LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Vazirlar Mahkamasining “Qishloq xo‘jaligi ishlab chiqarishning texnik jihatdan ta’minlanganligi darajasini oshirishga oid chora-tadbirlar to‘g‘risida” 1997-yil 20-avgustdagi 410-son qarorining 5-bandini amalga oshirish maqsadida Vazirlar Mahkamasi qaror qiladi:
“O‘zqishloqxo‘jalikta’minottuzatish” davlat-kooperativ qo‘mitasi tomonidan “Keys Korporeyshn” firamasining 600 ta “Magnum” traktorini jihozlashga mo‘ljallangan “Kverneland” Norvegiya firmasining 600 ta plugini yetkazib berish yuzasidan “Keys Frans” firmasi bilan 8700 ming AQSh dollari summasiga kontrakt tuzilganligi;
kontrakt qiymatining 1305 ming AQSh dollari summasidagi 15 foizli avans to‘lovi “O‘zqishloqxo‘jalikta’minottuzatish” davlat-kooperativ qo‘mitasining o‘z mablag‘lari hisobiga amalga oshirilishi;
kontrakt qo‘mitaning 7395 ming AQSh dollari summasidagi 85 foizini mablag‘ bilan ta’minlash O‘zbekiston Respublikasi Tashqi iqtisodiy faoliyat milliy bankining kreditlari — “GIEK (Norvegiya) jamiyatining sug‘urta qoplamasi ostida “Eksportfaynes” (Norvegiya) moliya tashkilotining qayta moliyalashtirilgan mablag‘lari hisobiga amalga oshirilishi;
Oldingi tahrirga qarang.
xorijiy banklar kreditlarini, foizlarni va ularga xizmat ko‘rsatish bilan bog‘liq sarf-xarajatlarni to‘lash “O‘zqishloqxo‘jalikta’minottuzatish” davlat-kooperativ qo‘mitasi daromadlari va respublika budjeti mablag‘lari hisobga teng ulushlarda ilovaga* muvofiq amalga oshirilishi ma’lumot uchun qabul qilinsin.
(1-bandining beshinchi xatboshi O‘zbekiston Respublikasi Vazirlar Mahkamasining 2003-yil 25-dekabrdagi 567-sonli qarori tahririda — O‘R QHT, 2003-y., 24-son, 241-modda)
Oldingi tahrirga qarang.
(1-bandining oltinchi xatboshi O‘zbekiston Respublikasi Vazirlar Mahkamasining 2003-yil 25-dekabrdagi 567-sonli qarori bilan chiqarilgan— O‘R QHT, 2003-y., 24-son, 241-modda)
2. O‘zbekiston Respublikasi Moliya vaziri jalb qilinayotgan kredit bo‘yicha “Eksportfaynens” moliya tashkilotiga va Tashqi iqtisodiy faoliyat milliy bankiga (“O‘zqishloqxo‘jalikta’minottuzatish” davlat-kooperativ qo‘mitasi majburiyatlari yuzasidan) belgilangan tartibda O‘zbekiston Respublikasi Hukumati kafolatlarini berishga vakil qilinsin.
3. O‘zbekiston Respublikasi Adliya vaziri O‘zbekiston Respublikasi Hukumati kafolatlari bo‘yicha belgilangan tartibda yuridik xulosa bersin.
4. O‘zbekiston Respublikasi Tashqi iqtisodiy faoliyat milliy banki belgilangan tartibda “GIEK” jamiyatining sug‘urta qoplamasi ostida “Eksportfaynes” moliya tashkiloti bilan kredit bitimini tuzsin va mablag‘larni “O‘zqishloqxo‘jalikta’minottuzatish” davlat-kooperativ qo‘mitasiga qayta moliyalashtirsin.
5. “O‘zqishloqxo‘jalikta’minottuzatish” davlat-kooperativ qo‘mitasi ko‘rsatib o‘tilgan kontrakt bo‘yicha respublikaga yetkazib beriladigan pluglar uchun boj to‘lashdan ozod etilsin.