O‘zbekiston Respublikasi Prezidentining “Tadbirkorlik faoliyatini amalga oshirish va davlat xizmatlarini ko‘rsatish bilan bog‘liq tartibotlarni yanada takomillashtirish chora-tadbirlari to‘g‘risida” 2014-yil 15-apreldagi PQ-2164-sonli qaroriga muvofiq:
1. O‘zbekiston Respublikasi Prezidentining ayrim qarorlariga ilovaga muvofiq o‘zgartish va qo‘shimchalar kiritilsin.
2. Ushbu qarorning ijrosini nazorat qilish O‘zbekiston Respublikasining Bosh vaziri Sh.M.Mirziyoyev zimmasiga yuklansin.
1. O‘zbekiston Respublikasi Prezidentining “Eksport-import operatsiyalarini tartibga solish chora-tadbirlari to‘g‘risida” 2005-yil 11-martdagi PQ-26-sonli qarorining 3-bandi quyidagi tahrirda bayon etilsin:
“3. Belgilansinki, iste’molda bo‘lgan mashinalar, uskunalar va mexanizmlarning TIF TN guruhlari bo‘yicha eksporti, qonun hujjatlarida belgilangan tartibda, O‘zbekiston Respublikasi Hukumatining qarorlari bo‘yicha quyidagi shartlarda amalga oshiriladi, ustav jamg‘armasida (ustav kapitalida) davlat ulushi bo‘lmagan yuridik shaxslar tomonidan amalga oshiriladigan eksport bundan mustasno:
mashinalar, asbob-uskunalar va mexanizmlarning eksport qiluvchi korxona tomonidan sotib olinganiga 5 yil to‘lishi”.
Keyingi tahrirga qarang.
2. O‘zbekiston Respublikasi Prezidentining 2007-yil 7-iyundagi PQ-649-sonli qarori bilan tasdiqlangan Yer qa’ri uchastkalaridan foydalanish huquqini berish tartibi va shartlari to‘g‘risidagi nizomning 117-bandi quyidagi tahrirda bayon etilsin:
“117. Davlat geologiya qo‘mitasi tushgan materiallarni kelishib olish uchun O‘zbekiston Respublikasi Iqtisodiyot vazirligi, Moliya vazirligi, Davlat tabiatni muhofaza qilish qo‘mitasi va “O‘zbekneftgaz” MXKga (uglevodorodlar bo‘yicha) uch kun mobaynida yuboradi. Ko‘rsatib o‘tilgan organlar o‘n kun mobaynida o‘z xulosalarini taqdim etadi.
O‘zbekiston Respublikasi Davlat geologiya qo‘mitasi to‘rt kun mobaynida ekspertizaning yig‘ma materiallarini umumlashtiradi va shakllantiradi, shuningdek yer qa’ri uchastkasidan foydalanish huquqini boshqa shaxsga (to‘liq yoki qisman) berish mumkinligi to‘g‘risida zarur xulosalar va taklif bilan tushuntirish yozuvlarini tayyorlab, materiallarni ko‘rib chiqish va yer qa’ri uchastkasidan foydalanish huquqini (to‘liq yoki qisman) boshqa shaxsga berishning maqsadga muvofiqligi to‘g‘risida qaror qabul qilish uchun O‘zbekiston Respublikasi Vazirlar Mahkamasiga taqdim etadi.
O‘zbekiston Respublikasi Vazirlar Mahkamasi o‘n kun muddat mobaynida yer qa’ri uchastkasidan foydalanish huquqini (to‘liq yoki qisman) boshqa shaxsga berishning maqsadga muvofiqligi to‘g‘risida qaror qabul qiladi.
Qaror arizachiga qaror qabul qilingan kundan boshlab uch kun mobaynida yozma shaklda jo‘natiladi. Kelishib olishning rad etilishi asoslangan bo‘lishi kerak.
Yer qa’ri uchastkasidan foydalanish huquqini berishni qayta kelishib olishda yer qa’ri uchastkasidan foydalanish huquqini berishni kelishib olish rad etilgan avvalgi qarorda ko‘rsatilmagan yangi asoslar bo‘yicha uni rad etishga yo‘l qo‘yilmaydi.
Yer qa’ri uchastkasidan foydalanish huquqini boshqa shaxsga berishning O‘zbekiston Respublikasi Vazirlar Mahkamasi bilan kelishib olinganligi tomonlarning huquqni boshqa shaxsga berish to‘g‘risidagi tegishli shartnomani tuzish va yer qa’ri uchastkasidan foydalanish huquqi (to‘liq yoki qisman) berilayotgan shaxsga vakolatli organ tomonidan litsenziya berilishi uchun asos hisoblanadi”.
Keyingi tahrirga qarang.
3. O‘zbekiston Respublikasi Prezidentining 2009-yil 1-dekabrdagi PQ-1236-sonli qarori bilan tasdiqlangan Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini tuzish jarayonida davlat boshqaruvi organlari va loyihalar tashabbuskorlarining o‘zaro hamkorlik qilish tartibi to‘g‘risidagi nizomning 8-bandida:
“Xo‘jalik yurituvchi subyektlar loyihalarni Mahalliylashtirish dasturiga kiritish bo‘yicha elektron shaklda takliflar berish huquqiga ega”.
4. O‘zbekiston Respublikasi Prezidentining “Noruda foydali qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalar berish tartibi to‘g‘risidagi nizomni tasdiqlash haqida” 2011-yil 2-maydagi PQ-1524-sonli qarorida:
“36. O‘zbekiston Respublikasi Vazirlar Mahkamasi Davlat geologiya qo‘mitasining taqdimnomasiga binoan har yilning 1-fevralidan kechikmay noruda foydali qazilmalarni o‘z ichiga olgan yer qa’ri uchastkalarining (keng tarqalganlari bundan mustasno) joriy yil ro‘yxatini tasdiqlaydi, ulardan foydalanish huquqini beruvchi litsenziyalarni berish ochiq savdolar orqali amalga oshiriladi.
Komissiya Davlat geologiya qo‘mitasining taqdimnomasiga binoan har yilning 1-fevralidan kechikmay joriy yil uchun:
keng tarqalgan noruda foydali qazilmalarni o‘z ichiga olgan yer qa’ri uchastkalarining ro‘yxatini (ulardan foydalanish huquqini beruvchi litsenziyalarni berish ochiq savdolar orqali amalga oshiriladi);
mazkur Nizomning 21 va 22-bandlarida nazarda tutilgan ochiq savdoga chiqarilayotgan yer qa’ri uchastkalaridan foydalanish shartlarining loyihalarini;
so‘ralayotgan yer qa’ri uchastkasida mo‘ljallanayotgan faoliyatni amalga oshirish uchun arizachida mavjud bo‘lgan eng kam miqdordagi zarur texnikaviy vosita va moliyaviy mablag‘lardan, shuningdek pudratchi sifatida jalb etilayotgan soha mutaxassislaridan iborat ochiq savdo ishtirokchilariga nisbatan malaka talablarini tasdiqlaydi.
39-bandining birinchi xatboshidagi “Komissiya” so‘zi “Vazirlar Mahkamasi yoki Komissiya tomonidan noruda foydali qazilmalarni o‘z ichiga olgan yer qa’ri uchastkalarining ro‘yxati” so‘zlari bilan almashtirilsin;
“391. Davlat geologiya qo‘mitasi Vazirlar Mahkamasi yoki Komissiya tomonidan noruda foydali qazilmalarni o‘z ichiga olgan yer qa’ri uchastkalarining ro‘yxati tasdiqlangandan so‘ng bir hafta muddatda so‘ralayotgan yer qa’ri uchastkalaridan foydalanish bo‘yicha yiriklashtirilgan texnik-iqtisodiy hisob-kitoblar yoki texnik-iqtisodiy asoslarni ishlab chiqish uchun zarur hajmdagi geologiya, tog‘-texnika, texnologik hamda boshqa ma’lumotlardan iborat geologik va boshqa ma’lumotlar to‘plamini tayyorlaydi.
So‘ralayotgan yer qa’ri uchastkasi bo‘yicha geologik va boshqa ma’lumotlar to‘plami, belgilangan tartibda Davlat geologiya qo‘mitasi tomonidan ariza berganlar (talabgorlar)ga ochiq savdolarda ishtirok etib, yer qa’ri uchastkasidan foydalanish huquqini beradigan litsenziya olish uchun sotiladi. Bunda to‘lov miqdori ma’lumotlarni tayyorlash (tanlash, ko‘chirish, ko‘paytirish va boshqa) xizmatlar ko‘rsatish uchun ketgan xarajatlar doirasida belgilanadi.
42-bandining ikkinchi xatboshidagi “37, 38, 39 va 41” raqamlari “36, 39, 391 va 41” raqamlari bilan almashtirilsin.
“yer qa’rini geologik o‘rganish va noruda foydali qazilmalarni qazib olish uchun berishda yiriklashtirilgan texnik-iqtisodiy hisob-kitoblar;
noruda foydali qazilmalarni qazib olish va texnogen mineral mahsulotlardan foydalanish uchun berishda texnik-iqtisodiy asoslar;
atrof muhitga ta’siri to‘g‘risidagi Ariza loyihasiga davlat ekologiya ekspertizasining ijobiy xulosasi;
arizachi, ochiq savdoda yutib chiqqan taqdirda, davlat budjetiga to‘lanadigan pul miqdori ko‘rsatilgan moliyaviy taklif”;
o‘n birinchi va o‘n ikkinchi xatboshilar tegishli ravishda o‘n beshinchi va o‘n oltinchi xatboshilar deb hisoblansin;
“441. So‘ralayotgan yer qa’ri uchastkasidan foydalanish huquqini beradigan litsenziyani olish uchun moliyaviy taklifning eng kam summasi:
yer qa’rini geologik o‘rganish uchun — noruda foydali qazilmalar konini qidirish va razvedka qilishga obuna bonusining qonun hujjatlarida belgilangan stavkasi miqdorini;
noruda foydali qazilmalarni tajriba-sanoat usulida qazib chiqarish va ularni konlardan qazib olish, shuningdek texnogen mineral mahsulotlardan foydalanish uchun — tijorat maqsadidagi topilma bonusining qonun hujjatlarida belgilangan stavkasi miqdorini tashkil etadi”;
“45. Davlat geologiya qo‘mitasi talabnoma berish muddati tugagandan so‘ng bir kun muddatda taqdim etilgan talabnomalarni umumlashtirib, ularni ko‘rib chiqish uchun Komissiyaning ishchi guruhiga kiritadi.
Komissiyaning Ishchi guruhi (keyingi o‘rinlarda — Ishchi guruhi) O‘zbekiston Respublikasi Davlat geologiya qo‘mitasi, Davlat tabiatni muhofaza qilish qo‘mitasi, “Sanoatgeokontexnazorat” Davlat inspeksiyasi, Iqtisodiyot vazirligi va Moliya vazirligining malakali mutaxassislaridan iborat tarkibda tuziladi. Ishchi guruhining Nizomi va uning tarkibi Komissiya tomonidan tasdiqlanadi.
yiriklashtirilgan texnik-iqtisodiy hisob-kitoblar va texnik- iqtisodiy asoslar ekspertizasini amalga oshiradi;
ko‘rilgan masalalar bo‘yicha Davlat geologiya qo‘mitasiga asosiy fikr- mulohaza va takliflar bayon etilgan yozma ravishdagi xulosani taqdim etadi”;
“51. Davlat geologiya qo‘mitasi Ishchi guruhining xulosasini olgandan so‘ng ikki kun muddatda materiallarni umumlashtirib, ko‘rib chiqish uchun Komissiyaga taqdim etadi”;
“57. Ochiq savdolarda malaka talablariga mos kelgan bitta ishtirokchi qatnashgan va yiriklashtirilgan texnik-iqtisodiy hisob-kitoblar yoki texnik-iqtisodiy asoslarga Komissiya Ishchi guruhi ekspertizasining ijobiy xulosasi olingan taqdirda, g‘olib bevosita muzokaralar natijasiga ko‘ra Komissiyaning qarori bo‘yicha aniqlanishi mumkin, agarda bunday qarorga ro‘yxat tarkibining kamida uchdan ikki qismi ovoz bergan bo‘lsa”;
“Ochiq savdo ishtirokchilari tomonidan taqdim etilgan hujjatlarni ko‘rib chiqish, ekspertiza qilish va Nizomini tasdiqlash uchun O‘zbekiston Respublikasi Davlat geologiya qo‘mitasi, Davlat tabiatni muhofaza qilish qo‘mitasi, “Sanoatgeokontexnazorat” Davlat inspeksiyasi, Iqtisodiyot vazirligi va Moliya vazirligining malakali mutaxassislaridan iborat Komissiya Ishchi guruhini tashkil etish”;
beshinchi, oltinchi va yettinchi xatboshilar tegishli ravishda oltinchi, yettinchi va sakkizinchi xatboshilar deb hisoblansin;
Keyingi tahrirga qarang.
5. O‘zbekiston Respublikasi Prezidentining 2012-yil 30-oktabrdagi PQ-1843-sonli qarori bilan tasdiqlangan Davlat soliq xizmati idoralariga soliq to‘lovchilarning majburiyatlari paydo bo‘lishi (tugatilishi) to‘g‘risida ma’lumot taqdim etadigan idora va tashkilotlar ro‘yxatining “Taqdim etiladigan ma’lumot nomi” ustunida:
“Konsert-tomosha faoliyatini amalga oshirish huquqi uchun litsenziyalar berish faktlari haqida ma’lumot, shuningdek ularni bekor qilish, to‘xtatib turish yoki tugatish to‘g‘risida ma’lumot”.
6. O‘zbekiston Respublikasi Prezidentining “O‘zbekiston Respublikasining 2014-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida” 2013-yil 25-dekabrdagi PQ-2099-sonli qarori 7-ilovasining “To‘lovchilar” ustuni 3-pozitsiyasidagi va 9-1-ilovasining 7-pozitsiyasidagi “gastrol’-konsert” so‘zlari “konsert-tomosha” so‘zlari bilan almashtirilsin.