LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 12-iyundagi 444-sonli “Neft-gaz tarmog‘ida litsenziyalash tartibotlarini qisqartirish va soddalashtirish, shuningdek, biznesni yuritishni yaxshilash chora-tadbirlari to‘g‘risida”gi qaroriga asosan o‘z kuchini yo‘qotgan.
Respublika darajasida va joylarda neft mahsulotlarini sotish bo‘yicha faoliyatni litsenziyalashni tashkil etish ishlarining tahlili ishlarni tashkil etish tizimida kamchiliklar mavjudligidan hamda amaldagi qonun hujjatlari normalari va talablari buzilayotganligidan dalolat bermoqda.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hududiy ishchi guruhlari qoniqarsiz ishlayotganligi, shuningdek vakolatli organlar tomonidan ular faoliyati ustidan zarur nazorat o‘rnatilmaganligi bunday holatning sabablaridan biridir.
Shu munosabat bilan faoliyatning ayrim turlarini litsenziyalash to‘g‘risidagi qonun hujjatlariga muvofiq litsenziyalovchi organlar tomonidan o‘z vazifalarining bajarilishiga hamda respublika va hududiy komissiyalar faoliyatining aniq ish tartibini belgilashga katta ahamiyat beriladi.
“Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 5-moddasiga muvofiq O‘zbekiston Respublikasi Vazirlar Mahkamasi qaror qiladi:
Neft mahsulotlarini sotish bo‘yicha (neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotishdan tashqari) faoliyatni litsenziyalash to‘g‘risidagi nizom 1-ilovaga muvofiq;
Neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash to‘g‘risidagi nizom 2-ilovaga muvofiq;
O‘zbekiston Respublikasi Vazirlar Mahkamasining Neft mahsulotlarini sotish bo‘yicha faoliyatni litsenziyalash komissiyasi tarkibi 3-ilovaga* muvofiq;
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yoqilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash komissiyalarining Namunaviy tarkibi 4-ilovaga muvofiq tasdiqlansin.
neft mahsulotlarini sotish bo‘yicha (neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotishdan tashqari) faoliyatni amalga oshirish uchun litsenziyalarni berish va bekor qilish, ularning amal qilishini to‘xtatish yoki uzaytirish to‘g‘risidagi qarorlar O‘zbekiston Respublikasi Vazirlar Mahkamasining Neft mahsulotlarini sotish bo‘yicha faoliyatni litsenziyalash komissiyasi tomonidan qabul qilinadi;
neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni amalga oshirish uchun litsenziyalarni berish va bekor qilish, ularning amal qilishini to‘xtatib qo‘yish, to‘xtatish yoki uzaytirish to‘g‘risidagi qarorlar Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining tegishli hududiy komissiyalari tomonidan qabul qilinadi.
O‘zbekiston Respublikasi Vazirlar Mahkamasining Yonilg‘i-energetika kompleksini rivojlantirish departamentiga O‘zbekiston Respublikasi Vazirlar Mahkamasining Neft mahsulotlarini sotish bo‘yicha faoliyatni litsenziyalash komissiyasining hujjatlarni qabul qilish, litsenziyalar berish, litsenziya bitimini tuzish va uning bajarilishini nazorat qilishni amalga oshiruvchi ishchi organi funksiyalari;
Keyingi tahrirga qarang.
“O‘zdavneftgazinspeksiya”ning hududiy bo‘limlariga Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash komissiyalarining hujjatlarni qabul qilish, litsenziyalar berish, litsenziya bitimini tuzish va uning bajarilishini nazorat qilishni amalga oshiruvchi ishchi organi funksiyalari yuklansin.
4. O‘zbekiston Respublikasi Vazirlar Mahkamasining Neft mahsulotlarini sotish bo‘yicha faoliyatni litsenziyalash komissiyasi ikki hafta muddatda:
O‘zbekiston Respublikasi Vazirlar Mahkamasining Neft mahsulotlarini sotish bo‘yicha faoliyatni litsenziyalash komissiyasi to‘g‘risidagi nizomni;
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yonilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash komissiyalari to‘g‘risidagi Namunaviy nizomni ishlab chiqsin va tasdiqlasin.
5. O‘zbekiston Respublikasi Vazirlar Mahkamasining Yoqilg‘i-energetika kompleksini rivojlantirish departamenti bir oy muddatda ushbu qaror kuchga kirgunga qadar berilgan litsenziyalarni xatlovdan o‘tkazsin, ularning amal qilish muddatlarini Neft mahsulotlarini (neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotishdan tashqari) sotish faoliyatini litsenziyalash to‘g‘risidagi nizomga muvofiqlashtirsin va litsenziatlar bilan litsenziya bitimlari tuzsin.
o‘n kun muddatda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari yig‘ilishlarida mazkur qaror bilan tasdiqlangan Nizomga va namunaviy tarkibga muvofiq neft mahsulotlarini avtomobillarga yonilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash bo‘yicha hududiy komissiyalar tarkibini tasdiqlasinlar, komissiyalar mas’uliyatini oshirish chora-tadbirlarini ko‘rsinlar;
bir oy muddatda “O‘zdavneftgazinspeksiya” bilan birgalikda ushbu qaror kuchga kirgunga qadar neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish huquqiga litsenziya olgan litsenziatlar bilan “O‘zdavneftgazinspeksiya”ning hududiy bo‘limlari orqali litsenziya bitimlari tuzilishini ta’minlasinlar.
O‘zbekiston Respublikasi Vazirlar Mahkamasining Neft mahsulotlarini sotish bo‘yicha faoliyatni litsenziyalash komissiyasi ushbu bandning bajarilishini muvofiqlashtirishni va nazorat qilishni ta’minlasin.
7. O‘zbekiston Respublikasi Hukumatining 5-ilovaga muvofiq ayrim qarorlariga o‘zgartirishlar kiritilsin.
8. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov zimmasiga yuklansin.
1. Mazkur Nizom neft mahsulotlarini sotish bo‘yicha (neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotishdan tashqari) faoliyatni litsenziyalash tartibini belgilaydi.
2. Avtobenzin, aviabenzin, ekstrabenzin, dizel yoqilg‘isi, aviakerosin, mazut, pech yoqilg‘isi, neft bitumi, shuningdek texnik moylar va moylash materiallarini sotish bo‘yicha faoliyat litsenziyalanishi kerak, ularning zavodda idishga qadoqlanganlari bundan mustasno.
4. Neft mahsulotlarini sotish bo‘yicha faoliyatni amalga oshirish huquqiga namunaviy (oddiy) litsenziyalar beriladi.
5. Litsenziyalarni berish va bekor qilish, ularning amal qilishini to‘xtatish yoki muddatini uzaytirish to‘g‘risidagi qarorlar O‘zbekiston Respublikasi Vazirlar Mahkamasining neft mahsulotlarini sotish bo‘yicha faoliyatni litsenziyalash Komissiyasi (keyingi o‘rinlarda matnda “Komissiya” deb yuritiladi) tomonidan qabul qilinadi.
Keyingi tahrirga qarang.
O‘zbekiston Respublikasi Vazirlar Mahkamasining Yoqilg‘i-energetika kompleksini rivojlantirish Departamenti (keyingi o‘rinlarda matnda “Departament” deb yuritiladi) O‘zbekiston Respublikasi Vazirlar Mahkamasining neft mahsulotlarini sotish bo‘yicha faoliyatni litsenziyalash Komissiyasining hujjatlarni qabul qilish, ular bo‘yicha ekspert xulosasi tayyorlash, litsenziyalarni rasmiylashtirish va qayta rasmiylashtirish, litsenziyalar reyestrini yuritish, litsenziyalarning amal qilishini to‘xtatib qo‘yish va tiklash, litsenziya bitimlari tuzish va ularning bajarilishini nazorat qilishni amalga oshiruvchi ishchi organi hisoblanadi.
Keyingi tahrirga qarang.
6. Neft mahsulotlarini sotish bo‘yicha faoliyatni amalga oshirishga litsenziya 5 yil muddatga beriladi. Litsenziya faqat litsenziya talabgorining arizasiga ko‘ra besh yildan kam muddatga berilishi mumkin.
Keyingi tahrirga qarang.
7. Quyidagilar neft mahsulotlarini sotish bo‘yicha faoliyatni amalga oshirishning litsenziya talablari va shartlari hisoblanadi:
a) litsenziat tomonidan neft mahsulotlarini qabul qilish, saqlash, hisobga olish va sotish sohasidagi O‘zbekiston Respublikasi qonun hujjatlariga, ekologiya, sanitariya, metrologiya, yong‘indan saqlash va texnik normalar, normativlar va qoidalarga rioya etish;
b) shtatda litsenziyada ko‘rsatilgan faoliyat turi bo‘yicha tegishli ma’lumotga va kamida uch yil ish stajiga ega bo‘lgan kamida bir nafar xodimning, shuningdek xizmat ko‘rsatuvchi texnik xodimlarda maxsus tayyorgarlikning mavjud bo‘lishi;
v) sotiladigan neft mahsulotlariga sifat sertifikatining mavjudligi va ularning sifat sertifikatiga haqiqatda muvofiqligi;
g) faoliyatning litsenziyalanayotgan aniq turini amalga oshirish, shu jumladan mavjud moddiy-texnika bazasidan, neft omboridan va yonilg‘i quyish asbob-uskunalaridan, boshqa texnika vositalaridan foydalanish uchun sharoitlarning yaratilganligi;
d) litsenziat tomonidan davlat siri hisoblanadigan ma’lumotlardan foydalanish bilan bog‘liq ishlar bajarilgan taqdirda rejim organining mavjudligi.
Keyingi tahrirga qarang.
8. Litsenziya bitimida mazkur Nizomning 7-bandida sanab o‘tilganlardan aniq litsenziya talablari va shartlari nazarda tutilishi mumkin.
9. Neft mahsulotlarini sotish bo‘yicha faoliyatning tegishli turini amalga oshirish uchun zarur bo‘lgan moddiy-texnik bazaga, asbob-uskunalarga va boshqa texnika vositalariga minimal talablarni Departament belgilaydi va ular Komissiya tomonidan tasdiqlanadi.
Keyingi tahrirga qarang.
Keyingi tahrirga qarang.
a) yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami, faoliyatning (yoxud uning bir qismining) litsenziyalanadigan turi hamda faoliyatning ushbu turi amalga oshiriladigan muddat ko‘rsatilgan holda litsenziya berish to‘g‘risidagi ariza;
Keyingi tahrirga qarang.
b) yuridik shaxsning davlat ro‘yxatidan o‘tkazilganligi to‘g‘risidagi guvohnomaning notarial tasdiqlangan nusxasi;
Keyingi tahrirga qarang.
v) litsenziya berish to‘g‘risidagi arizaning litsenziyalovchi organ tomonidan ko‘rib chiqilganligi uchun yig‘im to‘langanligini tasdiqlovchi hujjat;
g) faoliyatning litsenziyalanadigan turini amalga oshirish uchun foydalaniladigan binolar, inshootlar, muhandislik kommuniksiyalari va texnologik asbob-uskunalarga egalik huquqining yoki boshqa ashyoviy huquqning mavjudligini tasdiqlovchi hujjat;
Keyingi tahrirga qarang.
d) “O‘zdavneftgazinspeksiya” hududiy bo‘limining neft mahsulotlarini qabul qilish, saqlash, hisobga olish va sotish uchun neft ombori xo‘jaligining asbob-uskunalar bilan ta’minlanganligi holati, xizmat ko‘rsatuvchi xodimlarning maxsus ma’lumotga egaligi to‘g‘risidagi xulosasi;
e) “Sanoatkontexnazorat” agentligi bo‘linmasining neft ombori xo‘jaligining bosim ostida ishlaydigan idishlarning tuzilishi va xavfsiz foydalanish qoidalari, texnik foydalanish qoidalari talablariga muvofiqligi to‘g‘risidagi xulosasi;
Keyingi tahrirga qarang.
j) yong‘in nazorati hududiy organlarining yong‘indan saqlash talablariga muvofiqlik to‘g‘risidagi xulosasi;
z) “O‘zstandart” agentligining hududiy standartlashtirish va metrologiya boshqarmalari tomonidan beriladigan metrologik ta’minot to‘g‘risidagi xulosa;
Keyingi tahrirga qarang.
i) O‘zbekiston Respublikasi Davlat tabiatni muhofaza qilish qo‘mitasi bo‘linmasining neft ombori xo‘jaligining tabiatni muhofaza qilish va ekologiya talablariga muvofiqligi to‘g‘risidagi xulosasi.
Keyingi tahrirga qarang.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
12. Hujjatlar litsenziya talabgori tomonidan O‘zbekiston Respublikasi Vazirlar Mahkamasiga bevosita yoxud olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
Keyingi tahrirga qarang.
13. Litsenziya olish uchun taqdim etilgan hujjatlar Departamentning mas’ul shaxsi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda litsenziya talabgoriga yuboriladi (topshiriladi).
Keyingi tahrirga qarang.
14. Litsenziya berish to‘g‘risidagi arizaning ko‘rib chiqilganligi uchun qonun hujjatlarida belgilangan eng kam oylik ish haqining ikki baravari miqdorida yig‘im undiriladi.
Keyingi tahrirga qarang.
15. Litsenziya berish yuzasidan hujjatlarning ko‘rib chiqilganligi uchun yig‘im summasi litsenziyalovchi organning hisob raqamiga o‘tkaziladi.
17. Neft mahsulotlarini sotish bo‘yicha faoliyatni litsenziyalash ushbu Nizomga ilova qilinayotgan sxemaga muvofiq amalga oshiriladi.
Litsenziya berish yoki litsenziya berishni rad etish to‘g‘risida qaror qabul qilish uchun hujjatlarni ko‘rib chiqish muddati litsenziya olishga ariza va barcha zarur hujjatlar tushgan kundan boshlab o‘ttiz kunni tashkil qiladi.
18. Departament ariza olingan kundan boshlab o‘n besh kundan oshmaydigan muddatda hujjatlarni ko‘rib chiqadi, ular yuzasidan ekspert xulosa tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni qaror protokolining tegishli loyihasi bilan birga Komissiyaga tasdiqlash uchun taqdim etadi.
Departament ekspert xulosasini tayyorlash uchun “O‘zdavneftgazinspeksiya”ning hamda davlat va xo‘jalik boshqaruvi boshqa organlarining mutaxassislarini jalb etish huquqiga ega.
Komissiya Departament taklifi olingandan keyin 15 kundan ortiq bo‘lmagan muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning o‘rinbosari) tomonidan imzolanadi.
Keyingi tahrirga qarang.
19. Departament litsenziya talabgorini qabul qilingan qaror to‘g‘risida tegishli qaror qabul qilingandan keyin uch kun mobaynida xabardor qiladi.
Keyingi tahrirga qarang.
Litsenziya berishga qaror qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda yuboriladi (topshiriladi).
20. Litsenziya bitimi Departament hamda litsenziat o‘rtasida tuziladi va unda quyidagilar bo‘lishi kerak:
Keyingi tahrirga qarang.
litsenziat tomonidan litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;
Keyingi tahrirga qarang.
21. Litsenziya belgilangan shakldagi blankalarda Departament tomonidan rasmiylashtiriladi va Komissiya raisi (uning o‘rinbosari) tomonidan imzolanadi.
Keyingi tahrirga qarang.
Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi.
Litsenziyalar blankalarini tayyorlash, ularni hisobga olish, saqlash va rasmiylashtirish O‘zbekiston Respublikasi Vazirlar Mahkamasining 2001-yil 2-maydagi 200-son qaroriga muvofiq amalga oshiriladi.
22. Litsenziya litsenziya talabgori tomonidan qonun hujjatlarida belgilangan eng kam oylik ish haqining o‘n baravari miqdorida davlat boji to‘langanligini tasdiqlovchi hujjat taqdim etilgandan va u litsenziya bitimini imzolagandan keyin uch kun muddatda beriladi.
23. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida Departamentga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, Komissiya litsenziyani bekor qilish to‘g‘risida qaror qabul qilishga haqlidir.
Keyingi tahrirga qarang.
24. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.
Litsenziya talabgori litsenziya berish rad etilishi to‘g‘risidagi qaror, shuningdek Departament mansabdor shaxsining xatti-harakatlari (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
Keyingi tahrirga qarang.
25. Litsenziya berish rad etilishi to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda tegishli qaror qabul qilingandan keyin uch kun mobaynida yozma shaklda yuboriladi (topshiriladi).
Keyingi tahrirga qarang.
26. Litsenziya talabgori tomonidan litsenziya berish rad etilishiga asos bo‘lgan sabablar bartaraf etilgan taqdirda, hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda Departament hujjatlar takroran taqdim etilgandan keyin olti kun mobaynida ular yuzasidan ekspert xulosasi tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni qarorning tegishli protokoli loyihasi bilan birgalikda Komissiyaga tasdiqlash uchun taqdim etadi.
Keyingi tahrirga qarang.
Komissiya Departament taklifi olingandan keyin to‘rt kun muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning o‘rinbosari) tomonidan imzolanadi.
Keyingi tahrirga qarang.
Keyingi tahrirga qarang.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
27. Litsenziat qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir hafta muddatda Departamentga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Keyingi tahrirga qarang.
28. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
29. Departament litsenziyani qayta rasmiylashtirishda litsenziyalar reyestriga tegishli o‘zgartirishlar kiritadi. Litsenziyalarni qayta rasmiylashtirish Departament tomonidan tegishli hujjatlar ilova qilingan holda litsenziyalarni qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Keyingi tahrirga qarang.
Litsenziyalarni qayta rasmiylashtirishda qonun hujjatlarida belgilangan eng kam oylik ish haqining bir baravari miqdorida yig‘im undiriladi.
Keyingi tahrirga qarang.
30. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza Departamentga litsenziyaning amal qilish muddati tugagunga qadar ikki oydan kechikmay berilishi kerak.
Keyingi tahrirga qarang.
Litsenziyaning amal qilish muddatini uzaytirish yoki uni uzaytirishni rad etish to‘g‘risidagi qaror litsenziya berish uchun nazarda tutilgan tartibda qabul qilinadi.
31. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Litsenziya dublikatini berishda qonun hujjatlarida belgilangan eng kam oylik ish haqining bir baravari miqdorida yig‘im undiriladi.
Keyingi tahrirga qarang.
32. Litsenziya talablari va shartlariga rioya etilishi ustidan nazoratni amalga oshirishda Departament:
Keyingi tahrirga qarang.
litsenziya talablari va litsenziya bitimlari shartlariga litsenziatlar tomonidan rioya etilishini qonun hujjatlarida belgilangan tartibda rejali tekshiradi;
litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziatlar tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshiradi;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘raydi va oladi;
tekshirishlar natijalari asosida, litsenziya talablari va shartlarining aniq buzilishlarini ko‘rsatgan holda dalolatnomalar tuzadi;
litsenziatga aniqlangan litsenziya talablari va shartlari buzilishlarini bartaraf etish majburiyatini yuklovchi qarorlar chiqaradi, bunday buzilishlarni bartaraf etish muddatlarini belgilaydi;
Komissiyaga litsenziyaning amal qilishini to‘xtatish yoki uni bekor qilish to‘g‘risidagi qarorni ko‘rib chiqish uchun kiritadi.
Keyingi tahrirga qarang.
Davlat nazorat organlari, shuningdek davlatning boshqa organlari, o‘z vakolatlari doirasida, litsenziya talablari va shartlari buzilishlari aniqlanganda litsenziyalovchi organga aniqlangan buzilishlar va ko‘rilgan chora-tadbirlar to‘g‘risida xabar qilishi shart.
33. Departament litsenziya talablari va shartlariga rioya etilishini tekshirishda davlatning tegishli boshqaruv va nazorat organlari mutaxassislarini jalb qilish huquqiga ega. Tekshirishlar natijalari bo‘yicha ikki nusxada dalolatnoma tuziladi, ularning bittasi litsenziatga beriladi, ikkinchi nusxasi Departamentda qoladi.
Keyingi tahrirga qarang.
34. Litsenziyaning amal qilishini to‘xtatib turish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22-moddasida nazarda tutilgan hollarda va tartibda Departament tomonidan amalga oshiriladi.
Departamentning litsenziyaning amal qilishini to‘xtatib turish to‘g‘risidagi qarori yuzasidan sudga shikoyat qilish mumkin. Litsenziyaning amal qilishini to‘xtatib turish asossiz ekanligi sud tomonidan e’tirof etilgan taqdirda, Departament litsenziat oldida litsenziat ko‘rgan zarar miqdorida javob beradi.
Keyingi tahrirga qarang.
35. Litsenziyaning amal qilishini to‘xtatish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 23-moddasida nazarda tutilgan hollarda va tartibda Komissiya qaroriga ko‘ra amalga oshiriladi.
Komissiyaning litsenziyaning amal qilishini to‘xtatish to‘g‘risidagi qarori yuzasidan sudga shikoyat qilish mumkin. Litsenziyaning amal qilishini to‘xtatish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat ko‘rgan zarar miqdorida javob beradi.
36. Litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 24-moddasida nazarda tutilgan hollarda va tartibda Komissiya qaroriga ko‘ra amalga oshiriladi.
Komissiyaning litsenziyani bekor qilish to‘g‘risidagi qarori yuzasidan sudga shikoyat qilish mumkin. Litsenziyani bekor qilish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat ko‘rgan zarar miqdorida javob beradi.
a) litsenziatlar to‘g‘risidagi asosiy ma’lumotlar: yuridik shaxsning to‘liq va qisqartirilgan nomi, uning davlat ro‘yxatidan o‘tkazilganligi to‘g‘risidagi ma’lumotlar (ro‘yxatdan o‘tkazish sanasi, davlat ro‘yxatidan o‘tkazilganligi to‘g‘risidagi guvohnomaning berilgan sanasi va tartib raqami), pochta manzili, telefoni va faksi raqami, elektron pochtasi manzili;
d) litsenziyalarni qayta rasmiylashtirish, ularning amal qilish muddatini to‘xtatib turish va tiklashning asoslari va sanasi;
39. Litsenziyalar reyestridagi mavjud ma’lumot manfaatdor yuridik va jismoniy shaxslarning u bilan tanishishi uchun ochiq hisoblanadi va yozma so‘rov bo‘yicha hamda so‘rov haqi to‘laganligi to‘g‘risidagi hujjat taqdim etilgan taqdirda aniq litsenziatlar haqidagi ma’lumotdan ko‘chirma tarzida uch kun muddatda beriladi.
Keyingi tahrirga qarang.
40. Bir nafar litsenziat to‘g‘risida ma’lumot berilganligi uchun qonun hujjatlarida belgilangan bitta eng kam oylik ish haqi miqdorida to‘lov undiriladi.
Keyingi tahrirga qarang.
41. Reyestrdan ma’lumotlar berilganligi uchun yig‘im summasi litsenziyalovchi organning hisob raqamiga o‘tkaziladi.
Keyingi tahrirga qarang.
Neft mahsulotlarini sotish bo‘yicha (neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotishdan tashqari) faoliyatni litsenziyalash to‘g‘risidagi nizomga
ILOVA
ILOVA
Keyingi tahrirga qarang.
Keyingi tahrirga qarang.
1. Mazkur Nizom neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash tartibini belgilaydi.
2. Avtomobillarga yonilg‘i quyish shoxobchalari va moy almashtirish punktlarining avtobenzin, dizel yoqilg‘isi, pech yoqilg‘isi, neft bitumi, shuningdek texnik moylar va moylash materiallari sotish bo‘yicha faoliyati litsenziyalanishi kerak, ularning zavodda idishga qadoqlanganlari bundan mustasno.
4. Neft mahsulotlarini sotish bo‘yicha faoliyatni amalga oshirish huquqiga belgilangan shakldagi litsenziyalar beriladi.
5. Litsenziyalarni berish va bekor qilish, ularning amal qilishini to‘xtatish yoki muddatini uzaytirish to‘g‘risidagi qarorlar Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yonilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash komissiyalari (keyingi o‘rinlarda matnda “Komissiya” deb yuritiladi) tomonidan qabul qilinadi.
Keyingi tahrirga qarang.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yonilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash komissiyalari to‘g‘risidagi namunaviy nizom O‘zbekiston Respublikasi Vazirlar Mahkamasining neft mahsulotlarini sotish bo‘yicha faoliyatni litsenziyalash Komissiyasi tomonidan tasdiqlanadi.
Neft mahsulotlarini avtomobillarga yonilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash masalalarini ko‘rib chiqish hududiy komissiyasi tarkibiga O‘zbekiston Respublikasi Ichki ishlar vazirligi, Moliya vazirligi, Davlat soliq qo‘mitasi, Monopoliyadan chiqarish va raqobatni rivojlantirish davlat qo‘mitasi, Davlat mulki qo‘mitasi, “O‘zstandart” agentligi tegishli hududiy bo‘limlarining vakillari kiradi.
Keyingi tahrirga qarang.
Hududiy komissiyalarga Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimlarining tegishli masalalarga mutasaddi o‘rinbosarlari rahbarlik qiladi.
Komissiyalarning shaxsiy tarkibi tegishli ravishda Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari tomonidan tasdiqlanadi.
“O‘zdavneftgazinspeksiya”ning hududiy bo‘limlari komissiyalarning hujjatlarni qabul qilish, ular bo‘yicha ekspert xulosasi tayyorlash, litsenziyalarni rasmiylashtirish va qayta rasmiylashtirish, litsenziyalar reyestrini yuritish, litsenziyalarni berish, litsenziya bitimlari tuzish va ularning bajarilishini nazorat qilishni amalga oshiruvchi ishchi organi hisoblanadi.
6. Neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni amalga oshirishga litsenziya 5 yil muddatga beriladi. Litsenziya faqat litsenziya talabgorining arizasiga ko‘ra besh yildan kam muddatga berilishi mumkin.
Keyingi tahrirga qarang.
7. Quyidagilar neft mahsulotlarini sotish bo‘yicha faoliyatni amalga oshirishning litsenziya talablari va shartlari hisoblanadi:
a) litsenziat tomonidan neft mahsulotlarini qabul qilish, saqlash, hisobga olish va sotish sohasida O‘zbekiston Respublikasi qonun hujjatlariga, ekologiya, sanitariya, metrologiya, yong‘indan saqlash va texnik normalar, normativlar va qoidalarga rioya etish (mazkur Nizomga 1 va 2-ilova);
b) shtatda litsenziyada ko‘rsatilgan faoliyat turi bo‘yicha tegishli ma’lumotga va kamida uch yil ish stajiga ega bo‘lgan kamida bir nafar xodimning, shuningdek xizmat ko‘rsatuvchi texnik xodimlarda maxsus tayyorgarlikning mavjud bo‘lishi;
v) sotiladigan neft mahsulotlariga sifat sertifikatining mavjudligi va ularning sifat sertifikatiga haqiqatda muvofiqligi;
g) faoliyatning litsenziyalanayotgan aniq turini amalga oshirish, shu jumladan mavjud moddiy-texnika bazasidan, neft omboridan va yonilg‘i quyish asbob-uskunalaridan, boshqa texnika vositalaridan foydalanish uchun sharoitlarning yaratilganligi;
d) litsenziat tomonidan davlat siri hisoblanadigan ma’lumotlardan foydalanish bilan bog‘liq ishlar bajarilgan taqdirda rejim organining mavjudligi.
Keyingi tahrirga qarang.
8. Litsenziya bitimida mazkur Nizomning 7-bandida sanab o‘tilganlardan aniq litsenziya talablari va shartlari nazarda tutilishi mumkin.
9. Neft mahsulotlarini sotish bo‘yicha faoliyatning tegishli turini amalga oshirish uchun zarur bo‘lgan moddiy-texnik bazaga, asbob-uskunalarga va boshqa texnika vositalariga minimal talablar “O‘zdavneftgazinspeksiya” tomonidan belgilanadi.
10. Litsenziya olish uchun litsenziya talabgori “O‘zdavneftgazinspeksiya” hududiy bo‘limiga quyidagi hujjatlarni taqdim etadi:
a) yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami, faoliyatning (yoxud uning bir qismining) litsenziyalanadigan turi hamda faoliyatning ushbu turi amalga oshiriladigan muddat ko‘rsatilgan holda litsenziya berish to‘g‘risidagi ariza;
Keyingi tahrirga qarang.
b) yuridik shaxsning davlat ro‘yxatidan o‘tkazilganligi to‘g‘risidagi guvohnomaning notarial tasdiqlangan nusxasi;
Keyingi tahrirga qarang.
v) litsenziya berish to‘g‘risidagi arizaning litsenziyalovchi organ tomonidan ko‘rib chiqilganligi uchun yig‘im to‘langanligini tasdiqlovchi hujjat;
g) faoliyatning litsenziyalanadigan turini amalga oshirish uchun foydalaniladigan standartlar, normalar va qoidalarga muvofiq keluvchi binolar, inshootlar, muhandislik kommuniksiyalari va texnologik asbob-uskunalarga egalik huquqining yoki boshqa ashyoviy huquqning mavjudligini tasdiqlovchi hujjat;
Keyingi tahrirga qarang.
d) “O‘zdavneftgazinspeksiya” hududiy bo‘limining avtomobillarga yonilg‘i quyish shoxobchalari va moy almashtirish punktlarining neft mahsulotlarini qabul qilish, saqlash, hisobga olish va sotish uchun asbob-uskunalar bilan ta’minlanganligi holati, xizmat ko‘rsatuvchi xodimlarning maxsus ma’lumotga egaligi to‘g‘risidagi xulosasi;
e) “Sanoatkontexnazorat” agentligi bo‘linmasining avtomobillarga yonilg‘i quyish shoxobchasi va moy almashtirish punktining neft mahsulotlarini qabul qilish, saqlash va sotishda mehnatni muhofaza qilish va texnika xavfsizligiga oid qonun hujjatlari talablariga muvofiqligi to‘g‘risidagi xulosasi;
Keyingi tahrirga qarang.
j) yong‘in nazorati hududiy organlarining avtomobillarga yonilg‘i quyish shoxobchasi va moy almashtirish punktining yong‘indan saqlash talablariga muvofiqlik to‘g‘risidagi xulosasi;
z) “O‘zstandart” agentligining hududiy standartlashtirish va metrologiya boshqarmalari tomonidan beriladigan metrologik ta’minot to‘g‘risidagi xulosa;
Keyingi tahrirga qarang.
i) O‘zbekiston Respublikasi Davlat tabiatni muhofaza qilish qo‘mitasi bo‘linmasining avtomobillarga yonilg‘i quyish shoxobchasi va moy almashtirish punktining tabiatni muhofaza qilish va ekologiya talablariga muvofiqligi to‘g‘risidagi xulosasi.
Keyingi tahrirga qarang.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
12. Hujjatlar litsenziya talabgori tomonidan “O‘zdavneftgazinspeksiya” hududiy bo‘limiga bevosita yoxud olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
13. Litsenziya olish uchun taqdim etilgan hujjatlar “O‘zdavneftgazinspeksiya” hududiy bo‘limining mas’ul shaxsi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda litsenziya talabgoriga yuboriladi (topshiriladi).
14. Litsenziya berish to‘g‘risidagi arizaning ko‘rib chiqilganligi uchun qonun hujjatlarida belgilangan eng kam oylik ish haqining ikki baravari miqdorida yig‘im undiriladi.
Keyingi tahrirga qarang.
15. Litsenziya berish yuzasidan hujjatlarning ko‘rib chiqilganligi uchun yig‘im summasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hisob raqamiga o‘tkaziladi.
17. Neft mahsulotlarini avtomobillarga yoqilg‘i qo‘yish shoxobchalari va moy almashtirish punktlari orqali sotish bo‘yicha faoliyatni litsenziyalash ushbu Nizomga 3-ilovaga muvofiq sxemaga binoan amalga oshiriladi.
Litsenziya berish yoki litsenziya berishni rad etish to‘g‘risida qaror qabul qilish uchun hujjatlarni ko‘rib chiqish muddati litsenziya olishga ariza va barcha zarur hujjatlar tushgan kundan boshlab o‘ttiz kunni tashkil qiladi.
18. “O‘zdavneftgazinspeksiya” hududiy bo‘limi ariza olingan kundan boshlab o‘n besh kundan oshmaydigan muddatda hujjatlarni ko‘rib chiqadi, ular yuzasidan ekspert xulosa tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni qaror protokolining tegishli loyihasi bilan birga Komissiyaga tasdiqlash uchun taqdim etadi.
Komissiya “O‘zdavneftgazinspeksiya” hududiy bo‘limining taklifi olingandan keyin 15 kundan ortiq bo‘lmagan muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning o‘rinbosari) tomonidan imzolanadi.
19. “O‘zdavneftgazinspeksiya”ning hududiy bo‘limi litsenziya talabgorini qabul qilingan qaror to‘g‘risida tegishli qaror qabul qilingandan keyin uch kun mobaynida xabardor qiladi.
Litsenziya berishga qaror qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda yuboriladi (topshiriladi).
20. Litsenziyalovchi organ va litsenziatning o‘zaro huquq va majburiyatlarini belgilovchi litsenziya bitimi “O‘zdavneftgazinspeksiya”ning hududiy bo‘limi hamda litsenziat o‘rtasida tuziladi va unda quyidagilar bo‘lishi kerak:
litsenziya bitimi talablari va shartlari litsenziat tomonidan bajarilishini litsenziyalovchi organ tomonidan nazorat qilish tartibi;
Litsenziya bitimi ikki nusxada — litsenziat va “O‘zdavneftgazinspeksiya”ning hududiy bo‘limi uchun bir nusxadan tuziladi.
21. Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziyalar blankalari Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining buyurtmanomalariga ko‘ra mazkur Nizomga 4-ilovaga namunada “Davlat belgisi” Davlat-ishlab chiqarish birlashmasida bosma usulda tayyorlanadi. Litsenziyalar blankalari hisobga olinishi, saqlanishi va maqsadli foydalanilishi uchun mas’uliyat “O‘zdavneftgazinspeksiya”ning hududiy bo‘limi rahbarlari zimmasiga yuklanadi.
Litsenziyalar “O‘zdavneftgazinspeksiya”ning hududiy bo‘limi tomonidan rasmiylashtiriladi va Komissiya raisi (uning o‘rinbosari) tomonidan imzolanadi.
22. Litsenziya litsenziya talabgori tomonidan qonun hujjatlarida belgilangan eng kam oylik ish haqining o‘n baravari miqdorida davlat boji to‘langanligini tasdiqlovchi hujjat taqdim etilgandan va u litsenziya bitimini imzolagandan keyin uch kundan kechikmay beriladi.
23. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida “O‘zdavneftgazinspeksiya”ning hududiy bo‘limiga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, Komissiya litsenziyani bekor qilish to‘g‘risida qaror qabul qilishga haqlidir.
24. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.
Litsenziya talabgori litsenziya berish rad etilishi to‘g‘risidagi qaror, shuningdek “O‘zdavneftgazinspeksiya”ning hududiy bo‘limi mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
25. Litsenziya berish rad etilishi to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda tegishli qaror qabul qilingandan keyin uch kun mobaynida yozma shaklda yuboriladi (topshiriladi).
Keyingi tahrirga qarang.
26. Litsenziya talabgori tomonidan litsenziya berish rad etilishiga asos bo‘lgan sabablar bartaraf etilgan taqdirda, hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda “O‘zdavneftgazinspeksiya”ning hududiy bo‘limi hujjatlar takroran taqdim etilgandan keyin olti kun mobaynida ular yuzasidan ekspert xulosasi tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni qarorning tegishli protokoli loyihasi bilan birgalikda Komissiyaga tasdiqlash uchun taqdim etadi.
Komissiya “O‘zdavneftgazinspeksiya” hududiy bo‘limining taklifi olingandan keyin to‘rt kun muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning o‘rinbosari) tomonidan imzolanadi.
Keyingi tahrirga qarang.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
27. Litsenziat qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir hafta muddatda “O‘zdavneftgazinspeksiya”ning hududiy bo‘limiga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Keyingi tahrirga qarang.
28. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
29. “O‘zdavneftgazinspeksiya”ning hududiy bo‘limi litsenziyani qayta rasmiylashtirishda litsenziyalar reyestriga tegishli o‘zgartirishlar kiritadi. Litsenziyalarni qayta rasmiylashtirish Departament tomonidan tegishli hujjatlar ilova qilingan holda litsenziyalarni qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda qonun hujjatlarida belgilangan eng kam oylik ish haqining bir baravari miqdorida yig‘im undiriladi.
Keyingi tahrirga qarang.
30. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza “O‘zdavneftgazinspeksiya”ning hududiy bo‘limiga litsenziyaning amal qilish muddati tugagunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uni uzaytirishni rad etish to‘g‘risidagi qaror litsenziya berish uchun nazarda tutilgan tartibda qabul qilinadi.
31. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Litsenziya dublikatini berishda qonun hujjatlarida belgilangan eng kam oylik ish haqining bir baravari miqdorida yig‘im undiriladi.
Keyingi tahrirga qarang.
32. Litsenziya talablari va shartlariga rioya etilishi ustidan nazoratni amalga oshirishda “O‘zdavneftgazinspeksiya”ning hududiy bo‘limi:
litsenziatlar tomonidan litsenziya talablari va litsenziya bitimlari shartlariga rioya etilishini qonun hujjatlarida belgilangan tartibda rejali tekshiradi;
litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziatlar tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshiradi;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘raydi va oladi;
tekshirishlar natijalari asosida, litsenziya talablari va shartlarining aniq buzilishlarini ko‘rsatgan holda dalolatnomalar tuzadi;
litsenziatga litsenziya talablari va shartlarining aniqlangan buzilishlarini bartaraf etish majburiyatini yuklovchi qarorlar chiqaradi, bunday buzilishlarni bartaraf etish muddatlarini belgilaydi;
Komissiyaga litsenziyaning amal qilishini to‘xtatish yoki uni bekor qilish to‘g‘risidagi qarorni ko‘rib chiqish uchun kiritadi.
Keyingi tahrirga qarang.
Davlat nazorat va tekshirish organlari, shuningdek davlatning boshqa organlari o‘z vakolatlari doirasida, litsenziya talablari va shartlari buzilishlari aniqlanganda litsenziyalovchi organga aniqlangan buzilishlar va ko‘rilgan chora-tadbirlar to‘g‘risida xabar qilishi shart.
33. Litsenziya talablari va shartlariga rioya etilishini tekshirishda “O‘zdavneftgazinspeksiya” hududiy bo‘limining xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi “O‘zdavneftgazinspeksiya”ning hududiy bo‘limida qoladi.
34. Litsenziyaning amal qilishini to‘xtatib turish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22-moddasida nazarda tutilgan hollarda va tartibda Komissiya tomonidan amalga oshiriladi.
Komissiyaning litsenziyaning amal qilishini to‘xtatib turish to‘g‘risidagi qarori yuzasidan sudga shikoyat qilish mumkin. Litsenziyaning amal qilishini to‘xtatib turish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat ko‘rgan zarar miqdorida javob beradi.
Keyingi tahrirga qarang.
35. Litsenziyaning amal qilishini to‘xtatish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 23-moddasida nazarda tutilgan hollarda va tartibda Komissiya qaroriga ko‘ra amalga oshiriladi.
Komissiyaning litsenziyaning amal qilishini to‘xtatish to‘g‘risidagi qarori yuzasidan sudga shikoyat qilish mumkin. Litsenziyaning amal qilishini to‘xtatish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat ko‘rgan zarar miqdorida javob beradi.
Keyingi tahrirga qarang.
36. Litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 24-moddasida nazarda tutilgan hollarda va tartibda Komissiya qaroriga ko‘ra amalga oshiriladi.
Komissiyaning litsenziyani bekor qilish to‘g‘risidagi qarori yuzasidan sudga shikoyat qilish mumkin. Litsenziyani bekor qilish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat ko‘rgan zarar miqdorida javob beradi.
Keyingi tahrirga qarang.
37. “O‘zdavneftgazinspeksiya”ning hududiy bo‘limi belgilangan tartibda litsenziyalar reyestrini yuritadi.
a) litsenziatlar to‘g‘risidagi asosiy ma’lumotlar: yuridik shaxsning to‘liq va qisqartirilgan nomi, uning davlat ro‘yxatidan o‘tkazilganligi to‘g‘risidagi ma’lumotlar (ro‘yxatdan o‘tkazish sanasi, davlat ro‘yxatidan o‘tkazilganligi to‘g‘risidagi guvohnomaning berilgan sanasi va tartib raqami), pochta manzili, telefoni va faksi raqami, elektron pochtasi manzili;
d) litsenziyalarni qayta rasmiylashtirish, ularning amal qilish muddatini to‘xtatib turish va tiklashning asoslari va sanasi;
39. Litsenziyalar reyestridagi mavjud ma’lumot manfaatdor yuridik va jismoniy shaxslarning u bilan tanishishi uchun ochiq hisoblanadi va yozma so‘rov bo‘yicha hamda so‘rov haqi to‘lagani to‘g‘risidagi hujjat taqdim etilgan taqdirda aniq litsenziatlar haqidagi ma’lumotdan ko‘chirma tarzida uch kun muddatda beriladi.
Keyingi tahrirga qarang.
40. Bir nafar litsenziat to‘g‘risida ma’lumot berilganligi uchun qonun hujjatlarida belgilangan bitta eng kam oylik ish haqi miqdorida to‘lov undiriladi.
Keyingi tahrirga qarang.
41. Reyestrdan ma’lumotlar berilgani uchun yig‘im summasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hisob raqamiga o‘tkaziladi.
Keyingi tahrirga qarang.
Neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash to‘g‘risidagi nizomga
1-ILOVA
1-ILOVA
1. Avtomobillarga yonilg‘i quyish shoxobchasi (AYQSh) AYQShdan foydalanishning amaldagi texnik qoidalariga javob berishi kerak.
2. AYQSh binolari, inshootlari, maydoni, shuningdek unga tutash hududlar sanitariya-maishiy va yong‘inga qarshi talablarga javob berishi kerak.
4. AYQSh badiiy jihozlangan vitrinalar, reklama taxtalari, ko‘rgazmali targ‘ibot vositalari bilan jihozlangan bo‘lishi, u yerda AYQSh jihozlari, ish tartibi, neft mahsulotlarining chakana narxlari preyskuranti, yaqin atrofda joylashgan AYQSh sxemasi bo‘lishi kerak.
5. AYQSh telefon aloqasi, ovoz kuchaytirgich va signalizatsiya vositasi (yuqori ovozli qo‘ng‘iroq) bilan jihozlangan yoki idoradan tashqari qo‘riqlash pultiga ulangan bo‘lishi kerak.
6. AYQShda pul mablag‘larining o‘g‘irlanishini va AYQSh binosiga chet shaxslarning ruxsatsiz kirishini istisno qiluvchi (ikki qavatli eshiklar – ulardan birining ikki tomoniga tunuka qoplangan, polga yoki devorga mahkamlangan yonmaydigan seyf bo‘lishi kerak, panjarali derazalar va shu kabilar) chora-tadbirlar amalga oshirilgan bo‘lishi kerak.
7. Har qaysi rezervuar loyihada nazarda tutilgan jihozlarning to‘liq to‘plami bilan jihozlangan bo‘lishi va rezervuarning tartib raqami, (baland joyga o‘rnatiladigan trafaretning) bazaviy balandligi, saqlanayotgan neft mahsulotining markasi ko‘rsatilgan yozuvlarga ega bo‘lishi kerak.
8. Neft mahsulotlari sotish uchun mo‘ljallangan har qaysi yonilg‘i va moy tarqatish kolonkasida uning tartib raqami va sotiladigan neft mahsulotining markasi bo‘lishi kerak.
10. Aholiga neft mahsulotlarini naqd pulga sotish nazorat-kassa mashinalari majburiy qo‘llangan holda amalga oshirilishi kerak.
1. AYQSh yong‘in xavfsizligi qoidalariga muvofiq yong‘inni o‘chirishning dastlabki vositalari bilan ta’minlangan bo‘lishi kerak. AYQSh binolari va hududidagi barcha yong‘inni o‘chirish vositalari zudlik bilan qo‘llanishga har doim to‘liq soz va tayyor holatda bo‘lishi kerak.
2. AYQSh hududi qorong‘i (tungi) vaqtlarda mavjud normalarga muvofiq portlash va yong‘in xavfsizligi nazarda tutilgan holda tayyorlangan yoritgichlar bilan yoritilgan bo‘lishi kerak.
3. AYQSh operatorlari maxsus kiyim-bosh, maxsus poyabzal va yakka tartibda himoyalanish vositalari bilan ta’minlangan bo‘lishi kerak.
4. Momoqaldiroq vaqtida neft mahsulotlarini rezervuarlarga quyish va AYQShda transportga yonilg‘i quyish taqiqlanadi.
5. Portlash xavfi bo‘lgan joylardagi ishlar uchqun paydo bo‘lishiga yo‘l qo‘ymaydigan asboblar bilan bajarilishi kerak.
1. Neft mahsulotlarining bug‘lanishi, neft mahsulotlarining to‘kilishi, shuningdek avtotransportning ishlangan gazlari AYQShning atrof muhitini ifloslantiruvchi manbalar hisoblanadi.
2. AYQShda neft mahsulotlarining bug‘lanishini kamaytirish uchun rezervuarlar va texnologiya jihozlarini texnik jihatdan to‘liq soz holatda saqlash hamda ularning germetikligini, shuningdek quyish va o‘lchash qurilmalarining, kuzatish va quyish quduqlari qopqoqlarining zich yopilganligini ta’minlash lozim.
AYQSh ishlab chiqarish va yomg‘ir suvlarini to‘plash uchun ishlab chiqarish-jala kanalizatsiyasi bilan jihozlangan bo‘lishi kerak.
AYQSh O‘zbekiston Respublikasi Vazirlar Mahkamasining 1994-yil 6-maydagi 240-son qarori bilan tasdiqlangan Avtoyonilg‘i quyish shoxobchalarining ishlash qoidalari 10-bandiga muvofiq hujjatlar bilan ta’minlangan bo‘lishi kerak.
Neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash to‘g‘risidagi nizomga
2-ILOVA
2-ILOVA
1. AYQShda neft mahsulotlarini qabul qilib olish, saqlash, sotish va hisobga olish davlat standartlariga hamda neft bazalarida va AYQShda neft mahsulotlarining keltirilishini, ularni saqlash, sotish va hisobga olish tartibini tartibga soluvchi normativ hujjatlar talablariga qat’iy muvofiq holda amalga oshiriladi.
2. Neft mahsulotlarini yetkazib berishga shartnomalar va belgilangan tartibda rasmiylashtirilgan jo‘natish hujjatlari keltiriladigan neft mahsulotlarini qabul qilib olish uchun asos hisoblanadi.
3. Neft mahsulotlari avtomobillarga yonilg‘i quyish shoxobchalari tomonidan (import bo‘yicha) respublika tashqarisidan mustaqil ravishda keltirilgan taqdirda neft mahsulotlarini sotishning to‘g‘ri hisobga olinishini ta’minlash maqsadida “O‘zneftmahsulot” aksiyadorlik kompaniyasi tizimi neft bazalaridan ko‘rsatib o‘tilgan AYQShga neft mahsulotlari berish import bo‘yicha keltirilgan hajmlar to‘liq sotilgunga qadar to‘xtatib qo‘yiladi.
5. Neft mahsulotlari kamomadi aniqlangan taqdirda belgilangan shakl bo‘yicha, haydovchi (ekspeditor) va AYQSh operatori ishtirokida majburiy tartibda dalolatnoma tuziladi, uning bir nusxasi ko‘rib chiqish va chora-tadbirlar ko‘rish uchun neft bazasi rahbariyatiga taqdim etiladi.
6. AYQShda neft mahsulotlarining keltirilishini va kirim qilinishini nazorat qilish tartib raqami qo‘yilgan, ip o‘tkazib tikilgan, neft bazasining muhri qo‘yilgan belgilangan shakldagi hisobga olish daftarini yuritish yo‘li bilan ta’minlanadi.
7. Yonilg‘i quyish kolonkalarining ishlashini nazorat qilish smena qabul qilish va topshirish chog‘ida smena operatorlari tomonidan, AYQSh boshlig‘i ishtirokida, neft mahsulotlari sotilishining to‘g‘riligini namunaviy o‘lchagich vositasida tekshirish yo‘li bilan amalga oshiriladi. Tafovutlar miqdori natijasi smena hisobotida qayd qilinishi kerak.
Neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash to‘g‘risidagi nizomga
3-ILOVA
3-ILOVA
Neft mahsulotlarini avtomobillarga yonilg‘i quyish shoxobchalari va moy almashtirish punktlari orqali sotish bo‘yicha faoliyatni litsenziyalash to‘g‘risidagi nizomga
4-ILOVA
4-ILOVA
LITSENZIYA | ||||||||
Mazkur litsenziya bilan Toshkent shahar Hamza tumani hokimligida 2001-yil 24 maydagi 156-son | ||||||||
(litsenziya egasining to‘liq nomi) | ||||||||
qarori bilan ro‘yxatdan o‘tkazilgan “Lochin-D” aksiyadorlik jamiyatiga Toshkent shahar hokimligi komissiyasining qarori (2003-yil 15-apreldagi 14-son protokol) asosida Toshkent shahar Ogahiy ko‘chasidagi “Lochin” AYQSh orqali avtobenzin sotish faoliyatini amalga oshirishga ruxsat | ||||||||
(AYQShning nomi va manzili) | (avtobenzin, dizel yoqilg‘isi, moy va boshqalar sotish) | |||||||
beriladi. | ||||||||
Litsenziya egasi joylashgan joy (pochta manzili): Toshkent shahri .Ashrafiy ko‘chasi, 125-uy Litsenziya egasining soliq to‘lovchi identifikatsiya raqami: 203361034 Litsenziya berilgan sana: 2003-yil “16” aprel Litsenziyaning amal qilish muddati: besh yil Reyestr bo‘yicha tartib raqami: 001 | ||||||||
Vakolatli shaxs: | ___________________ | ___________________ | ||||||
M.O‘. | (F.I.O) | (imzo) | ||||||
Litsenziyaning amal qilish muddati | _______________ _________ gacha uzaytirilgan | |||||||
Vakolatli shaxs: | ___________________ | ___________________ | ||||||
M.O‘. | (F.I.O) | (imzo) | ||||||
Litsenziyaning amal qilish muddati | _______________ _________ gacha uzaytirilgan | |||||||
Vakolatli shaxs: | ___________________ | ___________________ | ||||||
M.O‘. | (F.I.O) | (imzo) |
1. Qoraqalpog‘iston Respublikasi Vazirlar Kengashi raisining o‘rinbosari, viloyatlar va Toshkent shahar hokimining o‘rinbosari – Komissiya raisi
Keyingi tahrirga qarang.
Keyingi tahrirga qarang.
1. Vazirlar Mahkamasining “Toshkent shahrini neft mahsulotlari bilan ta’minlashni yaxshilash chora-tadbirlari to‘g‘risida” 1998-yil 7-sentabrdagi 382-son qarorining (O‘zbekiston Respublikasi QT, 1998-y., 9-son, 33-modda) 1-bandi o‘z kuchini yo‘qotgan deb hisoblansin.
2. Vazirlar Mahkamasining “Avtomobil yonilg‘isi quyish shoxobchalarining ishini takomillashtirish va respublika iste’molchilarini neft mahsulotlari bilan ta’minlashni yaxshilash chora-tadbirlari to‘g‘risida” 1998-yil 18-sentabrdagi 397-son qarorida (O‘zbekiston Respublikasi QT, 1998-y., 9-son, 35-modda):
beshinchi xatboshidagi “O‘zdavneftmahsulot” birlashmasi” so‘zlari “O‘zneftmahsulot” aksiyadorlik kompaniyasi” so‘zlari bilan almashtirilsin;
d) qarorga 3-ilova nomidagi, 1.3, 3.4 va 3.5-bandlardagi “xususiylashtirilgan” so‘zi chiqarib tashlansin.