LexUZ шарҳи
Мазкур қарор Ўзбекистон Республикаси Президентининг 2021 йил 30 апрелдаги ПФ-6218-сонли «Миллий қонунчилик базасини комплекс тизимлаштириш чора-тадбирлари тўғрисида»ги Фармонига асосан ўз кучини йўқотган.
Кадрлар тайёрлаш миллий дастурини изчил амалга ошириш, 9-синф битирувчиларини академик лицей ва касб-ҳунар коллежларидаги ўқитиш билан тўлиқ қамраб олишни, ўрта махсус, касб-ҳунар таълими муассасаларини мақбул равишда ривожлантириш ва жойлаштиришни таъминлаш, уларнинг моддий-техника базасини мустаҳкамлаш мақсадида:
1. Ўзбекистон Республикаси Халқ таълими вазирлиги томонидан ишлаб чиқилган, Тошкент шаҳрининг 2006-2007 ўқув йилида 10-синфларга қабул қилиш сақлаб қолинган умумтаълим мактаблари рўйхати иловага* мувофиқ маъқуллансин.
* Илова рус тилидаги матнда берилган.
Белгилаб қўйилсинки, 2007-2008 ўқув йилидан бошлаб Тошкент шаҳри ва минтақалардаги 9-синф битирувчилари академик лицей ва касб-ҳунар коллежларига тўлиқ қамраб олинган жойларда ўқувчиларни 10-синфларга қабул қилиш тўхтатилади.
Кейинги таҳрирга қаранг.
«Истеъдод» жамғармаси билан биргаликда бир ой муддатда юқори синф ўқитувчиларининг кейинчалик ўрта махсус, касб ҳунар таълими тизимида ишлашлари учун қайта ихтисослашувини назарда тутган ҳолда уларни қайта тайёрлаш ва малакасини ошириш бўйича мақсадли курслар ташкил қилсин;
Меҳнат ва аҳолини ижтимоий муҳофаза қилиш вазирлиги билан биргаликда умумтаълим мактабларидаги юқори синфларнинг тугатилиши муносабати билан, ишидан бўшайдиган ўқитувчиларни, жумладан, касб-ҳунар коллежлари ва академик лицейларга энг малакали ўқитувчиларни қабул қилиш ҳисобига иш билан таъминлаш масалаларини ҳал этсин.
3. Ўзбекистон Республикаси Олий ва ўрта махсус таълим вазирлиги, Халқ таълими вазирлиги бир ой муддатда республиканинг олий таълим муассасалари қошида қўшимча академик лицейлар ташкил этиш бўйича Вазирлар Маҳкамасига асосли таклифлар киритсин.
4. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими марказига Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда, Вазирлар Маҳкамаси билан келишилган ҳолда, ҳудудларнинг реал талаб-эҳтиёжларини ҳисобга олган ҳолда ўрта махсус, касб-ҳунар таълими муассасалари томонидан кадрлар тайёрлаш йўналишларига тегишли ўзгартишлар киритишга рухсат берилсин.
Кейинги таҳрирга қаранг.
5. Ўзбекистон Республикаси Иқтисодиёт вазирлиги, Молия вазирлиги 2007 йил ва кейинги йиллардаги Инвестиция дастурларини шакллантиришда Вазирлар Маҳкамасининг “Умумий ўрта ва ўрта махсус, касб-ҳунар таълимига изчил ўтишни таъминлашга доир қўшимча чора-тадбирлар тўғрисида” 2003 йил 29 октябрдаги 473-сонли қарорида белгиланган 9-синфларни битирувчиларини кейинчалик академик лицей ва касб-ҳунар коллежларида ўқишга қамраб олиш кўрсаткичларининг сўзсиз бажарилишини назарда тутсин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда аҳолини иш билан таъминлаш мақсадли ҳудудий дастурларида ўрта махсус, касб-ҳунар таълими муассасаларининг битирувчиларини тўлиқ равишда ишга жойлаштириш бўйича аниқ чора-тадбирларни назарда тутсин;
Ўзбекистон Республикаси Иқтисодиёт вазирлиги ҳамда Олий ва ўрта махсус таълим вазирлигининг Ўрта махсус, касб-ҳунар таълими маркази билан биргаликда 2006 йилнинг 1 сентябригача бўлган муддатда ёш мутахассислар ўрта махсус, касб-ҳунар таълими муассасаларининг битирувчиларини ишга жойлаштириш учун мамлакат иқтисодиёти тармоқларидаги реал талабларни ҳисобга олган ҳолда лавозим ва касблар рўйхатини ишлаб чиқиб тасдиқласин.
7. Мазкур Қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.