O‘zbekiston Respublikasi Prezidentining “Kompyuterlashtirishni yanada rivojlantirish va axborot-kommunikatsiya texnologiyalarini joriy etish to‘g‘risida” 2002-yil 30-maydagi PF-3080-son Farmonini bajarish yuzasidan va axborot-kommunikatsiya texnologiyalari sohasida strategik ustuvorliklarni amalga oshirishga doir amaliy chora-tadbirlarni ta’minlash maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 2019-yil 23-fevraldagi 161-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2019-yil 23-fevraldagi 161-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
Oldingi tahrirga qarang.
3. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi:
(3-bandning birinchi xatboshisi O‘zbekiston Respublikasi Vazirlar Mahkamasining 2015-yil 27-iyundagi 171-son qarori tahririda — O‘zbekiston Respublikasi qonun hujjatlari to‘plami, 2015-y., 26-son, 338-modda)
Vazirlar Mahkamasining Tashqi iqtisodiy aloqalar va xorijiy investitsiyalar departamenti, O‘zbekiston Respublikasi Makroiqtisodiyot va statistika vazirligi, manfaatdor vazirliklar, idoralar bilan birgalikda ko‘rsatib o‘tilgan 2002 — 2010-yillarda kompyuterlashtirish va axborot-kommunikatsiya texnologiyalarini rivojlantirish dasturini amalga oshirish uchun asosan imtiyozli xorijiy kreditlar va grantlarni jalb etsin;
O‘zbekiston Respublikasi Makroiqtisodiyot va statistika vazirligi, Oliy va o‘rta maxsus ta’lim vazirligi bilan birgalikda Toshkent axborot texnologiyalari universitetining faoliyatini tashkil etish va moddiy-texnika bazasini mustahkamlash yuzasidan bir oy muddatda Vazirlar Mahkamasiga takliflar kiritsin;
2003-yildan boshlab axborot-kompyuter texnologiyalari sohasida jahonda va mamlakatimizdagi tendensiyalar va yutuqlarni yorituvchi, albatta Internet-nusxasi bo‘lgan maxsus jurnal chiqarilishini tashkil etsin.
Oldingi tahrirga qarang.
4. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Davlat axborot tizimlarini tashkil etish va qo‘llab-quvvatlash bo‘yicha yagona integratoriga quyidagi asosiy vazifalar yuklansin:
(4-bandning birinchi xatboshisi O‘zbekiston Respublikasi Vazirlar Mahkamasining 2017-yil 20-noyabrdagi 925-sonli qarori tahririda — Qonun hujjatlari ma’lumotlari milliy bazasi, 23.11.2017-y., 09/17/925/0299-son)
Oldingi tahrirga qarang.
O‘zbekiston Axborot texnologiyalari va kommunikatsiyalarini rivojlantirish vazirligining rivojlantirish sohasida dasturlar va boshqa normativ-huquqiy hujjatlarning loyihalarini ishlab chiqish;
(4-bandning ikkinchi xatboshisi O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘zbekiston Respublikasi qonun hujjatlari to‘plami, 2015-y., 26-son, 338-modda)
real iqtisodiyot tarmoqlari, boshqaruv, biznes, sog‘liqni saqlash, fan va ta’lim sohalari uchun, shuningdek elektron tijorat dasturini amalga oshirish uchun amaliy va moslashtirilgan dasturiy vositalarni, ma’lumotlarning axborot bazalarini, veb-saytlar va boshqa dasturiy mahsulotlarni ishlab chiqish bo‘yicha tenderlarida ishtirok etish;
kompyuterlashtirish va axborot-kommunikatsiya texnologiyalarini joriy etish masalalari yuzasidan boshqaruv organlari, budjet tashkilotlari va xususiy biznesga keng miqyosdagi axborot, servis va konsalting xizmatlari ko‘rsatish;
har chorakda axborot-kommunikatsiya texnologiyalarini rivojlantirishning jahonda va mamlakatimizdagi tendensiyalari, ushbu sohadagi zamonaviy xalqaro standartlar to‘g‘risida axborotlar va sharhlar tayyorlash.
Oldingi tahrirga qarang.
Belgilansinki, Davlat axborot tizimlarini tashkil etish va qo‘llab-quvvatlash bo‘yicha yagona integratorining joriy faoliyatini mablag‘ bilan ta’minlash bajarilgan ishlar (ko‘rsatilgan xizmatlar) uchun olingan o‘z mablag‘lari, Yagona integratorning ilmiy-texnik dasturlarini amalga oshirish uchun davlat budjetidan ajratiladigan mablag‘lar, xalqaro jamg‘armalar va tashkilotlarning grantlari, qonunchilikka zid bo‘lmagan boshqa daromadlar hisobiga amalga oshiriladi.
(4-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
5. Vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:
2002-yil oxirigacha Kompyuter va axborot texnologiyalarini rivojlantirish hamda joriy etish markazining ko‘magida mahalliy idoraviy kompyuter tarmoqlarini tashkil etish dasturini ishlab chiqsinlar, ularning O‘zbekiston aloqa va axborotlashtirish agentligida ekspertizadan va sinovdan o‘tkazilishini tashkil etsinlar, shuningdek ichki elektron hujjatlar aylanishini bosqichma-bosqich joriy etish, axborot resurslarini Internet tarmog‘iga joylashtirgan holda ularni shakllantirish va doimiy ravishda yangilash bo‘yicha aniq chora-tadbirlarni ishlab chiqsinlar;
2002-yilning oxirigacha tegishli davlat boshqaruv organlari apparatlarining mas’ul xodimlariga zamonaviy kompyuter uskunalarida, shu jumladan mahalliy kompyuter tarmoqlaridan, shuningdek Internet tizimidan foydalangan holda ishlashni bosqichma-bosqich o‘rgatish tadbirlarini amalga oshirsinlar.
2002-yilning oxirigacha o‘zlarining faol ishlaydigan veb-sahifalarini yaratsinlar, ularni Internet tarmog‘ida joylashtirsinlar va kelgusida ularni muntazam yangilab borsinlar.
6. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari dasturiy vositalarni ishlab chiqish, provayderlik, xosting, Internet xizmatlari ko‘rsatish, ma’lumotlarning axborot bazalarini, veb-saytlarni shakllantirishga doir xizmatlar ko‘rsatish, kompyuter texnikasiga servis xizmati ko‘rsatish, mahalliy tarmoqlar yaratish bo‘yicha xususiy kompaniyalar tashkil etishga har tomonlama ko‘maklashsinlar.
ixtisoslashtirilgan oliy o‘quv yurtlarida, kasb-hunar kollejlarida va akademik litseylarda dasturiy vositalarni, ma’lumotlarning axborot bazalarini, multimedia, kompyuter texnikasini ishlab chiqish va ularga xizmat ko‘rsatish bo‘yicha yuqori malakali mutaxassislar va texnik xodimlar, shuningdek kompyuter va axborot texnologiyalaridan foydalanuvchilar tayyorlashni kengaytirsin;
O‘zbekiston Respublikasi Xalq ta’limi vazirligi bilan birgalikda umumta’lim maktablarining barcha o‘quvchilarini va talabalarni kompyuter va axborot texnologiyalari bilan ishlashga keng ko‘lamda o‘qitishni ta’minlasin;
O‘zbekiston aloqa va axborotlashtirish agentligi, O‘zbekiston Respublikasi Xalq ta’limi vazirligi bilan birgalikda o‘rta va oliy ta’limning ta’lim standartlariga muvofiq ravishda elektron o‘qitish bazasini yaratish, ta’lim muassasalarining axborot infratuzilmasini shakllantirish, barcha o‘quv muassasalarida ingliz tilini chuqur o‘rganish, shuningdek respublika axborot tarmog‘ida lotin alfavitiga asoslangan o‘zbek tilidan foydalanishning standartlashtirilgan mexanizmini ishlab chiqish va joriy etish bo‘yicha dasturiy chora-tadbirlar to‘g‘risida bir oy muddatda takliflar ishlab chiqsin va Vazirlar Mahkamasiga taqdim etsin.
Oldingi tahrirga qarang.
8. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi ilmiy-texnik dasturlarni amalga oshirish uchun davlat budjetidan ajratiladigan mablag‘larni taqsimlashda kompyuterlashtirish va axborot-kommunikatsiya texnologiyalarini rivojlantirish sohasida istiqbolli ilmiy-amaliy tadqiqotlarni va innovatsiya faoliyatini birinchi navbatda qo‘llab-quvvatlashni nazarda tutsin.
(8-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
9. O‘zbekiston aloqa va axborotlashtirish agentligi, O‘zbekiston Respublikasi Moliya vazirligi, Davlat soliq qo‘mitasi, Adliya vazirligi o‘quv yurtlari va ilmiy muassasalarga, qishloq joylardagi Internetdan foydalanuvchilarga imtiyozli tariflar bo‘yicha xizmat ko‘rsatuvchi provayderlar va operatorlar uchun maqsadli imtiyozlar va preferensiyalar berish yuzasidan bir oy muddatda takliflar kiritsinlar.
10. O‘zbekiston Respublikasi Oliy va o‘rta maxsus ta’lim vazirligi 2002—2005-yillarda Milliy universitet, Toshkent davlat texnika universiteti va Toshkent davlat iqtisodiyot universiteti huzurida axborot va kompyuter texnologiyalari sohasida mutaxassislar tayyorlash bo‘yicha ixtisoslashtirilgan fakultetlarning moddiy-texnika bazasini mustahkamlash, ularni metodologiyalar va kadrlar bilan ta’minlash uchun moliyaviy resurslar ajratilishini nazarda tutsin.
“O‘zeltexsanoat” uyushmasi, O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi bilan birgalikda mamlakatimizda kompyuterlar va ular uchun butlovchi buyumlar ishlab chiqarishni tashkil etish masalasini uch oy muddatda ishlab chiqsinlar va Vazirlar Mahkamasiga takliflar kiritsinlar;
2002—2010-yillarda kompyuterlashtirish va axborot-kommunikatsiya texnologiyalarini rivojlantirish dasturiga muvofiq amalga oshirilayotgan loyihalarni Respublika investitsiya dasturiga kiritsinlar.
Oldingi tahrirga qarang.
(12-band O‘zbekiston Respublikasi Vazirlar Mahkamasining 2003-yil 25-avgustdagi 367-son qarori bilan o‘z kuchini yo‘qotgan)
13. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga amaldagi qonun hujjatlariga mazkur qarordan kelib chiquvchi o‘zgartirishlar va qo‘shimchalar to‘g‘risida takliflar kiritsin.
14. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Oripov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2019-yil 23-fevraldagi 161-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2019-yil 23-fevraldagi 161-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2004-yil 7-maydagi 215-son qarori bilan o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 19-son, 220-modda)