O‘zbekiston Respublikasi Prezidentining “O‘zbekiston Respublikasida investitsiya iqlimi va ishbilarmonlik muhitini yanada takomillashtirishga doir qo‘shimcha chora-tadbirlar to‘g‘risida” 2014-yil 7-apreldagi PF-4609-sonli Farmoniga muvofiq, shuningdek tashqi savdo operatsiyalari monitoringini amalga oshirish tartibini yanada takomillashtirish maqsadida:
1. O‘zbekiston Respublikasi Prezidentining ayrim hujjatlariga ilovaga muvofiq o‘zgartishlar kiritilsin.
2. Mazkur Farmonning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
1. O‘zbekiston Respublikasi Prezidentining 1994-yil 20-apreldagi PF-837-sonli Farmoni bilan tasdiqlangan Eksport-import operatsiyalari bo‘yicha valyuta nazorati to‘g‘risidagi nizomda:
“4. Barcha tashqi savdo shartnomalari valyuta nazorati organlarida, Tashqi savdo operatsiyalarining yagona elektron axborot tizimi (TSOYEAT) orqali vakil qilingan banklarda monitoringdan o‘tkaziladi”;
“6. Davlat bojxona xizmati organlari tashqi savdo shartnomalari bo‘yicha tovarlar harakati to‘g‘risidagi ma’lumotlarning TSOYEATga to‘liq, o‘z vaqtida va to‘g‘ri kiritilishi nazorati (monitoringi)ni amalga oshiradi.
7. Vakil qilingan banklar tashqi savdo shartnomalari bo‘yicha pul mablag‘larining harakati to‘g‘risidagi ma’lumotlar TSOYEATga to‘liq, o‘z vaqtida va to‘g‘ri kiritilishi kundalik nazoratini amalga oshiradi.
Pul mablag‘larining belgilangan muddatlarda kelib tushmagani yoki kam miqdorda tushgani haqidagi ma’lumotlar TSOYEATda shakllantiriladi. Davlat soliq xizmati organlari tegishli choralar qabul qilish uchun TSOYEATdagi ma’lumotlardan foydalanadi”;
“14. Vakil qilingan banklar pul mablag‘larining harakati to‘g‘risidagi ma’lumotlar TSOYEATga to‘g‘ri va o‘z vaqtida kiritilishi hamda tashqi savdo operatsiyalari bo‘yicha to‘lov shakllarining to‘g‘ri qo‘llanilishi bo‘yicha javobgardirlar”.
2. O‘zbekiston Respublikasi Prezidentining “Eksport-import operatsiyalarini tartibga keltirish borasidagi qo‘shimcha chora-tadbirlar to‘g‘risida” 1995-yil 11-apreldagi PF-1096-sonli Farmonining 4-bandida “va vakil qilingan banklarda qayd etilgan shartnomalar O‘zbekiston Respublikasi Davlat bojxona qo‘mitasi tomonidan belgilangan tartibda” so‘zlari “qonun hujjatlarida belgilangan tartibda hisobga olinishi lozim” so‘zlari bilan almashtirilsin.
Keyingi tahrirga qarang.
3. O‘zbekiston Respublikasi Prezidentining “Eksport qiluvchi korxonalarni rag‘batlantirishni kuchaytirish va raqobatbardosh mahsulotlarni eksportga yetkazib berishni kengaytirish borasida qo‘shimcha chora-tadbirlar to‘g‘risida” 2012-yil 26-martdagi PQ-1731-sonli qarori 5-bandining to‘rtinchi xatboshida “faqat xizmat ko‘rsatayotgan vakolatli bankda hisobga qo‘yilgan” so‘zlari ma’lumotlarni Tashqi savdo operatsiyalarining yagona elektron axborot tizimiga kiritgan” so‘zlari bilan almashtirilsin.