LexUZ sharhi
Mazkur qaror O‘zbekiston Respublikasi Vazirlar Mahkamasining 2001-yil 6-apreldagi 162-son “O‘zbekiston Respublikasi Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi to‘g‘risidagi nizomlarni tasdiqlash haqida”gi qaroriga muvofiq o‘z kuchini yo‘qotgan.
Tegishli qonun hujjatlari qabul qilingungacha “Aholini ish bilan ta’minlash to‘g‘risida” O‘zbekiston Respublikasi Qonuniga muvofiq O‘zbekiston Respublikasi fuqarolarining chet ellarda kasbi bo‘yicha ishlash huquqlarini ro‘yobga chiqarish, chet ellarda respublika fuqarolarini ishga joylashtirishni davlat tomonidan boshqarish va muvofiqlashtirishni ta’minlash, ularning huquqi va manfaatlarini himoya qilish maqsadida Vazirlar Mahkamasi qaror qiladi:
1. O‘zbekiston Respublikasi Mehnat vazirligining Vazirlik huzurida yuridik shaxs huquqiga ega bo‘lgan va xo‘jalik hisobi asosida faoliyat ko‘rsatadigan Ko‘chma mehnatchilar ishlari respublika agentligini tashkil etish to‘g‘risidagi taklifi qabul qilinsin.
O‘zbekiston Respublikasi Mehnat vazirligi huzuridagi Ko‘chma mehnatchilar ishlari respublika agentligi to‘g‘risida Nizom (1-ilova);
Oldingi tahrirga qarang.
(2-bandning uchinchi va to‘rtinchi xatboshilari O‘zbekiston Respublikasi Vazirlar Mahkamasining 1995-yil 19-oktabrdagi 408-son qaroriga muvofiq o‘z kuchini yo‘qotgan)
3. Belgilab qo‘yilsinki, Ko‘chma mehnatchilar ishlari respublika agentligi faoliyatini tashkil etish uchun mablag‘lar dastlabki bosqichda ish bilan ta’minlashga ko‘maklashish jamg‘armasi hisobidan ajratiladi.
4. O‘zbekiston Respublikasi Mehnat vazirligi Ko‘chma mehnatchilar ishlari respublika agentligini layoqatli kadrlar bilan to‘ldirsin, bitim (kontrakt)larga muvofiq agentlikning ishchi va mutaxassislarni tanlash, test usulida sinash hamda chet ellarga o‘z vaqtida yuborishga doir ishlarining samaradorligini ta’minlasin.
Oldingi tahrirga qarang.
(5-band O‘zbekiston Respublikasi Vazirlar Mahkamasining 1995-yil 19-oktabrdagi 408-son qaroriga muvofiq o‘z kuchini yo‘qotgan)
7. O‘zbekiston Respublikasi Tashqi ishlar vazirligiga ishlash uchun chet elga kelgan O‘zbekiston Respublikasi fuqarolarini ro‘yxatga olish, shuningdek ularga borgan mamlakatida ishga joylashishda huquqiy yordam ko‘rsatish va ularni himoya qilish yuklatilsin.
8. O‘zbekiston Respublikasi Mehnat vazirligi, Ichki ishlar vazirligi, Tashqi ishlar vazirligi, Tashqi iqtisodiy aloqalar vazirligi, Moliya vazirligi, xalqaro tajribani hisobga olgan holda, “chet eldan kelish va chet elga ketish to‘g‘risida” hamda “Chet elda ishlayotgan O‘zbekiston Respublikasi fuqarolarining huquq va manfaatlarini himoya qilish to‘g‘risi”da qonunlar loyihalarini ishlab chiqsinlar va Vazirlar Mahkamasiga kiritsinlar.
9. O‘zbekiston Respublikasi Sog‘liqni saqlash vazirligiga chet elda ishlash uchun hujjatlarini rasmiylashtirayotgan ishchi va mutaxassislarni o‘z vaqtida tibbiy ko‘rikdan o‘tkazishni tashkil etish yuklatilsin.
10. “O‘zbekiston havo yo‘llari” milliy aviakompaniyasi, Ko‘chma mehnatchilar ishlari respublika agentligining talabnomasiga binoan, chet elga ketuvchi mehnatkashlar uchun aviachiptalarni band qilib qo‘yishni ta’minlasin.
11. Vazirlar Mahkamasining “Aholini ish bilan ta’minlash to‘g‘risida”gi O‘zbekiston Respublikasi Qonunini amalga oshirish chora-tadbirlari to‘g‘risida” 1992-yil 13-maydagi 235-son qarorining 2-ilovasi o‘z kuchini yo‘qotgan deb hisoblansin.
12. Ko‘chma Mehnatchilar ishlari bo‘yicha respublika agentligi Toshkent shahar, Kosmonavtlar shox ko‘chasidagi 6-uyga joylashtirilsin.
13. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari o‘rtoq B. S. Hamidov zimmasiga yuklatilsin.
Ko‘chma mehnatchilar ishlari respublika agentligi (bundan keyin Agentlik deb ataladi) O‘zbekiston Respublikasi Vazirlar Mahkamasining 1993-yil 14-iyuldagi 353-son qaroriga asosan O‘zbekiston Respublikasi Mehnat vazirligining fuqarolarning ishlash uchun chet elga ketishini amalga oshiruvchi mustaqil bo‘linmasi hisoblanadi.
Agentlik o‘zining asosiy faoliyatini ishchi kuchlarini yollash bo‘yicha chet ellik ish beruvchilar bilan tuzilgan davlatlararo bitimlar va kontraktlarga, O‘zbekiston Respublikasining amaldagi qonunchiligiga muvofiq xo‘jalik hisobi asosida amalga oshiradi. Agentlik o‘z faoliyatini viloyatlar va Toshkent shahar hokimliklari, shuningdek manfaatdor vazirliklar va idoralar bilan o‘zaro hamkorlikda yuritadi.
Agentlik yuridik shaxs hisoblanadi, mustaqil balansga, banklarda hisob-kitob, valyuta va boshqa schyotlariga, o‘z nomi yozilgan gerbli va yumaloq muhrlarga, to‘rt burchakli muhrga va bosma ish qog‘ozlapiga ega bo‘ladi.
O‘zbekiston Respublikasi Mehnat vazirligining qaroriga binoan O‘zbekiston Respublikasidan ishchi-kuchlarini eksport qilish yuzasidan chet ellik sheriklar bilan bitim va kontraktlar tuzish.
tuzilgan kontraktlarga muvofiq chet elda ishlash uchun kadrlarni tanlashni, ularning kasbi bo‘yicha layoqatini test usulida sinashni tashkil etishni, boriladigan mamlakatlarning asosiy qonunlarini o‘rgatishni, til bo‘yicha minimal tayyorgarlikni amalga oshiradi;
kasb bo‘yicha dastlabki tanlovdan o‘tgan ishchilar va mutaxassislar bilan mehnat kontraktlari tuzadi;
O‘zbekiston Respublikasi Ichki ishlar vazirligining viza va ruxsatnomalar berish boshqarmasi bo‘linmalari bilan chet elga ishlash uchun jo‘nab ketayotgan respublika fuqarolarining hujjatlarini va vizalarini rasmiylashtiradi;
O‘zbekiston Respublikasi fuqarolarining o‘zlari borgan mamlakatlarda mehnat faoliyatining bajarilishini doimiy nazorat qilib borishni, u yerda ish beruvchilar va vositachi firmalar bilan paydo bo‘ladigan ijtimoiy-maishiy va moliyaviy muammolarni O‘zbekiston Respublikasi Mehnat vazirligining vakili orqali tezkorlik bilan hal qilishni amalga oshiradi;
respublikada qo‘shimcha ishchi o‘rinlari tashkil qilish va ish bilan band bo‘lmagan aholini ishga jalb etish maqsadida qo‘shma korxonalar (shu jumladan, MDH) korxonalari va chet el firmalari ishtirokida tashkil etadi;
tegishli hujjatlar va Agentlikning buyrug‘i asosida ishchi va mutaxassisning chet elda ishlagan davri to‘g‘risida uning Mehnat daftarchasiga yozib qo‘yadi;
Agentlikni O‘zbekiston Respublikasi Mehnat vazirining buypyg‘i bilan tayinlanadigan va ozod qilinadigan direktor boshqaradi.
Direktor mazkur Nizomga muvofiq Agentlik zimmasiga yuklatilgan vazifalar va xizmatlarning sifatli hamda o‘z vaqtida bajarilishi uchun shaxsan javob beradi.
Agentlikning tuzilmasi, xodimlarning soni va xarajatlar smetasi O‘zbekiston Respublikasi Mehnat vazirligi tomonidan tasdiqlanadi. Shtatlar jadvali agentlik direktori tomonidan, O‘zbekiston Respublikasi Mehnat vazirligi bilan kelishilgan holda tasdiqlanadi.
Agentlik to‘la xo‘jalik hisobini va boshqalarni yuritish huquqlari bilan ustav jamg‘armasiga va alohida mol-mulkka ega bo‘ladi.
Agentlik o‘z mulkini xo‘jalik jihatidan to‘liq yuritish huquqini amalga oshirib mazkur mulkka egalik qiladi, undan foydalanadi va uni tasarruf etadi hamda mulk bo‘yicha o‘z ixtiyori bilan respublika qonunchiligiga zid bo‘lmagan istalgan ishlarni amalga oshiradi.
Agentlik faoliyatini O‘zbekiston Respublikasi Mehnat vazirligi va boshqa organlar belgilangan tartibda nazorat va taftish qiladilar.
Agentlik belgilangan tartibda O‘zbekiston Respublikasi Vazirlar Mahkamasi tomonidan qayta tashkil qilinadi va tugatiladi.
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 1995-yil 19-oktabrdagi 408-son qaroriga muvofiq o‘z kuchini yo‘qotgan)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 1995-yil 19-oktabrdagi 408-son qaroriga muvofiq o‘z kuchini yo‘qotgan)