Jismoniy shaxslar tomonidan O‘zbekiston Respublikasi hududiga tovarlar olib kelinishini tartibga solish va ular yuklarini bojxonada rasmiylashtirish tartibini soddalashtirish maqsadida Vazirlar Mahkamasi qaror qiladi:
1. 2002-yil 1-iyundan boshlab tijorat faoliyati uchun mo‘ljallangan tovarlarni olib keluvchi jismoniy shaxslar uchun:
ularni yuridik shaxs tashkil etmasdan eksport-import operatsiyalarini amalga oshirish, ulgurji va chakana savdo qilish huquqi bilan yakka tartibdagi tadbirkorlar sifatida belgilangan tartibda majburiy ro‘yxatdan o‘tkazish;
Keyingi tahrirga qarang.
jismoniy shaxslar tomonidan olib kelinadigan tovarlardan qo‘shilgan qiymat solig‘i, bojxona bojlari va yig‘imlar o‘rniga yagona bojxona to‘lovi to‘lashni nazarda tutuvchi bojxona to‘lovlari undirishning soddalashtirilgan tartibi joriy etilsin.
Belgilansinki, jismoniy shaxslar tomonidan olib kelinadigan aksiz solig‘i solinadigan tovarlarga amaldagi qonun hujjatlarida belgilangan tartibda va stavkalar bo‘yicha aksiz solig‘i solinadi.
Keyingi tahrirga qarang.
2. Belgilab qo‘yilsinki, TIF TN kodidan va tovarning kelib chiqish mamlakatidan qat’i nazar, tovarlarning barcha toifalari bo‘yicha bojsiz olib kirish normalari qo‘llanilmagan holda tovarning bojxona qiymatidan:
tijorat faoliyati uchun mo‘ljallangan un olib kelishda nul stavka miqdorida yagona bojxona to‘lovi undiriladi.
Keyingi tahrirga qarang.
3. Belgilab qo‘yilsinki, mazkur qarorning 1-bandiga muvofiq yuridik shaxs tashkil etmasdan eksport-import operatsiyalarini amalga oshirish, ulgurji va chakana savdo qilish huquqi bilan yakka tartibdagi tadbirkorlar sifatida belgilangan tartibda ro‘yxatdan o‘tkazilgan jismoniy shaxslar tomonidan olib kelingan tovarlarni sotish tovarlarning O‘zbekiston Respublikasi hududiga olib kirilganligini va bojxona to‘lovlari to‘langanligini tasdiqlovchi hujjatlar mavjud bo‘lgan taqdirda amalga oshiriladi.
Keyingi tahrirga qarang.
4. O‘zbekiston Respublikasi Moliya vazirligi, Davlat bojxona qo‘mitasi Tashqi iqtisodiy aloqalar vazirligi bilan birgalikda o‘n kun muddatda Yagona bojxona to‘lovini undirish va uning summasini davlat budjetiga o‘tkazish tartibi to‘g‘risidagi nizomni ishlab chiqsin va belgilangan tartibda tasdiqlasin.
Bunda tabaqalashtirilgan stavkalar qo‘llanilishi nazarda tutilsin, ular olib kelinadigan tovarlarning fizik o‘lchov birliklari va bojxona qiymati bilan o‘zaro muvofiqlashtirilsin.
Keyingi tahrirga qarang.
O‘zbekiston Respublikasi Moliya vazirligi, Davlat soliq qo‘mitasi va Adliya vazirligi bilan birgalikda tovarlarning xususiyatidan, miqdoridan va ularning O‘zbekiston Respublikasi bojxona chegarasi orqali olib o‘tilishi darajasidan kelib chiqib tovarlarning olib kelinishi maqsadini aniqlash tartibini bir oy muddatda ishlab chiqsin;
O‘zbekiston Respublikasi Davlat soliq qo‘mitasi bilan birgalikda bir oy muddatda olib chiqilgan va olib kirilgan tovarlar hajmlarining bojxona organlarida elektron hisobga olinishi tizimini ishlab chiqsin va joriy etsin (ma’lumotlar har chorakda soliq organlariga berilgan holda).
6. Davlat soliq qo‘mitasi Nazorat-taftish bosh boshqarmasining va O‘zbekiston Respublikasi Prokuraturasi huzuridagi Soliqqa oid jinoyatlarga qarshi kurashish departamentining mansabdor shaxslariga O‘zbekiston Respublikasi nazorat organlari faoliyatini muvofiqlashtiruvchi Respublika kengashi bilan kelishgan holda:
Keyingi tahrirga qarang.
import qiluvchi jismoniy shaxslarda tijorat faoliyati uchun mo‘ljallangan tovarlarning O‘zbekiston Respublikasi hududiga olib kelinishini tasdiqlovchi hujjatlar mavjudligini rejadan tashqari tekshirish huquqi berilsin. Ko‘rsatib o‘tilgan hujjatlar mavjud bo‘lmagan taqdirda tovar musodara qilinadi;
alkogolli mahsulotlar va tamaki mahsulotlari sotuvchi ulgurji va chakana savdo subyektlarida, shuningdek umumiy ovqatlanish subyektlarida alkogolli mahsulotlar va tamaki mahsulotlari belgilangan tartibga muvofiq sotilishini rejadan tashqari tekshirish huquqi berilsin.
Bunda har chorakda Vazirlar Mahkamasiga mazkur bandning bajarilishi natijalari to‘g‘risida axborot taqdim etilsin.
8. O‘zbekiston Respublikasi Adliya vazirligi manfaatdor vazirliklar va idoralar bilan birgalikda qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida bir oy muddatda Vazirlar Mahkamasiga taklif kiritsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.