O‘zbekiston Respublikasi Prezidentining “Suv ta’minoti va suv chiqarish xizmati ko‘rsatish sohasida to‘lov intizomini tubdan takomillashtirish chora-tadbirlari to‘g‘risida” 2017-yil 16-noyabrdagi PF-5241-son Farmoniga muvofiq Vazirlar Mahkamasi qaror qiladi:
1. Vazirlar Mahkamasining 2017-yil 2-iyundagi 340-son qarori (O‘zbekiston Respublikasi QT, 6-son, 87-modda) bilan tasdiqlangan O‘zbekiston Respublikasi Uy-joy kommunal xizmat ko‘rsatish vazirligi to‘g‘risidagi nizomga ilovaga muvofiq o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va Uy-joy kommunal xizmat ko‘rsatish vaziri M.X. Soliyev zimmasiga yuklansin.
“suv-kanalizatsiya xo‘jaligi tashkilotlarining tuzilgan shartnomalarga muvofiq suv ta’minoti va suv chiqarish, iste’molchilarni ichimlik suv bilan uzluksiz ta’minlash xizmatlari ko‘rsatishini ta’minlaydi;
suv-kanalizatsiya xo‘jaligi tashkilotlarining suv ta’minoti va suv chiqarish bo‘yicha ko‘rsatilgan xizmatlar hajmlari to‘g‘risidagi hisobotlar hamda axborotning, debitorlik va kreditorlik qarzlar to‘g‘risidagi ma’lumotlarning ishonchliligini ta’minlaydi;
suv ta’minoti, suv quvurlari va kanalizatsiya tarmoqlari obyektlarining holatini, ulardan foydalanish va ushbu obyektlarga suv-kanalizatsiya xo‘jaligi tashkilotlari tomonidan ta’mirlash xizmatlari ko‘rsatilishini nazorat qiladi;
iste’molchilarga o‘rnatilgan ichimlik suv ta’minoti iste’molini hisobga olish priborlarini almashtirish, o‘rnatish va ularga ekspluatatsiya xizmatlari ko‘rsatilishini, shuningdek, O‘zbekiston Respublikasi Bosh prokuraturasi huzuridagi Majburiy ijro byurosi (keyingi o‘rinlarda Byuro deb ataladi) bilan birgalikda ularni plombalashni ta’minlaydi;
texnik shartlar berilishini, iste’molchilarning suv ta’minoti va suv chiqarish tizimiga ulanishini tashkil qiladi;
ayrim iste’molchilarni Byuroning majburiy ko‘rsatmasiga binoan magistral suv quvurlaridan belgilangan tartibda uzishni ta’minlaydi”;
“suv-kanalizatsiya xo‘jaligi tashkilotlarining tuzilgan shartnomalarga muvofiq suv ta’minoti va suv chiqarish, iste’molchilarni ichimlik suv bilan uzluksiz ta’minlash xizmatlari ko‘rsatishini ta’minlash;
suv-kanalizatsiya xo‘jaligi tashkilotlarining suv ta’minoti va suv chiqarish bo‘yicha ko‘rsatilgan xizmatlar hajmlari to‘g‘risidagi hisobotlar hamda axborotning, debitorlik va kreditorlik qarzlar to‘g‘risidagi ma’lumotlarning ishonchliligini ta’minlash;
suv ta’minoti, suv quvurlari va kanalizatsiya tarmoqlari obyektlarining holatini, ulardan foydalanish va ushbu obyektlarga suv-kanalizatsiya xo‘jaligi tashkilotlari tomonidan ta’mirlash xizmatlari ko‘rsatilishini nazorat qilish;
iste’molchilarga o‘rnatilgan ichimlik suv ta’minoti iste’molini hisobga olish priborlarini almashtirish, o‘rnatish va ularga ekspluatatsiya xizmatlari ko‘rsatilishini, shuningdek, O‘zbekiston Respublikasi Bosh prokuraturasi huzuridagi Majburiy ijro byurosi (keyingi o‘rinlarda Byuro deb ataladi) bilan birgalikda ularni plombalashni ta’minlash;
texnik shartlar berilishini, iste’molchilarning suv ta’minoti va suv chiqarish tizimiga ulanishini tashkil qilish;
ayrim iste’molchilarni Byuroning majburiy ko‘rsatmasiga binoan magistral suv quvurlaridan belgilangan tartibda uzishni ta’minlash”;