Samarqand viloyatidagi mavjud tabiiy resurslardan samarali foydalanish, qurilish materiallari sanoatini rivojlantirish, sifatli sement mahsulotini ishlab chiqarishni yo‘lga qo‘yish hamda yangi ish o‘rinlarini yaratish maqsadida Vazirlar Mahkamasi qaror qiladi:
O‘zbekiston Respublikasi Prezidentining “O‘zbekiston Respublikasining 2019-yilga mo‘ljallangan investitsiya dasturini amalga oshirish chora-tadbirlari to‘g‘risida” 2018-yil 19-dekabrdagi PQ-4067-son qaroriga muvofiq “Gansu hengya cement Co.Ltd” (XXR) kompaniyasi (keyingi o‘rinlarda investor deb ataladi) tomonidan 2019 — 2021-yillarda umumiy qiymati 340 mln AQSh dollarilik yillik 2,4 mln tonna sement ishlab chiqarish quvvatiga ega bo‘lgan sement zavodi (keyingi o‘rinlarda investitsiya loyihasi deb ataladi) qurilishi nazarda tutilganligi hamda investitsiya loyihasini amalga oshirish doirasida mas’uliyati cheklangan jamiyat shaklidagi “Nengyuan cement” qo‘shma korxonasi (keyingi o‘rinlarda “Nengyuan cement” QK deb ataladi) tashkil etilganligi;
investitsiya loyihasi doirasida sement zavodini qurish uchun Kattaqo‘rg‘on tumani hududidan 50 ga yer maydoni ajratilganligi hamda Nurobod tumani hududida joylashgan noruda foydali qazilmalarni o‘z ichiga olgan umumiy maydoni 138 ga yer qa’ri uchastkalaridan foydalanish huquqi uchun litsenziyalarni olganligi ma’lumot uchun qabul qilinsin.
Oldingi tahrirga qarang.
2. Samarqand viloyati hokimligi va investorning investitsiya loyihasi doirasida 2023-yil 30-oktabrga qadar umumiy qiymati 340 mln AQSh dollarlik sutkasiga 7500 tonna klinker (yillik 3,0 mln tonna sement) ishlab chiqarish quvvatiga ega sement zavodini ishga tushirish to‘g‘risidagi takliflari ma’qullansin.
(2-band O‘zbekiston Respublikasi Vazirlar Mahkamasining 2021-yil 7-dekabrdagi 739-sonli qarori tahririda — Qonunchilik ma’lumotlari milliy bazasi, 07.12.2021-y., 09/21/739/1139-son)
bir oy muddatda investor bilan belgilangan tartibda investitsiya shartnomasini tuzilishini ta’minlasin hamda investitsiya shartnomasida investorning huquq va majburiyatlarini, investitsiyalar hajmini, tashkil etiladigan ish o‘rni sonini, investorga beriladigan imtiyozlar va preferensiyalarni hamda mazkur qaror ilovasiga muvofiq Samarqand viloyatining Kattaqo‘rg‘on tumanidagi sement ishlab chiqarish bo‘yicha investitsiya loyihasining mo‘ljallangan dastlabki texnik-iqtisodiy parametrlarini hisobga olgan holda boshqa investitsiyaviy va ijtimoiy majburiyatlarni nazarda tutsin;
investitsiya shartnomasiga muvofiq majburiyatlarni investor tomonidan bajarilishini monitoring qilib borilishini ta’minlasin.
Oldingi tahrirga qarang.
4. “Nengyuan cement” QKga investitsiya loyihasini amalga oshirish doirasida qurilish-montaj ishlarini 2022-yil 31-dekabrga qadar loyiha-smeta hujjatlarini bir vaqtning o‘zida ishlab chiqish bilan amalga oshirishga ruxsat berilsin.
(4-band O‘zbekiston Respublikasi Vazirlar Mahkamasining 2021-yil 7-dekabrdagi 739-sonli qarori tahririda — Qonunchilik ma’lumotlari milliy bazasi, 07.12.2021-y., 09/21/739/1139-son)
5. O‘zbekiston Respublikasi Transport vazirligi, Uy-joy kommunal xizmat ko‘rsatish vazirligi, Energetika vazirligi va “O‘zbekiston temir yo‘llari” AJ qurilayotgan sement zavodi tashqi muhandislik va transport kommunikatsiyalariga ulanishida “Nengyuan cement” QKga amaliy yordam ko‘rsatsin.
6. O‘zbekiston Respublikasi Qurilish vazirligi investitsiya loyihasining loyiha-smeta hujjatlarini belgilangan tartibda davlat ekspertizasidan o‘tkazilishini ta’minlasin va investitsiya loyihasini amalga oshirish doirasida qurilish-montaj ishlarini sifatli bajarilishi ustidan davlat arxitektura-qurilish nazoratini o‘rnatsin.
7. O‘zbekiston Respublikasi Ekologiya va atrof muhitni muhofaza qilish davlat qo‘mitasi investitsiya loyihasini davlat ekologiya ekspertizasidan o‘tkazilishini va uni amalga oshirishda tabiatni muhofaza qilish to‘g‘risidagi qonun hujjatlariga rioya etilishi ustidan davlat ekologik nazoratini belgilangan tartibda ta’minlasin.
“Nengyuan cement” QK va uning subpudrat tashkilotlari tomonidan chetdan olib kelinadigan, shu jumladan, “vaqtincha olib kirish” bojxona rejimida asbob-uskunalar, xom-ashyo va materiallar, mashina va mexanizmlar, maxsus transport vositalari, ehtiyot qismlar va butlovchi uzellar, priborlar va instrumentlar, texnik va loyiha hujjatlari belgilangan tartibda shakllantiriladigan ro‘yxatlar bo‘yicha bojxona to‘lovlarini (bojxona yig‘imlari bundan mustasno) to‘lashdan;
ko‘rsatiladigan xizmatlar, chetdan olib kelinadigan tovarlar, materiallar, asbob-uskunalar, mashina va mexanizmlar, butlovchi buyumlar va uzellar, texnologik jihozlar, transport vositalari priborlari, ehtiyot qismlar, instrumentlar, yoqilg‘i moylash materiallari O‘zbekiston Respublikasining vakolatli organlarida litsenziyalanishida yig‘imlar, davlat bojlari va to‘lovlar to‘lashdan;
O‘zbekiston Respublikasi norezidentlari tomonidan bajariladigan ishlar (xizmatlar) bo‘yicha qo‘shilgan qiymat solig‘i to‘lashdan;
import qilinadigan materiallar, asbob-uskunalar, mashina va mexanizmlar, butlovchi buyumlar va uzellar, texnologik jihozlar, priborlar, ehtiyot qismlar, instrumentlar — majburiy sertifikatlash tartibotidan;
yer qa’ri uchastkasidan foydali qazilma konlarining har bir tijoratbop topilmasi uchun to‘lanadigan “tijoratbop topilma bonusi” to‘lashdan ozod qilinsin.
9. O‘zbekiston Respublikasi Tashqi ishlar vazirligi Samarqand viloyati hokimligining buyurtmanomalariga asosan investitsiya loyihasini amalga oshirishda ishtirok etuvchi xorijiy mutaxassislarga ko‘p martalik kirish vizalari, konsullik yig‘imlari va haqiqiy xarajatlarning o‘rnini qoplash hisobidan yig‘imlar undirilmasdan rasmiylashtirilishini ta’minlasin.
Oldingi tahrirga qarang.
10. O‘zbekiston Respublikasi Ichki ishlar vazirligi “Nengyuan cement” QKning buyurtmanomalari bo‘yicha investitsiya loyihasini amalga oshirishda ishtirok etuvchi xorijiy mutaxassislarga ko‘p martalik kirish vizalari davlat boji undirilmasdan berilishini va uzaytirilishini, shuningdek, ular vaqtincha turgan joyi bo‘yicha ro‘yxatga olinishini hamda muddati uzaytirilishini belgilangan tartibda ta’minlasin.
(10-band O‘zbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari ma’lumotlari milliy bazasi, 29.09.2020-y., 09/20/593/1340-son)
11. O‘zbekiston Respublikasi Bandlik va mehnat munosabatlari vazirligi “Nengyuan cement” QKning buyurtmanomalari bo‘yicha investitsiya loyihasini amalga oshirishda ishtirok etuvchi xorijiy mutaxassislarga belgilangan tartibda O‘zbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) ta’minlasin.
12. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov, Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari E.M. G‘aniyev va Samarqand viloyati hokimi E.O. Turdimov zimmalariga yuklansin.
Oldingi tahrirga qarang.
ming AQSh dollari | ||
T/r | Ko‘rsatkichlar nomi | Jami (to‘g‘ridan to‘g‘ri xorijiy investitsiyalar) |
1. | Loyihaning umumiy qiymati | 340 000,0 |
2. | Kapital qo‘yilmalar hajmi | 340 000,0 |
2.1. | mashina va asbob-uskunalar | 184 500,0 |
2.2. | qurilish-montaj ishlari | 130 000,0 |
2.3. | investitsiya jarayonidagi moliyaviy xarajatlar | 13 428,6 |
2.4. | boshlang‘ich aylanma mablag‘lari | 71,4 |
2.5. | boshqa xarajatlar | 12 000,0 |
3. | Yillik ishlab chiqarish quvvati | 650 ming tn M600, 1750 ming tn M500 (oq), 600 ming tn M400 |
4. | Kutilayotgan yillik eksport hajmi | 136 ming tn M600, 336 ming tn M500 (oq), 672 ming tn M400 |
5. | Tashkil etiladigan ish o‘rni | 600 |
6. | Loyihani ishga tushish muddati | 2023-yil oktyabr |
7. | Loyihaning o‘zini qoplash muddati | 6-7 yil |
8. | Investitsiya davrining davomiyligi | 23 oy |
(ilovaning matni O‘zbekiston Respublikasi Vazirlar Mahkamasining 2021-yil 7-dekabrdagi 739-sonli qarori tahririda — Qonunchilik ma’lumotlari milliy bazasi, 07.12.2021-y., 09/21/739/1139-son)