LexUZ sharhi
Mazkur qaror O‘zbekiston Respublikasi Vazirlar Mahkamasining 2002-yil 26-iyuldagi 268-sonli “Muruvvat yordamidan va beg‘araz texnik ko‘makdan maqsadli foydalanilishini ta’minlash chora-tadbirlari to‘g‘risida”gi qaroriga muvofiq o‘z kuchini yo‘qotgan.
Muruvvat yordami yuklarini qabul qilish, hisobga olish, transportda tashish, qo‘riqlash, omborga joylashtirish, taqsimlash va ulardan foydalanishni nazorat qilishni takomillashtirish, shuningdek, muruvvat yordami bo‘yicha amalga oshirilayotgan dasturlarni muvofiqlashtirish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi huzuridagi muruvvat yordami bo‘yicha respublika komissiyasining tarkibi va komissiyaning doimiy ishlovchi ishchi guruhi 1 va 2-ilovalarga* muvofiq tasdiqlansin.
2. Respublika komissiyasiga muruvvat yordami yuklarini qabul qilish, taqsimlash, ularning sanitariya va bojxona xavfsizligi nazoratiga rioya qilinishini tashkil etish, shuningdek, muruvvat yordami ko‘rsatuvchi xalqaro xayriya tashkilotlarining dasturlarini muvofiqlashtirish yuklansin.
3. O‘zbekiston Respublikasiga keltirilayotgan muruvvat yordamini qabul qilish, transportda tashish, taqsimlash va ularni nazorat qilish hamda muruvvat yordami dasturlarini muvofiqlashtirish tartibi 3-ilovaga muvofiq tasdiqlansin.
Keyingi tahrirga qarang.
4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari muruvvat yordami komissiyalarini tuzsinlar va ularga muruvvat yordamini qabul qilish, transportda tashish, taqsimlash va nazorat qilishning belgilangan tartibini amalga oshirishni ta’minlash mas’uliyatini yuklasinlar.
5. Vazirlar Mahkamasi binosida Respublika komissiyasi ishchi guruhining faoliyat ko‘rsatishi uchun joy, zarur asbob-uskunalar va aloqa vositalari ajratilsin.
muruvvat yordami yuklarini kuzatib boruvchi va muruvvat yordami dasturlari doirasida ishlarni tashkil etuvchi hamda ijtimoiy sohada beg‘araz texnikaviy ko‘maklashuvchi shaxslarga haq olmasdan viza bersin;
Keyingi tahrirga qarang.
o‘z faoliyatini muruvvat yordami dasturlari va ijtimoiy sohada beg‘araz texnikaviy ko‘maklashish doirasida amalga oshirayotgan xalqaro tashkilotlarni, ularning xodimlarini diplomatik korpusning texnik xodimlariga tenglashtirilgan holda, akkreditatsiyadan o‘tkazsin;
Respublika komissiyasiga yangidan akkreditatsiyadan o‘tkazilgan xalqaro xayriya va hukumatga qarashli bo‘lmagan tashkilotlar ro‘yxatini o‘z vaqtida taqdim etsin.
muruvvat yordami dasturlari va ijtimoiy sohada beg‘araz texnikaviy ko‘maklashish doirasida ishlovchi chet el fuqarolarining milliy pasportlarini haq olmasdan ro‘yxatdan o‘tkazsin.
8. Adliya vazirligi xalqaro xayriya kompaniyalarini belgilangan tartibda jamoat tashkilotlari sifatida o‘z vaqtida ro‘yxatdan o‘tkazsin.
Respublika komissiyasiga muruvvat yordami yo‘li bilan keltirilayotgan dori-darmonlar va tibbiy texnika birinchi navbatda berilishi kerak bo‘lgan muassasalar ro‘yxatini har yili taqdim etsin;
tibbiy muruvvat yordami yuklarini “Dori-darmon” uyushmasi va “O‘ztibbiytexnika” respublika ishlab chiqarish birlashmasi omborlariga joylashtirsin;
10. Ijtimoiy ta’minot vazirligi, Mehnat vazirligi, Xalq ta’limi vazirligi, Qizil Yarim oy jamiyati Markaziy qo‘mitasi, “Sog‘lom avlod uchun” jamg‘armasi, O‘zbekiston bolalar jamg‘armasi, “Mahalla” va “Ekosan” xayriya jamg‘armalari, Nogironlar jamiyati, Chernobilchilar jamiyati, Afg‘onistonda jang qilganlar jamiyati, boshqa jamoat tashkilotlari:
Respublika komissiyasini xalqaro xayriya tashkilotlari va jamg‘armalari bilan birgalikda ishlab chiqilayotgan dasturlar haqida xabardor qilib tursinlar;
Respublika komissiyasiga ijtimoiy himoyaga muhtoj bo‘lgan muassasalar ro‘yxati va shaxslar sonini har yili taqdim etsinlar.
11. “O‘zbeksavdo” davlat-aksionerlik uyushmasi muruvvat yordami yo‘li bilan keltirilayotgan oziq-ovqat va sanoat yuklarini o‘z bo‘linmalari omborlariga bepul joylashtirsin.
12. Muruvvat yordami yuklari poshlinasiz keltirilishiga ruxsat berilsin, Tashqi iqtisodiy aloqalar vazirligining “O‘ztashqitrans” respublika tashqi savdo birlashmasi ularni haq olmasdan birinchi navbatda deklaratsiya qilsin.
13. Kommunal xizmat ko‘rsatish vazirligi va “O‘zbekturizm” milliy kompaniyasi muruvvat yordami dasturlari va ijtimoiy sohada beg‘araz texnikaviy ko‘maklashish doirasida xalqaro tashkilotlarda ishlayotgan mutaxassislarga mehmonxonalarda yashaganliklari uchun O‘zbekiston Respublikasi fuqarolari uchun nazarda tutilgan tariflarga muvofiq qo‘llashga ruxsat bersinlar,
14. “O‘zbekiston havo yo‘llari” aviakompaniyasi, “O‘zavtotrans” davlat korporatsiyasi va “O‘zbekiston temir yo‘llari” kompaniyasi muruvvat yuklarini aniq oluvchilarga o‘z vaqtida yetkazib bersinlar. Transport xizmatlari haqi muruvvat yordamini oluvchi tegishli vazirliklar, idoralar, tashkilotlarning mablag‘lari hisobidan to‘lansin.
15. Vazirlar Mahkamasining 1992-yil 21-fevraldagi 50-F-son farmoyishi o‘z kuchini yo‘qotgan deb hisoblansin.
16. Mazkur qarorning bajarilishini nazorat qilish Bosh vazirning birinchi o‘rinbosari I. X. Jo‘rabekov zimmasiga yuklansin.
1. O‘zbekiston Respublikasida ijtimoiy sohadagi muruvvat va beg‘araz texnikaviy yordam dasturlarini muvofiqlashtirish maqsadida Vazirlar Mahkamasi huzurida Muruvvat yordami bo‘yicha respublika komissiyasi tashkil etilgan.
2. Muruvvat yordami bo‘yicha respublika komissiyasining o‘z vakolati doirasida qabul qilgan qarorlari vazirliklar, idoralar, tashkilotlar, korxonalar va Mahalliy hokimiyat organlari tomonidan bajarilishi majburiy hisoblanadi. Respublika komissiyasining protokoli qabul qilingan qarorlarning bajarilishi uchun asos hisoblanadi.
3. Komissiya o‘z faoliyatini o‘z huzurida tashkil etilgan ishchi guruh, hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, jamoat tashkilotlari huzurida tashkil etilgan komissiyalar orqali amalga oshiradi.
4. Respublika komissiyasining ishchi guruhi Tashqi ishlar vazirligi, Ichki ishlar vazirligi, Sog‘liqni saqlash vazirligi, Ijtimoiy ta’minot vazirligi, Davlat soliq qo‘mitasi, “O‘zbeksavdo” davlat-aksionerlik uyushmasi, “O‘zavtotrans” davlat korporatsiyasi va jamoat tashkilotlari vakillaridan iborat tarkibda tashkil etiladi. Ishchi guruhga, shuningdek, muruvvat yordami yuklari yoki muruvvat yordami ko‘rsatish va beg‘araz yordam berish dasturlari xususiyatiga bog‘liq ravishda boshqa vazirliklar va tashkilotlar vakillari ham jalb qilinadilar. Ishchi guruh, rahbariga paydo bo‘ladigan masalalarni tezkorlik bilan hal qilish uchun tegishli tashkilotlar va muassasalarga kirish huquqini beruvchi guvohnoma beriladi.
5. Ishchi guruh, muruvvat yordami yukini oluvchi bilan birgalikda ko‘rsatib o‘tilgan yuklarni qabul qilishni, deklaratsiyalashni, transportda tashishni, qo‘riqlashni, omborga joylashtirishni, sanitariya-epidemiologiya va bojxona nazoratini ta’minlashni, yetkazib berishni hamda bu yuklardan joylarda foydalanilishini nazorat qilishni tashkil etishda qatnashadi.
6. Respublika komissiyasi a’zolari Tashqi ishlar vazirligi va Tashqi iqtisodiy aloqalar vazirligining xodimlari bilan birgalikda Respublika komissiyasi tomonidan protokol tuzib tasdiqlanadigan muruvvat yordami yuklarini qabul qilish va taqsimlash hujjatlarini tayyorlash uchun muruvvat yordami ko‘rsatayotgan donor mamlakatlar, BMT muassasalari, xalqaro xayriya tashkilotlari va firmalar vakillari bilan maslahatlashuvlar o‘tkazadilar.
7. Ishchi guruh, vazirliklar, idoralar, jamoat tashkilotlari bilan birgalikda donor mamlakatlar va xalqaro xayriya tashkilotlari bilan muruvvat qo‘maklashuvi va beg‘araz yordam bo‘yicha loyihalarni, dasturlarni tayyorlashni amalga oshiradi, bu hujjatlar keyinchalik Respublika komissiyasi tomonidan tasdiqlanadi.
8. Ishchi guruh tomonidan muruvvat yordami dasturlari bo‘yicha ma’lumotlar to‘planadi va axborot banki tayyorlanadi.
1. Vazirliklar, idoralar va jamoat tashkilotlariga mo‘ljallanayotgan muruvvat yordami to‘g‘risida xabar kelganda ular tomonidan:
Tashqi ishlar vazirligi va Ichki ishlar vazirligida muruvvat yordamini kuzatib kelayotgan va tashkil etayotgan yoki ijtimoiy sohada muruvvat yordami dasturlari va beg‘araz texnikaviy yordamni amalga oshirayotgan shaxslarga viza berish, ro‘yxatga olish rasmiylashtiriladi;
muruvvat yordami yuklari o‘z vaqtida deklaratsiyalanishi va poshlinasiz olib kirilishi uchun “O‘ztashqitrans” va Davlat soliq qo‘mitasi Bojxona bosh boshqarmasi bo‘linmalari muruvvat yordami yuklarining xususiyatlari va kelish muddatlaridan xabardor qilinadi.
2. Muruvvat yordami yuklari Toshkent, Nukus shaharlariga, viloyatlar markazlariga aviatsiya, temir yo‘l va avtomobil transportida keltirilganda tegishli transport va bojxona xizmatlari oluvchilarni yuklarning muruvvat yordami tusida ekanligini tasdiqlovchi hujjatlarni Respublika komissiyasiga taqdim etishlari zarurligidan xabardor qiladi.
3. Muruvvat yordami yuklari aeroportlar va temir yo‘l stansiyalariga keltirilganda transport-yuk tashish xizmatlari mazkur yuklarni qabul qilish, transportda tashish va saqlash qoidalari va texnologiyalariga rioya qilish yuzasidan barcha zarur chora-tadbirlarni ko‘radilar.
4. O‘zbekiston Respublikasiga keltirilayotgan muruvvat yordamini qabul qilish, hisobga olish, saqlash va taqsimlash uchun javobgarlik muruvvat yordamini olayotgan Qoraqalpog‘iston Respublikasi Vazirlar Kengashi, hokimliklar, vazirliklar, idoralar va jamoat tashkilotlari rahbarlari zimmasiga yuklanadi.
5. Aeroportlar, temir yo‘l stansiyalari, “Dori-darmon” uyushmasi, “O‘ztibbiytexnika” respublika ishlab chiqarish birlashmasi, “O‘zbeksavdo” davlat-aksionerlik uyushmasi omborlarida turgan muruvvat yordami yuklaridan saqlanganligi, xabar qilinganligi, bojxona tadbirlari, deklaratsiyalash va boshqa xizmatlar uchun poshlina va yig‘imlar olinmaydi.
6. Muruvvat yordami yuklarini aeroportlar, temir yo‘l stansiyalaridan oluvchi omborigacha transportda tashish hokimliklar, vazirliklar, idoralar, jamoat tashkilotlari va Respublika komissiyasi belgilagan oluvchilarning buyurtmanomalari bo‘yicha “O‘zavtotrans” korporatsiyasi, “O‘ztashqitrans” tashqi savdo birlashmasi bo‘linmalari, “O‘zbekiston temir yo‘llari”, “O‘zbekiston havo yo‘llari” kompaniyalari tomonidan amalga oshiriladi. Muruvvat yordami yuklari tashilganligi uchun haqni oluvchi to‘laydi va bu xarajat keyinchalik tegishli vazirliklar, idoralar va tashkilotlar mablag‘laridan qoplanadi.
7. Muruvvat yordami va beg‘araz yordam yuklari berayotgan tashkilotlar yuklarni O‘zbekiston Respublikasiga “O‘zbekiston havo yo‘llari” aviakompaniyasi va “O‘zbekiston temir yo‘llari” kompaniyasi transportida keltirish to‘g‘risida yordam so‘rab Respublika komissiyasiga murojaat qilganda transportda tashish haqini to‘lash masalalari Respublika komissiyasi tomonidan belgilangan tartibda hal qilinadi.
8. Muruvvat yordami yo‘li bilan keltirilayotgan dori-darmonlar va tibbiy asbob-uskunalar “Dori-darmon” uyushmasi va “O‘ztibbiytexnika” respublika ishlab chiqarish birlashmasi omborlariga jo‘natiladi, bu yerda Sog‘liqni saqlash vazirligi farmakologiya qo‘mitasiga ulardan foydalanish uchun ruxsat so‘rab buyurtmanoma beriladi. Oziq-ovqatdan iborat muruvvat yordami yuklari “Go‘sht-sut”, “Baqqollik” respublika aksionerlik birlashmalarining tegishli omborlariga, boshqa yuklar “O‘zbeksavdo” davlat uyushmasining tegishli omborlariga jo‘natiladi,
9. Muruvvat yordami yo‘li bilan keltirilayotgan oziq-ovqat mahsulotlari “O‘zbeksavdo” davlat uyushmasi omborlarida iste’molchilarga berilishdan oldin ular iste’mol qilishga yaroqliligi to‘g‘risida xalqaro sertifikat mavjudligiga qaramasdan tanlab sanitariya-bakteriologiya nazoratidan o‘tkaziladi. Oziq-ovqat mahsuloti iste’molga yaroqsizligi aniqlangan hollarda mahsulotning bu turi ajratib olinadi va donor mamlakat oldindan xabardor qilingan holda Respublika komissiyasining qarori bilan yo‘q qilinadi.
10. Muruvvat yordami yuklarining respublika hududida transportda tashish chog‘ida saqlanishini ta’minlash Ichki ishlar vazirligining tegishli transport organlari va Ichki ishlar vazirligi bo‘linmalari zimmasiga yuklanadi.
11. Muruvvat yordami yuklari donor mamlakatlar, muruvvat ko‘rsatuvchi tashkilotlar va agentliklardan ijtimoiy va texnik ko‘maklashish doirasida maqsadli olinganda yordamni oluvchilar 10 kun muddatda barcha saqlash tadbirlariga, shu jumladan bojxona tadbirlariga, sanitariya-epidemiologiya va farmakologiya nazoratiga rioya qilinishi uchun muruvvat yordami to‘g‘risidagi axborotni Respublika komissiyasiga taqdim etadilar.
12. Oluvchi maqsadli muruvvat yordami yuklarini olganda va ijtimoiy sohada muruvvat yordami dasturi va beg‘araz texnikaviy ko‘maklashish doirasidagi tadbirlarni amalga oshirganda viloyat va idoraviy komissiyalar tomonidan ko‘rsatilayotgan yordamdan foydalanish samaradorligi nazorat qilinadi va baholanadi.
13. Muruvvat yordami yuklarini taqsimlashda Respublika komissiyasi aholining tegishli ashyolar bilan ta’minlanganligi, ijtimoiy himoyalanganlikni kuchaytirish prinsipidan kelib chiqadi, shuningdek, Sog‘liqni saqlash vazirligi, Ijtimoiy ta’minot vazirligi, Xalq ta’limi vazirligi, Qizil Yarim oy jamiyati, xayriya jamg‘armalari va jamoat tashkilotlari ehtiyojlarini hisobga oladi.
14. Keltirilayotgan muruvvat yordami yuklaridan zaxira jamg‘armasi respublika komissiyasining qaroriga ko‘ra Qizil Yarim oy jamiyati Markaziy qo‘mitasi huzurida tashkil etiladi.
Ijtimoiy ta’minot vazirligining muruvvat yordami ko‘rsatilishi zarur bo‘lgan internat-uylari va tibbiy muassasalari ro‘yxati;
Qizil Yarim oy jamiyati xizmat ko‘rsatayotgan yolg‘iz keksa fuqarolar, urush va Mehnat faxriylari, nogironlar, baynalmilalchi jangchilar, ko‘p bolali oilalar kontingenti, jamiyatning davolash-profilaktika va boshqa muassasalari ro‘yxati, shuningdek, favqulodda hollarda ishlatish uchun zarur bo‘lgan dori-darmonlar, oziq-ovqatlar va asbob-uskunalar hajmi va ro‘yxati;
O‘zbekiston bolalar jamg‘armasi mutasaddi bo‘lgan bolalar uylari, ko‘p bolali va kam ta’minlangan oilalarning bolalari ro‘yxati;
“Sog‘lom avlod uchun”, “Mehr-shafqat”, “Ekosan”, “Mahalla” jamg‘armalari, Nogironlar jamiyati, Chernobilchilar jamiyati orqali muruvvat yordami ko‘rsatilishi kerak bo‘lgan shaxslar kontingenti va muassasalar ro‘yxati taqdim etiladi.
16. Muruvvat yordami yuklari bevosita iste’molchilar tomonidan olingandan keyin hokimliklar va Qoraqalpog‘iston Respublikasi Vazirlar Kengashi huzuridagi muruvvat yordami komissiyalari bir oy muddatda Respublika komissiyasiga tegishli tovarlar taqsimlanganligi va ulardan qanday foydalanilayotganligi to‘g‘risida tasdiqlangan shaklga (ilova qilinmoqda) muvofiq hisobot taqdim etadilar.
1. Muruvvat yordami dasturlarini muvofiqlashtirish maqsadida muruvvat yordami ko‘rsatayotgan yoki ijtimoiy sohada beg‘araz texnikaviy ko‘maklashayotgan xalqaro tashkilotlar Respublika komissiyasiga o‘z faoliyatlari va o‘z ishlarida rejalashtirilayotgan loyihalar to‘g‘risida axborotnoma taqdim etadilar.
2. Muruvvat yordami ko‘rsatuvchi yoki beg‘araz texnikaviy ko‘maklashuvchi xalqaro tashkilotlar Tashqi ishlar vazirligida akkreditatsiya qilinadilar va jamoat tashkilotlari sifatida Adliya vazirligida ro‘yxatga olinadilar.
3. Ijtimoiy sohada muruvvat yordami dasturlari va beg‘araz texnikaviy ko‘maklashish doirasida xalqaro tashkilotlarda ishlovchi mutaxassislarga quyidagi imtiyozlar beriladi:
a) xayriya tashkilotlarini Adliya vazirligida ro‘yxatdan o‘tkazishda va Tashqi ishlar vazirligida akkreditatsiya qilishda poshlina to‘lashdan:
ularning O‘zbekiston Respublikasidan chiqib ketishlari va kelishlari bilan bog‘liq vizalar va har qanday boshqa xizmatlar uchun haq to‘lashdan;
Ichki ishlar vazirligining Kelish-ketish va fuqarolik boshqarmasi bo‘linmalarida milliy pasportlarni ro‘yxatdan o‘tkazganlik va boshqa xizmatlar uchun poshlina to‘lovlaridan;
ijtimoiy sohada muruvvat yordami dasturlari va beg‘araz texnikaviy ko‘maklashish doirasida O‘zbekiston Respublikasiga keltiriladigan va foydalaniladigan mol-mulk uchun har qanday tariflar, yig‘imlar, boj poshlinalari va boshqa to‘lovlardan ozod qilinadilar;
b) “O‘zbekiston havo yo‘llari” milliy aviakompaniyasi va “O‘zbekiston temir yo‘llari” kompaniyasining ichki va xalqaro yo‘llari uchun chiptalarni O‘zbekiston Respublikasi fuqarolari uchun nazarda tutilgan tariflarga muvofiq O‘zbekiston milliy valyutasiga sotib olishga ruxsat etiladi;
v) “O‘zbekiston havo yo‘llari” milliy aviakompaniyasi aviareyslarida 50 kilogrammgacha bo‘lgan muruvvat yordami yukini tekin olib yurish huquqi beriladi;
d) mehmonxonalarda yashaganlik uchun O‘zbekiston Respublikasi fuqarolari uchun nazarda tutilgan tariflarga muvofiq haq to‘lashga ruxsat etiladi.
4. Xalqaro tashkilotlarning xodimlari muruvvat yordami va beg‘araz texnikaviy ko‘maklashish dasturlari doirasida bo‘lish joylari ko‘rsatilmagan haqiqiy kirish vizalari mavjud bo‘lganda O‘zbekiston Respublikasi hududida yurishlari mumkin, ro‘yxati O‘zbekiston Respublikasi hukumati tomonidan tasdiqlanadigan obyektlar bundan mustasnodir.
O‘zbekiston Respublikasiga keltirilayotgan muruvvat yordamini qabul qilish, transportda tashish, taqsimlash va ularni nazorat qilish hamda muruvvat yordami dasturlarini muvofiqlashtirish tartibiga
ILOVA
ILOVA
Qilingan ish haqidagi hisobot muruvvat yordami yuki olingan va taqsimlangandan so‘ng 1 oy davomida Respublika komissiyasiga taqdim etiladi.
Keyingi tahrirga qarang.