O‘zbekiston Respublikasining “Faoliyatning ayrim turlarini litsenziyalash to‘g‘risida”gi Qonuniga muvofiq hamda O‘zbekiston Respublikasi Prezidentining “Sog‘liqni saqlash sohasida xususiy sektorni yanada rivojlantirish chora-tadbirlari to‘g‘risida” 2017-yil 1-apreldagi PQ-2863-son qarorini bajarish maqsadida Vazirlar Mahkamasi qaror qiladi:
Keyingi tahrirga qarang.
Litsenziya talablari va shartlari litsenziya olish yoki litsenziyaning amal qilish muddatini uzaytirish uchun yangidan ariza bergan tibbiy muassasalarga, shuningdek litsenziyani qayta rasmiylashtirish uchun murojaat qilgan faoliyat yurituvchi litsenziatlarga tatbiq etiladi;
tibbiy faoliyatni amalga oshirish uchun avval berilgan litsenziyalar ularning amal qilish muddati tugagungacha amal qiladi.
tibbiy ixtisoslashuvning tegishli turini amalga oshirish uchun zarur bo‘lgan moddiy-texnik baza, asbob-uskunalar va boshqa texnik vositalar, shu jumladan tibbiy texnikaga eng kam talablar, shuningdek tibbiy tashkilotning turidan kelib chiqib aniqlanadigan tibbiy uskunaning ma’nan eskirganligi darajasini aniqlovchi mezonlar;
tegishli mutaxassislikka ega vrachlar tibbiy ixtisoslashuvining litsenziyalanadigan turlari bo‘yicha vrachlar lavozimini egallashi mumkin bo‘lgan tibbiy mutaxassisliklar ro‘yxati;
manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin;
ikki oy muddatda O‘zbekiston xususiy amaliyot vrachlari uyushmasi bilan birgalikda nodavlat tibbiy tashkilotlar o‘rtasida ushbu qaror qoidalarini bajarish bo‘yicha keng tushuntirish ishlarini amalga oshirsin.
6. Vazirlar Mahkamasining “Tibbiy faoliyatni litsenziyalash tartibi to‘g‘risida” 2012-yil 29-martdagi 92-son qarorining (O‘zbekiston Respublikasi QT, 2012-yil, 3-son, 21-modda) 1-bandi, shuningdek qarorga 1 va 2- ilovalar 2017-yil 1-iyuldan boshlab o‘z kuchini yo‘qotgan deb hisoblansin.
7. Mazkur qarorning bajarilishini nazorat qilish O‘zbekiston Respublikasi sog‘liqni saqlash vaziri A.K. Shadmanov zimmasiga va O‘zbekiston Respublikasi Vazirlar Mahkamasining Sog‘liqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga yuklansin.
diagnostika — mijozning shikoyatlari, anamnezi va ko‘rik ma’lumotlarini to‘plash va tahlil qilish, tashxisni aniqlash maqsadida laboratoriya, instrumental, patalogo-anatomik va boshqa ko‘riklarni o‘tkazish, mijozni davolash bo‘yicha tadbirlarni tanlash va (yoki) ushbu tadbirlarning amalga oshirilishini nazorat qilish bo‘yicha amalga oshiriladigan, holatni oydinlashtirishga yoki kasallikning bor yoki yo‘qligi faktini aniqlashga yo‘naltirilgan tibbiy aralashuvlar majmui;
konsultatsiya — tibbiy mutaxassisning kasallikni aniqlash, bartaraf etish va namoyon bo‘lish shakllari yoki holatini yengillashtirish bo‘yicha professional maslahati;
davolash — tibbiy mutaxassisning ko‘rsatmasiga ko‘ra bajariladigan, u yoki bu kasallik yoki jarohat, patologik holat yoki organizm faoliyatining boshqacha tarzda buzilishi alomatlarini yengillashtirish, yo‘qotish yoki bartaraf etish maqsadida bajariladigan tibbiy aralashuvlar majmuasi, hayotiy faoliyatning buzilgan jarayonlarini normallashtirish va sog‘lomlashtirish, sog‘liqni, mehnatga layoqatni va turmush sifatini tiklash;
tibbiy faoliyat — maxsus tibbiy ma’lumot va ko‘nikmalarni talab qiluvchi kasalliklarning profilaktikasi, diagnostikasi, davolash va mijozning reabilitatsiyasiga yo‘naltirilgan faoliyat;
ambulatoriya turidagi tibbiy tashkilotlar — tunu-kun kuzatishga muhtoj bo‘lmagan mijozlarga davolash-diagnostika yordami ko‘rsatiladigan tashkilot;
statsionar turdagi tibbiy tashkilotlar — tunu-kun kuzatish, parvarish qilish va davolash-saqlash rejimiga muhtoj bo‘lgan bemorlarga davolash-diagnostika yordami ko‘rsatuvchi tashkilot;
nodavlat tibbiy tashkilotlar — faoliyati litsenziyalanadigan, davlat sog‘liqni saqlash tizimiga kirmaydigan tashkilotlar;
mijoz — kasalligi bor yoki yo‘qligidan va holatidan qat’i nazar, unga yordam ko‘rsatilayotgan yoki tibbiy yordam so‘rab murojaat qilgan jismoniy shaxs;
profilaktika — mijozning sog‘lig‘ini saqlash va mustahkamlashga yo‘naltirilgan, sog‘lom turmush tarzini shakllantirish, kasalliklarning yuzaga kelishi va (yoki) tarqalishining oldini olish, ularni barvaqt aniqlash, ularning yuzaga kelishi va rivojlanishi sabablarini aniqlashdan iborat bo‘lgan hamda odam sog‘lig‘iga u yashayotgan muhit omillarining salbiy ta’sirini yo‘qotishga qaratilgan tadbirlar majmui;
reabilitatsiya — boshdan kechirilgan kasallikdan so‘ng qo‘llaniladigan, odam organizmining kasallik yoki jarohat tufayli buzilgan yoki to‘liq yo‘qotilgan normal ruhiy va fiziologik funksiyalari (ehtiyojlari)ni, uning mehnatga layoqatini eng yuqori darajada tiklash yoki o‘rnini bosishga yo‘naltirilgan tadbirlar majmui.
Keyingi tahrirga qarang.
Oldingi tahrirga qarang.
4. Tibbiy faoliyatni litsenziyalash O‘zbekiston Respublikasi Sog‘liqni saqlash vazirligi (keyingi o‘rinlarda litsenziyalovchi organ deb ataladi) tomonidan, xalq tabobati usullarini qo‘llagan holda tibbiy faoliyatni litsenziyalash litsenziyalovchi organ huzurida tashkil etilgan xalq tabobati usullaridan foydalangan holda Tibbiy xizmat ko‘rsatish faoliyatini litsenziyalash maxsus komissiyasi tomonidan Davlat xizmatlari markazlari (keyingi o‘rinlarda markazlar deb ataladi) yoki O‘zbekiston Respublikasining Yagona interfaol davlat xizmatlari portali (keyingi o‘rinlarda Yagona portal deb ataladi) orqali amalga oshiriladi.
Xalq tabobati usulida xizmat ko‘rsatish faoliyatini litsenziyalash tibbiy faoliyatni litsenziyalash uchun belgilangan tartibda (tibbiy ta’lim ma’lumoti mavjudligi talabi bundan mustasno) amalga oshiriladi.
(4-band O‘zbekiston Respublikasi Vazirlar Mahkamasining 2019-yil 10-yanvardagi 15-sonli qarori tahririda — Qonun hujjatlari ma’lumotlari milliy bazasi, 10.01.2019-y., 09/19/15/2454-son)
5. Tibbiy xizmatlar maslahatlar, diagnostika, davolash va reabilitatsiya shaklida tegishli ambulatoriya va statsionar turdagi tibbiy tashkilotlarda ko‘rsatiladi.
Tibbiy faoliyat litsenziyalovchi organ tomonidan tasdiqlanadigan tibbiy ixtisoslashuv shakllari nomenklaturasiga (keyingi o‘rinlarda ixtisoslashuv shakllari deb ataladi) muvofiq amalga oshiriladi.
Tibbiy ixtisoslashuvning tegishli turini amalga oshirish uchun zarur bo‘lgan moddiy-texnik baza, asbob-uskunalar va boshqa texnik vositalar, shu jumladan tibbiy texnikaga eng kam talablar (keyingi o‘rinlarda kam talablar deb ataladi), shuningdek tibbiy asbob-uskunaning ma’nan eskirganligi darajasini aniqlovchi mezonlar tibbiy tashkilotning turidan kelib chiqib, litsenziyalovchi organ tomonidan belgilanadi.
6. Tibbiy faoliyatni amalga oshirish uchun ushbu Nizomning 2-ilovasidagi shaklga muvofiq namunaviy (oddiy) litsenziyalar beriladi.
7. Tibbiy faoliyatni amalga oshirish uchun litsenziya (keyingi o‘rinlarda litsenziya deb ataladi) besh yil muddatga beriladi. Litsenziya litsenziyaga talabgorning arizasiga ko‘ra 5 yildan kam muddatga berilishi mumkin.
Keyingi tahrirga qarang.
8. Litsenziya talabgorlari litsenziya talablariga va ushbu Nizomda nazarda tutilgan shartlarga muvofiq bo‘lgan yuridik shaxslar bo‘lishi lozim.
9. O‘zbekiston Respublikasi Prezidenti yoki O‘zbekiston Respublikasi Vazirlar Mahkamasining qarorlariga binoan tashkil etilgan davlat tibbiy unitar korxonalari va muassasalari, ularning tibbiy faoliyati O‘zbekiston Respublikasi Prezidenti yoki O‘zbekiston Respublikasi Vazirlar Mahkamasining qarorlarida nazarda tutilgan taqdirda litsenziya olmasdan tibbiy faoliyat yuritishga haqlidir. Ushbu qoida sanab o‘tilgan tashkilotlarni litsenziya talablari va shartlarini (mutaxassislarning malakaviy toifasiga nisbatan litsenziya talablari bundan mustasno), shuningdek tibbiy faoliyatni amalga oshirish bo‘yicha qonunchilikda nazarda tutilgan boshqa talablarni bajarishdan ozod etmaydi.
10. Quyidagilar tibbiy faoliyatni amalga oshirish bo‘yicha litsenziya talablari va shartlari hisoblanadi:
Oldingi tahrirga qarang.
Keyingi tahrirga qarang.
bosh shifokorda — oliy tibbiy ma’lumot va malakaviy toifa, boshqa vrach-mutaxassislarda (oliy tibbiy ta’lim ma’lumotiga ega bo‘lmagan, xalq tabobati usullaridan foydalangan holda tibbiy faoliyat bilan shug‘ullanuvchi shaxslardan tashqari) tegishli tibbiy mutaxassislik bo‘yicha oliy ma’lumot va malakaviy toifa;
(10-band “a” kichik bandining ikkinchi xatboshisi O‘zbekiston Respublikasi Vazirlar Mahkamasining 2019-yil 10-yanvardagi 15-sonli qarori tahririda — Qonun hujjatlari ma’lumotlari milliy bazasi, 10.01.2019-y., 09/19/15/2454-son)
statsionar turdagi nodavlat tibbiy tashkilotda operatsiya bo‘limi tashkil etilgan taqdirda operatsiya qiluvchi vrachda — kamida birinchi malakaviy toifa;
Keyingi tahrirga qarang.
Keyingi tahrirga qarang.
xorijiy mutaxassis jalb etilgan taqdirda operatsiya qiluvchi vrachda kamida yetti yillik ish staji yoki yetakchi tibbiy muassasalar yoki klinikalarning operatsiya qiluvchi vrachining zarur kasbiy ko‘nikmalarga ega ekanligini tasdiqlovchi tavsiyanomasi;
xorijiy bilim yurtini tamomlagan mutaxassisni ishga jalb qilishda xorijiy mamlakatlarda olingan ma’lumoti to‘g‘risidagi hujjatlarning nostrifikatsiyasi (ekvivalentligini belgilash) haqidagi guvohnomaning davlat namunasi;
xorijiy bilim yurtini tamomlagan mutaxassisni ishga jalb qilishda mutaxassisligi bo‘yicha malakasini tasdiqlovchi hujjat;
litsenziya talabgorida — talabgorga mulkchilik asosida yoki boshqa mulkiy huquqlar bo‘yicha tegishli bo‘lgan, sanitariya qoidalari, me’yorlari va gigiyenik normativlarga mos bo‘lgan litsenziyalangan faoliyat turini amalga oshirishga mo‘ljallangan xonalar;
litsenziya talabgorida — talabgorga mulkchilik asosida yoki boshqa mulkiy huquqlar bo‘yicha tegishli bo‘lgan, tegishli metrologik me’yorlar va texnika xavfsizligi me’yorlariga mos bo‘lgan uskunalar va boshqa texnika vositalari, shu jumladan, tibbiy texnika;
terapevtik yo‘nalish va diagnostika ixtisosliklari bo‘yicha tibbiy faoliyatni amalga oshirishda sterilizatsiya ishlarini bajarishga shartnoma yoki sterilizatsiya bo‘limi;
xirurgiya yo‘nalishidagi ixtisosliklar, shu jumladan, stomatologiya bo‘yicha tibbiy faoliyatni yuritishda sterilizatsiya bo‘limi;
tibbiy xodimda — sterilizatsiya uskunasida ishlash bo‘yicha o‘quvdan o‘tganligini tasdiqlovchi hujjat;
b) qonunchilikka qat’iyan rioya qilgan holda tibbiy faoliyatni amalga oshirish, bunda quyidagilarga rioya qilish:
litsenziyalovchi organ tomonidan tasdiqlangan namunalar va shakllar bo‘yicha birlamchi tibbiy hujjatlarni yuritish;
belgilangan tartibda O‘zbekiston Respublikasi Sog‘liqni saqlash vazirligi huzuridagi Jamoatchilik sog‘lig‘i va sog‘liqni saqlashni tashkil qilish bo‘yicha ilmiy-tadqiqot instituti filiallariga statistika ma’lumotlarini taqdim etish;
Keyingi tahrirga qarang.
Keyingi tahrirga qarang.
litsenziyalovchi organ tomonidan tasdiqlangan va (yoki) xalqaro tibbiy amaliyotda sinovdan o‘tgan profilaktika usullari, diagnostika va davolash standartlariga rioya qilish;
litsenziyalovchi organ tomonidan ruxsat berilgan dorivor, dezinfeksiya va zararsizlantiruvchi vositalar, laboratoriya reagentlaridan foydalanish;
Keyingi tahrirga qarang.
Keyingi tahrirga qarang.
v) ushbu Nizomda belgilangan holatlarda, muddatda va miqdorda yig‘imlarni, davlat bojlarini to‘lash.
Oldingi tahrirga qarang.
11. Litsenziya olish uchun talabgor markazlarga yoki Yagona portal orqali elektron shaklda litsenziyalovchi organ tomonidan belgilangan shaklga muvofiq litsenziya berilishi haqidagi arizani taqdim etadi va unda quyidagilarni ko‘rsatadi:
(11-bandning birinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Oldingi tahrirga qarang.
yuridik shaxsning nomi va soliq to‘lovchining identifikatsiya raqami, joylashgan manzili (pochta manzili) va tibbiy faoliyatni amalga oshirish manzili, elektron pochtasi, bank rekvizitlari;
(11-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 19-noyabrdagi 934-sonli qarori tahririda — Qonun hujjatlari ma’lumotlari milliy bazasi, 21.11.2018-y., 09/18/934/2197-son)
tibbiy tashkilotning turi va yuridik shaxs ko‘rsatmoqchi bo‘lgan ixtisoslashuvlar shakllari va ko‘rsatilgan tibbiy faoliyat amalga oshiriladigan muddat;
Keyingi tahrirga qarang.
tasdiqlangan eng kam talablarga muvofiq tibbiy faoliyatni amalga oshirish uchun zarur bo‘lgan uskunalar va boshqa texnika vositalari, shu jumladan, tibbiy texnikaning mavjudligi haqidagi ma’lumot.
Oldingi tahrirga qarang.
12. Litsenziya talabgoridan ushbu Nizomning 11-bandida nazarda tutilmagan boshqa hujjatlarni, shu jumladan boshqa identifikatorli qo‘shimcha hujjatlar va ma’lumotlar taqdim etilishini talab qilishga hamda idoralararo axborot almashinuvida boshqa identifikatorlardan foydalanishga yo‘l qo‘yilmaydi.
(12-band O‘zbekiston Respublikasi Vazirlar Mahkamasining 2018-yil 19-noyabrdagi 934-sonli qarori tahririda — Qonun hujjatlari ma’lumotlari milliy bazasi, 21.11.2018-y., 09/18/934/2197-son)
13. Litsenziya beruvchi organ litsenziya berish uchun zarur bo‘lgan, boshqa vakolatli organlarning ixtiyorida bo‘lgan ma’lumotlarni mustaqil ravishda, belgilangan tartibda, shu jumladan elektron shaklda oladi, ushbu Nizomning 11-bandida nazarda tutilgan hujjatlar bundan mustasno.
Oldingi tahrirga qarang.
14. Litsenziya talabgori litsenziya berish haqidagi arizani mazkur Nizomning 11-bandida nazarda tutilgan ma’lumotlarni ko‘rsatgan holda markazga shaxsan topshiradi yoki Yagona portal orqali yetkazadi. Litsenziya berish haqidagi arizani mazkur Nizomning 11-bandida nazarda tutilgan ma’lumotlarni ilova qilgan holda elektron shaklda Yagona portal orqali yetkazishda ariza litsenziya talabgorining elektron raqamli imzosi bilan tasdiqlanadi. Litsenziya talabgori arizada topshirilgan arizani ko‘rib chiqish natijalari bo‘yicha qabul qilingan qaror haqidagi xabarnomani olish shaklini ko‘rsatadi.
(14-bandning birinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Litsenziyalarni berish, ularning amal qilish muddatini uzaytirish, ular bo‘yicha xulosalarni tayyorlash O‘zbekiston Respublikasi Sog‘liqni saqlash vazirligining Nodavlat tashkilotlari tibbiy faoliyatini litsenziyalash boshqarmasi (keyingi o‘rinlarda ishchi organ deb ataladi) tomonidan amalga oshiriladi.
Litsenziya talabgori tomonidan Yagona portal orqali taqdim etilgan, kerakli ma’lumotlar ko‘rsatilgan ariza ishchi organning mas’ul xodimi tomonidan qabul qilinadi va uning olinganligi xabar qilinadi, shuningdek avtomatik tarzda Yagona portalda ro‘yxatga olinadi va takrorlanmaydigan ro‘yxatga olish raqami beriladi.
Oldingi tahrirga qarang.
Litsenziya talabgori tomonidan markaz orqali zarur ma’lumotlar ko‘rsatilgani holda ariza berilganda, “yagona darcha” markazi xodimi ushbu arizani qonunchilikda belgilangan tartibda litsenziya beruvchi organga yuboradi.
(14-bandning to‘rtinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
15. Litsenziya talabgori ishonchli bo‘lmagan yoki noto‘g‘ri ma’lumotlar taqdim etilgani uchun qonunchilikka muvofiq javob beradi.
16. Litsenziya berish haqidagi arizani ko‘rib chiqish uchun litsenziya talabgoridan ariza berilgan kunda qonunchilikda belgilangan eng kam oylik ish haqining ikki baravari miqdorida yig‘im undiriladi.
Keyingi tahrirga qarang.
Keyingi tahrirga qarang.
Oldingi tahrirga qarang.
Keyingi tahrirga qarang.
17. Litsenziya berish haqidagi ariza talabgor tomonidan Yagona portal orqali berilgan taqdirda, arizani ko‘rib chiqish uchun yig‘im summasining 20 foizi O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi, yig‘im summasining qolgan qismi esa litsenziya beruvchi organning hisob raqamiga o‘tkaziladi.
(17-bandning birinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Oldingi tahrirga qarang.
Markazlarga o‘zi kelib murojaat qilingan taqdirda, arizani ko‘rib chiqish uchun to‘lanadigan yig‘imlar summasining 20 foizi belgilangan tartibda O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi.
(17-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Keyingi tahrirga qarang.
Litsenziya talabgori berilgan arizadan bosh tortgan taqdirda to‘langan yig‘im summasi qaytarilmaydi.
18. Litsenziya berish yoki uni berishni rad etish to‘g‘risidagi qaror talabgor arizasi olingandan so‘ng yigirma kundan oshmaydigan muddatda, uning berilishi shaklidan qat’i nazar, zarur ma’lumotlar ko‘rsatilgan holda qabul qilinadi.
Keyingi tahrirga qarang.
Keyingi tahrirga qarang.
19. Litsenziya talabgorining arizasi barcha zarur ma’lumotlar bilan birga berilgan kunda ishchi organga ko‘rib chiqish uchun kiritiladi.
20. Tibbiy faoliyatni amalga oshirish uchun yaratilgan sharoitlarning belgilangan litsenziya talablari va shartlariga mosligini aniqlash uchun ishchi organ ariza qabul qilingan kundan boshlab bir kun mobaynida tibbiy faoliyatni amalga oshirishga mo‘ljallangan xonalarning sanitariya qoidalari, me’yorlari va gigiyenik normativlarga muvofiqligi haqidagi xulosani olish uchun davlat sanitariya-epidemiologiya nazoratining tegishli hududiy markaziga uni yo‘llashi shart.
Keyingi tahrirga qarang.
21. Davlat sanitariya-epidemiologiya nazoratining tegishli hududiy markazi bir hafta davomida ishchi organga idoralararo elektron hamkorlik tizimi orqali joyiga borib, o‘rganish xulosalari asosida tuzilgan xonalarning sanitariya qoidalari, me’yorlari va gigiyena normativlariga mosligi haqidagi xulosasini taqdim etadi.
Keyingi tahrirga qarang.
22. Ishchi organ eksperti xonalarning sanitariya qoidalari, me’yorlari va gigiyena normativlariga mosligi haqidagi xulosa olingandan so‘ng joyiga borgan holda bir hafta muddatda litsenziya talabgorining litsenziya talablari va shartlariga muvofiqligini tekshirish bo‘yicha ekspertiza o‘tkazadi.
Keyingi tahrirga qarang.
Keyingi tahrirga qarang.
Keyingi tahrirga qarang.
Litsenziya talabgorining litsenziya talablari va shartlariga muvofiqligini tekshirish bo‘yicha ekspertiza litsenziyalovchi organning o‘z mablag‘lari hisobiga amalga oshiriladi.
Ekspertizani amalga oshirishda ekspert xulosasini asoslash uchun zarur hujjatlarning nusxalarini tayyorlashga haqli.
Ekspertiza natijalariga ko‘ra ekspert tomonidan litsenziya berish yoki uni berishni rad etish haqidagi ekspert xulosasi tuziladi.
Tegishli xulosalarni tayyorlash uchun litsenziyalovchi organ shartnomaviy asosda qo‘shimcha ekspertlarni jalb etishga haqli.
Litsenziyalovchi organning litsenziya berish yoki uni berishni rad etish haqidagi qarori uch kun muddatda tasdiqlanadi va litsenziya berish yoki uni berishni rad etish uchun asos hisoblanadi.
Keyingi tahrirga qarang.
Litsenziyalovchi organ ikki kun muddatda litsenziya talabgorini u o‘z arizasida ko‘rsatgan shaklda, bank hisob raqami rekvizitlari va davlat bojini to‘lash muddati ko‘rsatilgan holda bundan xabardor qiladi.
Keyingi tahrirga qarang.
Keyingi tahrirga qarang.
23. Litsenziya litsenziya talabgori davlat boji to‘laganligi haqidagi hujjat yoki to‘langanligining elektron tasdig‘ini taqdim etgan kunda beriladi.
Berilgan, to‘xtatib turilgan, yangilangan, qayta rasmiylashtirilgan, bekor qilingan, shuningdek amal qilishi to‘xtatilgan litsenziyalar “Litsenziya” axborot tizimlari kompleksi reyestriga kiritiladi.
25. Litsenziat litsenziya berilishi to‘g‘risida qaror qabul qilingani haqidagi xabarnoma yuborilgan kundan boshlab uch oy muddatda litsenziya berilishi uchun davlat bojini to‘lamagan bo‘lsa, litsenziyalovchi organ litsenziyani bekor qilish haqida qaror qabul qilishga haqli.
26. O‘zbekiston Respublikasining “Faoliyatning ayrim turlarini litsenziyalash to‘g‘risida”gi Qonunining 17-moddasida nazarda tutilgan asoslar bo‘yicha litsenziya berish rad etilishi mumkin.
Litsenziya talabgori litsenziya beruvchi organning litsenziya berishni rad etish, shuningdek litsenziyalovchi organ mansabdor shaxsining harakatlari (harakatsizligi) yuzasidan qonunchilikda belgilangan tartibda shikoyat qilish huquqiga ega.
27. Litsenziya berishni rad etish to‘g‘risida qaror qabul qilingan taqdirda litsenziya berishni rad etish haqidagi xabarnoma litsenziya talabgoriga u arizada ko‘rsatgan shaklda yo‘llanadi, unda rad etish sabablari va litsenziya talabgori ularni bartaraf etgan holda qayta ko‘rib chiqish uchun ariza berishi mumkin bo‘lgan muddat ko‘rsatiladi. Litsenziya berishni rad etish to‘g‘risidagi xabarnomada ko‘rsatilgan muddat kamchiliklarni bartaraf etish uchun yetarli bo‘lishi zarur.
Litsenziya berishni rad etishga asos bo‘lgan sabablar bartaraf etilgan taqdirda, litsenziya berish to‘g‘risidagi arizaning litsenziyalovchi organ tomonidan takroran ko‘rib chiqilishi litsenziya talabgorining arizasi barcha zarur hujjatlar bilan birga taqdim etilgandan so‘ng o‘n kundan oshmasligi kerak.
Keyingi tahrirga qarang.
Bunda takroran berilgan ariza ishchi organga ko‘rib chiqish uchun ular qabul qilingan kunda beriladi.
Taqdim etilgan hujjatlar va takroriy ekspertiza xulosalari bo‘yicha litsenziyalovchi organning litsenziyani berish yoki uni berishni rad etish to‘g‘risidagi protokoli tuziladi.
Talabgorning arizasini qayta ko‘rib chiqishda litsenziya berishni rad etish to‘g‘risidagi avvalgi xabarnomada ko‘rsatilmagan yangi asoslar bo‘yicha litsenziya berishning rad etilishiga yo‘l qo‘yilmaydi.
Litsenziya berishni rad etish to‘g‘risidagi xabarnomada ko‘rsatilgan muddatdan so‘ng berilgan ariza yangidan berilgan deb hisoblanadi.
28. Tibbiy faoliyatning amalga oshirilish joyi, tashkilot turi, ixtisoslashuv turi o‘zgargan yoki filiali ochilgan taqdirda litsenziat litsenziya olish uchun qayta ariza berishi shart. Bunda yangi litsenziya olingungacha litsenziat avval berilgan litsenziya asosida tibbiy faoliyatni amalga oshirishga haqli.
Oldingi tahrirga qarang.
29. Litsenziat o‘zgartirilgan, uning nomi, joyi (pochta manzili) o‘zgargan taqdirda litsenziat va uning huquqiy vorisi ro‘yxatdan o‘tgandan so‘ng bir oy muddatda litsenziyalovchi organga markazlar yoki Yagona portal orqali elektron shaklda litsenziyani qayta rasmiylashtirish to‘g‘risida ariza berishi, unga tegishli ma’lumotlarni va amaldagi litsenziyaning asl nusxasini ilova qilishi shart.
(29-bandning birinchi xatboshisi O‘zbekiston Respublikasi Vazirlar Mahkamasining 2018-yil 29-oktabrdagi 884-sonli qarori tahririda — Qonun hujjatlari ma’lumotlari milliy bazasi, 30.10.2018-y., 09/18/884/2128-son)
Litsenziatlar — yuridik shaxslar birlashgan, davlat ro‘yxatidan o‘tgan sanaga ko‘ra yangidan tashkil etilgan yuridik shaxs tashkil qilib, aynan o‘sha faoliyat turi bilan shug‘ullanish uchun litsenziyaga ega bo‘lgan taqdirda, litsenziyaning ushbu bobda nazarda tutilgan tartibda qayta rasmiylashtirilishiga yo‘l qo‘yiladi.
Litsenziyalovchi organ qonunchilikka muvofiq tadbirkorlik subyektlarini davlat ro‘yxatidan o‘tkazish va ularning hisobini yuritish bo‘yicha avtomatlashtirilgan tizim orqali ko‘rsatilgan ma’lumotlarning tasdig‘ini oladi.
Faoliyatning bir qismi (qismlari) bo‘yicha litsenziyaning amal qilish muddati tugagan taqdirda litsenziya qayta rasmiylashtirilishi kerak.
Keyingi tahrirga qarang.
30. Litsenziya qayta rasmiylashtirilgungacha litsenziat unda ko‘rsatilgan faoliyat turi bilan avval berilgan litsenziya asosida faoliyat yuritadi.
Litsenziyani qayta rasmiylashtirishda litsenziyalovchi organ elektron shaklda shakllantiriladigan “Litsenziya” axborot tizimlari kompleksidagi litsenziyalar reyestriga tegishli o‘zgartirishlar kiritadi.
Oldingi tahrirga qarang.
Litsenziyani qayta rasmiylashtirish litsenziatga litsenziyalovchi organ tomonidan litsenziyani qayta rasmiylashtirish bo‘yicha ariza olingani haqida xabarnoma yo‘llangandan yoki litsenziyaning amal qilishini litsenziyalanadigan faoliyat turining bir qismi (qismlari) uchun tugatish to‘g‘risida qaror qabul qilingan kundan so‘ng besh kun mobaynida amalga oshiriladi.
(30-bandning uchinchi xatboshisi O‘zbekiston Respublikasi Vazirlar Mahkamasining 2018-yil 29-oktabrdagi 884-sonli qarori tahririda — Qonun hujjatlari ma’lumotlari milliy bazasi, 30.10.2018-y., 09/18/884/2128-son)
Oldingi tahrirga qarang.
Litsenziyani qayta rasmiylashtirishda litsenziya talabgorining litsenziya berish to‘g‘risidagi arizasini ko‘rib chiqish uchun to‘lanadigan summaning yarmi miqdorida yig‘im undiriladi. Litsenziyani qayta rasmiylashtirish to‘g‘risidagi ariza elektron shaklda Yagona portal orqali berilgan taqdirda yig‘im summasining 20 foizi O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi, yig‘im summasining qolgan qismi esa litsenziya beruvchi organning hisob raqamiga o‘tkaziladi.
(30-bandning to‘rtinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Oldingi tahrirga qarang.
Markazlarga o‘zi kelib murojaat qilinganda arizalarni ko‘rib chiqish uchun to‘lanadigan summaning 20 foizi miqdoridagi mablag‘lar belgilangan tartibda O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi.
(30-bandning beshinchi xatboshisi O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Litsenziat arizadan voz kechgan taqdirda to‘langan summa qaytarilmaydi. Litsenziya qayta rasmiylashtirilganda davlat boji undirilmaydi.
31. Litsenziyaning amal qilish muddati litsenziatning arizasiga ko‘ra uzaytirilishi mumkin. Litsenziyaning amal qilish muddati litsenziyani olish uchun nazarda tutilgan tartibda amalga oshiriladi.
Keyingi tahrirga qarang.
Litsenziyaning amal qilish muddatini uzaytirish haqidagi ariza litsenziyalovchi organga litsenziyaning amal qilish muddati tugashidan kamida ikki oy avval berilishi kerak.
Oldingi tahrirga qarang.
Keyingi tahrirga qarang.
32. Litsenziya yo‘qotilgan yoki yaroqsiz holga kelgan taqdirda uning dublikati beriladi. Dublikat olish uchun litsenziat markazlarga yoki Yagona portal orqali ariza va litsenziyaning yo‘qolganligini tasdiqlovchi hujjat bilan, shuningdek, litsenziyani olish uchun nazarda tutiladigan yig‘imning yarmini to‘lagan holda murojaat qiladi. Ariza elektron shaklda Yagona portal orqali berilgan taqdirda, yig‘im summasining 20 foizi O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi, yig‘im summasining qolgan qismi esa litsenziyalovchi organning hisob raqamiga o‘tkaziladi.
Markazlarga o‘zi kelib murojaat qilingan taqdirda arizalarni ko‘rib chiqish uchun to‘lanadigan summaning 20 foizi miqdoridagi mablag‘lar belgilangan tartibda O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi.
(32-band O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
33. Litsenziat tomonidan litsenziya talablari va shartlariga rioya qilinishi yuzasidan nazoratni amalga oshirishda litsenziyalovchi organ o‘z vakolatlari doirasida quyidagi huquqlarga ega:
faqat Respublika nazorat qiluvchi organlar faoliyatini muvofiqlashtirish kengashi qarori asosida qonunchilikda belgilangan tartibda litsenziat tomonidan litsenziya talablari va shartlariga rioya qilinishi yuzasidan rejali va qisqa muddatli tekshiruvlar (keyingi o‘rinlarda tekshiruvlar deb ataladi) o‘tkazish;
Keyingi tahrirga qarang.
litsenziya talablari va shartlariga rioya qilinishi yuzasidan tekshiruvlarni o‘tkazishda paydo bo‘ladigan savollar bo‘yicha litsenziatdan zarur ma’lumotlarni so‘rash va olish;
tekshirishlar natijalari bo‘yicha dalolatnomalar (ma’lumotnomalar) tuzish va unda litsenziat tomonidan yo‘l qo‘yilgan muayyan litsenziya talablari va shartlari buzilishini ko‘rsatish;
bajarilishi shart bo‘lgan, litsenziat tomonidan aniqlangan kamchiliklarni bartaraf etish haqidagi ko‘rsatmalarni qabul qilish, bunday buzilishlarni tuzatish uchun yetarli bo‘lgan muddatni belgilash;
qonunchilikda belgilangan tartibda qarorlar qabul qilish hamda litsenziyalarning amal qilishini to‘xtatib turish, to‘xtatish yoki uni bekor qilish to‘g‘risidagi taqdimnomalarni kiritish;
jismoniy va yuridik shaxslar tomonidan litsenziya olmasdan tibbiy faoliyat bilan shug‘ullanish va/yoki litsenziyada nazarda tutilmagan tibbiy xizmatlar ko‘rsatish holatlari aniqlangan taqdirda qonunchilikda nazarda tutilgan tartibda choralar ko‘rish uchun ularga oid materialarni huquqni muhofaza qiluvchi organlarga yuborish.
34. Litsenziyalovchi organning tekshiruvchi xodimlari tomonidan tekshiruv o‘tkazish paytida ikki nusxada dalolatnoma tuziladi, ulardan biri litsenziatga beriladi, ikkinchi nusxasi litsenziyalovchi organda qoladi.
35. Litsenziyalovchi organ, shuningdek litsenziat tomonidan litsenziya talablari va shartlariga rioya qilinishi yuzasidan quyidagi yo‘llar bilan monitoring olib borishi mumkin:
litsenziatlardan fuqarolar va yuridik shaxslarning murojaatlariga tegishli bo‘lgan ma’lumotlarni, axborotlarni va yozma tushuntirishlarni olish;
O‘zbekiston Respublikasi Sog‘liqni saqlash vazirligi markaziy apparatida va sog‘liqni saqlash boshqarmalari hududiy organlarida o‘rnatilgan “ishonch telefonlari” orqali ma’lumotlar olish;
nazorat qiluvchi boshqa organlar tomonidan o‘tkazilgan tekshiruvlar natijalari bo‘yicha kelib tushayotgan ma’lumotlarni yig‘ish, umumlashtirish va tahlil qilish;
moliyaviy-xo‘jalik faoliyatiga aralashmagan holda amalga oshirilayotgan litsenziyaviy faoliyatning holati va shartlari bilan joyida tanishish.
36. Litsenziyaning amal qilishini to‘xtatib turish, to‘xtatish va uni bekor qilish O‘zbekiston Respublikasining “Faoliyatning ayrim turlarini litsenziyalash to‘g‘risida”gi Qonunining 22, 23 va 24-moddalarida nazarda tutilgan holatlarda va tartibda amalga oshiriladi.
Keyingi tahrirga qarang.
Amal qilishi to‘xtatib turilgan, to‘xtatilgan, bekor qilingan litsenziyalar haqidagi ma’lumotlar litsenziyalovchi organ tomonidan tegishli axborot resurslariga kiritiladi.
37. Litsenziyalovchi organning litsenziyaning amal qilishini to‘xtatib turish, to‘xtatish va uni bekor qilish to‘g‘risidagi qarori yuzasidan sudga ariza berilishi mumkin. Sud tomonidan litsenziyaning amal qilishini to‘xtatish haqidagi qaror asossiz deb topilgan taqdirda, litsenziyalovchi organ litsenziat oldida unga yetkazilgan zarar miqdorida javobgar hisoblanadi.
38. Litsenziyalovchi organ “Litsenziya” axborot tizimlari kompleksida litsenziyalar reyestrini yuritadi.
a) litsenziatlar to‘g‘risidagi asosiy ma’lumotlar, shu jumladan, tashkilotning nomi va indentifikatsiya raqami, tashkiliy-huquqiy shakli, tashkilot rahbarining familiyasi, ismi, otasining ismi;
b) tibbiy faoliyatning litsenziyalanayotgan yo‘nalishi (uning qismi) amalga oshiriladigan manzil, ish joyi telefoni, faks;
e) litsenziyani qayta rasmiylashtirishning asoslari va sanasi, uning amal qilish muddatining uzaytirilishi va tiklanishi;
Litsenziyalar reyestridagi ma’lumotlar “Litsenziya” axborot tizimlari kompleksidagi veb-saytda joylashtiriladi va tanishish uchun ochiq hisoblanadi.
Keyingi tahrirga qarang.
40. Tibbiy faoliyatni amalga oshirish uchun litsenziya berish yoki uning amal qilish muddatini uzaytirish uchun eng kam oylik ish haqining besh baravari miqdorida davlat boji to‘lanadi.
Keyingi tahrirga qarang.
Keyingi tahrirga qarang.
Oldingi tahrirga qarang.
Keyingi tahrirga qarang.
Murojaat shaklidan qat’i nazar (elektron shaklda yoki shaxsan murojaat qilingan taqdirda) — 20 foizi O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi hisob raqamiga o‘tkaziladi;
Keyingi tahrirga qarang.
elektron shaklda murojaat qilinganda — 10 foizi litsenziyalovchi organning hisob raqamiga o‘tkaziladi;
Oldingi tahrirga qarang.
20 foizi murojaat qilish shaklidan (elektron shaklda yoki o‘zi kelgan holda) qat’i nazar — budjetdan tashqari Rivojlantirish va sog‘liqni saqlashni boshqarish organlari xodimlarini moddiy rag‘batlantirish jamg‘armasining hisob raqamlariga o‘tkaziladi;
(41-band O‘zbekiston Respublikasi Vazirlar Mahkamasining 2019-yil 13-maydagi 398-son qaroriga asosan to‘rtinchi xatboshi bilan to‘ldirilgan — Qonun hujjatlari ma’lumotlari milliy bazasi, 14.05.2019-y., 09/19/398/3124-son)
(41-band O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
42. Mazkur Nizomning qoidalari buzilishida aybdor bo‘lgan shaxslar qonunchilikka muvofiq javob beradi.
Keyingi tahrirga qarang.
Oldingi tahrirga qarang.
Keyingi tahrirga qarang.
(1-ilova O‘zbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/40/0609-son)
Keyingi tahrirga qarang.
Seriya _____ №________ | |||||||||||||||||||||||||||||
(O‘zbekiston Respublikasi Davlat gerbi tasviri) | |||||||||||||||||||||||||||||
Ushbu litsenziya: _______________________________________________________________________________ ___________________________________________________________________________________ga berildi. | |||||||||||||||||||||||||||||
(yuridik shaxsning to‘liq firma nomi, tashkiliy-huquqiy shakli) | |||||||||||||||||||||||||||||
Tashkilot joylashgan manzil (pochta manzili): ____________________________________________________________________________________________ Tibbiy faoliyat amalga oshiriladigan joy (manzil): ____________________________________________________________________________________________ ____________________________________________________________________________________________ | |||||||||||||||||||||||||||||
Soliq to‘lovchining identifikatsiya raqami (STIR): | |||||||||||||||||||||||||||||
Ruxsat etilgan ixtisosliklar turlari va tibbiy tashkilotning turi: ____________________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ | |||||||||||||||||||||||||||||
Litsenziya berilgan sana: | 20__y. “___” _____________ | ||||||||||||||||||||||||||||
(yil, sana, oy) | |||||||||||||||||||||||||||||
Litsenziyaning amal qilish muddati: | 20__y. “___” __________gacha | ||||||||||||||||||||||||||||
(yil, sana, oy) | |||||||||||||||||||||||||||||
Litsenziyalar reyestri bo‘yicha tartib raqami: | |||||||||||||||||||||||||||||
Vakolatli shaxs: | ___________ | __________________________________________ | |||||||||||||||||||||||||||
(imzo) | (Litsenziyalovchi organ rahbarining F.I.O.) | ||||||||||||||||||||||||||||
M.O‘. |
Keyingi tahrirga qarang.