ҚТ, 2001 й., 2-сон, 10-модда) билан тасдиқланган «Ўзкоммунхизмат» агентлиги тўғрисидаги низом 6-бандининг ўн биринчи хатбоши «нормативлар бўйича» сўзларидан кейин «улгуржи ва» сўзлари билан тўлдирилсин.
Кейинги таҳрирга қаранг.