O‘zbekiston Respublikasi Oliy Kengashining “Davlat uy-joy fondini xususiylashtirish to‘g‘risida” O‘zbekiston Respublikasi Qonunini amalga kiritish tartibi haqida”gi qarorini bajarish yuzasidan Vazirlar Mahkamasi qaror qiladi:
Oldingi tahrirga qarang.
Xususiylashtirilgan kvartiralar (kvartiralarning bir qismi), uylar (uylarning bir qismi)ni boshqalarga berish va meros qilib qoldirishda mulkchilik huquqi o‘tishi haqidagi shartnomalarni rasmiylashtirish to‘g‘risidagi Nizom 1-ilovaga muvofiq;
(1-bandning ikkinchi xatboshi O‘zbekiston Respublikasi Vazirlar Mahkamasining 1999-yil 23-oktabr 474-sonli qarori tahririda)
O‘zbekiston Respublikasi Mudofaa vazirligi uy-joy fondini xususiylashtirish tartibi to‘g‘risidagi Nizom 2-ilovaga muvofiq.
Oldingi tahrirga qarang.
(2-band O‘zbekiston Respublikasi Vazirlar Mahkamasining 1999-yil 23-oktabr 474-sonli qarori asosida o‘z kuchini yo‘qotgan)
3. O‘zbekiston Respublikasi Davlat mulki qo‘mitasi va O‘zbekiston Respublikasi Adliya vazirligining davlat uy-joy fondini xususiylashtirish to‘g‘risida Nizomga hamda davlat uy-joy fondini xususiylashtirish, saqlash va undan foydalanish tartibi to‘g‘risidagi Qoidalariga o‘zgartirish va qo‘shimchalar kiritish, shuningdek, Vazirlar Mahkamasining ba’zi qarorlarini 3-ilovaga muvofiq o‘z kuchini yo‘qotgan deb hisoblash haqidagi taklifi qabul qilinsin.
4. Mazkur qarorning bajarilishini nazorat qilish Vazirlar Mahkamasining Kapital qurilish, transport va aloqa hamda Yuridik bo‘limlariga yuklatilsin.
Oldingi tahrirga qarang.
1. Xususiylashtirilgan uy-joylarga pulli, imtiyozli yoki bepul asosda mulk qilib berilgan kvartiralar (kvartiralarning bir qismi), uylar (uylarning bir qismi) kiradi.
2. Xususiylashtirilgan kvartira (kvartiraning bir qismi), uy (uyning bir qismi) mulkdori jismoniy va yuridik shaxslarning huquqlarini va qonun bilan himoya qilinadigan manfaatlarini buzmagan holda ushbu uy-joyga egalik qilish, undan foydalanish va uni tasarruf etish huquqiga egadir.
Xususiylashtirilgan uy-joyning mulkdori mazkur uy-joyni o‘z xohishiga ko‘ra har qanday jismoniy yoki yuridik shaxslarga yoki ko‘chmas mulk bilan operatsiyalarni amalga oshirishga vakil qilingan organga berish va vasiyat qilib qoldirish, shuningdek, uni ko‘chmas mulk savdosi bo‘yicha kimoshdi savdosiga qo‘yish huquqiga egadir.
Kvartirani (kvartiraning bir qismini), uyni (uyning bir qismini) jismoniy yoki yuridik shaxslarga berishda mulkdor boshqalarga berish shartnomasini tasdiqlatish uchun notarial idoraga, kimoshdi savdosi orqali sotishda esa – ko‘chmas mulk savdosini amalga oshirishga vakil qilingan organga murojaat qiladi.
Oldingi tahrirga qarang.
3. Boshqalarga berilayotgan xususiylashtirilgan uy-joyning qiymati tomonlarning kelishuviga ko‘ra, biroq boshqalarga berish paytida uy-joyning “Yergeodezkadastr” davlat qo‘mitasining tuman (shahar) yer tuzish va ko‘chmas mulk kadastri davlat korxonasi tomonidan baholangan qiymatidan past bo‘lmagan miqdorda belgilanadi. Meros tartibida o‘tadigan uy-joyning qiymati merosxo‘rlik tayinlangan kunda “Yergeodezkadastr” davlat qo‘mitasining tuman (shahar) yer tuzish va ko‘chmas mulk kadastri davlat korxonasi tomonidan belgilangan baholash ma’lumotlari hisobga olingan holda belgilanadi.
(3-band O‘zbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — O‘R QHT, 2014-y., 23-son, 269-modda)
Keyingi tahrirga qarang.
Oldingi tahrirga qarang.
4. Xususiylashtirilgan kvartirani (kvartiraning bir qismini), uyni (uyning bir qismini) sotib olish, almashtirish huquqiga O‘zbekiston Respublikasi fuqarolari, chet el fuqarolari va doimiy yashovchi hamda O‘zbekiston Respublikasi ichki ishlar organlari tomonidan belgilangan tartibda berilgan yashash uchun ruxsatnomasi bo‘lgan fuqarolar ega bo‘ladilar.
(4-band O‘zbekiston Respublikasi Vazirlar Mahkamasining 2012-yil 20-apreldagi 116-sonli qarori tahririda — O‘R QHT, 2012-y., 17-son, 191-modda)
5. Yuridik yoki jismoniy shaxslar tomonidan mulkdordan sotib olingan uy-joydan faqat uy-joy sifatida foydalanilishi mumkin.
6. Xususiylashtirilgan uy-joyni boshqalarga berish xohishini bildirgan mulkdor quyidagi hujjatlarni taqdim etadi:
xususiylashtirilgan uy-joyga mulkchilik huquqini beruvchi davlat dalolatnomasi yoxud joylardagi davlat hokimiyati organi, birlashma, korxona, tashkilot ma’muriyatining qarori yoki O‘zbekiston Respublikasi Vazirlar Kengashi va O‘zbekiston Kasaba uyushmalari Federatsiyasi Kengashining 1989-yil 21-iyundagi 203-son qaroriga muvofiq notarial tartibda tasdiqlangan uy-joyning oldi-sotdi shartnomasi;
Oldingi tahrirga qarang.
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — O‘R QHT, 2014-y., 23-son, 269-modda)
oilaning birgalikda yashovchi barcha voyaga yetgan a’zolarining, shuningdek, kvartiralar (kvartiralarning bir qismi)ni yoki uy (uyning bir qismi)ni xususiylashtirishga rozilik bergan shaxslarning notarial tartibda tasdiqlangan roziligi;
Oldingi tahrirga qarang.
“Yergeodezkadastr” davlat qo‘mitasining tuman (shahar) yer tuzish va ko‘chmas mulk kadastri davlat korxonasi tomonidan beriladigan turar joyning begonalashtirish vaqtidagi texnikaviy holati va qiymati to‘g‘risida belgilangan namunadagi ma’lumotnomani.
(6-bandning yettinchi xatboshisi O‘zbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — O‘R QHT, 2014-y., 23-son, 269-modda)
Keyingi tahrirga qarang.
Keyingi tahrirga qarang.
Oldingi tahrirga qarang.
7. O‘zbekiston Respublikasining boshqa mintaqalarida yashovchi fuqarolar tomonidan Toshkent shahri va Toshkent viloyatidagi xususiylashtirilgan kvartiralarni (kvartiralarning bir qismini), uylarni (uylarning bir qismini) sotib olish qonun hujjatlarida belgilangan tartibda amalga oshiriladi.
O‘zbekiston Respublikasi Vazirlar Mahkamasining “Xorijiy fuqarolar va fuqaroligi bo‘lmagan shaxslar tomonidan O‘zbekiston Respublikasida uy-joy sotib olinishini hamda doimiy yashash uchun Toshkent shahriga kelishni tartibga solish to‘g‘risida” 1999-yil 27-fevraldagi 92-son qarorining 4-bandida ko‘rsatilgan shaxslardan tashqari, O‘zbekiston Respublikasida yashash guvohnomasiga ega bo‘lgan chet el fuqarolari va fuqaroligi bo‘lmagan shaxslar, belgilangan tartibda Toshkent shahri va Toshkent viloyatida doimiy propiska olishgandan keyin, Toshkent shahri va Toshkent viloyatidagi xususiylashtirilgan kvartiralarni (kvartiralarning bir qismini), uylarni (uylarning bir qismini) sotib olishlari mumkin.
(7-band O‘zbekiston Respublikasi Vazirlar Mahkamasining 2012-yil 20-apreldagi 116-sonli qarori tahririda — O‘R QHT, 2012-y., 17-son, 191-modda)
Keyingi tahrirga qarang.
8. Oldi-sotdi, ayirboshlash, hadya qilish shartnomalarini notarial tasdiqlashda va xususiylashtirilgan uy-joyga merosxo‘rlik huquqi to‘g‘risida guvohnoma berishda O‘zbekiston Respublikasi Vazirlar Mahkamasi tomonidan belgilangan stavkalar bo‘yicha davlat boji undiriladi.
Keyingi tahrirga qarang.
9. Oldi-sotdi, ayirboshlash va hadya qilish bitishuvlari amalga oshirilgandan so‘ng, shuningdek, mulkchilik huquqi merosxo‘rlik tartibida o‘tgandan so‘ng, boshqalarga berish yoki meros qilib qoldirish vaqtidan qat’i nazar, kvartira (kvartiraning bir qismi), uy (uyning bir qismi) xususiylashtirilgan uy-joy maqomini yo‘qotadi.
Oldingi tahrirga qarang.
10. Notarial tartibda rasmiylashtirilgan, texnik oldi-sotdi, ayirboshlash va hadya qilish shartnomasi, shuningdek, qonun bilan belgilangan tartibda berilgan merosxo‘rlik huquqi to‘g‘risidagi guvohnoma ilgari xususiylashtirilgan sotib olingan uy-joyga egalik qilish huquqini beruvchi huquqni belgilovchi hujjat bo‘lib hisoblanadi.
(10-band O‘zbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — O‘R QHT, 2014-y., 23-son, 269-modda)
MA’LUMOTNOMA | ||||
Fuqaro ______________________________________________________________ | ||||
_____________________________________________________________________ | ||||
manzilida joylashgan kvartira, uy (uyning bir qismi) | ||||
_____________________________________________________________________ | ||||
_____________________________________________________________________ | ||||
asosida uning xususiy mulki ekanligi to‘g‘risida berildi. | ||||
Bu erda quyidagilar propiskadan o‘tgan: | ||||
T/r | Familiyasi, ismi, otasining ismi | Tug‘ilgan yili | Qarindoshlik darajasi | Propiskadan o‘tgan vaqti |
1. | ||||
2. | ||||
3. | ||||
4. | ||||
5. | ||||
6. | ||||
Ishlab chiqarish-uy-joy inspeksiyasi boshlig‘i | ||||
Ishlab chiqarish-uy-joy inspeksiyasi bosh muhandisi |
(ilova O‘zbekiston Respublikasi Vazirlar Mahkamasining 1999-yil 23-oktabr 474-sonli qarori tahririda )
1. Mazkur Nizom O‘zbekiston Respublikasi Mudofaa vazirligining uy-joy fondini xususiylashtirishning asoslarini, tartibini va shartlarini belgilaydi.
Mudofaa vazirligining uy-joy fondi kvartiralarini xususiylashtirish “Davlat uy-joy fondini xususiylashtirish to‘g‘risida” O‘zbekiston Respublikasi Qonuniga va tegishli normativ hujjatlarga muvofiq amalga oshiriladi.
2. O‘zbekiston Respublikasi Qurolli Kuchlarining harbiy xizmatchilari, Mudofaa vazirligining uy-joy fondida yashayotgan ishchilar, xizmatchilar va boshqa shaxslar xususiylashtirish subyektlari hisoblanadilar.
3. Yopiq harbiy shaharchalardagi kvartiralar va uylar, yotoqxonalardagi kvartiralar, yashash uchun yaroqsiz deb topilgan yoki xizmat kvartiralari (xonalari) hisoblangan, ikki yoki undan ko‘p ijarachilar yashaydigan kvartiralar (egallab turgan kvartiralarni xususiylashtirish bo‘yicha ularning roziligi bo‘lmagan taqdirda), boshqa davlatlarning Qurolli Kuchlarida xizmatni o‘tayotgan harbiy xizmatchilar tomonidan band etib turilgan bo‘sh kvartiralar hamda band etib qo‘yilgan kvartiralar xususiylashtirilmaydi.
4. Kvartiralarni xususiylashtirishga doir hujjatlarni rasmiylashtirish shahar va viloyatlar hokimliklari huzuridagi tegishli organlar tomonidan uy-joy fondi egasi bilan tuzilgan shartnoma shartlari bo‘yicha yoki Mudofaa vazirligining kvartiralardan foydalanish organlari tomonidan amalga oshiriladi.
5. Kvartiralarni xususiylashtirgan harbiy xizmatchilar, O‘zbekiston Respublikasi Vazirlar Mahkamasi tomonidan tasdiqlangan xususiylashtirilgan kvartiralarni, uylarni (uylarning bir qismini) sotib olish-sotish shartnomalarini rasmiylashtirish tartibi to‘g‘risidagi Nizomga muvofiq sotish, almashtirish va hadya etish bilan bog‘liq barcha harakatlarni amalga oshirish huquqiga egadirlar.
6. Harbiy xizmatchilar yangi xizmat joyiga jo‘nab ketishayotganda o‘z xohishiga ko‘ra xususiylashtirgan uy-joyi bo‘yicha Mudofaa vazirligining kvartiralardan foydalanish organlari bilan yoki ularning tavsiyasiga binoan navbatdagi harbiy xizmatchi bilan qoldiq balans qiymati bo‘yicha sotib olish-sotish shartnomasini rasmiylashtirishlari mumkin, bunda ular uy-joyni topshirganligi to‘g‘risida belgilangan namunadagi ma’lumotnoma oladilar.
1. O‘zbekiston Respublikasi Vazirlar Mahkamasining “O‘zbekiston Respublikasida davlat uy-joy fondini xususiylashtirishni davom ettirish to‘g‘risida” 1993-yil 1-martdagi 114-son qarori bilan tasdiqlangan O‘zbekiston Respublikasida davlat uy-joy fondini xususiylashtirish to‘g‘risidagi Nizomga quyidagi o‘zgartirishlar va qo‘shimchalar kiritilsin:
muqaddimaning ikkinchi xatboshidagi va boshqa barcha bandlardagi “shaxsiy mulk” so‘zlari “mulk” so‘zi bilan almashtirilsin;
2-bandning ikkinchi xatboshidagi “tarixiy” so‘zidan oldin “arxitektura” so‘zi qo‘shilsin, “sovxozlar va boshqa davlat qishloq xo‘jaligi korxonalarining uy-joy fondidan tashqari” so‘zlari chiqarib tashlansin;
“O‘zbekiston Respublikasining, boshqa davlatlarning fuqarolari, O‘zbekiston Respublikasi hududida doimiy yashaydigan (propiskada bo‘lgan) fuqaroligi bo‘lmagan shaxslar xususiylashtirish subyektlari hisoblanadilar.
Vazirliklar, davlat qo‘mitalari, idoralar, korxonalar, muassasalar, tashkilotlar va O‘zbekiston Respublikasining, boshqa davlatlarning o‘zga yuridik shaxslari o‘z xodimlarini, pensionerlarini uy-joy bilan ta’minlash uchun mulkdordan uy-joy sotib olishlari mumkin”.
“Agar kvartira, uy (uyning bir qismi) uchun badalni to‘liq to‘lagan yoki O‘zbekiston Respublikasi Prezidenti farmonlariga muvofiq arizani hokimiyatning mahalliy organida ro‘yxatdan o‘tkazgan, biroq mulkka egalik qilish huquqini beruvchi davlat dalolatnomasini olmasdan vafot etgan taqdirda merosxo‘rlar ushbu kvartirani, uyni (uyning bir qismini) meros qilib olishga haqlidirlar”;
“Davlat uy-joy fondini xususiylashtirishning qanday borayotganini nazorat qilish mazkur uy-joy fondining egasi yoki ular tomonidan vakil qilingan organlar tomonidan amalga oshiriladi”.
Keyingi tahrirga qarang.
2. O‘zbekiston Respublikasi Vazirlar Mahkamasining “O‘zbekiston Respublikasida davlat uy-joy fondini xususiylashtirishni davom ettirish to‘g‘risida” 1993-yil 1-martdagi 114-son qarori bilan tasdiqlangan O‘zbekiston Respublikasida davlat uy-joy fondini xususiylashtirish, saqlash va undan foydalanish Qoidalariga quyidagi o‘zgartirishlar va qo‘shimchalar kiritilsin:
“Agar kvartira, uy (uyning bir qismi) uchun badalni to‘liq to‘lagan yoki O‘zbekiston Respublikasi Prezidentining farmonlariga muvofiq arizani hokimiyatning mahalliy organida ro‘yxatdan o‘tkazgan, biroq mulkka egalik qilish huquqini beruvchi davlat dalolatnomasini olmasdan vafot etgan taqdirda merosxo‘rlar ushbu kvartirani, uyni (uyning bir qismini) meros qilib olishga haqlidirlar”;
O‘zbekiston Respublikasi qonunchiligiga muvofiq jismoniy va yuridik shaxslarning, davlatning huquqlarini, qonun bilan himoya qilinadigan manfaatlarini buzmagan holda ushbu uy-joyga egalik qilish, undan foydalanish va uni tasarruf etish;
O‘zbekiston Respublikasi qonunchiligi bilan belgilangan tartibda kommunal xizmatlar uchun haq to‘lash, ko‘chmas mulk soliqlari, sug‘urta badallarini to‘lash bo‘yicha imtiyozlardan foydalanish;
egallab turgan uy-joy maydonidan qat’i nazar, boshqa kvartirani, uyni (uyning bir qismini) sotib olish;
uy-joy maydonidan qat’i nazar, “Davlat uy-joy fondini xususiylashtirish to‘g‘risida” O‘zbekiston Respublikasi Qonuniga muvofiq oila a’zolarini va boshqa shaxslarni kvartiraga, uyga (uyning bir qismiga) propiska qilish;
propiska va turar joyi bo‘yicha hech qanday cheklashlarsiz, kvartirani, uyni boshqa har qanday kvartiraga, shu jumladan, kooperativ uy-joyga almashtirish;
shirkatlar tashkil etish, uy-joylardan va birgalikda foydalaniladigan joylardan foydalanishni tashkil etishni, davlat uy-joylardan foydalanish va tuzatish-qurish tashkilotlarini, kooperativlarni, xususiy hamda boshqa xo‘jalik yurituvchi subyektlarni ham qo‘shganda, mustaqil ravishda belgilash, uy-joyga xizmat ko‘rsatish va ularni tuzatish bo‘yicha shartnomalar tuzish;
uy-joylarni va ular atrofidagi hududlarni saqlash bo‘yicha bajariladigan ishlar sifatini baholashda bevosita yoxud shirkat tarkibida qatnashish, shartnoma majburiyatlarini bajarmaganlik yoki zarur darajada bajarmaganlik uchun korxonalar, muassasalar va tashkilotlarga, shuningdek, alohida shaxslarga nisbatan jarima sanksiyalarini qo‘llash bo‘yicha materiallar taqdim etish;
xususiylashtirilgan uy-joylardan fuqarolarni ko‘chirmasdan asosli tuzatishni amalga oshirish mumkin bo‘lmagan vaqt uchun mulkdorlardan yoki uy-joylardan foydalanishga vakil qilingan organlardan uy-joyni ijaraga olish”;