Қимматли компонентларни ажратиб олган ҳолда табиий газни чуқур қайта ишлаш ҳисобига полимер маҳсулотлар ишлаб чиқаришни ташкил этиш, нефткимё тармоғининг хом ашё ва ишлаб чиқариш базасини янада кенгайтириш ҳамда Устюрт газкимё комплекси қурилиши лойиҳасини амалга ошира бошлаш мақсадида:
Ўзбекистон Республикаси Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссияси томонидан Сургил конининг захиралари тасдиқланди;
дастлабки қиймати 1,84 млрд. долларга тенг, йилига 4,0 млрд. куб. м табиий газни қайта ишлаш ва 362 минг тонна полиэтилен, 83 минг тонна полипропилен ҳамда 3,7 млрд. куб. м товар ҳолатидаги табиий газ ишлаб чиқариш қувватига эга бўлган «Қимматли компонентларни ажратиб олган ҳолда Сургил конини комплекс ободонлаштириш» лойиҳасининг дастлабки техник-иқтисодий асоси тасдиқланди;
Корея газ корпорацияси, «Lotte Daesan Petrochemical Corporation», «LG International Corporation», «SK Gas ва STX Energy» компанияларидан иборат Корея компаниялари Консорциуми тузилди;
лойиҳани амалга ошириш учун Ўзбекистон Республикаси ҳудудида «Ўзбекнефтгаз» МХК билан Корея компаниялари Консорциуми ўртасида хорижий инвестициялар иштирокидаги корхона — босқичма-босқич уч йил давомида шакллантириладиган устав жамғармаси эквиваленти 600 млн. доллардан кам бўлмаган, таъсисчилар ўртасида улушлар тенг миқдорда, 50 фоиздан тақсимланадиган Ўзбекистон Республикаси резиденти ташкил қилинади.
2. Ўзбекистон Республикаси Ташқи иқтисодий алоқалар, инвестициялар ва савдо вазирлиги «Ўзбекнефтгаз» МХК билан биргаликда икки ой муддатда белгиланган тартибда Корея компаниялари Консорциуми билан жумладан, томонларнинг ўзаро мажбуриятлари ва уларни бажариш кафолатларини, қўшма корхона ҳисоб рақамларидаги маблағлар ҳаракатини, шунингдек, инвестиция даврида қўшма корхона маблағларининг мақсадли ва самарали сарф этилишини назорат қилиш тартибини назарда тутадиган Инвестиция шартномасини тузсин.
3. «Ўзбекнефтгаз» МХК 2008 йилнинг 1 октябригача бўлган муддатда лойиҳа молиялаштирилишини ташкил этиш ва хорижий қарз маблағларини жалб этишда Ўзбекистон Республикасининг амалдаги қонун ҳужжатларига ва халқаро талабларга мувофиқ ҳолда лойиҳанинг техник-иқтисодий асосини ишлаб чиқсин ҳамда белгиланган тартибда тасдиқлаш учун Ўзбекистон Республикаси Вазирлар Маҳкамасига киритсин.
4. Қорақалпоғистон Республикаси Вазирлар Кенгаши хорижий корхона рўйхатдан ўтгач бир ой муддатда, қўшма корхона тақдим этган зарур материалларга мувофиқ, объектлар, жумладан газ қудуқлари қуриш, қувурлар ва тегишли муҳандислик коммуникацияларини ётқизиш учун ерларни ажратсин.
5. Қўшма корхонага лойиҳанинг ТИАси узил-кесил тасдиқлангунча иш чизмаларига мувофиқ баробар равишда лойиҳалаштирган ва уларни амалда бажарилган иш ҳажмлари бўйича молиялаштирган ҳолда Сургил конида жумладан, «нулинчи цикл» бўйича ер ишларини бажаришга, қудуқларни ободонлаштириш, ташқи инфратузилма объектлари ва муҳандислик коммуникацияларини қуришга рухсат берилсин.
8. Ўзбекистон Республикаси Вазирлар Маҳкамаси белгиланган тартибда қўшма корхонага газ ва газ конденсатини қазиб олиш, қайта ишлаш ва сотиш, шунингдек газ қувури ва газ конденсати қувури ётқизишни лойиҳалаштириш, қуриш ва фойдаланиш учун лицензия (рухсатнома) берсин.
Олдинги таҳрирга қаранг.
9. Ўзбекистон Республикаси Давлат геология ва минерал ресурслар қўмитаси Сургил конидаги фойдали қазилмаларни чиқариб олиш учун инвестиция шартномаларининг амал қилиш муддатига белгиланган тартибда қўшма корхонага ер қаъри участкаларидан фойдаланиш ҳуқуқини берувчи лицензия берсин.
(9-банд Ўзбекистон Республикаси Президентининг 2011 йил 27 декабрдаги ПҚ-1667-сонли қарори таҳририда)
Олдинги таҳрирга қаранг.
Белгилансинки, Шимолий Бердақ ва Шарқий Бердақ конларида углеводород хомашёсини саноат кўламида қазиб олиш мақсадида ер қаъри участкаларидан фойдаланиш ҳуқуқини берувчи лицензиялар «Ўзбекнефтгаз» МХКга лойиҳа бўйича инвестиция шартномаларининг амал қилиш муддатига берилади.
(9-банд Ўзбекистон Республикаси Президентининг 2011 йил 27 декабрдаги ПҚ-1667-сонли қарорига асосан хатбоши билан тўлдирилган)
10. Ўзбекистон Алоқа ва ахборотлаштириш агентлиги қўшма корхона, унинг пудратчилари ва субпудратчиларининг мурожаатномалари бўйича лойиҳани амалга ошириш доирасида радиоэлектрон алоқа воситалари ва юқори частотали мосламалардан фойдаланишга белгиланган тартибда рухсатномалар берсин.
Кейинги таҳрирга қаранг.
Олдинги таҳрирга қаранг.
(11-банд Ўзбекистон Республикаси Президентининг 2011 йил 27 декабрдаги ПҚ-1667-сонли қарорига асосан ўз кучини йўқотган)
12. Ўзбекистон Республикаси Ташқи ишлар вазирлиги қўшма корхонанинг «Ўзбекнефтгаз» МХК томонидан тасдиқланган талабномаларига кўра, лойиҳани амалга оширишда иштирок этаётган хорижий мутахассисларнинг кириш визалари консуллик йиғими ва бошқа йиғимлар ундириб олинмасдан белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги қўшма корхонанинг «Ўзбекнефтгаз» МХК томонидан тасдиқланган талабномаларига кўра, лойиҳани амалга оширишда иштирок этаётган хорижий компаниялар ходимларига кўп марталик визалар бериш, шунингдек муваққат яшаш жойида вақтинча рўйхатда туриш ва унинг муддатини узайтиришни таъминласин, улар давлат божи тўлашдан озод қилинсин.
Кейинги таҳрирга қаранг.
14. Ўзбекистон Республикаси Меҳнат ва аҳолини ижтимоий муҳофаза қилиш вазирлиги қўшма корхонага соҳа мутахассисликлари бўйича хорижий ишчи кучини Ўзбекистон Республикасига жалб этишга белгиланган тартибда рухсатнома берилиши, шунингдек унинг буюртманомаларига кўра — хорижий фуқароларга Ўзбекистон Республикаси ҳудудида меҳнат фаолиятини юритиш ҳуқуқини берувчи тасдиқномалар тақдим этилиши (муддати узайтирилиши)ни таъминласин.
Кейинги таҳрирга қаранг.
15. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.