O‘ZBEKISTON RESPUBLIKASINING AYRIM QONUNLARIGA O‘ZGARTIRIShLAR VA QO‘ShIMChALAR KIRITISh TO‘G‘RISIDA
O‘zbekiston Respublikasining Oliy Majlisi qaror qiladi:
I. O‘zbekiston Respublikasining 1994-yil 22-sentabrda qabul qilingan qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksiga (O‘zbekiston Respublikasi Oliy Kengashining Axborotnomasi, 1995-yil, № 3, 6-modda):
moddaning nomi “yuritish tartibini” degan so‘zlardan keyin “shuningdek to‘lov intizomini” degan so‘zlar bilan to‘ldirilsin;
uchinchi qismning tavsif qismi “shu jumladan debitorlik qarzining muddati o‘tkazib yuborilgan hollarda buzish hamda korxonalarning hisob raqamida tegishli mablag‘lar bo‘lgani holda to‘lovlarni amalga oshirishning belgilangan muddatlari tijorat banklarining shu’balari tomonidan buzilishi” degan so‘zlar bilan to‘ldirilsin.
II. O‘zbekiston Respublikasining 1991-yil 15-fevralda qabul qilingan “Banklar va bank faoliyati to‘g‘risida”gi Qonunining (O‘zbekiston Respublikasi Oliy Kengashining Axborotnomasi, 1991-yil, № 4, 84-modda; 1992-yil, № 10, 397-modda; 1993-yil, № 6, 242-modda) 19-moddasi quyidagi mazmundagi 4-1-band bilan to‘ldirilsin:
“4-1. Tijorat banklari shu’balarining rahbarlari tomonidan to‘lovlar o‘z vaqtida o‘tkazilmagan va ularning gumashtalik hisob raqamlari qoniqarsiz ahvolda bo‘lgan hollarda O‘zbekiston Respublikasining Markaziy banki ularga nisbatan quyidagi jazolarni qo‘llanishi mumkin:
bank shu’basining qonunga xilof harakati natijasida olingan qo‘shimcha daromadi miqdorida undan jarima puli undirish;
korxonalarning hisob raqami orqali to‘lovlar o‘tkazilishi kechikishiga muntazam ravishda yo‘l qo‘yib kelayotgan shu’ba tugatilishini tijorat bankidan talab qilish, basharti yuqorida qayd etilgan talabni bajarishdan asossiz ravishda bosh tortilgan taqdirda, bank operatsiyalarini bajarishi uchun mazkur bankka berilgan litsenziyani qaytarib olish”.
Oldingi tahrirga qarang.
(III, IV va V-bo‘limlar O‘zbekiston Respublikasi Oliy Majlisining 1997-yil 24-apreldagi 397-I-son Qaroriga muvofiq o‘z kuchini yo‘qotgan — Oliy Majlis Axborotnomasi, 1997-y., 4-5-son)
VI. O‘zbekiston Respublikasining 1994-yil 5-mayda qabul qilingan “Qimmatli qog‘ozlar bilan amalga oshiriladigan operatsiyalardan olinadigan soliq to‘g‘risida”gi Qonunining (O‘zbekiston Respublikasi Oliy Kengashining Axborotnomasi, 1994-yil, № 5, 132-modda) 4-moddasi quyidagi mazmundagi xatboshi bilan to‘ldirilsin:
“Samarqand, Buxoro, Xiva va Toshkent shaharlarida turistik faoliyat bilan shug‘ullanuvchi yangi tashkil etilgan yuridik shaxslar, tashkil etilgan paytdan boshlab dastlabki foyda olgunga qadar bo‘lgan davrda, ammo davlat ro‘yxatidan o‘tgan paytidan e’tiboran uzog‘i bilan uch yil muddatga”.
Oldingi tahrirga qarang.
(VII-bo‘lim O‘zbekiston Respublikasi Oliy Majlisining 1997-yil 24-apreldagi 397-I-son Qaroriga muvofiq o‘z kuchini yo‘qotgan — Oliy Majlis Axborotnomasi, 1997-y., 4-5-son)
Oldingi tahrirga qarang.
(VIII-bo‘lim O‘zbekiston Respublikasi Oliy Majlisining 1998-yil 30-apreldagi 599-I-son Qaroriga muvofiq o‘z kuchini yo‘qotgan — Oliy Majlis Axborotnomasi, 1998-y., 5-6-son, 83-modda)
IX. O‘zbekiston Respublikasining 1992-yil 9-dekabrda qabul qilingan “Garov to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1993-yil, № 1, 17-modda; 1994-yil, № 11-12, 285-modda; O‘zbekiston Respublikasi Oliy Majlisining Axborotnomasi, 1995-yil, № 6, 118-modda) 4-moddasi 1-bandining birinchi xatboshisi quyidagi tahrirda bayon etilsin:
“1. Ashyolar, qimmatli qog‘ozlar, pul mablag‘lari, shaxsiy yordamchi xo‘jalik yuritish, yakka tartibda uy-joy qurish uchun kim oshdi savdosi asosida olingan yer uchastkasiga meros qilib qoldiriladigan umrbod egalik huquqi, shuningdek savdo va xizmat ko‘rsatish sohasi obyektlari, turar joy binolari ular joylashgan yer uchastkalari bilan birgalikda, boshqa mol-mulk va mulkiy huquqlar garov narsasi bo‘lishi mumkin”.
Oldingi tahrirga qarang.
(X-bo‘lim O‘zbekiston Respublikasi Oliy Majlisining 2001-yil 6-dekabrdagi 311-II-son Qaroriga muvofiq o‘z kuchini yo‘qotgan — Oliy Majlis Axborotnomasi, 2002-y., 1-son, 11-modda)
Oldingi tahrirga qarang.
(XI bo‘lim O‘zbekiston Respublikasining 2024-yil 14-fevraldagi O‘RQ-907-sonli Qonuniga asosan 2024-yil 16-maydan o‘z kuchini yo‘qotadi — Qonunchilik ma’lumotlari milliy bazasi, 15.02.2024-y., 03/24/907/0127-son)
Oldingi tahrirga qarang.
(XII-bo‘lim O‘zbekiston Respublikasining 2000-yil 15-dekabrdagi 175-II-son Qonuniga muvofiq o‘z kuchini yo‘qotgan — Oliy Majlis Axborotnomasi, 2001-y., 1-2-son, 23-modda)
XIII. O‘zbekiston Respublikasining 1993-yil 28-dekabrda qabul qilingan “Tadbirkorlik faoliyati bilan shug‘ullanuvchi jismoniy shaxslardan ro‘yxatga olganlik uchun undiriladigan yig‘im va bunday shaxslarni ro‘yxatga olish tartibi to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1994-yil, № 1, 12-modda) 3-moddasining ikkinchi qismidagi “15 kundan kechiktirmay” degan so‘zlar “uch kunlik muddatda” degan so‘zlar bilan almashtirilsin.
Oldingi tahrirga qarang.
(XIV bo‘lim O‘zbekiston Respublikasining 2021-yil 28-iyuldagi O‘RQ-703-sonli Qonuniga asosan o‘z kuchini yo‘qotgan — Qonunchilik ma’lumotlari milliy bazasi, 29.07.2021-y., 03/21/703/0723-son)