LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 23-fevraldagi 161-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari to‘g‘risida” 2018-yil 28-avgustdagi PF-5527-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Ichki ishlar organlari yong‘in xavfsizligi bo‘linmalari faoliyatini tubdan takomillashtirish chora-tadbirlari to‘g‘risida” 2017-yil 23-maydagi PQ-2992-son qarorini bajarish yuzasidan va joylarda yong‘in xavfsizligi choralarini kuchaytirish maqsadida Vazirlar Mahkamasi qaror qiladi:
Qoraqalpog‘iston Respublikasi Vazirlar Kengashi, viloyatlar, Toshkent shahri, shaharlar va tumanlar hokimliklari huzuridagi Yong‘in xavfsizligi bo‘yicha komissiyalar to‘g‘risidagi nizom 1-ilovaga muvofiq;
Qoraqalpog‘iston Respublikasi Vazirlar Kengashi, viloyatlar, Toshkent shahri hokimliklari huzuridagi Yong‘in xavfsizligi bo‘yicha komissiyalarning namunaviy tarkibi 2-ilovaga muvofiq;
Shaharlar va tumanlar hokimliklari huzuridagi Yong‘in xavfsizligi bo‘yicha komissiyalarning namunaviy tarkibi 3-ilovaga muvofiq tasdiqlansin.
2. Qoraqalpog‘iston Respublikasi Vazirlar Kengashi Raisi, viloyatlar, Toshkent shahri, shaharlar va tumanlar hokimlari o‘n kun muddatda tasdiqlangan nizomga muvofiq yong‘in xavfsizligi bo‘yicha komissiyalar tashkil etilishini va ularning faoliyati tashkil etilishini ta’minlasinlar.
3. Vazirliklar va idoralar bir oy muddatda o‘zlari tomonidan qabul qilingan normativ-huquqiy hujjatlarni ushbu qarorga muvofiqlashtirsinlar.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va O‘zbekiston Respublikasi ichki ishlar vaziri P.R. Bobojonov zimmasiga yuklansin.
1. Ushbu Nizom Qoraqalpog‘iston Respublikasi Vazirlar Kengashi, viloyatlar, Toshkent shahri, shaharlar va tumanlar hokimliklari huzuridagi Yong‘in xavfsizligi bo‘yicha komissiyalarning (keyingi o‘rinlarda komissiyalar deb ataladi) maqomi, asosiy vazifalari, funksiyalari, huquqlari va javobgarligini, shuningdek faoliyatini tashkil etish tartibini belgilaydi.
2. Komissiyalar davlat organlari, tadbirkorlik subyektlari va fuqarolarning o‘zini o‘zi boshqarish organlarining ma’muriy-hududiy birliklarning yong‘in xavfsizligini ta’minlashga qaratilgan faoliyatini muvofiqlashtiruvchi organlar hisoblanadi.
3. Komissiyalar o‘z faoliyatida O‘zbekiston Respublikasi Konstitutsiyasi va O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga hamda boshqa qonun hujjatlariga amal qiladi.
4. Qoraqalpog‘iston Respublikasi Vazirlar Kengashi, viloyatlar, Toshkent shahri hokimliklari huzuridagi komissiyalar o‘z faoliyatida O‘zbekiston Respublikasi Vazirlar Mahkamasiga hisobot beradi.
Shaharlar va tumanlar hokimliklari huzuridagi komissiyalar tegishli ravishda Qoraqalpog‘iston Respublikasi Vazirlar Kengashi, viloyatlar, Toshkent shahri hokimliklari huzuridagi komissiyalarga hisobot beradilar.
5. Komissiyalarni moddiy-texnik ta’minlash bilan bog‘liq masalalarni hal etish bilan bog‘liq majburiyatlar, tegishli ravishda, Qoraqalpog‘iston Respublikasi Vazirlar Kengashi, viloyatlar, Toshkent shahri, shaharlar va tumanlar hokimliklariga yuklanadi.
yong‘in xavfsizligini ta’minlash, yong‘inlar kelib chiqishiga olib keladigan sabablar va shart-sharoitlarni aniqlash va bartaraf etish bo‘yicha kompleks chora-tadbirlarni amalga oshirish;
tasdiqlanadigan jadvallarga muvofiq mahallalar hududlarida yong‘inga qarshi mashqlarni tizimli asosda o‘tkazish, yo‘llar, kirish yo‘llari va suv manbalarining holatini o‘rganish, ushbu tadbirlarda fuqarolar yig‘inlari raislari (oqsoqollar)ning majburiy ishtirok etishi;
yong‘inlarning oldini olish sohasida davlat organlari, tadbirkorlik subyektlari va fuqarolarning o‘zini o‘zi boshqarish organlari faoliyatini muvofiqlashtirish;
yong‘inlarning oldini olish sohasida amalga oshiriladigan chora-tadbirlarni baholash va ular monitoringini olib borish, shuningdek, ular samaradorligini oshirish yuzasidan takliflarni ishlab chiqish;
qishloq joylarda va chekka aholi punktlarida ko‘ngilli yong‘in bo‘linmalari tashkil etilishiga, shuningdek, ularni moddiy va ijtimoiy rag‘batlantirishga ko‘maklashish;
O‘zbekiston Respublikasi Ichki ishlar vazirligining Yong‘in xavfsizligi instituti bilan birgalikda obyektlar rahbarlarining kompleks o‘quv-amaliy yig‘inlarini tashkil etish tadbirlari amalga oshirilishini ta’minlash va aholi orasida ko‘rgazmali tashviqot o‘tkazish.
7. Komissiyalar o‘zlariga yuklangan vazifalarni bajarish maqsadida quyidagi funksiyalarni amalga oshiradilar:
a) yong‘in xavfsizligini ta’minlash, yong‘inlar kelib chiqishiga olib keladigan sabablar va shart-sharoitlarni aniqlash va bartaraf etish bo‘yicha kompleks chora-tadbirlarni amalga oshirish sohasida:
yong‘in xavfsizligini ta’minlash sohasida davlat siyosati amalga oshirilishi bo‘yicha takliflarni ishlab chiqadi;
yong‘in bilan bog‘liq vaziyat murakkablashganda tegishli hududda alohida (mavsumiy) yong‘inga qarshi rejimlarni joriy etgan holda yong‘inlarning oldini olish va ularni o‘chirish choralarini tashkil etadi;
vazirliklar va idoralar, tashkilotlar va jamoat birlashmalari ishtirokida yong‘in xavfsizligi bo‘yicha hududiy dasturlar va tadbirlar loyihalarini, ularni amalga oshirish uchun moliyalashtirish manbalari va hajmlarini, shuningdek, moddiy-texnik resurslarni aniqlagan holda ishlab chiqadi;
b) tasdiqlanadigan jadvallarga muvofiq mahallalar hududlarida yong‘inga qarshi mashqlarni tizimli asosda o‘tkazish, yo‘llar, kirish yo‘llari va suv manbalarining holatini o‘rganish, ushbu tadbirlarda fuqarolar yig‘inlari raislari (oqsoqollar)ning majburiy ishtirok etishi sohasida:
o‘zaro hamkorlik qiluvchi tuzilmalar va idoralarni jalb etgan holda obyektlarda, aholi yashash joylarida va odamlar ommaviy to‘planadigan joylarda, shuningdek, suvsiz tumanlarda yong‘in-taktik mashqlar o‘tkazilishini tashkil etadi;
odamlar ommaviy bo‘ladigan obyektlarda va ko‘p qavatli binolarda evakuatsiya qilish bo‘yicha amaliy mashqlar yarim yilda kamida bir marta o‘tkazilishini tashkil etadi;
yong‘inlarning oldini olish va ularga qarshi kurashish, aholini yong‘in xavfsizligi choralariga o‘qitish sohasida korxonalar xodimlarining kasb tayyorgarligi va malakasi darajasini oshirish vazifalarini hal etishda ishtirok etadi;
tegishli qarorlar qabul qilish uchun yong‘inga qarshi suv bilan ta’minlash tizimidagi va suvsiz tumanlardagi mavjud muammolar va kamchiliklar bo‘yicha davlat organlari va fuqarolarning o‘zini o‘zi boshqarish organlari rahbarlarining hisobotlarini eshitadi;
v) yong‘inlarning oldini olish sohasida davlat organlari, tadbirkorlik subyektlari va fuqarolarning o‘zini o‘zi boshqarish organlari faoliyatini muvofiqlashtirish sohasida;
yong‘in xavfsizligi masalalari bo‘yicha davlat va xo‘jalik boshqaruvi organlari, tashkilotlar, tadbirkorlik subyektlari va fuqarolarning o‘zini o‘zi boshqarish organlari faoliyatini muvofiqlashtiradi, ularga axborot yordami, metodik yordam va boshqa yordam beradi:
yong‘inlarning oldini olish masalalari bo‘yicha shaharlar va tumanlar davlat va xo‘jalik boshqaruvi organlari, shuningdek, tashkilotlar va tadbirkorlik subyektlarining o‘zaro hamkorligini mustahkamlashga yo‘naltirilgan tadbirlarni tashkil etadi;
yong‘in organlari bo‘linmalarini tashkil etish va mustahkamlash bo‘yicha davlat va xo‘jalik boshqaruvi organlari, fuqarolarning o‘zini o‘zi boshqarish organlari, yong‘in xavfsizligi hududiy boshqarmalari (bo‘limlar, bo‘linmalar) rahbarlarining, shuningdek, jismoniy va yuridik shaxslarning takliflarini ko‘rib chiqadi, O‘zbekiston Respublikasi Vazirlar Mahkamasiga tegishli takliflar tayyorlaydi;
g) yong‘inlarning oldini olish sohasida amalga oshiriladigan chora-tadbirlarni baholash va ular monitoringini olib borish, shuningdek, ular samaradorligini oshirish yuzasidan takliflarni ishlab chiqish sohasida;
Qoraqalpog‘iston Respublikasi, viloyatlar, Toshkent shahri, shaharlar va tumanlar hududida yuz bergan yong‘inlar masalalarini, shuningdek, ularning oldini olish ishlarining holatini ko‘rib chiqadi;
davlat qabul komissiyalarining belgilangan tartibda rasmiylashtirilmagan hujjatlarisiz foydalanilayotgan obyektlar ishini to‘xtatib turish to‘g‘risidagi masalalarni ko‘rib chiqadi va shaharsozlik sohasidagi maxsus vakolatli organga takliflar kiritadi;
yong‘inlarning oldini olish va ularni bartaraf etish sohasida normativ-huquqiy hujjatlarni va boshqa normativ hujjatlarni takomillashtirish bo‘yicha takliflar ishlab chiqadi;
d) qishloq joylarda va chekka aholi punktlarida ko‘ngilli yong‘in bo‘linmalari tashkil etilishiga, shuningdek, ularni moddiy va ijtimoiy rag‘batlantirishga ko‘maklashish sohasida;
normativ hujjatlar talablariga muvofiq va yuz bergan yong‘inlarni tahlil qilish asosida aholi punktlarida yangi yong‘in depolari qurish masalalarini ko‘rib chiqadi;
fuqarolarning o‘zini o‘zi boshqarish organlariga takliflar kiritadi hamda qishloq joylarda va chekka aholi punktlarida ko‘ngilli yong‘in bo‘linmalari tashkil etilishiga ko‘maklashadi;
yong‘in xavfsizligiga xarajatlar yuzasidan mahalliy budjetlarni ishlab chiqish, tasdiqlash va ijro etishni, shu jumladan tashkil etiladigan ko‘ngilli yong‘in bo‘linmalarini saqlashga, shuningdek, ularni moddiy va ijtimoiy rag‘batlantirish bo‘yicha choralarni belgilash va ko‘rishni ta’minlaydi;
e) O‘zbekiston Respublikasi Ichki ishlar vazirligining Yong‘in xavfsizligi instituti bilan birgalikda obyektlar rahbarlarining kompleks o‘quv-amaliy yig‘inlarini tashkil etish tadbirlari amalga oshirilishini ta’minlash va aholi orasida ko‘rgazmali tashviqot o‘tkazish sohasida:
mintaqada yong‘in xavfsizligi choralariga o‘qitish bo‘yicha obyektlar rahbarlarining har yilgi kompleks o‘quv-amaliy yig‘inlarini tashkil etadi;
“Tasviriy oyina” ijodiy birlashmasi va boshqa manfaatdor tashkilotlar bilan birgalikda yilning har choragida jamoat joylarida, do‘konlarda, bekatlarda yong‘in paytida harakat qilish tartibini va ularning yuzaga kelishga yo‘l qo‘ymaslik choralarini namoyish qiluvchi materiallarning (yo‘riqnomalar, esdaliklar, flayyerlar, infografikli plakatlar) ko‘rgazmali tashviqotini amalga oshiradi.
davlat va xo‘jalik boshqaruvi organlaridan, tashkilotlar va fuqarolarning o‘zini o‘zi boshqarish organlaridan komissiyalarga yuklangan vazifalarni amalga oshirish uchun zarur bo‘lgan ma’lumotlarni so‘rash va olish;
davlat va xo‘jalik boshqaruvi organlariga, tashkilotlar va fuqarolarning o‘zini o‘zi boshqarish organlariga komissiyalarning ko‘rib chiqishi uchun kiritiladigan zarur materiallarni tayyorlashni topshirish:
yong‘in xavfsizligi masalalarini o‘rganish uchun mutaxassislarni va komissiyalar ishida ishtirok etish uchun manfaatdor tashkilotlarning vakillarini jalb etish:
yong‘in xavfsizligini ta’minlash uchun yo‘naltirilgan davlat boshqaruvi organlariga markazlashtirilgan tartibda ajratilgan moliyaviy resurslar va moddiy-texnika resurslar o‘zlashtirilishini nazorat qilish;
maktablarda va boshqa ta’lim muassasalarida bolalar maxsus dasturlar asosida yong‘in xavfsizligi choralari qo‘llanilishiga o‘qitilishi tashkil etilishiga ko‘maklash;
yong‘in xavfsizligini ta’minlash masalalari bo‘yicha davlat va xo‘jalik boshqaruvi organlari, tashkilotlar va fuqarolarning o‘zini o‘zi boshqarish organlari rahbarlarining hisobotlarini eshitish;
yong‘in xavfsizligi talablarini bajarmayotgan mansabdor shaxslar va fuqarolarni javobgarlikka tortish va yong‘in kelib chiqishi holatidagi obyektlardan foydalanishni to‘xtatish to‘g‘risidagi takliflarni tegishli nazorat va sud organlariga kiritish.
9. Komissiyalar ularga yuklangan vazifalar va funksiyalar samarali bajarilishi uchun javob beradilar.
10. Majlislar komissiyalar ishining asosiy shakllari hisoblanadi. Majlislarda ularning vakolatiga tegishli bo‘lgan masalalar muhokama qilinadi va hal etiladi.
Komissiyalar majlislari yil choragida kamida bir marta hamda yong‘in xavfsizligi sohasida yuzaga kelayotgan vaziyatdan kelib chiqib o‘tkaziladi. Navbatdan tashqari majlislar komissiyalar raislari yoki ularning o‘rinbosarlari tashabbusi bilan o‘tkaziladi.
11. Komissiyalar majlisi, agar ularda komissiyalar a’zolari umumiy sonining yarmidan ko‘pi ishtirok etsa, vakolatli hisoblanadi.
12. Komissiyalar majlislari bayonnomalar bilan rasmiylashtiriladi, bayonnomalarda ko‘rib chiqiladigan masalalarning xususiyati ko‘rsatiladi. Bayonnomalar raislar tomonidan tasdiqlanadi va mas’ul kotiblar tomonidan imzolanadi.
13. Majlisda ko‘rib chiqilgan masala bo‘yicha qaror, agar majlisda ishtirok etgan komissiya a’zolarining yarmidan ko‘pi uning uchun ovoz bersa, qabul qilingan hisoblanadi. Ovozlar teng bo‘lib qolganda raislik qiluvchining ovozi hal qiluvchi ovoz hisoblanadi.
14. Komissiyalar tomonidan qabul qilinadigan qarorlar davlat va xo‘jalik boshqaruvi organlari, tashkilotlar va tadbirkorlik subyektlariga va fuqarolarning o‘zini o‘zi boshqarish organlariga komissiyalarning mas’ul kotiblari tomonidan yetkaziladi.
Shaharlar va tumanlar komissiyalarining qarorlari ustidan davlat va xo‘jalik boshqaruvi organlari, tashkilotlar va tadbirkorlik subyektlari va fuqarolarning o‘zini o‘zi boshqarish organlari tomonidan yuqori turuvchi komissiyaga, huquqni muhofaza qilish organlariga yoxud sudga shikoyat qilinishi mumkin.
Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzuridagi komissiyalarning qarorlari ustidan O‘zbekiston Respublikasi Vazirlar Mahkamasiga, huquqni muhofaza qilish organlariga yoxud sudga shikoyat qilinishi mumkin.
O‘zbekiston Respublikasi Hukumatining qarorlarini talab etadigan masalalar bo‘yicha komissiyalar belgilangan tartibda tegishli takliflar kiritadilar.
komissiyalar tomonidan qabul qilingan qarorlar bajarilishi ustidan nazorat qilinishini tashkil etish.
16. Komissiyalar raislarining o‘rinbosarlari komissiyalar raislarining topshiriqlarini bajaradilar, ular bo‘lmaganda ularning vazifalarini ijro etadilar.
yillik ish rejalari ishlab chiqilishini, ularning bajarilishi ustidan nazorat qilinishini, tasdiqlangan ish rejalariga muvofiq komissiyalarning joriy ishlari tashkil etilishini, shuningdek, komissiyalar majlislariga zarur materiallar tayyorlanishini;
komissiyalar majlislari o‘tkazilishi vaqti va joyi to‘g‘risidagi ma’lumotlar komissiyalar a’zolariga va manfaatdor tashkilotlarga yetkazilishini;
tasdiqlangan bayonnomalar rasmiylashtirilishini, komissiyalar a’zolariga, davlat va xo‘jalik boshqaruvi tegishli organlariga, fuqarolarning o‘zini o‘zi boshqarish organlari va tashkilotlarga yetkazilishini;
komissiyalarning qabul qilingan qarorlari ijro etilishi ustidan nazorat qilinishini, shuningdek, ularni amalga oshirish bo‘yicha komissiyalar raislariga tegishli ma’lumotlar va takliflar kiritilishini;
komissiyalar majlislariga tegishli materiallarni tayyorlash uchun ma’lumotlar o‘z vaqtida to‘planishini tashkil etishni;
18. Shaharlar va tumanlar hokimliklari hududidagi komissiyalar Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzuridagi komissiyalarga hisobot materiallarini yilning har choragida, keyingi oyning 10-kunida taqdim etadilar.
Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzuridagi komissiyalar yarim yilda bir marta hisobot materiallarini O‘zbekiston Respublikasi Ichki ishlar vazirligining Yong‘in xavfsizligi bosh boshqarmasiga taqdim etadilar, O‘zbekiston Respublikasi Ichki ishlar vazirligining Yong‘in xavfsizligi bosh boshqarmasi axborot-tahliliy materiallar va boshqa materiallarni tayyorlaydi, umumlashtiradi va O‘zbekiston Respublikasi Vazirlar Mahkamasiga kiritadi.
komissiyalar faoliyatini o‘rganish yakunlari va joylarda yong‘in xavfsizligini ta’minlash bilan bog‘liq vaziyat bo‘yicha zarur materiallar o‘z vaqtida tayyorlanishini;
yong‘in xavfsizligini ta’minlash sohasida davlat va xo‘jalik boshqaruvi organlari, tashkilotlar, fuqarolarning o‘zini o‘zi boshqarish organlaridan zarur materiallar olinishini;
yuzaga kelayotgan vaziyat bo‘yicha axborot-tahliliy va boshqa materiallar O‘zbekiston Respublikasi Vazirlar Mahkamasiga taqdim etilishini va ijtimoiy soha obyektlarida va iqtisodiyot tarmoqlarida yong‘in xavfsizligi ta’minlanishini, shuningdek, komissiyalar faoliyati monitoringi olib borilishini;
komissiyalar faoliyati va O‘zbekiston Respublikasi Vazirlar Mahkamasining komissiyalar faoliyatiga tegishli masalalar bo‘yicha qabul qilingan qarorlari bajarilishi joyning o‘ziga chiqib o‘rganilishini ta’minlaydilar.
Qoraqalpog‘iston Respublikasi Vazirlar Kengashi Raisining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari.
Viloyat (Toshkent shahri) hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari.
Qoraqalpog‘iston Respublikasi Ichki ishlar vazirligi (viloyat ichki ishlar boshqarmasi, Toshkent shahar ichki ishlar bosh boshqarmasi)ning Yong‘in xavfsizligi boshqarmasi boshlig‘i — Qoraqalpog‘iston Respublikasi, viloyatlar va Toshkent shahri yong‘in nazorati bo‘yicha bosh davlat inspektori.
Qoraqalpog‘iston Respublikasi Vazirlar Kengashining huquqni muhofaza qilish organlari faoliyati, harbiy safarbarlik va favqulodda vaziyatlar masalalari bo‘yicha guruh rahbari.
Viloyat (Toshkent shahri) hokimligining huquqni muhofaza qilish organlari faoliyati, harbiy safarbarlik va favqulodda vaziyatlar masalalari bo‘yicha guruh rahbari.
6. Qoraqalpog‘iston Respublikasi, viloyat (Toshkent shahri) favqulodda vaziyatlar boshqarmasi boshlig‘i.
8. Qoraqalpog‘iston Respublikasi (viloyat, Toshkent shahri) davlat soliq boshqarmasi boshlig‘i — Qoraqalpog‘iston Respublikasi (viloyat, Toshkent shahri) Nazorat organlari faoliyatini muvofiqlashtirish kengashi raisining o‘rinbosari.
viloyat (Toshkent shahri) iqtisodiyot va hududlarni kompleks rivojlantirish bosh boshqarmasi boshlig‘i.
14. Qoraqalpog‘iston Respublikasida, viloyatda (Toshkent shahrida) Savdo-sanoat palatasining hududiy boshqarmasi rahbari.
Tuman (shahar) hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari.
Tuman (shahar) profilaktika va yong‘in nazorati bo‘yicha yong‘in xavfsizligi bo‘limi boshlig‘ining o‘rinbosari.