LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari to‘g‘risida” 1994-yil 21-yanvardagi PF-745-son Farmonini ijro etish yuzasidan hamda bozor iqtisodiyotiga o‘tish sharoitlarida uyushgan jinoyatchilikka va korrupsiyaga qarshi samarali kurash olib borish, reket va poraxo‘rlik hollariga barham berish maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligi, Qoraqalpog‘iston Respublikasi Ichki ishlar vazirligi, viloyatlar Ichki ishlar boshqarmalari va Toshkent shahar Ichki ishlar bosh boshqarmasi tuzilmalarida korrupsiya va reketga va terrorchilikka qarshi kurash boshqarmalari tashkil etilsin.
(1-band O‘zbekiston Respublikasi Vazirlar Mahkamasining 1994-yil 13-oktabrdagi 505-sonli qarori tahririda)
2. O‘zbekiston Respublikasi Ichki ishlar vazirligi, Qoraqalpog‘iston Respublikasi Ichki ishlar vazirligi, viloyatlar Ichki ishlar boshqarmalari va Toshkent shahar Ichki ishlar bosh boshqarmasining korrupsiya va reketga va terrorchilikka qarshi kurash boshqarmalarining namunaviy tuzilmasi va shtatlar soni ilovaga muvofiq tasdiqlansin.
(2-bandning birinchi xatboshisi O‘zbekiston Respublikasi Vazirlar Mahkamasining 1994-yil 13-oktabrdagi 505-sonli qarori tahririda)
O‘zbekiston Respublikasi Ichki ishlar vazirligi boshqarmalarning shtatdagi xodimlari sonini vazirlikning belgilangan xodimlari soni va shtatlari doirasida shakllantirsin.
3. O‘zbekiston Respublikasi Ichki ishlar vazirligi tuzilmasidagi Korrupsiya va reketga qarshi kurash boshqarmasi Korrupsiyaga, reketga va terrorchilikka qarshi kurash Bosh boshqarmasiga aylantirilsin.
(3-band O‘zbekiston Respublikasi Vazirlar Mahkamasining 1994-yil 13-oktabrdagi 505-sonli qaroriga asosan kiritilgan)
4. Ko‘rsatib o‘tilgan Bosh boshqarma tarkibiga O‘zbekiston Respublikasi Ichki ishlar vazirligi ichki qo‘shinlarining harbiy qismi (7777 h\q) shtatlari soni hisobidan terrorchilik bilan kurashuvchi maxsus bo‘linma kiritilsin.
Alohida xizmat sharoitlari uchun Ushbu bo‘linmaning boshliqlar tarkibiga, Korrupsiya, reket va terrorchilikka qarshi kurash boshqarmasi boshlig‘iga hamda uning o‘rinbosarlariga amaldagi lavozim maoshlari 25 foiz ustama bilan to‘lansin va pensiyaga chiqish vaqtida uzoq muddat ishlaganlikni hisoblashda xizmatning 1 oyi 1,5 oy deb hisoblansin.
(4-band O‘zbekiston Respublikasi Vazirlar Mahkamasining 1994-yil 13-oktabrdagi 505-sonli qaroriga asosan kiritilgan)
5. O‘zbekiston Respublikasi Moliya vazirligi uning tuzilmasida korrupsiya va reketga qarshi kurash boshqarmalari tashkil etilishi munosabati bilan mehnatga haq to‘lash uchun O‘zbekiston Respublikasi Ichki ishlar vazirligiga zarur mablag‘lar ajratsin.
(3-band O‘zbekiston Respublikasi Vazirlar Mahkamasining 1994-yil 13-oktabrdagi 505-sonli qaroriga asosan 5-band deb xisoblangan)
6. O‘zbekiston Respublikasi Vazirlar Mahkamasining 1994-yil 5-fevraldagi 57-4-son qarori o‘z kuchini yo‘qotgan deb hisoblansin.