1-modda. O‘zbekiston Respublikasi Oliy Majlisining 2001-yil 7-dekabrda qabul qilingan 323-II-sonli qarori bilan tasdiqlangan Sudyalarning malaka hay’atlari to‘g‘risidagi nizomga (O‘zbekiston Respublikasi Oliy Majlisining Axborotnomasi, 2002-yil, №1, 23-modda; 2005-yil, №1, 18-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 7, 324-modda) o‘zgartish va qo‘shimchalar kiritilib, uning yangi tahriri tasdiqlansin (ilova qilinadi).
LexUZ sharhi
1-modda. Ushbu Nizom Umumiy yurisdiksiya sudlari sudyalarining oliy malaka hay’ati (bundan buyon matnda Sudyalarning oliy malaka hay’ati deb yuritiladi), Xo‘jalik sudlari sudyalarining malaka hay’ati, shuningdek fuqarolik va jinoyat ishlari bo‘yicha Qoraqalpog‘iston Respublikasi, viloyatlar, Toshkent shahar sudlari hamda harbiy sudlar sudyalari malaka hay’atlarining (bundan buyon matnda umumiy yurisdiksiya sudlari sudyalarining malaka hay’atlari deb yuritiladi) faoliyatini tartibga soladi.
Keyingi tahrirga qarang.
2-modda. Sudyalarning oliy malaka hay’ati, Xo‘jalik sudlari sudyalarining malaka hay’ati, umumiy yurisdiksiya sudlari sudyalarining malaka hay’atlari (bundan buyon matnda sudyalarning malaka hay’atlari deb yuritiladi) quyidagi masalalarni ko‘rib chiqish uchun tuziladi:
Keyingi tahrirga qarang.
Sudyalarning malaka hay’atlari O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga (bundan buyon matnda Oliy malaka komissiyasi deb yuritiladi) uning zimmasiga yuklatilgan vazifalarni bajarishda ko‘maklashadi.
Keyingi tahrirga qarang.
3-modda. Sudyalarning malaka hay’atlari o‘z faoliyatini O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, shuningdek ushbu Nizom asosida amalga oshiradi.
4-modda. Sudyalarning oliy malaka hay’ati O‘zbekiston Respublikasi Oliy sudi Plenumi tomonidan O‘zbekiston Respublikasi Oliy sudi sudyalari orasidan Sudyalar oliy malaka hay’atining raisi, uning o‘rinbosari va a’zolaridan iborat tarkibda besh yil muddatga saylanadi.
Xo‘jalik sudlari sudyalarining malaka hay’ati O‘zbekiston Respublikasi xo‘jalik sudlari sudyalarining konferensiyasida O‘zbekiston Respublikasi Oliy xo‘jalik sudi, Qoraqalpog‘iston Respublikasi xo‘jalik sudi, viloyatlar hamda Toshkent shahar xo‘jalik sudlari sudyalari orasidan Xo‘jalik sudlari sudyalari malaka hay’atining raisi, uning o‘rinbosari va a’zolaridan iborat tarkibda besh yil muddatga saylanadi.
Umumiy yurisdiksiya sudlari sudyalarining malaka hay’atlari tegishli sudlar sudyalarining konferensiyalarida tumanlararo, tuman (shahar) sudlari, okrug va hududiy harbiy sudlar hamda tegishli yuqori turuvchi sudlarning sudyalari orasidan sudyalar malaka hay’atlarining raisi, uning o‘rinbosari va a’zolaridan iborat tarkibda besh yil muddatga saylanadi.
Keyingi tahrirga qarang.
5-modda. O‘zbekiston Respublikasi Oliy sudi Plenumi va sudyalarning konferensiyasi, agar ularda plenumni yoki konferensiyani tashkil etuvchi sudyalarning kamida uchdan ikki qismi hozir bo‘lsa, sudyalarning malaka hay’atlarini saylashga vakolatlidir.
6-modda. Sudyalar malaka hay’atlarining son jihatdan tarkibi ularning ish hajmidan kelib chiqqan holda belgilanadi, biroq sudyalar malaka hay’ati raisi va uning o‘rinbosari bilan birgalikda to‘qqiz kishidan ortiq bo‘lmasligi kerak.
7-modda. Sudyalarning malaka hay’atlari a’zoligiga nomzodlar O‘zbekiston Respublikasi Oliy sudi Plenumi a’zolari yoki sudyalar konferensiyasining ishtirokchilari tomonidan ko‘rsatiladi.
8-modda. Agar sudya ovoz berish natijalariga ko‘ra ovoz berishda ishtirok etgan sudyalar ovozining yarmidan ko‘pini olgan bo‘lsa, u sudyalarning malaka hay’atiga saylangan hisoblanadi.
9-modda. Sudyalarning malaka hay’atlari o‘z faoliyati to‘g‘risida o‘zini saylagan organlarga yiliga kamida bir marta axborot beradi.
1) Oliy malaka komissiyasiga taqdim etish uchun sudyalarni tanlash mexanizmini takomillashtirish yuzasidan takliflar tayyorlaydi;
2) Oliy malaka komissiyasiga yangi vakolat muddatiga yoxud boshqa sudyalik lavozimlariga ko‘rsatilayotgan nomzodlar (sudyalar) bo‘yicha tegishli xulosalar taqdim etadi;
3) sudyalarni, shuningdek birinchi marta sudyalik lavozimlariga tayinlanadigan nomzodlar zaxirasiga kiritilgan hamda o‘qish va stajirovkani o‘tagan shaxslarni bo‘shab qolgan sudyalik lavozimlari haqida tegishincha O‘zbekiston Respublikasi Oliy sudining hamda O‘zbekiston Respublikasi Oliy xo‘jalik sudining rasmiy veb-saytlarida axborot joylashtirish orqali xabardor qilib boradi;
4) O‘zbekiston Respublikasi Oliy sudining sudyalari, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar hamda Toshkent shahar sudlari raislari va rais o‘rinbosarlariga, O‘zbekiston Respublikasi Harbiy sudi raisi va rais o‘rinbosariga, shuningdek xo‘jalik sudlari sudyalariga nisbatan shikoyatlar va taqdimnomalarni ko‘rib chiqadi, xizmat tekshiruvlari o‘tkazadi;
5) sudyalarning intizomiy javobgarligi to‘g‘risidagi ishlarni va sudyalarni ma’muriy javobgarlikka tortishga rozilik berish haqidagi masalalarni ko‘rib chiqadi, O‘zbekiston Respublikasi Oliy sudi sudyalarining, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar hamda Toshkent shahar sudlari raislari va rais o‘rinbosarlarining, O‘zbekiston Respublikasi Harbiy sudi raisi va rais o‘rinbosarining, shuningdek xo‘jalik sudlari sudyalarining vakolatlarini to‘xtatib turish to‘g‘risida qarorlar qabul qiladi;
7) tegishli sudlar sudyalarining sudyalik qasamyodi va sudyalar odob-axloqi qoidalariga rioya etishi ustidan nazoratni amalga oshiradi;
Sudyalarning oliy malaka hay’ati umumiy yurisdiksiya sudlari sudyalari malaka hay’atlarining qarorlari ustidan berilgan shikoyatlar va taqdimnomalarni ko‘rib chiqadi.
Xo‘jalik sudlari sudyalarining malaka hay’ati o‘zlarini birinchi marta sudyalik lavozimlariga tayinlanadigan nomzodlar zaxirasiga kiritish haqida ariza bergan shaxslarni hamda sudyalik lavozimlariga nomzodlar taklif etgan organlarni birinchi marta sudyalik lavozimlariga tayinlanadigan nomzodlar zaxirasiga kiritish rad etilganligi va ushbu zaxiradan chiqarilganligi haqida xabardor qiladi.
Sudyalarning oliy malaka hay’ati, Xo‘jalik sudlari sudyalarining malaka hay’ati qonun hujjatlariga muvofiq boshqa vakolatlarni ham amalga oshirishi mumkin.
Keyingi tahrirga qarang.
Keyingi tahrirga qarang.
1) Oliy malaka komissiyasiga taqdim etish uchun sudyalarni tanlash mexanizmini takomillashtirish yuzasidan takliflar tayyorlashda ishtirok etadi;
Keyingi tahrirga qarang.
2) birinchi marta sudyalik lavozimlariga tayinlanadigan nomzodlar zaxirasiga kiritish uchun tavsiya etilayotgan shaxslarning arizalarini va ularga ilova qilinadigan materiallarni qabul qilishni, ro‘yxatdan o‘tkazishni, tekshirishni, shuningdek ularni Oliy malaka komissiyasiga yuborishni tashkil etadi;
Keyingi tahrirga qarang.
3) o‘zlarini birinchi marta sudyalik lavozimlariga tayinlanadigan nomzodlar zaxirasiga kiritish haqida ariza bergan shaxslarni hamda sudyalik lavozimlariga nomzodlar taklif etgan organlarni birinchi marta sudyalik lavozimlariga tayinlanadigan nomzodlar zaxirasiga kiritish rad etilganligi va ushbu zaxiradan chiqarilganligi haqida xabardor qiladi;
4) birinchi marta sudyalik lavozimlariga tayinlanadigan nomzodlar zaxirasiga kiritilgan hamda o‘qish va stajirovkani o‘tagan shaxslarni bo‘shab qolgan sudyalik lavozimlari haqida xabardor qiladi;
5) Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar hamda Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalariga nisbatan shikoyatlar va taqdimnomalarni ko‘rib chiqadi, xizmat tekshiruvlarini o‘tkazadi;
Keyingi tahrirga qarang.
6) sudyalarning intizomiy javobgarligi to‘g‘risidagi ishlarni va sudyalarni ma’muriy javobgarlikka tortishga rozilik berish haqidagi masalalarni ko‘rib chiqadi, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar hamda Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalarining vakolatlarini to‘xtatib turish to‘g‘risida qarorlar qabul qiladi;
Keyingi tahrirga qarang.
8) tegishli sudlar sudyalarining sudyalik qasamyodi va sudyalar odob-axloqi qoidalariga rioya etishi ustidan nazoratni amalga oshiradi;
9) xalq maslahatchilarini tanlash va ularning saylovini o‘tkazish hamda ularni o‘qitish ishlarini tashkil etadi.
Umumiy yurisdiksiya sudlari sudyalarining malaka hay’atlari qonun hujjatlariga muvofiq boshqa vakolatlarni ham amalga oshirishi mumkin.
Keyingi tahrirga qarang.
sudyalarning malaka hay’ati faoliyatiga rahbarlikni amalga oshiradi va uning zimmasiga yuklatilgan vazifalarning bajarilishi uchun shaxsan javobgar bo‘ladi;
takliflar, arizalar va shikoyatlarni qabul qilish hamda ro‘yxatdan o‘tkazishga, birinchi marta sudyalik lavozimlariga tayinlanadigan nomzodlar zaxirasiga kiritish uchun tavsiya etilayotgan shaxslarga yoki yangi vakolat muddatiga yoxud boshqa sudyalik lavozimlariga ko‘rsatilayotgan sudyalarga doir taqdim etilgan materiallarning to‘liqligi va to‘g‘riligi tekshirilishiga doir ishlarni tashkil etadi;
sudyalar malaka hay’atining majlislarini chaqiradi, ularga tayyorgarlik ko‘rilishini ta’minlaydi va ularda raislik qiladi;
fuqarolarni qabul qilishni amalga oshiradi hamda sudyalarning harakatlari (harakatsizligi) ustidan tushgan shikoyatlarni ko‘rib chiqish ishlarini tashkil etadi;
sudyalik qasamyodi va sudyalar odob-axloqi qoidalariga rioya etilishi ustidan nazorat amalga oshirilishiga doir ishlarni tashkil etadi;
sudya tomonidan yo‘l qo‘yilgan qoidabuzarliklar haqidagi xabarlar yuzasidan xizmat tekshiruvlarini o‘tkazish to‘g‘risida farmoyishlar qabul qiladi, mazkur tekshiruvlarni o‘tkazish rejasini va tekshiruvlar natijalariga doir xulosalarni tasdiqlaydi;
Oliy malaka komissiyasiga sudyalar malaka hay’atining faoliyati to‘g‘risida hisobotlar taqdim etadi.
Keyingi tahrirga qarang.
Sudyalar malaka hay’atining raisi qonun hujjatlariga muvofiq boshqa vakolatlarni ham amalga oshirishi mumkin.
Sudyalar malaka hay’atining raisi bo‘lmagan taqdirda raisning vazifasini uning o‘rinbosari amalga oshiradi, o‘rinbosar bo‘lmagan taqdirda esa, sudyalarning malaka hay’atiga rahbarlik qilish sudyalar tegishli malaka hay’atining qaroriga ko‘ra vaqtincha sudyalar malaka hay’ati a’zolaridan birining zimmasiga yuklatiladi.
13-modda. Sudyalar malaka hay’atining kotibi tegishli sud raisi tomonidan lavozimga tayinlanadi va lavozimidan ozod etiladi.
sudyalar malaka hay’atlari faoliyatini tashkiliy-texnik jihatdan ta’minlashni, takliflar, arizalar va shikoyatlarni qabul qilish hamda ro‘yxatdan o‘tkazishni, birinchi marta sudyalik lavozimlariga tayinlanadigan nomzodlar zaxirasiga kiritish uchun tavsiya etilayotgan shaxslarga, shuningdek yangi vakolat muddatiga yoxud boshqa sudyalik lavozimlariga ko‘rsatilayotgan sudyalarga doir taqdim etilgan materiallarning to‘liqligi va to‘g‘riligini tekshirishni amalga oshiradi;
Sudyalar malaka hay’atining kotibi qonun hujjatlariga muvofiq boshqa vakolatlarni ham amalga oshirishi mumkin.
Keyingi tahrirga qarang.
14-modda. Sudyalar malaka hay’atlarining raislari (ularning vazifalarini vaqtincha bajarib turgan shaxslar) va kotiblari Oliy malaka komissiyasiga yuboriladigan sudya kadrlarga doir materiallarning to‘liqligi va to‘g‘riligi uchun o‘z vakolatlari doirasida shaxsan javobgar bo‘ladi.
Keyingi tahrirga qarang.
Sudyalar malaka hay’atining majlisi hay’at a’zolarining kamida yarmi ishtirok etgan taqdirda vakolatlidir.
Sudyalar malaka hay’atining majlisini tayyorlash sudyalar malaka hay’atining raisi yoki uning o‘rinbosari, ular bo‘lmagan taqdirda esa, sudyalarning tegishli malaka hay’ati raisi vazifalarini bajarish vaqtinchalik zimmasiga yuklatilgan sudyalar malaka hay’atining a’zosi tomonidan ta’minlanadi.
Sudyalar malaka hay’atining majlisi tegishli ariza (materiallar), taqdimnoma yoki sudyaning intizomiy javobgarligi to‘g‘risidagi ish sudyalar malaka hay’atiga kelib tushgan kundan e’tiboran bir oy muddat ichida o‘tkazilishi kerak.
Sudyalar malaka hay’atining raisi majlis o‘tkaziladigan joy va vaqtni belgilaydi, ko‘riladigan masalaga aloqador bo‘lgan shaxslar bu haqda oldindan xabardor qilinadi.
Sudyalarning malaka hay’atlari o‘z vakolatlarini amalga oshirish uchun zarur bo‘lgan axborotni sudlarning, boshqa davlat organlarining, shuningdek jamoat birlashmalarining rahbarlaridan, mansabdor shaxslar va fuqarolardan talab qilib olish huquqiga ega.
16-modda. Sudyalar malaka hay’atining majlisiga raislik qiluvchi belgilangan vaqtda majlisni ochadi, qanday masalalar ko‘rilishini va sudyalar malaka hay’atining tarkibini e’lon qiladi.
Sudyalar malaka hay’atining majlisida ishtirok etayotgan sudyalar malaka hay’atining a’zosi o‘zini o‘zi rad etishi mumkin, majlisda masalasi ko‘rilishi kerak bo‘lgan sudya yoki nomzod esa sudyalar malaka hay’atining a’zolarini rad etishga haqli.
O‘zini o‘zi rad etish yoki sudyalar malaka hay’atining a’zosini rad etish masalasi yopiq maslahatlashuvda hal qilinadi.
Masalalarni ko‘rib chiqish raislik qiluvchining yoki sudyalar malaka hay’atining taqdim etilgan hujjatlar va materiallarni oldindan o‘rganib chiqqan a’zolaridan birining ma’ruzasi bilan boshlanadi.
Sudyalar malaka hay’atining vakolatlariga taalluqli va hal etilishi lozim bo‘lgan masalalarning o‘ziga xos xususiyatlariga qarab, bunday hay’at majlisiga taklif qilingan shaxslar eshitiladi, zarur hujjatlar va materiallar o‘rganiladi, shundan so‘ng sudyalarning malaka hay’ati xulosa beradi yoki tegishli qaror qabul qiladi. Sudyalar malaka hay’atining majlisida bayonnoma yuritiladi, u raislik qiluvchi va sudyalar malaka hay’atining kotibi tomonidan imzolanadi.
17-modda. Sudyalarning malaka hay’ati sudyani ma’muriy javobgarlikka tortish uchun rozilik berish to‘g‘risidagi, uning intizomiy javobgarligi haqidagi, vakolatlarini to‘xtatib turish to‘g‘risidagi, sudyalarga malaka darajasi berish haqidagi masalalar ko‘rilganda qaror qabul qiladi, boshqa masalalar ko‘rilganda esa xulosa beradi.
18-modda. Sudyalar malaka hay’atining qarori yoki xulosasi uning majlisda ishtirok etgan a’zolarining ko‘pchilik ovozi bilan yopiq maslahatlashuvda qabul qilinadi, chiqarilgan xulosa bayon etilib, mazkur a’zolar tomonidan imzolanadi hamda o‘qib eshittiriladi.
Sudyalar malaka hay’atining a’zosi ish bo‘yicha qabul qilingan qarorga yoki xulosaga rozi bo‘lmagan taqdirda sudyalar malaka hay’atining qarorini yoki xulosasini imzolaydi hamda o‘zining alohida fikrini yozma shaklda bayon etadi, ushbu fikr majlis bayonnomasiga qo‘shib qo‘yiladi.
19-modda. Sudyalar malaka hay’atining qarorida yoki xulosasida quyidagilar ko‘rsatilgan bo‘lishi kerak:
sudyalar malaka hay’atining nomi, tarkibi, sudyalar malaka hay’atining majlisi o‘tkazilgan joy va vaqt;
intizomiy javobgarligi haqida ish yoki material ko‘rilayotgan sudyaning familiyasi, ismi, otasining ismi va lavozimi;
taqdimnoma kiritgan yoki sudyaning intizomiy javobgarligi to‘g‘risida ish qo‘zg‘atgan shaxsning familiyasi, ismi, otasining ismi va lavozimi;
20-modda. Sudyalar oliy malaka hay’atining, shuningdek Xo‘jalik sudlari sudyalari malaka hay’atining qarorlari va xulosalari manfaatdor shaxslarning shikoyatiga yoki taqdimnomasiga ko‘ra ular tomonidan qayta ko‘rib chiqilishi mumkin.
Keyingi tahrirga qarang.
O‘ziga nisbatan qaror qabul qilingan yoki xulosa berilgan sudya tomonidan, shuningdek taqdimnoma kiritgan yoki sudyaning intizomiy javobgarligi to‘g‘risida ish qo‘zg‘atgan shaxs tomonidan umumiy yurisdiksiya sudlari sudyalari malaka hay’atlarining qarorlari va xulosalari ustidan Sudyalarning oliy malaka hay’atiga shikoyat qilinishi mumkin.
Keyingi tahrirga qarang.
Sudyalar malaka hay’atlarining qarorlari yoki xulosalari o‘ziga nisbatan qaror qabul qilingan yoki xulosa berilgan sudyaga, shuningdek Oliy malaka komissiyasiga uch kunlik muddatda yuboriladi.
Keyingi tahrirga qarang.
Sudyalar malaka hay’atining qarorini yoki xulosasini qayta ko‘rib chiqish haqidagi shikoyat yoki taqdimnoma qaror qabul qilingan yoki xulosa chiqarilgan kundan e’tiboran o‘n kun ichida qarorni qabul qilgan yoki xulosani chiqargan sudyalarning malaka hay’ati orqali beriladi.
Umumiy yurisdiksiya sudlari sudyalari malaka hay’atining qabul qilingan qarorini qayta ko‘rib chiqish haqidagi shikoyat yoki taqdimnoma tushishi bilan sudyaning intizomiy javobgarligi to‘g‘risidagi ish materiallari manfaatdor shaxslar xabardor qilingan holda besh kunlik muddatda Sudyalarning oliy malaka hay’atiga yuborilishi kerak.
Keyingi tahrirga qarang.
21-modda. Sudyalarning oliy malaka hay’ati sudyalarning intizomiy javobgarligi to‘g‘risidagi ishni yoxud shikoyat yoki taqdimnoma bilan kelib tushgan materialni bir oy muddat ichida ko‘rib chiqadi.
Sudyalar oliy malaka hay’atining va Xo‘jalik sudlari sudyalari malaka hay’atining qarorlari yoki xulosalari tegishincha O‘zbekiston Respublikasi Oliy sudi raisiga va O‘zbekiston Respublikasi Oliy xo‘jalik sudi raisiga, umumiy yurisdiksiya quyi sudlarining sudyalariga taalluqli masalalar bo‘yicha esa, sudyalarning tegishli malaka hay’atlariga yuboriladi.
Keyingi tahrirga qarang.
22-modda. Birinchi marta sudyalik lavozimlariga tayinlanadigan nomzodlar zaxirasini shakllantirish ishlari Oliy malaka komissiyasi tomonidan sudyalarning malaka hay’atlari ko‘magida adliya, prokuratura, sud va ichki ishlar organlari, shuningdek fuqarolar ishtirokida amalga oshiriladi.
Keyingi tahrirga qarang.
23-modda. Birinchi marta sudyalik lavozimlariga tayinlanadigan nomzodlar zaxirasiga o‘ttiz yoshdan kichik bo‘lmagan, oliy yuridik ma’lumotga va yuridik ixtisosligi bo‘yicha, avvalambor, huquqni muhofaza qiluvchi organlarda kamida besh yillik ish stajiga ega bo‘lgan O‘zbekiston Respublikasi fuqarolari kiritilishi mumkin.
24-modda. Adliya, prokuratura, sud, ichki ishlar organlarining Qoraqalpog‘iston Respublikasi, viloyatlar va Toshkent shahar bo‘linmalari o‘z xodimlari orasidan birinchi marta sudyalik lavozimlariga tayinlanadigan nomzodlar zaxirasiga kiritish uchun nomzodlarga doir takliflar va zarur materiallarni umumiy yurisdiksiya sudlari sudyalarining malaka hay’atlariga, Xo‘jalik sudlari sudyalarining malaka hay’atiga yilning har choragida alohida-alohida yuboradi.
Keyingi tahrirga qarang.
O‘z xodimlari orasidan birinchi marta sudyalik lavozimlariga tayinlanadigan nomzodlar zaxirasiga kiritish uchun nomzodlar bo‘yicha takliflar va zarur materiallar sudyalarning tegishli malaka hay’atlariga O‘zbekiston Respublikasi Adliya vazirligi, Bosh prokuraturasi, Oliy sudi, Oliy xo‘jalik sudi va Ichki ishlar vazirligi tomonidan yuborilishi mumkin.
Keyingi tahrirga qarang.
Birinchi marta sudyalik lavozimlariga tayinlanadigan nomzodlar zaxirasiga kiritilish istagini bildirgan O‘zbekiston Respublikasi fuqarolari Oliy malaka komissiyasiga bevosita yoxud sudyalarning tegishli malaka hay’ati orqali ariza bilan murojaat qilishi mumkin.
Keyingi tahrirga qarang.
Birinchi marta sudyalik lavozimlariga tayinlanadigan nomzodlar zaxirasiga kiritish haqidagi arizaga nomzod tomonidan o‘z qo‘li bilan to‘ldirilgan kadrlarni hisobga olish bo‘yicha shaxsiy varaqasi va tarjimai hol, fotosuratlar, pasportning ko‘chirma nusxasi va baholar to‘g‘risidagi ma’lumotlar ilova qilingan oliy yuridik ma’lumot to‘g‘risidagi diplomning notarial tartibda tasdiqlangan ko‘chirma nusxasi, mehnat daftarchasidan belgilangan tartibda tasdiqlangan ko‘chirma, sog‘lig‘ining holati to‘g‘risidagi ma’lumotnoma, ish joyidan ma’lumotnoma-tavsifnoma, tashkilot nomidan tavsiyanoma, fikrnomalar (kamida uch kishiniki) ilova qilinadi.
Adliya, prokuratura, sud va ichki ishlar organlari tomonidan taqdim etilgan birinchi marta sudyalik lavozimlariga tayinlanadigan nomzodlarga doir materiallarga qo‘shimcha ravishda idoraviy inspeksiyaning yoki kadrlar bo‘limining nomzodning obro‘-e’tibori, xizmatiga oid rag‘batlantirilishlar, intizomiy jazolar haqidagi ma’lumotnomasi hamda nomzodning kasbiy, ishchanlik va shaxsiy fazilatlarini tavsiflovchi boshqa ma’lumotlar, mazkur organlar rahbarining nomzod sudyalik lavozimiga munosibligi haqidagi xulosasi ilova qilinadi.
Birinchi marta sudyalik lavozimlariga tayinlanadigan nomzodlar zaxirasiga kiritish uchun nomzodlar bo‘yicha takliflar bevosita tegishli sudlarning raislari, adliya, prokuratura va ichki ishlar organlari respublika yoki hududiy bo‘linmalarining rahbarlari tomonidan imzolanadi.
Birinchi marta sudyalik lavozimlariga tayinlanadigan nomzodlar zaxirasiga kiritish haqida ushbu Nizom talablariga rioya etilgan holda berilgan taklifni (materialni) yoki arizani qabul qilishni rad etishga yo‘l qo‘yilmaydi.
25-modda. Sudyalarning malaka hay’atlari bir oylik muddatda nomzodlarga taalluqli takliflar va arizalar bo‘yicha taqdim etilgan materiallarni, huquqni muhofaza qiluvchi organlarning nomzodlar xususida xulosalarini umumlashtiradi, birinchi marta sudyalik lavozimlariga tayinlanadigan nomzodlar zaxirasiga kiritish uchun tavsiya etilayotgan shaxslarning ro‘yxatlarini shakllantiradi hamda mazkur ro‘yxatlarni tegishli materiallarni ilova qilgan holda Oliy malaka komissiyasiga yuboradi.
Keyingi tahrirga qarang.
26-modda. Shaxslarni birinchi marta sudyalik lavozimlariga tayinlanadigan nomzodlar zaxirasiga kiritish tartibi O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasining Reglamenti bilan tartibga solinadi.
Keyingi tahrirga qarang.
Birinchi marta sudyalik lavozimlariga tayinlanadigan nomzodlar zaxirasiga kiritilgan shaxslarning ro‘yxatlari nomzodlarning o‘qishi va stajirovkasini tashkil etish uchun Oliy malaka komissiyasi tomonidan O‘zbekiston Respublikasi Oliy sudiga va O‘zbekiston Respublikasi Oliy xo‘jalik sudiga yuboriladi.
Keyingi tahrirga qarang.
Shaxslarning birinchi marta sudyalik lavozimlariga tayinlanadigan nomzodlar zaxirasiga kiritilganligi to‘g‘risidagi axborot belgilangan tartibda nomzodlarga va manfaatdor organlarga yetkaziladi.
Shaxsni birinchi marta sudyalik lavozimlariga tayinlanadigan nomzodlar zaxirasiga kiritish rad qilingan taqdirda, unga taalluqli materiallar keyinchalik bu haqda ariza bergan shaxsni va manfaatdor organlarni xabardor qilish uchun Oliy malaka komissiyasi tomonidan sudyalarning tegishli malaka hay’atiga qaytariladi.
Keyingi tahrirga qarang.
27-modda. Birinchi marta sudyalik lavozimlariga tayinlanadigan nomzodlar zaxirasiga kiritilgan shaxslar O‘zbekiston Respublikasi Adliya vazirligi qoshidagi Yuristlar malakasini oshirish markazida (bundan buyon matnda Yuristlar malakasini oshirish markazi deb yuritiladi) o‘qitiladi, shuningdek O‘zbekiston Respublikasining tegishli sudlarida stajirovkadan o‘tadi.
Birinchi marta sudyalik lavozimlariga tayinlanadigan nomzodlar zaxirasida turgan shaxslar Yuristlar malakasini oshirish markazida o‘qish, shuningdek tegishli sudlarda stajirovkadan o‘tish davrida mehnat vazifalarini bajarishdan asosiy ish joyidagi o‘rtacha oylik ish haqi saqlab qolingan holda ozod etiladi.
Birinchi marta sudyalik lavozimlariga tayinlanadigan nomzodlar zaxirasida turgan shaxsga o‘qish va stajirovka natijalariga ko‘ra Yuristlar malakasini oshirish markazi tomonidan sertifikat beriladi, Oliy malaka komissiyasiga, O‘zbekiston Respublikasi Oliy sudiga yoki O‘zbekiston Respublikasi Oliy xo‘jalik sudiga esa nomzodning nazariy va amaliy jihatdan tayyorligi haqida xulosa taqdim etiladi.
Keyingi tahrirga qarang.
Birinchi marta sudyalik lavozimlariga tayinlanadigan nomzodlar zaxirasida turgan shaxsning stajirovkani o‘tashi uchun mas’ul bo‘lgan rahbar tomonidan Yuristlar malakasini oshirish markaziga xulosa beriladi.
Birinchi marta sudyalik lavozimlariga tayinlanadigan nomzodlar zaxirasida turgan shaxsning o‘qishi va stajirovkasi, shuningdek uni har tomonlama o‘rganish yakunlari bo‘yicha O‘zbekiston Respublikasi Oliy sudi va O‘zbekiston Respublikasi Oliy xo‘jalik sudi shaxsni birinchi marta sudyalik lavozimlariga tayinlanadigan nomzodlar zaxirasidan chiqarish to‘g‘risida Oliy malaka komissiyasiga takliflar kiritishi mumkin.
Keyingi tahrirga qarang.
O‘qish va stajirovkadan o‘tish tartibi va muddatlari tegishincha O‘zbekiston Respublikasi Oliy sudi, O‘zbekiston Respublikasi Oliy xo‘jalik sudi tomonidan Yuristlar malakasini oshirish markazi bilan birgalikda belgilanadi.
Keyingi tahrirga qarang.
28-modda. Sudyalarning malaka hay’atlari birinchi marta sudyalik lavozimlariga tayinlanadigan nomzodlarning tayyorgarligini doimiy asosda monitoring qilib boradi, ularning malakasini oshirishga qaratilgan seminarlar va boshqa tadbirlar o‘tkazadi.
Adliya, prokuratura, sud va ichki ishlar organlari nomzodning sha’ni va qadr-qimmatiga putur yetkazadigan nojo‘ya xatti-harakatlari, shuningdek nomzod va uning yaqin qarindoshlari to‘g‘risidagi ma’lumotlar o‘zgarganligi haqida sudyalarning malaka hay’atlariga keyinchalik Oliy malaka komissiyasini bu haqda xabardor qilish uchun o‘z vaqtida axborot beradi.
Keyingi tahrirga qarang.
29-modda. Sudyalarning malaka hay’atlari bo‘shab qolgan sudyalik lavozimlari to‘g‘risida birinchi marta sudyalik lavozimlariga tayinlanadigan nomzodlar zaxirasida turgan shaxslarni Oliy malaka komissiyasining topshirig‘iga ko‘ra xabardor qilib boradi.
Keyingi tahrirga qarang.
Birinchi marta sudyalik lavozimlariga tayinlanadigan nomzodlar zaxirasida turgan shaxs bo‘shab qolgan sudyalik lavozimlarini egallash uchun o‘tkaziladigan tanlovda ishtirok etishi to‘g‘risida bevosita yoki sudyalarning malaka hay’atlari orqali Oliy malaka komissiyasiga ariza beradi.
Keyingi tahrirga qarang.
30-modda. Birinchi marta sudyalik lavozimiga tayinlanadigan nomzodni ko‘rsatish tartibi O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi to‘g‘risidagi nizom bilan belgilanadi.
Keyingi tahrirga qarang.
31-modda. Sudyalarning oliy malaka hay’ati va Xo‘jalik sudlari sudyalarining malaka hay’ati sudyalarni yangi vakolat muddatiga va boshqa sudyalik lavozimlariga ko‘rsatish ishlarini Oliy malaka komissiyasi bilan birgalikda tashkil etadi.
Keyingi tahrirga qarang.
32-modda. Sudyalar vakolat muddati tugashidan kamida olti oy oldin yangi vakolat muddatiga ko‘rsatilish yoxud ko‘rsatilishdan voz kechish to‘g‘risidagi arizalar va zarur hujjatlarni bevosita yoki Sudyalarning oliy malaka hay’ati yoxud Xo‘jalik sudlari sudyalarining malaka hay’ati orqali Oliy malaka komissiyasiga beradi.
Boshqa sudyalik lavozimlariga o‘z nomzodini ko‘rsatish istagini bildirgan sudyalar arizalar va zarur hujjatlarni bevosita yoki Sudyalarning oliy malaka hay’ati yoxud Xo‘jalik sudlari sudyalarining malaka hay’ati orqali Oliy malaka komissiyasiga beradi.
Ilgari sudya bo‘lib ishlagan shaxslarni sudyalik lavozimlariga ko‘rsatish sudyalarni yangi vakolat muddatiga va boshqa sudyalik lavozimlariga ko‘rsatish uchun belgilangan tartibda amalga oshiriladi.
Sudyalarning oliy malaka hay’ati va Xo‘jalik sudlari sudyalarining malaka hay’ati nomzodning tavsiya etilayotgan lavozimga mosligi yoki mos emasligi to‘g‘risida Oliy malaka komissiyasiga xulosa kiritadi.
Keyingi tahrirga qarang.
33-modda. Sudyalarning oliy malaka hay’ati va Xo‘jalik sudlari sudyalarining malaka hay’ati Oliy malaka komissiyasi bilan birgalikda yangi vakolat muddatiga yoki boshqa sudyalik lavozimlariga ko‘rsatilgan sudyalarning kasbiy, ishchanlik va shaxsiy fazilatlari darajasini o‘rganish bo‘yicha keng ko‘lamli chora-tadbirlarni amalga oshiradi.
Oliy malaka komissiyasining taqdimnomasiga ko‘ra Sudyalarning oliy malaka hay’ati, Xo‘jalik sudlari sudyalarining malaka hay’ati yuqori ko‘rsatkichlarga ega bo‘lgan sudyalarni yuqori turuvchi sudyalik lavozimlariga tayyorlash maqsadida alohida dastur bo‘yicha sudyalarning malakasini oshirishni, ularni o‘qitishni va ularning stajirovkadan o‘tishini ta’minlaydi.
Keyingi tahrirga qarang.
34-modda. Sudyalarni yangi vakolat muddatiga yoki boshqa sudyalik lavozimlariga ko‘rsatish masalalari Oliy malaka komissiyasining tegishincha Sudyalarning oliy malaka hay’ati yoki Xo‘jalik sudlari sudyalarining malaka hay’ati bilan qo‘shma majlislarida ko‘rib chiqiladi. Yangi vakolat muddatiga yoki boshqa sudyalik lavozimlariga ko‘rsatilayotgan sudyalar xususida taqdim etilgan materiallar qo‘shma majlis davomida o‘rganib chiqiladi, suhbat o‘tkaziladi va tegishli xulosa qabul qilinadi.
Keyingi tahrirga qarang.
35-modda. Qo‘shma majlislar yangi vakolat muddatiga yoki boshqa sudyalik lavozimlariga ko‘rsatilayotgan sudyalarga taalluqli materiallar tayyor bo‘lishiga qarab o‘tkaziladi.
Qo‘shma majlis Oliy malaka komissiyasi va tegishincha Sudyalarning oliy malaka hay’ati yoki Xo‘jalik sudlari sudyalari malaka hay’ati a’zolarining ko‘pchiligi ishtirok etganda vakolatli hisoblanadi.
Oliy malaka komissiyasining va sudyalar tegishli malaka hay’atining qo‘shma majlisda ishtirok etayotgan a’zolari bittadan ovozga ega bo‘ladi.
Qo‘shma majlis qarori majlis ishtirokchilarining oddiy ko‘pchilik ovozi bilan qabul qilinadi. Raislik qiluvchi oxirida ovoz beradi. Ovozlar teng bo‘lib qolganida raislik qiluvchining ovozi hal qiluvchi bo‘ladi.
Ovoz berish chog‘ida Oliy malaka komissiyasining va sudyalar tegishli malaka hay’atining qo‘shma majlisda ishtirok etayotgan a’zolaridan tashqari boshqa shaxslarning hozir bo‘lishiga yo‘l qo‘yilmaydi.
Keyingi tahrirga qarang.
36-modda. Sudyalarga malaka darajalari sudyalarning sifat tarkibini yaxshilash, ularning kasbiy malakasini baholash va kasbiy malakasini oshirishni rag‘batlantirish, odil sudlovni amalga oshirish borasidagi mas’uliyatini oshirish maqsadida “Sudlar to‘g‘risida”gi O‘zbekiston Respublikasi Qonuniga muvofiq va Sudyalarning malaka darajalari to‘g‘risidagi nizom asosida beriladi.
O‘zbekiston Respublikasi Oliy sudining sudyalariga, Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar hamda Toshkent shahar sudlarining raislari va rais o‘rinbosarlariga, O‘zbekiston Respublikasi Harbiy sudining raisi va rais o‘rinbosariga nisbatan — O‘zbekiston Respublikasi Oliy sudi raisining taqdimnomasiga ko‘ra;
Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar hamda Toshkent shahar sudlarining, fuqarolik ishlari bo‘yicha tumanlararo, tuman (shahar) sudlarining, jinoyat ishlari bo‘yicha tuman (shahar) sudlarining sudyalariga nisbatan — tegishli sudyalar malaka hay’atining Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar hamda Toshkent shahar sudlarining raislari taqdimnomalari asosida qabul qilingan xulosasiga ko‘ra;
O‘zbekiston Respublikasi Harbiy sudining, okrug va hududiy harbiy sudlarning sudyalariga nisbatan — harbiy sudlar sudyalari malaka hay’atlarining O‘zbekiston Respublikasi Harbiy sudi raisining taqdimnomasi asosida qabul qilingan xulosasiga ko‘ra beriladi.
Xo‘jalik sudlarining sudyalariga malaka darajalari O‘zbekiston Respublikasi Oliy xo‘jalik sudi raisining taqdimnomasiga ko‘ra Xo‘jalik sudlari sudyalarining malaka hay’ati tomonidan beriladi.
Keyingi tahrirga qarang.
38-modda. Birinchi marta sudyalik lavozimiga tayinlangan (saylangan) shaxslarga malaka darajasi berish to‘g‘risidagi masala ular ish faoliyatining dastlabki uch oyi ichida ko‘rib chiqiladi.
Sudyalarga navbatdagi malaka darajasi berish sudyaning avval berilgan malaka darajasida bo‘lish muddati tugagan kundan e’tiboran bir oydan kechiktirmay amalga oshiriladi.
Sudyaga malaka darajasi berish uning avval berilgan malaka darajasida bo‘lish muddatining yarmi o‘tganidan keyin muddatidan oldin amalga oshirilishi mumkin.
39-modda. Malaka darajasi berish to‘g‘risidagi masala ko‘rib chiqilishidan kamida bir oy oldin tegishli sud raisi tomonidan sudyaga, uning kasbiy faoliyatiga, ishchanlik va shaxsiy sifatlariga baho berilgan tavsifnoma, shuningdek uning ishi haqida ma’lumotnoma tuziladi.
Tegishli sudning raisi sudyaga malaka darajasi berish to‘g‘risidagi taqdimnomani sudyalarning malaka hay’atiga yuborishdan oldin sudyani tavsifnoma va uning ishi haqidagi ma’lumotnoma bilan tanishtirishi lozim.
Sudya malaka darajasi berish to‘g‘risidagi masala ko‘rib chiqiladigan joy va vaqt haqida sudyalar malaka hay’atining majlisi o‘tkazilishidan kamida ikki hafta oldin sudyalarning malaka hay’ati tomonidan xabardor qilinishi kerak.
40-modda. Malaka darajasi berish, qoida tariqasida, malaka darajasi berish to‘g‘risidagi taqdimnoma kelib tushgan kundan e’tiboran bir oylik muddatda sudyaning hozirligida o‘tkaziladi.
41-modda. Sudyaga malaka darajasi berish to‘g‘risidagi masalani ko‘rib chiqish raislik qiluvchining yoki sudyalar malaka hay’atining taqdim etilgan hujjatlar va materiallarni oldindan o‘rganib chiqishni amalga oshirgan a’zolaridan birining ma’ruzasi bilan boshlanadi. Shundan so‘ng sudyaning, zarurat bo‘lganda esa, malaka darajasi berish to‘g‘risida taqdimnoma yuborgan mansabdor shaxs eshitiladi.
42-modda. Sudyalar malaka hay’ati sudyaning kasbiy bilimlari darajasiga, ishchanlik sifatlariga, ish staji va tajribasiga, egallab turgan lavozimiga qarab quyidagi xulosalardan birini beradi:
Umumiy yurisdiksiya sudlari sudyalari malaka hay’atining sudyalarga malaka darajalari berish masalalariga doir xulosasi barcha zarur materiallar bilan birga uch kunlik muddatda Sudyalarning oliy malaka hay’atiga yuboriladi.
Keyingi tahrirga qarang.
43-modda. Sudyalarning oliy malaka hay’ati sudyaga malaka darajasi berish to‘g‘risidagi masalani zarur materiallar kelib tushgan kundan e’tiboran bir oylik muddatda ko‘rib chiqadi.
Sudya malaka darajasi berish to‘g‘risidagi masalani ko‘rib chiqish joyi va vaqti haqida oldindan xabardor qilinadi.
44-modda. Sudyalarning oliy malaka hay’ati sudyaga malaka darajasi berish to‘g‘risidagi masalani ko‘rib chiqish natijalariga ko‘ra quyidagi qarorlardan birini qabul qiladi:
sudyaga taqdimnomada va sudyalar malaka hay’atining xulosasida ko‘rsatilgan malaka darajasi berish to‘g‘risida;
Sudyalar oliy malaka hay’atining sudyalarga malaka darajasi berish masalalari bo‘yicha qarori sudyalarning tegishli malaka hay’atiga yuboriladi.
45-modda. Xo‘jalik sudlarining sudyalariga malaka darajalari ushbu Nizomning 38 — 41, 43 va 44-moddalarida belgilangan tartibda Xo‘jalik sudlari sudyalarining malaka hay’ati tomonidan beriladi.
Keyingi tahrirga qarang.
46-modda. Sudyalar oliy malaka hay’atining va Xo‘jalik sudlari sudyalari malaka hay’atining sudyaga malaka darajasi berish to‘g‘risidagi qarori tegishincha O‘zbekiston Respublikasi Oliy sudining yoki O‘zbekiston Respublikasi Oliy xo‘jalik sudining matbuot organlarida e’lon qilinadi, shuningdek sudyaning mehnat daftarchasiga tegishli yozuv kiritilib, shaxsiy ishiga qo‘shib qo‘yiladi.
Keyingi tahrirga qarang.
47-modda. “Sudlar to‘g‘risida”gi O‘zbekiston Respublikasi Qonunining 73-moddasiga muvofiq, sudya quyidagi hollarda faqat sudyalar malaka hay’atining qaroriga ko‘ra intizomiy javobgarlikka tortilishi mumkin:
sud ishini tashkil etishdagi beparvoligi yoki intizomsizligi oqibatida yo‘l qo‘ygan kamchiliklari uchun, shuningdek sudyalik sha’ni va qadr-qimmatiga dog‘ tushiradigan hamda sudning obro‘sini tushiradigan qilmish sodir etganligi uchun;
Harbiy sudning sudyasi harbiy intizomni buzganligi uchun ham intizomiy javobgarlikka tortilishi mumkin.
Keyingi tahrirga qarang.
Sud qarori bekor qilinishining yoki o‘zgartirilishining o‘zi ushbu qarorni chiqarishda ishtirok etgan sudyaning, agar u ataylab qonunni buzmagan bo‘lsa yoxud jiddiy oqibatlarga olib kelgan vijdonsizlikka yo‘l qo‘ymagan bo‘lsa, javobgarligiga sabab bo‘lmaydi.
Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar hamda Toshkent shahar sudlari raislari va rais o‘rinbosarlarining;
O‘zbekiston Respublikasi Harbiy sudi raisi va rais o‘rinbosarining intizomiy javobgarligi to‘g‘risidagi ishlarni ko‘rib chiqadi.
Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar hamda Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalarining malaka hay’atlari sudyalarning intizomiy javobgarligi to‘g‘risidagi ishlarni o‘z vakolatlari doirasida ko‘rib chiqadi.
Xo‘jalik sudlari sudyalarining malaka hay’ati xo‘jalik sudlari sudyalarining intizomiy javobgarligi to‘g‘risidagi ishlarni ko‘rib chiqadi.
Keyingi tahrirga qarang.
Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar hamda Toshkent shahar sudlarining raislari — shu sudlarning sudyalariga, fuqarolik ishlari bo‘yicha tumanlararo, tuman (shahar) sudlarining, jinoyat ishlari bo‘yicha tuman (shahar) sudlarining sudyalariga nisbatan;
O‘zbekiston Respublikasi Harbiy sudining raisi — shu sud sudyalariga hamda okrug va hududiy harbiy sudlar sudyalariga nisbatan;
Keyingi tahrirga qarang.
50-modda. Tegishli sudning raisi sudyaning intizomiy javobgarligi to‘g‘risida ish qo‘zg‘atish haqida qaror chiqaradi, unda sudyaning intizomiy javobgarligi to‘g‘risida ish qo‘zg‘atishning asoslari ko‘rsatilishi kerak.
Keyingi tahrirga qarang.
Sudyaning intizomiy javobgarligi to‘g‘risida ish qo‘zg‘atgan mansabdor shaxs sudyani javobgarlikka tortish asoslariga taalluqli ma’lumotlarni oldindan tekshiradi va undan yozma shaklda tushuntirish talab qiladi.
Keyingi tahrirga qarang.
O‘ziga nisbatan intizomiy javobgarlik to‘g‘risida ish qo‘zg‘atilgan sudya ish materiallari bilan ular sudyalarning malaka hay’atiga yuborilguniga qadar tanishtirilishi kerak. Bunda sudya qo‘shimcha tushuntirishlar taqdim etishga yoxud qo‘shimcha tekshiruv o‘tkazish to‘g‘risida iltimosnoma berishga haqli.
Sudyaning intizomiy javobgarligi to‘g‘risida ish qo‘zg‘atish haqidagi qaror zarur materiallar bilan birga sudyalarning tegishli malaka hay’atiga ko‘rib chiqish uchun yuboriladi.
51-modda. Sudyaning intizomiy javobgarligi to‘g‘risida ish qo‘zg‘atish haqidagi qaror uni qo‘zg‘atgan mansabdor shaxs tomonidan ishni sudyalarning malaka hay’atida ko‘rib chiqish boshlanguniga qadar chaqirib olinishi mumkin.
Keyingi tahrirga qarang.
O‘ziga nisbatan intizomiy javobgarlik to‘g‘risida ish qo‘zg‘atish haqidagi qaror chaqirib olinayotgan sudya ishning sudyalarning malaka hay’ati tomonidan mazmunan ko‘rib chiqilishini talab qilishga haqli.
52-modda. Sudya nojo‘ya xatti-harakat qilganligi aniqlangan kundan e’tiboran xizmat tekshiruvlariga ketgan vaqtni, sudyaning uzrli sabablarga ko‘ra ishda bo‘lmagan vaqtini hamda sudyalarning malaka hay’atida sudyaning intizomiy javobgarligi to‘g‘risidagi ishni ko‘rib chiqishga ketgan vaqtni hisoblamaganda, kechi bilan bir oy ichida, ammo nojo‘ya xatti-harakat sodir etilgan kundan e’tiboran olti oydan kechiktirmay intizomiy jazoga tortilishi mumkin.
53-modda. Zarurat bo‘lganda, sudyani intizomiy javobgarlikka tortish asoslari sudyaning intizomiy javobgarligi to‘g‘risidagi ishni ko‘rib chiqish boshlanguniga qadar qo‘shimcha tekshiruv o‘tkaziladi, bunday tekshiruvni sudyalar malaka hay’atining raisi sudyalar malaka hay’atining a’zolaridan biriga topshiradi. Bunda qo‘shimcha hujjatlar va materiallarni, shuningdek ko‘rib chiqishda sudya qonun buzilishiga yo‘l qo‘ygan sud ishlarini talab qilib olishga yo‘l qo‘yiladi.
54-modda. Sudyalarning malaka hay’ati sudyaning intizomiy javobgarligi to‘g‘risidagi ishni ko‘rib chiqish natijalari bo‘yicha sudyaga nisbatan quyidagi qarorlardan birini chiqarishi mumkin:
sudyaning vakolatlarini muddatidan ilgari tugatish haqida taqdimnoma kiritish to‘g‘risidagi masalani ko‘rib chiqish uchun Oliy malaka komissiyasiga sudyaning intizomiy javobgarligi haqidagi ish materiallarini yuborish to‘g‘risida.
Keyingi tahrirga qarang.
Agar Oliy malaka komissiyasi sudyaning vakolatlarini muddatidan ilgari tugatish uchun asoslar topmasa, sudyaning intizomiy javobgarligi to‘g‘risidagi ish sudyalarning malaka hay’atiga qaytariladi va ish yuritish qayta tiklanadi. Dastlabki qaror chiqarilgan paytdan to materiallar qaytarilguniga qadar o‘tgan vaqt sudyani intizomiy javobgarlikka tortish muddatiga kirmaydi.
Keyingi tahrirga qarang.
55-modda. Sudyalarning malaka hay’ati intizomiy javobgarlikka tortilgan sudyaga quyidagi intizomiy jazolardan birini qo‘llashi mumkin:
Intizomiy jazo chorasi qo‘llanilayotganida qoidabuzarlikning xususiyati va oqibatlari, nojo‘ya xatti-harakatning og‘ir-yengilligi, sudyaning shaxsi, aybdorlik darajasi inobatga olinadi.
56-modda. Sudyalarning malaka hay’ati sudyaning intizomiy javobgarligi to‘g‘risidagi ishni quyidagi asoslarga ko‘ra tugatadi:
sudyani intizomiy javobgarlikka tortishning ushbu Nizomning 52-moddasida nazarda tutilgan muddatlari o‘tkazib yuborilgan bo‘lsa;
sudyaning intizomiy javobgarligi to‘g‘risidagi ish materiallarini sudyalarning malaka hay’ati majlisida ko‘rib chiqish bilangina chegaralanish lozim topilgan hollarda intizomiy jazo chorasini qo‘llash maqsadga muvofiq bo‘lmasa.
57-modda. “Sudlar to‘g‘risida”gi O‘zbekiston Respublikasi Qonunining 71-moddasiga muvofiq, sudyaning vakolatlari quyidagi hollarda Oliy malaka komissiyasining taqdimnomasiga ko‘ra sudyalarning tegishli malaka hay’ati qarori bilan to‘xtatib turilishi mumkin, agar:
Keyingi tahrirga qarang.
Sudyalarning malaka hay’ati sudyaning vakolatlarini to‘xtatib turishga sabab bo‘lgan asoslar bekor bo‘lguniga qadar uning vakolatlarini to‘xtatib turadi, ushbu asoslar bekor bo‘lganidan keyin esa sudyaning vakolatlari to‘xtatib turilishini olib tashlaydi.
58-modda. “Sudlar to‘g‘risida”gi O‘zbekiston Respublikasi Qonunining 72-moddasida nazarda tutilgan asoslarga ko‘ra:
O‘zbekiston Respublikasi Oliy sudi, Oliy xo‘jalik sudi sudyasining vakolatlari — O‘zbekiston Respublikasi Prezidentining taqdimnomasiga ko‘ra O‘zbekiston Respublikasi Oliy Majlisining Senati tomonidan;
viloyatlar, Toshkent shahar sudlari, tumanlararo, tuman (shahar) sudlari, harbiy sudlar, viloyatlar va Toshkent shahar xo‘jalik sudlari sudyasining vakolatlari — Oliy malaka komissiyasining taqdimnomasiga ko‘ra O‘zbekiston Respublikasi Prezidenti tomonidan;
Qoraqalpog‘iston Respublikasi sudlari sudyasining vakolatlari — Qoraqalpog‘iston Respublikasi Jo‘qorg‘i Kengesi Raisining Oliy malaka komissiyasining xulosasi asosida kiritiladigan taqdimnomasiga ko‘ra Qoraqalpog‘iston Respublikasi Jo‘qorg‘i Kengesi tomonidan muddatidan ilgari tugatiladi.
Keyingi tahrirga qarang.
3) sudyalarning tegishli malaka hay’ati tomonidan ogohlantirish qilinganidan yoki o‘z vakolatlari to‘xtatib turilganidan keyin u sudya lavozimiga zid faoliyat bilan shug‘ullanishni davom ettiravergan taqdirda;
4) belgilangan tartibda muomalaga layoqatsiz yoki muomala layoqati cheklangan deb topilgan taqdirda;
Keyingi tahrirga qarang.
8) sog‘lig‘ining holatiga yoki boshqa uzrli sabablarga ko‘ra uzoq vaqt mobaynida sudyalik vazifasini bajarishga qodir bo‘lmay qolgan taqdirda;
Keyingi tahrirga qarang.
Sudyaning vakolatlarini ushbu modda ikkinchi qismining 1, 3 va 8-bandlarida nazarda tutilgan hollarda sudyalarning tegishli malaka hay’ati qarori asosida muddatidan ilgari tugatishga yo‘l qo‘yiladi.
Sudya qonun hujjatlarida belgilangan tartibda sudyalar malaka hay’atining qarori ustidan shikoyat qilishga haqli.
Keyingi tahrirga qarang.
Xalq maslahatchilarining vakolatlari ushbu moddaning ikkinchi qismida ko‘rsatilgan asoslar bo‘yicha muddatidan ilgari tugatiladi, bundan ushbu modda ikkinchi qismining 1 va 3-bandlarida ko‘rsatilgan asoslar mustasno.
59-modda. Oliy malaka komissiyasining umumiy yurisdiksiya sudlari va xo‘jalik sudlari sudyalarining vakolatlarini muddatidan ilgari tugatish to‘g‘risidagi masala bo‘yicha taqdimnomasi sudyalarning tegishli malaka hay’atlari tomonidan ko‘rib chiqiladi.
Keyingi tahrirga qarang.
60-modda. Sudyalarning vakolatlarini muddatidan ilgari tugatish haqidagi taqdimnomalar va materiallar:
O‘zbekiston Respublikasi Oliy sudining sudyalariga, Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar hamda Toshkent shahar sudlarining raislari va rais o‘rinbosarlariga, shuningdek O‘zbekiston Respublikasi Harbiy sudining raisi va rais o‘rinbosariga nisbatan — Sudyalarning oliy malaka hay’atiga;
Keyingi tahrirga qarang.
61-modda. Sudyalarning malaka hay’ati sudyaning vakolatlarini muddatidan ilgari tugatish haqidagi masalani ko‘rib chiqib, sudyaning vakolatlarini muddatidan ilgari tugatishga rozilik berish yoki rozilik bermaslik to‘g‘risida xulosa beradi.
Keyingi tahrirga qarang.
62-modda. Har bir sud uchun xalq maslahatchilarining soni jinoyat ishlari bo‘yicha sudlar va harbiy sudlar sudyalarining tegishli malaka hay’atlari tomonidan belgilanadi.
63-modda. Xalq maslahatchilari saylovi jinoyat ishlari bo‘yicha sudlar va harbiy sudlar sudyalarining tegishli malaka hay’ati tomonidan tumanlar (shaharlar) hokimlari va fuqarolarning o‘zini o‘zi boshqarish organlari bilan, harbiy qismlarda esa, harbiy qismlar qo‘mondonligi bilan hamkorlikda tashkil etiladi.
xalq maslahatchilari saylovini o‘tkazish masalalariga doir arizalar va shikoyatlarni ko‘rib chiqadi;
Jinoyat ishlari bo‘yicha sudlar va harbiy sudlar sudyalarining malaka hay’ati xalq maslahatchilarini tanlash hamda ularning saylovini o‘tkazish bilan bog‘liq boshqa vakolatlarni ham amalga oshirishi mumkin.
65-modda. Xalq maslahatchilari saylovi fuqarolarning ish yoki yashash joyidagi yoxud harbiy qismlarning harbiy xizmat joyidagi yig‘ilishlarida o‘tkaziladi.
66-modda. Yig‘ilishlar kamida yuz nafar saylovchi bo‘lgan mehnat jamoalarida, harbiy qismlarda va aholi punktlarida o‘tkaziladi. Agar ularda saylovchilarning soni yuz kishidan kam bo‘lsa, saylov boshqa mehnat jamoalari, harbiy qismlar hamda boshqa aholi punktlarida yashovchi saylovchilar bilan birgalikda o‘tkaziladi.
Yirik korxonalar, muassasalar, tashkilotlar va harbiy qismlarda xalq maslahatchilari saylovi bo‘yicha yig‘ilishlar ularning saylovchilar soni kamida yuz kishini tashkil etuvchi tarkibiy bo‘linmalarida o‘tkazilishi mumkin. Xalq maslahatchilari saylovi bo‘yicha yig‘ilishlar o‘tkaziladigan vaqt va joy haqida fuqarolar yig‘ilishdan uch kun oldin xabardor etiladi.
67-modda. Xalq maslahatchiligiga nomzodlar ko‘rsatish mehnat jamoalari, fuqarolarning yashash joyidagi saylovchilar tomonidan, shuningdek harbiy qismlardagi harbiy xizmatchilarning yig‘ilishlari tomonidan amalga oshiriladi.
68-modda. Xalq maslahatchilari saylovi har bir nomzod bo‘yicha alohida-alohida, ochiq ovoz berish yo‘li bilan o‘tkaziladi. Mehnat jamoasining, harbiy qism harbiy xizmatchilarining yoki fuqarolar yashash joyidagi saylovchilarning yig‘ilishlari ishtirokchilarining yarmidan ko‘p ovozini olgan shaxslar xalq maslahatchilari etib saylangan deb hisoblanadi.
69-modda. Xalq maslahatchilari saylovi bo‘yicha yig‘ilishda rais, kotib hamda besh − yetti nafar a’zodan iborat tarkibda rayosat saylanadi.
Xalq maslahatchilari saylovi bo‘yicha yig‘ilishda bayonnoma yuritilib, unga ovoz berish natijalari kiritiladi. Bayonnoma rayosat tarkibining barchasi tomonidan imzolanadi. Xalq maslahatchilari saylovi bo‘yicha yig‘ilish bayonnomasida quyidagilar ko‘rsatilgan bo‘lishi kerak:
saylangan har bir xalq maslahatchisining familiyasi, ismi, otasining ismi va tug‘ilgan yili, mashg‘uloti turi, yashash joyi.
Xalq maslahatchilari saylovi bo‘yicha yig‘ilish bayonnomasi imzolanganidan keyin sudyalarning tegishli malaka hay’atiga topshiriladi.
70-modda. Jinoyat ishlari bo‘yicha sudlar va harbiy sudlar sudyalarining malaka hay’ati xalq maslahatchilari saylovi bo‘yicha yig‘ilish bayonnomalari asosida saylov natijalarini aniqlaydi hamda har bir sud uchun alohida-alohida xalq maslahatchilari ro‘yxatini tuzadi.
71-modda. Xalq maslahatchilarining ro‘yxati sudyalarning tegishli malaka hay’ati tomonidan tasdiqlanganidan keyin tegishli sudga yuboriladi.
72-modda. Jinoyat ishlari bo‘yicha sudlar va harbiy sudlar sudyalarining malaka hay’atlari xalq maslahatchilari saylovi natijalari to‘g‘risidagi ma’lumotlarni Oliy malaka komissiyasiga taqdim etadi, shuningdek xalq maslahatchilarini o‘qitish ishlari qanday borayotganligi haqida vaqti-vaqti bilan Oliy malaka komissiyasiga axborot berib boradi.
Keyingi tahrirga qarang.
73-modda. Sudyalar malaka hay’atlarining faoliyatini moliyaviy va moddiy-texnika jihatidan ta’minlash tegishincha O‘zbekiston Respublikasi Oliy sudining, Oliy xo‘jalik sudining, Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar hamda Toshkent shahar sudlarining, shuningdek harbiy sudlarning mablag‘lari hisobidan amalga oshiriladi.
Keyingi tahrirga qarang.
74-modda. Sudyalarning malaka hay’atlari o‘z faoliyatini amalga oshirishda tegishli sudlarning ish hujjatlari blankalaridan, muhridan, shtamplaridan foydalanishga haqlidir.
75-modda. Sudyalarning malaka hay’atlari to‘g‘risidagi qonun hujjatlarini buzganlikda aybdor shaxslar belgilangan tartibda javobgar bo‘ladi.
Keyingi tahrirga qarang.