O‘zbekiston Respublikasida qayta tiklanadigan energiyani ishlab chiqarishga xorijiy investitsiyalar va zamonaviy texnologiyalarni keng jalb etish maqsadida:
“O‘zbekenergo” AJ va “SkyPower Global” kompaniyasi (Kayman orollari) (keyingi o‘rinlarda — Kompaniya) o‘rtasida 2018-yil 19-aprel kuni elektr energiya sotib olish to‘g‘risida 1-sonli Bitim (keyingi o‘rinlarda — Bitim) tuzildi;
“O‘zbekiston Respublikasi Prezidenti huzuridagi Loyiha boshqaruvi milliy agentligi huzuridagi Loyihalar va import kontraktlarini kompleks ekspertiza qilish markazi” DUK tomonidan joriy o‘rtacha hisobda jahon konyunkturasiga muvofiq baho belgilash to‘g‘risidagi Bitim bo‘yicha ijobiy xulosa berildi;
Bitimga muvofiq Kompaniya shaxsiy mablag‘lari va o‘zi jalb etadigan kreditlar evaziga Kompaniyaning umumiy investitsiyalari hajmi 1,3 mlrd. AQSh dollari miqdorida ming (1 000) MVt o‘zgaruvchan tok umumiy quvvatidagi fotoelektr quyosh energiyasini ishlab chiqarish bo‘yicha obyektlarni loyihalashtirish, moliyalashtirish, qurish, egalik qilish va foydalanish loyihalarini amalga oshiradi.
2. Bitim amalda bo‘lgan davrda Kompaniya va uning loyiha tashkilotlari (tegishli hududda tashkil etilayotgan shu’ba korxonalari), shuningdek, loyihani amalga oshirish uchun jalb etiladigan subpudrat tashkilotlari:
belgilangan tartibda tasdiqlanadigan ro‘yxatlar bo‘yicha loyihani amalga oshirish doirasida, O‘zbekiston Respublikasida ishlab chiqarilmaydigan yangi uskunalar va materiallar, ehtiyot qismlar, butlovchi buyumlar va uzellar, texnologik hujjatlar, maxsus texnika hamda transport vositalar, dasturiy mahsulotlarni olib kirishda bojxona to‘lovlari to‘lashdan (bojxona yig‘imlaridan tashqari);
doimiy muassasalar, jumladan, to‘lov manbai (dividendlarni hisobga olgan holda) orqali olinadigan daromadlar bo‘yicha yuridik shaxslarning foyda solig‘idan;
Oldingi tahrirga qarang.
Kompaniya, uning loyiha va subpudrat tashkilotlari tomonidan sotiladigan tovarlar (ishlar, xizmatlar) qo‘shilgan qiymat solig‘iva avtotransport yig‘imidan;
(2-bandning to‘rtinchi xatboshisi O‘zbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik ma’lumotlari milliy bazasi, 30.04.2021-y., 06/21/6218/0398-son)
Kompaniya va uning loyiha tashkilotlari — fotoelektr quyosh energiyasini ishlab chiqaruvchi uskunalar va qurilmalar bo‘yicha mulk solig‘idan, shuningdek, uskunalar va qurilmalar bilan band etilgan yer uchastkalari yer solig‘i to‘lashdan ozod etilsin.
3. Toshkent, Samarqand, Navoiy, Jizzax, Surxondaryo va Qashqadaryo viloyati hokimliklari bir oy muddatda Kompaniya talabnomalariga ko‘ra loyihani amalga oshirish uchun belgilangan tartibda yer uchastkalari ajratilishini ta’minlasin.
4. Belgilansinki, Kompaniya tomonidan yetkazib berilgan elektr energiyasi uchun “O‘zbekenergo” AJ tomonidan elektr energiya haqini to‘lay olmaslik holati yuzaga kelgan holda mazkur to‘lovlar O‘zbekiston Respublikasi Davlat budjeti tomonidan amalga oshiriladi.
O‘zbekiston Respublikasi Moliya vazirligi yetkazib berilgan elektr energiyasi uchun to‘lovlarni amalga oshirish qismida “O‘zbekenergo” AJ majburiyatlarini bajarish bo‘yicha Kompaniyaga kafolatlarni taqdim etsin.
5. O‘zbekiston Respublikasi Tashqi ishlar vazirligi loyihani amalga oshirishda qatnashayotgan xorijiy mutaxassislarga konsullik va boshqa yig‘imlar undirilmagan holda belgilangan tartibda kirish vizalari rasmiylashtirilishini ta’minlasin.
6. O‘zbekiston Respublikasi Ichki ishlar vazirligi loyihani amalga oshirishda qatnashayotgan xorijiy mutaxassislarga belgilangan tartibda ko‘p martalik vizalarni rasmiylashtirish, berish va muddatini uzaytirish, shuningdek, vaqtinchalik ro‘yxatga qo‘yish, yashash joyida hisobga olish va ro‘yxatda turish muddati uzaytirilishini ta’minlasin.
7. O‘zbekiston Respublikasi Bandlik va mehnat munosabatlari vazirligi loyihani amalga oshirish uchun respublikaga yuqori malakali xorijiy mutaxassislarni jalb qilishga ruxsatnomalar berishni (muddatini uzaytirish), shuningdek, jalb qilinayotgan xorijiy mutaxassislarga O‘zbekiston Respublikasi hududida mehnat faoliyatini amalga oshirish huquqini beradigan tasdiqnomalar berilishini belgilangan tartibda ta’minlasin.
8. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Bosh vazirining o‘rinbosari — Investitsiyalar bo‘yicha davlat qo‘mitasi raisi S.R. Xolmurodov va O‘zbekiston Respublikasi Bosh vazirining o‘rinbosari — “O‘zbekneftgaz” AJ boshqaruvi raisi A.S. Sultonov zimmasiga yuklansin.