LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Vazirlar Mahkamasining 2002-yil 6-iyundagi 200-son qarori bilan tasdiqlangan 2002—2010-yillarda kompyuterlashtirish va axborot-kommunikatsiya texnologiyalarini rivojlantirish dasturini amalga oshirishni jadallashtirish, ma’lumotlar uzatish tarmoqlarining operatorlari va provaydyerlariga teng shart-sharoitlar yaratish hamda xalqaro axborot tarmoqlaridan, shu jumladan Internetdan foydalanishni kengaytirish, shuningdek ushbu sohada kichik va o‘rta biznesni yanada rivojlantirishni rag‘batlantirish maqsadida Vazirlar Mahkamasi qaror qiladi:
1. O‘zbekiston Respublikasi ma’lumotlarni uzatish tarmoqlari operatorlari (provaydyerlari)ning respublika va xalqaro kompyuter tarmoqlaridan, shu jumladan Internetdan faqat “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasining va Ma’lumotlarni uzatish milliy tarmog‘ining texnik vositalari orqali foydalanishiga oid belgilangan tartib bekor qilinsin.
2. O‘zbekiston Respublikasi Vazirlar Mahkamasining “Ma’lumotlar uzatish milliy tarmog‘ini tashkil etish va jahon axborot tarmoqlaridan foydalanishni tartibga solish to‘g‘risida” 1999-yil 5-fevraldagi 52-son qaroriga ilovaga muvofiq o‘zgartirish va qo‘shimchalar kiritilsin.
3. O‘zbekiston aloqa va axborotlashtirish agentligi bir oy muddatda “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi to‘g‘risidagi Nizomga mazkur qarordan kelib chiqqan holda uning funksiyalari o‘zgarishi hisobga olingan tegishli o‘zgartirishlar kiritsin.
4. O‘zbekiston aloqa va axborotlashtirish agentligi manfaatdor vazirliklar va idoralar bilan birgalikda bir oy muddatda:
amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida;
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N.Oripov zimmasiga yuklansin.
uchinchi xatboshida “axborotresurslarini muhofaza qilishni ta’minlash” so‘zlaridan oldin “UzPAK” ma’lumotlarni uzatish tarmog‘ida” so‘zlari qo‘shilsin;
g) 6-banddan “hamda “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasiga” so‘zlari chiqarib tashlansin.