LexUZ sharhi
Mazkur qaror O‘zbekiston Respublikasi Vazirlar Mahkamasining 2020-yil 30-oktabrdagi 672-sonli “Vazirlar Mahkamasining “Dasturiy mahsulotlar va axborot texnologiyalari texnologik parki faoliyatini tashkil etish chora-tadbirlari to‘g‘risida” 2019-yil 15-iyuldagi 589-son qaroriga o‘zgartirish va qo‘shimchalar kiritish, shuningdek, Hukumatning ayrim qarorlarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari to‘g‘risida” 2017-yil 30-iyundagi PF-5099-son Farmoni ijrosini ta’minlash maqsadida Vazirlar Mahkamasi qaror qiladi:
1. Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazining Muvofiqlashtiruvchi kengashi (keyingi o‘rinlarda Muvofiqlashtiruvchi kengash deb ataladi) va Toshkent shahridagi Inxa universiteti Vasiylik kengashining Toshkent shahridagi Inxa universiteti (keyingi o‘rinlarda Universitet deb ataladi) muassisligida mas’uliyati cheklangan jamiyat shaklidagi Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi direksiyasini (keyingi o‘rinlarda Direksiya deb ataladi) tashkil etish to‘g‘risidagi taklifiga rozilik berilsin.
2. Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi direksiyasining boshqaruv xodimlarining umumiy cheklangan soni 15 nafar bo‘lgan tuzilmasi 1-ilovaga muvofiq ma’qullansin.
Muvofiqlashtiruvchi kengashga, zarurat bo‘lganda, Direksiya tuzilmasi va xodimlari soniga o‘zgartishlar kiritish huquqi berilsin.
3. Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi to‘g‘risidagi nizom 2-ilovaga muvofiq tasdiqlansin.
Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi (keyingi o‘rinlarda Innovatsiya markazi deb ataladi) rezidenti maqomini olish uchun yuridik shaxslardan arizalar qabul qilishni tashkil etadi, shuningdek, Muvofiqlashtiruvchi kengash qarori asosida Innovatsiya markazi rezidentlari reyestriga kiritish va rezident maqomi berilganligi to‘g‘risida guvohnomani berish orqali Innovatsiya markazi rezidentlarini ro‘yxatga olishni amalga oshiradi;
Innovatsiya markazi rezidentlari zimmalaridagi majburiyatlarning bajarilishi monitoringini, keyinchalik uning natijalarini Muvofiqlashtiruvchi kengashga taqdim etgan holda, amalga oshiradi;
Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi to‘g‘risidagi Nizomga muvofiq Innovatsiya markazi faoliyatini operativ boshqarish bo‘yicha boshqa funksiyalarni amalga oshiradi.
Muvofiqlashtiruvchi kengash qaroriga ko‘ra belgilangan stavkalar bo‘yicha Innovatsiya markazi rezidentlarining har oylik ajratmalari (sof tushumning bir foizi miqdoridan yuqori bo‘lmagan holda);
Innovatsiya markazi rezidentlariga qo‘shimcha pullik xizmatlar ko‘rsatilishidan olinadigan daromadlar;
xalqaro moliya institutlarining, xorijiy hukumat va nohukumat tashkilotlarning beg‘araz texnik ko‘magi (grantlari);
6. Toshkent shahridagi Inxa universiteti Vasiylik kengashi va Muvofiqlashtiruvchi kengashning Direksiyani Toshkent shahar, Ziyolilar ko‘chasi, 13-a-uyda joylashgan Universitet binosiga joylashtirish to‘g‘risidagi taklifi qabul qilinsin.
7. O‘zbekiston Respublikasi oliy ta’lim muassasalariga axborot texnologiyalari va dasturiy ta’minotni ishlab chiqish sohasida ilmiy-texnik laboratoriyalarni tashkil etish maqsadida bino va xonalarni manfaatdor xo‘jalik yurituvchi subyektlarga vaqtinchalik bepul foydalanish uchun berish huquqi berilsin.
8. Universitetga bir oy muddatda Direksiya ustavini ishlab chiqish va uni belgilangan tartibda davlat ro‘yxatidan o‘tkazishni ta’minlash tavsiya etilsin.
9. Mazkur qarorning bajarilishini nazorat qilish O‘zbekiston Respublikasi Axborot texnologiyalari va kommunikatsiyalarini rivojlantirish vaziri vazifasini bajaruvchi Sh.X. Shermatov zimmasiga hamda O‘zbekiston Respublikasi Vazirlar Mahkamasining Madaniyat, axborot tizimlari va telekommunikatsiyalar masalalari axborot-tahlil departamentiga yuklansin.
1. Ushbu Nizom Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi faoliyatini tashkil qilish tartibini, asosiy yo‘nalishlarini, yuridik shaxslarni uning rezidentlari sifatida ro‘yxatga olishni, rezidentlar uchun soliq va bojxona imtiyozlarini, maxsus valyuta rejimini qo‘llashni, shuningdek, rezidentlar bilan tuzilgan mehnat shartnomalari bo‘yicha xodimlar tomonidan soliq imtiyozlarining qo‘llanilishi tartibini belgilaydi.
Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi (keyingi o‘rinlarda Innovatsiya markazi deb ataladi) — O‘zbekiston Respublikasi hududi doirasida eksterritoriallik prinsipi asosida, axborot texnologiyalari mahsulotlarini ishlab chiqarishni rivojlantirishning maksimal darajada qulay sharoitlarini yaratish uchun respublikaning butun hududida Innovatsiya markazi rezidentlarini joylashtirgan holda tuzilgan tashkilot;
Innovatsiya markazining Muvofiqlashtiruvchi kengashi (keyingi o‘rinlarda Muvofiqlashtiruvchi kengash deb ataladi) — Innovatsiya markazining yuqori boshqaruv organi hisoblanadigan hamda Innovatsiya markazi faoliyatini rivojlantirishni muvofiqlashtiruvchi kollegial organ. Muvofiqlashtiruvchi kengashning shaxsiy tarkibi O‘zbekiston Respublikasi Prezidenti tomonidan tasdiqlanadi;
Innovatsiya markazi direksiyasi (keyingi o‘rinlarda Direksiya deb ataladi) — Muassisi Toshkent shahridagi Inxa universiteti bo‘lgan Innovatsiya markazi faoliyatini operativ boshqarish uchun tuziladigan, mas’uliyati cheklangan jamiyat shaklidagi yuridik shaxs;
Innovatsiya markazi rezidentlarining yagona reyestri (keyingi o‘rinlarda reyestr deb ataladi) — butunjahon Internet axborot tarmog‘ida, ushbu Nizomga muvofiq Innovatsiya markazida ro‘yxatga olingan yuridik shaxslarning to‘liq ro‘yxatini ichiga oladigan ochiq va hamma foydalana oladigan axborot resursi;
Innovatsiya markazi rezidenti — belgilangan tartibda Innovatsiya markazida ro‘yxatga olingan va Direksiya tomonidan reyestrga kiritilgan yuridik shaxs.
xo‘jalik yurituvchi subyektlar va oliy ta’lim muassasalarining o‘zaro hamkorligini kengaytirish uchun axborot texnologiyalari mahsulotini ishlab chiqarishga hamda ichki va tashqi bozorlarda sotishga yo‘naltirilgan zarur tashkiliy-texnik, moliyaviy-iqtisodiy sharoitlarni yaratish;
Innovatsiya markazi rezidentlariga ichki va tashqi bozorlarda axborot-kommunikatsiya texnologiyalari (keyingi o‘rinlarda AKT deb ataladi) sohasida raqobatbardosh loyihalarni amalga oshirish uchun xorijiy investitsiyalarni jalb qilishda yordam berish;
oliy ta’lim muassasalari va kasb-hunar kollejlarining “axborot texnologiyalari” ixtisosligi bo‘yicha bitiruvchilarini ish bilan ta’minlash, shu jumladan, qobiliyatli yoshlarni ular tomonidan “start-ap” loyihalar amalga oshirilishida qo‘llab-quvvatlash;
qisqa muddatli va o‘rtacha muddatli ixtisoslashtirilgan kurslar o‘tkazish olib borish orqali, shu jumladan, chet ellik mutaxassislarni taklif etgan holda, AKT sohasida kadrlar malakasini oshirish va qayta tayyorlashni tashkil qilish;
istiqbolli yo‘nalishlar bo‘yicha axborot texnologiyalari mahsulotini ishlab chiqish sohasida o‘z faoliyatini boshlayotgan tadbirkorlar tomonidan innovatsion loyihalar amalga oshirilishini qo‘llab-quvvatlash.
4. Innovatsiya markazi faoliyatining asosiy yo‘nalishlari quyidagi funksiyalarni amalga oshirish orqali bajariladi:
ushbu Nizomda va Muvofiqlashtiruvchi kengash qarorlarida belgilangan tartibda yuridik shaxslarni Innovatsiya markazi rezidentlari sifatida ro‘yxatga olishni tashkil qilish;
Innovatsiya markazi rezidentlari va boshqa xo‘jalik yurituvchi subyektlar ishlab chiqadigan axborot texnologiyalari mahsulotlarining xalqaro yarmarka va ko‘rgazmalarini o‘tkazish, shuningdek, Innovatsiya markazi rezidentlarining xalqaro seminarlarda, konferensiyalarda va respublika hamda xalqaro miqyosda o‘tkaziladigan boshqa tadbirlarda ishtirokini tashkil etish;
Direksiya va Innovatsiya markazi rezidentlari o‘rtasidagi yozma kelishuvlar asosida Innovatsiya markazi rezidentlariga yirik xorij kompaniyalari, venchur fondlar va boshqa xorijiy investorlar bilan aloqalarni yo‘lga qo‘yishda yordam ko‘rsatish;
Innovatsiya markazi rezidentlarining oliy va o‘rta maxsus, kasb-hunar ta’lim muassasalarida tayyorlanadigan kadrlarga qo‘yiladigan talablarini, jumladan, malakaga bo‘lgan o‘zgarishlarni va yangi ixtisosliklarga bo‘lgan talabni, keyinchalik bu ma’lumotni tegishli ta’lim muassasalariga yuborgan holda, muntazam o‘rganish;
o‘z tasarrufida bo‘lgan moddiy-texnik resurslarni (ofis xonalar, kompyuterlar va boshqa uskuna, boshqa zarur resurslar va materiallar) ajratish orqali qobiliyatli yoshlarning “start-ap” loyihalari amalga oshirilishini qo‘llab-quvvatlash, shuningdek, zarur mutaxassislarni jalb qilishda yordam ko‘rsatish;
O‘zbekiston Respublikasi fuqarolaridan yoki xorijliklardan bo‘lgan AKT sohasi mutaxassislarini yoki yuqori malakali o‘qituvchilarni taklif qilgan holda mutaxassislar uchun qisqa muddatli seminarlar va treninglar o‘tkazish;
respublika va boshqa mamlakatlarning ta’lim muassasalari bilan birgalikda ish beruvchilarning AKT sohasi mutaxassislariga bo‘lgan ehtiyojini hisobga oladigan maxsus ishlab chiqiladigan o‘quv dasturlari bo‘yicha kadrlar malakasini oshirish va qayta tayyorlash kurslarini tashkil qilish;
vazirliklar, idoralar va boshqa tashkilotlarning so‘roviga ko‘ra — faoliyatda axborot texnologiyalarining yangi mahsulotlarini samarali joriy qilish va foydalanish uchun, ishlab chiqarishdan ajralmagan holda kadrlar malakasini oshirish va qayta tayyorlashni tashkil qilishda yordam ko‘rsatish;
istiqbolli innovatsion loyihalarga ega bo‘lgan, o‘z faoliyatini boshlayotgan tadbirkorlik subyektlariga loyihani moliyalashtirish yuzasidan investorlar yoki kreditorlar izlashda yordam ko‘rsatish;
o‘z faoliyatini boshlayotgan tadbirkorlik subyektlariga investorlar va kreditorlar bilan shartnoma tuzishda, shuningdek, yuridik shaxslar tashkil etishda moliyaviy, yuridik yoki boshqa maslahatlar berish;
5. Yuridik shaxslar O‘zbekiston Respublikasi hududida davlat ro‘yxatidan o‘tgan joydan qat’i nazar, Innovatsiya markazi rezidenti maqomini olishga talabgorlik qilishlari mumkin.
6. Yuridik shaxslar Innovatsiya markazi rezidenti maqomini olish uchun quyidagi mezonlarga mos kelishlari kerak:
a) O‘zbekiston Respublikasi iqtisodiy faoliyat turlarining, Vazirlar Mahkamasining 2016-yil 24-avgustdagi 275-son qarori bilan tasdiqlangan Umumdavlat tasniflagichiga muvofiq quyidagi faoliyat turlaridan birini amalga oshirishlari kerak (keyingi o‘rinlarda IFUK deb ataladi):
b) ushbu bandning “a” kichik bandida ko‘zda tutilgan faoliyat turlari bo‘yicha iqtisodiy asoslangan biznes-rejalarga ega bo‘lish.
7. Innovatsiya markazi rezidentlari sifatida ro‘yxatdan o‘tish uchun, yuridik shaxslar Direksiyaga (shaxsan o‘zi kelib, pochta aloqasi orqali yoki butunjahon Internet axborot tarmog‘i orqali) quyidagi hujjatlarni taqdim etadilar:
yuridik shaxs davlat ro‘yxatidan o‘tkazilganligi to‘g‘risidagi guvohnomaning nusxasi. Agar yuridik shaxsning davlat ro‘yxatidan o‘tganligi to‘g‘risidagi guvohnomada ushbu Nizomning 6-bandi “a” kichik bandida ko‘rsatilmagan IFUK faoliyat turi ko‘rsatilgan bo‘lsa, yuridik shaxs o‘z faoliyatini ushbu Nizomning 6-bandi “a” kichik bandida ko‘rsatilgan faoliyat turlari bo‘yichagina amalga oshirishi va qonun hujjatlarida belgilangan tartibda IFUK kodini o‘z ixtiyori asosida o‘zgartirish to‘g‘risida majburiyatlari aks etgan kafolat xati taqdim etadi.
yuridik shaxsning Muvofiqlashtiruvchi kengash tomonidan tasdiqlanadigan shaklga muvofiq ushbu Nizomning 6-bandi “a” kichik bandida ko‘rsatilgan faoliyat turlariga to‘g‘ri keladigan biznes-rejasi.
Barcha hujjatlar rahbar tomonidan imzolanishi va yuridik shaxsning muhri bilan (bor bo‘lsa), hujjatlar butunjahon Internet axborot tarmog‘i yordamida taqdim etilganda — elektron raqamli imzo orqali tasdiqlanishi kerak.
Keyingi tahrirga qarang.
Innovatsiya markazi rezidenti maqomini olish uchun ariza bergan yuridik shaxsdan ushbu Nizomda ko‘zda tutilmagan hujjatlar taqdim etilishini talab qilishga yo‘l qo‘yilmaydi.
8. Yuridik shaxslarning arizasi va ushbu Nizomning 7-bandida ko‘rsatilgan hujjatlar Direksiyaga taqdim etiladi.
Direksiya yuridik shaxslarning arizalarini ro‘yxatga oladi va ularni ko‘rib chiqish to‘g‘risidagi axborotni Innovatsiya markazining rasmiy veb-saytida joylashtiradi.
9. Direksiya yuridik shaxs tomonidan taqdim etilgan hujjatlarni, ular Innovatsiya markazining rasmiy veb-saytida ro‘yxatga olingan kundan boshlab yetti ish kuni mobaynida ko‘rib chiqadi.
Direksiya Muvofiqlashtiruvchi kengash tomonidan belgilanadigan tartibda yuridik shaxs tomonidan taqdim etilgan biznes-rejani qo‘shimcha ilmiy-texnik ekspertizadan o‘tkazish huquqiga ega. Bu holda, ko‘rib chiqish muddati ikki haftadan ko‘p bo‘lmagan ekspertiza muddatiga uzaytirilishi mumkin.
10. Yuridik shaxs tomonidan taqdim etilgan ariza va hujjatlar Direksiya tomonidan tegishli xulosa bilan Innovatsiya markazi rezidenti maqomini taqdim etish masalasini ko‘rib chiqish uchun Muvofiqlashtiruvchi kengashga kiritiladi.
11. Muvofiqlashtiruvchi kengash taqdim etilgan hujjatlarni ko‘rib chiqib, yuridik shaxsni Innovatsiya markazi rezidenti sifatida ro‘yxatga olish yoki ro‘yxatga olishni rad etish to‘g‘risida qaror qabul qiladi.
12. Muvofiqlashtiruvchi kengash yuridik shaxslarni ro‘yxatga olish to‘g‘risida qaror qabul qilish uchun bir oyda bir marta majlis o‘tkazadi va Direksiya tomonidan ko‘rib chiqish uchun tayyorlangan barcha takliflarni ko‘rib chiqadi.
13. Quyidagilar yuridik shaxsni Innovatsiya markazi rezidenti sifatida ro‘yxatga olishni rad etish uchun asos hisoblanadi:
hujjatlarni talab darajasiga mos bo‘lmagan va ushbu Nizom talablarini buzgan holda rasmiylashtirish, shuningdek, hujjatlarda noaniq yoki noto‘g‘ri ma’lumotlarning mavjudligi;
faoliyatni ma’naviy eskirgan, istiqboli yo‘q yoki ahamiyati katta bo‘lmagan yo‘nalishlar bo‘yicha amalga oshirish, bu ilmiy-texnik ekspertiza xulosasi bilan tasdiqlanadi;
yuridik shaxs yoki u bilan bog‘liq shaxslarning Innovatsiya markazi oldida Innovatsiya markazi rezidentining faoliyati shartlari to‘g‘risidagi oldingi shartnomalar bo‘yicha bajarilmagan majburiyatlarining mavjudligi.
Rad etishning asosi Muvofiqlashtiruvchi kengashning yuridik shaxsni Innovatsiya markazi rezidenti sifatida ro‘yxatga olishni rad etish to‘g‘risidagi qarorida ko‘rsatiladi, Direksiya tomonidan yuridik shaxsga ushbu qarordan ko‘chirma taqdim etiladi.
14. Yuridik shaxs tomonidan yuridik shaxsni Innovatsiya markazi rezidenti sifatida ro‘yxatga olishni rad etish uchun asos bo‘lib xizmat qilgan sabablar bartaraf etilgan holda, ariza va boshqa hujjatlarni qayta ko‘rib chiqish ushbu Nizomning 9-bandiga muvofiq amalga oshiriladi.
15. Yuridik shaxsni Innovatsiya markazi rezidenti sifatida ro‘yxatga olish to‘g‘risidagi qaror qabul qilingan holda, Muvofiqlashtiruvchi kengashning qarori Innovatsiya markazining rasmiy veb-saytida joylashtirilgandan keyin besh ish kuni mobaynida yuridik shaxs Muvofiqlashtiruvchi kengash tomonidan tasdiqlanadigan shaklga binoan Direksiya bilan Innovatsiya markazi rezidentining faoliyati shartlari to‘g‘risida shartnoma tuzadi.
Direksiyaning so‘roviga ko‘ra o‘z faoliyati to‘g‘risida Muvofiqlashtiruvchi kengash tomonidan tasdiqlanadigan muddatlarda va shaklga ko‘ra axborot, jumladan statistik va soliq hisoboti nusxalarini taqdim etishi;
har yili hisobot yilidan keyingi yilning 1-iyuligacha moliya-xo‘jalik faoliyati majburiy auditini o‘tkazishi va auditorlik xulosasining bir nusxasini Direksiyaga yuborishi shart. Bu xulosada, shuningdek, olingan tushum va yuridik shaxsning haqiqatda amalga oshirgan faoliyati ushbu Nizomning 6-bandi “a” kichik bandida ko‘rsatilgan faoliyat turlariga to‘g‘ri kelishi to‘g‘risida xulosa ham bo‘lishi kerak;
har oyda Direksiyaning talab qilib olinadigan depozit hisob raqamiga, Muvofiqlashtiruvchi kengash qarorida belgilangan stavkalar bo‘yicha (sof foydaning bir foizidan ko‘p bo‘lmagan miqdorda) ajratma o‘tkazishi shart.
17. Ushbu Nizomning 15-bandida ko‘rsatilgan shartnoma tuzilgandan keyin besh ish kuni mobaynida Direksiya:
yuridik shaxsga Innovatsiya markazi rezidenti sifatida ro‘yxatga olinganligi to‘g‘risida guvohnoma beradi;
O‘zbekiston Respublikasi Davlat bojxona qo‘mitasiga va Davlat soliq qo‘mitasiga, yuridik shaxsga xizmat ko‘rsatadigan tijorat bankiga u Innovatsiya markazi rezidenti sifatida ro‘yxatga olinganligi to‘g‘risida rasmiy bildirish yuboradi;
yuridik shaxsning nomi, IFUM, pochta va elektron manzili ko‘rsatilgan holda reyestrga yuridik shaxs ro‘yxatga olinganligi to‘g‘risida tegishli yozuvni kiritadi.
18. Yuridik shaxs qayta tashkil etilganda, Innovatsiya markazi rezidenti maqomi davlat ro‘yxatiga olingan sanadan boshlab barcha huquqlar va ilgari qabul qilingan majburiyatlar saqlangan holda qayta tashkil etilgan yuridik shaxsga o‘tadi. Bunda, davlat ro‘yxatiga olingandan so‘ng o‘n kun muddatda yuridik shaxs reyestrga va boshqa hujjatlarga o‘zgartirish kiritish uchun yozma ravishda Direksiyaga murojaat qiladi, shuningdek, Innovatsiya markazi rezidenti faoliyatining shartlari to‘g‘risida shartnoma tuzadi. Bunday tartib yuridik shaxsning nomi o‘zgarganda ham qo‘llaniladi.
19. Innovatsiya markazi rezidentining maqomidan mahrum qilishga Muvofiqlashtiruvchi kengash qaroriga ko‘ra, shu jumladan, Direksiya xulosasi bo‘yicha Innovatsiya markazi rezidenti tomonidan Innovatsiya markazi rezidenti faoliyatining shartlari to‘g‘risidagi shartnomada belgilangan talablar va shartlarga rioya qilinmaganda, shuningdek, ixtiyoriy tarzda yoki qonun hujjatlarida belgilangan tartibda yo‘l qo‘yiladi.
Direksiya Muvofiqlashtiruvchi kengash tomonidan tegishli qaror qabul qilingan sanadan boshlab yoki Innovatsiya markazi rezidentining uni bunday maqomdan mahrum qilish to‘g‘risidagi arizasi olingan sanadan boshlab yoki qonun hujjatlariga muvofiq tugatilganda uch ish kuni mobaynida reyestrga yuridik shaxsni Innovatsiya markazi rezidenti maqomidan mahrum qilish to‘g‘risida yozuv kiritadi.
20. Direksiya Innovatsiya markazi rezidentlari reyestriga tegishli yozuv kiritilgan kundan boshlab uch ish kuni mobaynida yuridik shaxs joylashgan joydagi davlat soliq va bojxona xizmatlarini yuridik shaxs Innovatsiya markazi rezidenti maqomidan mahrum qilinganligi to‘g‘risida xabardor qiladi.
4-bob. Innovatsiya markazi rezidentlari uchun maxsus soliq va bojxona imtiyozlarini qo‘llash tartibi
barcha turdagi soliqlar va davlat maqsadli fondlariga majburiy ajratmalarni, shuningdek, yagona ijtimoiy to‘lovni to‘lashdan;
belgilangan tartibda tasdiqlanadigan ro‘yxatlar bo‘yicha O‘zbekiston Respublikasida ishlab chiqarilmaydigan, o‘z ehtiyojlari uchun olib kirilayotgan uskuna, butlovchi qismlar, detallar, uzellar, texnologik hujjatlar, dasturiy ta’minot uchun (bojxona yig‘imlaridan tashqari) bojxona to‘lovlarini to‘lashdan;
o‘zi ishlab chiqaradigan tovarlar (ishlar, xizmatlar)ni eksport qilishdan tushadigan valyuta tushumining bir qismini majburiy sotishdan ozod etiladi.
soliqlar va majburiy ajratmalar bo‘yicha — yuridik shaxs reyestrga kiritilgan oydan keyingi oyning 1-kunidan;
23. Innovatsiya markazi rezidenti moliya operatsiyalari va ko‘chmas mulkdan foyda olishga haqlidir. Bunda qonun hujjatlarida Innovatsiya markazi rezidentlari uchun nazarda tutilgan imtiyozlar ushbu daromadlarga taalluqli bo‘lmaydi va ular umumiy belgilangan tartibda soliqlar va boshqa majburiy to‘lovlarni to‘laydilar.
24. Innovatsiya markazi rezidentlari yil choragi tugashining oxirgi oyining birinchi kunidan kechiktirmay, O‘zbekiston Respublikasida ishlab chiqarilmaydigan, o‘z ehtiyojlari uchun olib kiriladigan uskuna, butlovchi qismlar, detallar uzellar, texnologik hujjatlar, dasturiy ta’minotni ro‘yxatga kiritish uchun Direksiyaga o‘zlarining takliflarini kiritadilar.
Bu takliflarda Innovatsiya markazi rezidentlari O‘zbekiston Respublikasida ishlab chiqarilmaydigan uskuna, butlovchi qismlar, detallar, uzellar, texnologik hujjatlar, dasturiy ta’minotning to‘liq nomini, miqdorini va zarurligining qisqa asoslanishini ko‘rsatishlari kerak.
Innovatsiya markazi rezidentlari bu takliflarning to‘g‘riligi va asoslanganligi yuzasidan to‘liq javobgardirlar.
25. Innovatsiya markazi rezidentlari tomonidan bojxona imtiyozlari qo‘llanilgan holda o‘zlarining ehtiyojlari uchun olib kiriladigan, O‘zbekiston Respublikasida ishlab chiqarilmaydigan uskuna, butlovchi qismlar, detallar, uzellar, texnologik hujjatlar, dasturiy ta’minot ro‘yxatini tasdiqlash to‘g‘risidagi qaror loyihasi yil choragida bir marta O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan tayyorlanadi.
O‘zbekiston Respublikasi Axborot texnologiyalari va kommunikatsiyalarini rivojlantirish vazirligi qonun hujjatlarida belgilangan tartibda ushbu qaror loyihasi kelishilishini va tasdiqlash uchun kiritilishini ta’minlaydi.
26. Innovatsiya markazi rezidentlari tomonidan bojxona imtiyozlari qo‘llanilgan holda o‘zlarining ehtiyojlari uchun olib kiriladigan, O‘zbekiston Respublikasida ishlab chiqarilmaydigan uskuna, butlovchi qismlar, detallar, uzellar, texnologik hujjatlar, dasturiy ta’minot ro‘yxati tasdiqlangandan so‘ng Direksiya hujjatlar nusxasi olingan sanadan boshlab besh kun mobaynida uni Innovatsiya markazining tegishli rezidentlariga yuboradi.
27. Agar hisobot yili yakunlari bo‘yicha, taqdim etilgan auditorlik xulosasidan kelib chiqib, Innovatsiya markazi rezidenti ushbu Nizom bilan belgilangan mezonlarga to‘g‘ri kelmaydigan faoliyatni amalga oshirgan holda, ushbu Nizomning 21-bandida ko‘rsatilgan imtiyozlar belgilangan tartibda O‘zbekiston Respublikasi Davlat budjetiga ularni to‘lash bo‘yicha majburiyatlar tiklangan holda bekor qilinadi.
Bunda Direksiya Innovatsiya markazi rezidenti auditorlik xulosasini o‘rganish natijalari bo‘yicha 5 ish kuni mobaynida davlat soliq xizmati, davlat bojxona xizmati organlariga rasmiy ravishda bildirishnoma yuboradi, shuningdek, Muvofiqlashtiruvchi kengashga ushbu yuridik shaxsni Innovatsiya markazi rezidenti maqomidan mahrum qilish to‘g‘risida taklif kiritadi.
28. Davlat soliq xizmati organlari tomonidan Innovatsiya markazi rezidentlarining ushbu Nizom bilan belgilangan mezonlarga mos kelmaslik holatlari aniqlanganda, ular 10 ish kuni mobaynida aniqlangan holatlar to‘g‘risida;
davlat bojxona xizmati organlarini — belgilangan tartibda bojxona to‘lovlarini undirish bo‘yicha choralar ko‘rish uchun;
Muvofiqlashtiruvchi kengashni — ushbu yuridik shaxsni Innovatsiya markazi rezidentlari reyestridan chiqarish uchun xabardor qiladi.
29. Innovatsiya markazi rezidentlari tomonidan, erkin muomalaga chiqarilgan sanadan boshlab 5 yil mobaynida imtiyozlar qo‘llanilgan holda olib kiriladigan, O‘zbekiston Respublikasida ishlab chiqarilmaydigan uskuna, butlovchi qismlar, detallar, uzellar, texnologik hujjatlar va dasturiy ta’minotdan o‘z ehtiyojlaridan tashqari foydalanganlik holatlari aniqlanganda, davlat soliq xizmati organlari soliq to‘lovchining moliya-xo‘jalik faoliyati tekshiruvini o‘tkazish chog‘ida aniqlangan holatlar to‘g‘risida hujjatlar tuzadilar va ularni uch ish kuni mobaynida davlat bojxona xizmatining hududiy organlariga yuboradilar.
O‘z ehtiyojlaridan tashqari foydalanilgan olib kirilgan uskuna, butlovchi qismlar, detallar, uzellar, texnologik hujjatlar, dasturiy ta’minotga to‘g‘ri keladigan bojxona to‘lovlari bo‘yicha imtiyozlar summasi, belgilangan tartibda penya hisoblangan holda O‘zbekiston Respublikasi Davlat budjetiga undirilishi zarur.
30. Innovatsiya markazi rezidenti maqomidan ixtiyoriy ravishda voz kechilganda, ushbu Nizomning 21-bandida ko‘rsatilgan imtiyozlar, Innovatsiya markazi rezidentlari belgilangan mezonlarga mos kelgan oldingi hisobot davri (yil choragi, yarim yillik, 9 oy) uchun saqlanadi.
31. O‘zbekiston Respublikasi Prezidentining “O‘zbekiston Respublikasi axborot texnologiyalari tarmog‘ini rivojlantirish uchun sharoitlarni tubdan yaxshilash chora-tadbirlari to‘g‘risida” 2017-yil 30-iyundagi PF-5099-son Farmoniga muvofiq xodimlar tomonidan Innovatsiya markazi rezidentlari bilan tuzilgan mehnat shartnomalari bo‘yicha 2028-yil 1-yanvargacha olingan mehnatga haq to‘lash shaklidagi daromadlarga:
qayd etilgan 7,5 foizli stavka bo‘yicha jismoniy shaxslar daromadlaridan olinadigan soliq solinadi, 4,5 foizli stavka bo‘yicha –O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga fuqarolarning sug‘urta badallari to‘lanadi;
ushbu daromadlar jismoniy shaxslarning soliq solish maqsadlarida belgilanadigan jami yillik daromadlari hajmiga kiritilmaydi.
32. Jismoniy shaxslarning budjetga to‘lanishi lozim bo‘lgan, ushbu Nizomning 31-bandida ko‘rsatilgan stavkadan kelib chiqib hisoblangan daromadlariga solinadigan soliq summasi jismoniy shaxslarning soliq solinishi kerak bo‘lgan daromadlarining 1 foizi miqdorida hisoblanadigan, fuqarolarning shaxsiy jamg‘arib boriladigan pensiya hisob varaqlariga o‘tkaziladigan har oydagi majburiy badallari summasiga kamayadi.
33. Xodimlarning mehnatiga haq to‘lash tarzidagi daromadlar bo‘yicha O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga fuqarolar to‘laydigan sug‘urta badallarini va jismoniy shaxslarning daromadlaridan olinadigan soliqni hisoblashning va to‘lashning to‘g‘riligi Innovatsiya markazi rezidentlariga yuklanadi.
Keyingi tahrirga qarang.
O‘zbekiston Respublikasi hududida xalqaro to‘lov kartalariga o‘tkazish yo‘li bilan, o‘zi ishlab chiqargan tovarlar (ishlar, xizmatlar) eksportidan olinadigan tushum doirasida naqd pulsiz shaklda dividendlar va xodimlarga ish haqi to‘lash bo‘yicha xorijiy valyutada hisob-kitoblarni amalga oshiradilar;
eksport kontraktisiz butunjahon Internet axborot tarmog‘idagi onlayn do‘konlar orqali xorijiy valyutaga ishlar va xizmatlar eksportini amalga oshiradilar.
35. Innovatsiya markazi rezidentlari xizmat ko‘rsatish uchun vakolatli tijorat banklarini mustaqil tanlaydilar va xorijiy valyutada O‘zbekiston Respublikasining bir yoki bir qancha vakolatli tijorat banklarida (keyingi o‘rinlarda vakolatli bank deb ataladi) hisob raqami ochishga haqlidirlar.
Keyingi tahrirga qarang.
36. Innovatsiya markazi rezidentlari, shuningdek, O‘zbekiston Respublikasi qonun hujjatlariga muvofiq xorijdagi tijorat banklari hisob raqamlarida xorijiy valyutada mablag‘lar saqlash va hisob raqamiga ega bo‘lish, ulardan mustaqil ravishda foydalanish huquqiga egadirlar.
37. Innovatsiya markazi rezidentlari tomonidan olinadigan, shu jumladan, o‘zi ishlab chiqaradigan tovarlar (ishlar, xizmatlar) eksportidan olinadigan xorijiy valyutadagi tushum ularning vakolatli banklardagi hisob raqamlariga o‘tkazilishi shart. Bunda rezidentning vakolatli bank nomiga yozilgan xati rezidentning eksport kontraktisiz butunjahon Internet axborot tarmog‘ining onlayn do‘konlari orqali xorijiy valyutaga ishlar va xizmatlar eksportidan olingan tushumi tasdig‘i bo‘lib hisoblanadi.
Keyingi tahrirga qarang.
Innovatsiya markazi rezidentlarining xorijdagi tijorat banklarida ochilgan hisob raqamlariga xorijiy valyutada mablag‘larning tushishi, O‘zbekiston Respublikasi qonun hujjatlari talablariga muvofiq amalga oshiriladi.
38. Innovatsiya markazi rezidentlarining O‘zbekiston Respublikasining vakolatli banklaridagi valyuta hisob raqamlariga xorijiy valyutada mablag‘lar o‘tkazilishi mumkin:
qonun hujjatlarida belgilangan tartibda Innovatsiya markazi rezidentlarining ustav fondiga (ustav kapitaliga) qo‘yilgan;
qonun hujjatlarida belgilangan tartibda olingan kreditlar, xorijiy investitsiyalar va qarzlar hamda ularni oshirish bilan bog‘liq to‘lovlar bo‘yicha;
39. Innovatsiya markazi rezidentlarining O‘zbekiston Respublikasining vakolatli banklaridagi valyuta hisob raqamlarida bo‘lgan xorijiy valyutadagi mablag‘lari hisob raqam egasining farmoyishiga ko‘ra:
xalqaro to‘lov kartalariga o‘tkazish yo‘li bilan Innovatsiya markazi rezident muassislariga dividendlar to‘lashda foydalanilishi;
vakolatli bankning xorijiy valyutadagi operatsiyalari bo‘yicha vositachilik haqi to‘lash uchun, belgilangan tartibda Innovatsiya markazi rezidenti xodimlarining O‘zbekiston Respublikasidan tashqariga xizmat safari bilan bog‘liq xarajatlarni to‘lash uchun foydalanilishi;
qonunda belgilangan tartibda yuridik shaxslarning ustav fondiga (ustav kapitaliga) kiritish bo‘yicha xarajatlar uchun o‘tkazilishi;
hisob raqami egasining O‘zbekiston Respublikasining boshqa vakolatli banklarida ochilgan boshqa hisob raqamlariga o‘tkazilishi;
qonun hujjatlarida belgilangan hollarda nosavdo xususiyat kasb etadigan to‘lovlar bo‘yicha o‘tkazilishi;
Keyingi tahrirga qarang.
40. Innovatsiya markazi rezidentlarining xorijdagi tijorat banklarida ochilgan hisob raqamlari orqali mablag‘larning barcha harakati O‘zbekiston Respublikasi qonun hujjatlariga muvofiq amalga oshirilishi kerak.
41. Ichki valyuta bozorida xorijiy valyutani sotish va sotib olish qonun hujjatlarida belgilangan tartibda tegishli hujjatlar va buyurtmani taqdim etish yo‘li bilan vakolatli banklar orqali Innovatsiya markazi rezidentlari tomonidan amalga oshiriladi.
Keyingi tahrirga qarang.
42. Vakolatli banklar tomonidan Innovatsiya markazi rezidentlarining eksport va import kontraktlari monitoringi tashqi savdo operatsiyalari Yagona elektron axborot tizimi orqali amalga oshiriladi, ishlar va xizmatlarni butunjahon Internet axborot tarmog‘idagi onlayn do‘konlar orqali xorijiy valyutaga eksport qilish holatlaridan tashqari.
Keyingi tahrirga qarang.
43. Eksport kontraktlarni, Innovatsiya markazi rezidentlarining butunjahon Internet axborot tarmog‘idagi onlayn magazinlar orqali xorijiy valyutaga ishlar va xizmatlarni eksport qilish holatlaridan tashqari, davlat bojxona xizmatida hisobga qo‘yish qonun hujjatlariga muvofiq amalga oshiriladi.
Keyingi tahrirga qarang.
44. Innovatsiya markazi rezidentlari bajarilgan ishlar va ko‘rsatilgan xizmatlar uchun hisob raqamlariga xorijiy valyutadagi tushum o‘z vaqtida va to‘liq tushmaganligi yuzasidan qonun hujjatlariga muvofiq javob beradilar.
45. Muvofiqlashtiruvchi kengash ishiga rahbarlikni uning rahbari, rahbar bo‘lmaganda esa — uning o‘rinbosari amalga oshiradi.
Muvofiqlashtiruvchi kengash rahbari qonun hujjatlariga muvofiq boshqa vakolatlarga ham ega bo‘lishi mumkin.
47. Muvofiqlashtiruvchi kengash bir oyda bir marta o‘tkaziladigan majlislarda o‘zining vakolatiga taalluqli masalalar bo‘yicha qarorlar qabul qiladi.
Muvofiqlashtiruvchi kengashning navbatdan tashqari majlisi Muvofiqlashtiruvchi kengash rahbarining yoki uning o‘rinbosarining tashabbusi bo‘yicha chaqirilishi mumkin.
48. Muvofiqlashtiruvchi kengash majlisi uning tarkibidagi a’zolarning kamida uchdan ikki qismi qatnashsa huquqiy vakolatli hisoblanadi.
49. Muvofiqlashtiruvchi kengash qarori majlisda hozir bo‘lgan a’zolar sonidan kelib chiqib, ovozlarning oddiy ko‘pchiligi bilan qabul qilinadi. Ovozlar teng bo‘lganda, rahbarning (rahbar bo‘lmaganda uning o‘rinbosarining) ovozi hal qiluvchi ovoz hisoblanadi.
Muvofiqlashtiruvchi kengash qarori bayonnoma bilan rasmiylashtiriladi, Muvofiqlashtiruvchi kengash rahbari (rahbar bo‘lmaganda uning o‘rinbosari) tomonidan tasdiqlanadi va Direksiya hamda rezidentlar tomonidan, shuningdek, O‘zbekiston Respublikasi Prezidentining “Respublikada axborot texnologiyalari tarmog‘ini rivojlantirish uchun sharoitlarni tubdan yaxshilash chora-tadbirlari to‘g‘risida” 2017-yil 30-iyundagi PF-5099-son Farmoniga ko‘ra Muvofiqlashtiruvchi kengashga berilgan vakolatlar yuzasidan mahalliy davlat hokimiyat organlari tomonidan bajarilishi majburiy hisoblanadi.
50. Muvofiqlashtiruvchi kengash bayonnomalarini hisobga olish Direksiya tomonidan olib boriladi. Bunda Direksiya qarorlar qabul qilingandan so‘ng uch ish kuni mobaynida Innovatsiya markazining rasmiy veb-saytida Muvofiqlashtiruvchi kengash qarorlari e’lon qilinishini ta’minlaydi.
51. Direksiyani qonun hujjatlarida belgilangan tartibda lavozimga tayinlanadigan va lavozimdan ozod qilinadigan direktor boshqaradi.
Direktor Direksiya o‘z funksiyalarini amalga oshirishi yuzasidan shaxsan javob beradi va har yili Muvofiqlashtiruvchi kengashga Innovatsiya markazi hamda Direksiya faoliyati to‘g‘risida hisobot taqdim etadi.
Muvofiqlashtiruvchi kengashga yuridik shaxslarni Innovatsiya markazi rezidentlari sifatida ro‘yxatga olish, ularni rezident maqomidan mahrum qilish to‘g‘risida qarorlar qabul qilish uchun zarur bo‘lgan materiallarni yuboradi;
Muvofiqlashtiruvchi kengashning Innovatsiya markazi rezidentlari sifatida ro‘yxatga olish to‘g‘risidagi qarorlari asosida rezidentlar reyestriga tegishli ma’lumotlarni kiritadi;
yuridik shaxslarga, ular Innovatsiya markazi rezidentlari sifatida ro‘yxatga olinganligi to‘g‘risida guvohnomalar beradi;
ushbu Nizomga muvofiq yuridik shaxslar tomonidan taqdim etilgan biznes-loyihalarning ilmiy-texnik ekspertizasini (ekspertizalarni), shu jumladan, ekspertlarni (ilmiy va boshqa tashkilotlar, olimlar hamda mutaxassislarni) jalb etgan holda tashkil qiladi;
Innovatsiya markazi doirasida rezidentlar tomonidan amalga oshiriladigan faoliyat tahlilini o‘tkazadi;
Direksiya ustavida, ushbu Nizomda, boshqa normativ-huquqiy hujjatlar va Muvofiqlashtiruvchi kengash qarorlari bilan belgilanadigan boshqa vazifalarni bajaradi.
53. Direksiya belgilangan tartibda rasmiy talablar yuborishga va davlat organlaridan, boshqa tashkilotlar va mansabdor shaxslardan o‘ziga yuklatilgan funksiyalarni amalga oshirish uchun zarur bo‘lgan hujjatlar va ma’lumotni olishga haqli.
Innovatsiya markazi rezidentlarining, ularning Muvofiqlashtiruvchi kengash tomonidan belgilanadigan stavkalar bo‘yicha olinadigan sof tushumidan foizlardagi (bir foizdan ko‘p emas) har oylik ajratmalari;
Innovatsiya markazi rezidentlariga qo‘shimcha pulli xizmatlar ko‘rsatilishidan olinadigan daromadlar;
xalqaro moliya institutlari, xorijiy hukumat va nohukumat tashkilotlarning beg‘araz texnik ko‘magi (grantlari);
56. Innovatsiya markazi faoliyatini qayta tashkil etish va to‘xtatish qonun hujjatlariga muvofiq amalga oshiriladi.