LexUZ sharhi
Mazkur qaror O‘zbekiston Respublikasi Prezidentining 2023-yil 21-noyabrdagi PF-198-sonli “Ayrim sanoat tarmoqlarida sifatli va raqobatbardosh mahsulotlar ishlab chiqarishga qaratilgan qo‘shimcha chora-tadbirlar to‘g‘risida”gi Farmoniga asosan o‘z kuchini yo‘qotgan.
Oldingi tahrirga qarang.
Kichik biznes, xususiy tadbirkorlik subyektlari va fermer xo‘jaliklarining eksport salohiyatini yanada kengaytirish, ularga zamonaviy, chet el bozorlarida raqobatdosh mahsulot ishlab chiqarishni ko‘paytirishda va uni eksportga chiqarishda zarur huquqiy, moliyaviy va tashkiliy yordam ko‘rsatish, mamlakatimizning eksport qiluvchi tadbirkorlarini tashqi bozor konyunkturasi o‘zgarishlari xavf-xatarlaridan ishonchli himoya qilishni ta’minlash maqsadida:
(muqaddima O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
Oldingi tahrirga qarang.
1. O‘zbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligining, Tashqi iqtisodiy faoliyat milliy banki, O‘zbekiston Savdo-sanoat palatasi va Fermerlar kengashining Tashqi iqtisodiy faoliyat milliy banki huzurida respublika mintaqalarida hududiy filiallari, shuningdek xorijiy davlatlardagi vakolatxonalari bo‘lgan Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasini tashkil etish to‘g‘risidagi taklifi qabul qilinsin.
(1-band O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
Oldingi tahrirga qarang.
2. Quyidagilar Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi faoliyatining asosiy vazifalari va yo‘nalishlari hisoblansin:
talab-ehtiyojga bo‘lgan joriy va istiqboldagi konyunkturani o‘rganish yuzasidan tashqi bozorlarning chuqur marketing tadqiqotlarini o‘tkazish hamda mamlakatimizning kichik biznes, xususiy tadbirkorlik subyektlari va fermer xo‘jaliklari tomonidan ishlab chiqariladigan mahsulotni eksport qilish uchun potensial imkoniyatlarni aniqlash;
kichik biznes, xususiy tadbirkorlik subyektlari va fermer xo‘jaliklari ishlab chiqarayotgan mahsulotlarning assortimenti va turlarini tizimli asosda tahlil qilish, ularning tashqi bozorlardagi raqobatdoshlik darajasini aniqlash, tegishli ma’lumotlar bazasini shakllantirish, buning asosida eksportga ishlab chiqarilayotgan mahsulotning jahon va mintaqaviy bozorlardagi talab-ehtiyojga mos kelishini ta’minlashga qaratilgan takliflar ishlab chiqish;
kichik biznes, xususiy tadbirkorlik subyektlari va fermer xo‘jaliklarining mahsulotlarini tashqi bozorlarga chiqarishda, ehtimol tutilgan xaridorlarni izlashda, shartnomalarni tayyorlash va tuzishda, eksport operatsiyalarini amalga oshirishda, eksport qiluvchilarni ehtimol tutilgan xavf-xatarlardan ishonchli himoya qilishda, shuningdek, xorijiy mamlakatlarning qonunchiligi bo‘yicha talab etiladigan zarur litsenziyalar, sertifikatlar hamda boshqa ruxsatnoma va yig‘imlarni olish va to‘lashda yuridik, moliyaviy va tashkiliy xizmatlar ko‘rsatish;
kichik biznes, xususiy tadbirkorlik subyektlari va fermer xo‘jaliklarining chet ellardagi tender savdolaridagi ishtirokini kengaytirishga, shuningdek, yarmarkalar, “davra stollari” va boshqalarni tashkil etish yo‘li bilan mamlakatimiz tovar ishlab chiqaruvchilari bilan xorijiy xaridorlarning muloqotlarini tashkil etishga ko‘maklashish.
(2-band O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi nodavlat muassasasi shaklidagi yuridik shaxs hisoblanadi;
Jamg‘arma faqat kichik biznes va xususiy tadbirkorlik subyektlari hamda fermer xo‘jaliklariga xizmat ko‘rsatadi va yordam beradi;
Jamg‘arma Kengashi Jamg‘armani boshqarish yuqori organi hisoblanadi, ijro etuvchi direksiya Jamg‘armaning ijrochi organi va uning mablag‘larini tasarruf etuvchi hisoblanadi;
Oldingi tahrirga qarang.
Jamg‘arma mablag‘larining boshlang‘ich miqdori 5,0 milliard so‘mni tashkil etadi, buning 2,5 milliard so‘mi davlat budjeti mablag‘laridan beriladigan bir yo‘la badal hisobiga, qolgan qismi esa muassislar — kichik biznes, xususiy tadbirkorlik subyektlari va fermer xo‘jaliklari, O‘zbekiston Respublikasi Tashqi iqtisodiy faoliyat milliy banki, shuningdek, boshqa tijorat banklari, moliyaviy institutlar va donorlarning ixtiyoriy badallari hisobiga shakllantiriladi;
(3-bandning beshinchi xatboshisi O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
Oldingi tahrirga qarang.
kichik biznes, xususiy tadbirkorlik subyektlari va fermer xo‘jaliklariga tashqi iqtisodiy operatsiyalarni amalga oshirish bilan bog‘liq yuridik, moliyaviy va tashkiliy xizmatlar ko‘rsatishdan shartnoma qiymatining 1 foizigacha, ammo 100 ming so‘mdan kam bo‘lmagan bo‘lgan komission ajratmalar tarzida olingan daromadlar, shuningdek qonun hujjatlarida taqiqlanmagan boshqa manbalar Jamg‘arma mablag‘larining manbalari hisoblanadi.
(3-bandning oltinchi xatboshisi O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
4. O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi hamda Tashqi iqtisodiy faoliyat milliy bankining Jamg‘arma tomonidan kichik biznes va xususiy tadbirkorlik subyektlari, fermer xo‘jaliklariga:
Oldingi tahrirga qarang.
eksportga mo‘ljallangan mahsulotning mamlakatimiz brendlarini rivojlantirish, eksportga yetkazib berishni olg‘a siljitish, jumladan, xorijiy mamlakatlarning qonunchiligiga muvofiq zarur litsenziyalar, ruxsatnomalar, sertifikatlar, shuningdek kichik biznes, xususiy tadbirkorlik subyektlari va fermer xo‘jaliklarining xalqaro tender savdolarida ishtirok etishi bilan bog‘liq ro‘yxatdan o‘tish yig‘imlari hamda boshqa to‘lovlarni to‘lash;
(4-bandning ikkinchi xatboshisi O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
eksport shartnomalarini tuzgan, yangi bozorlarga chiqish va yangi mahsulot turlarini eksport qilishni ta’minlagan holda chet ellardagi ko‘rgazma va yarmarkalarda ishtirok etish uchun beg‘araz moliyaviy yordam ko‘rsatish to‘g‘risidagi taklifiga rozilik berilsin.
Oldingi tahrirga qarang.
qonunchilikka muvofiq, eksportga yo‘naltirilgan mahsulotlar ishlab chiqarishni tashkil etish uchun yetarli mablag‘lari bo‘lmagan kichik tadbirkorlik subyektlarining ta’sischilari (ishtirokchilari) tarkibiga kirish, keyinchalik Jamg‘arma ulushini tayyor mahsulot ishlab chiqarish va eksportga yetkazib berish boshlangandan so‘ng ikki yil mobaynida bozor qiymatida sotish;
kichik biznes, xususiy tadbirkorlik subyektlari va fermer xo‘jaliklariga ishlab chiqarishni modernizatsiyalash va kengaytirish, mahsulotning dizayn darajasini xalqaro standartlarga yetkazish maqsadida xorijiy mutaxassislarni jalb etish hamda chet elda mahalliy mahsulotga bo‘lgan talabni inobatga olib, ularni tashqi bozorlarga olib chiqish bilan bog‘liq xarajatlarning bir qismini qoplagan holda moliyaviy yordam ko‘rsatish. Jamg‘arma tomonidan moliyaviy yordam ko‘rsatish kichik biznes, xususiy tadbirkorlik subyektlari va fermer xo‘jaliklari tomonidan keyinchalik qaytarish sharti bilan amalga oshiriladi.
(41-band O‘zbekiston Respublikasi Prezidentining 2016-yil 16-martdagi PQ-2507-sonli qaroriga asosan kiritilgan — O‘R QHT, 2016-y., 12-son, 110-modda)
5. Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi, jumladan uning hududiy filiallari 2019-yilning 1-yanvariga qadar barcha turdagi soliqlar, yig‘imlar, boj hamda davlat maqsadli jamg‘armalariga majburiy ajratmalar to‘lashdan ozod qilinsin, yagona ijtimoiy to‘lov bundan mustasno.
Oldingi tahrirga qarang.
6. Belgilab qo‘yilsinki, kichik biznes, xususiy tadbirkorlik subyektlari va fermer xo‘jaliklari tovarlar va xizmatlarni oldindan haqini to‘lamasdan, akkreditiv ochmasdan yoki o‘rnatilgan tartibda berilgan eksport shartnomasining sug‘urtasi bo‘yicha polis mavjud bo‘lganida 180 kun mobaynida mablag‘ kelib tushishi yoki orqaga qaytarish muddati kafolatisiz xorijiy valyutaga eksport qilish huquqiga egadirlar.
(6-band O‘zbekiston Respublikasi Prezidentining 2016-yil 16-martdagi PQ-2507-sonli qarori tahririda — O‘R QHT, 2016-y., 12-son, 110-modda)
Keyingi tahrirga qarang.
7. O‘zbekiston Tashqi iqtisodiy faoliyat milliy banki, Savdo-sanoat palatasi, Fermerlar kengashi kichik biznes va xususiy tadbirkorlik subyektlari bilan birgalikda ikki hafta muddatda Jamg‘arma muassislarining tashkiliy yig‘ilishini o‘tkazish, uning nizomini tasdiqlash hamda Jamg‘arma Kengashini shakllantirish bo‘yicha zarur chora-tadbirlarni amalga oshirsin.
O‘zbekiston Respublikasi Adliya vazirligi bilan birgalikda Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasini belgilangan tartibda davlat ro‘yxatidan o‘tkazsin;
Jamg‘arma ijro etuvchi direksiyasi va uning hududiy filiallari tuzilmasini tasdiqlasin, Jamg‘armani marketing, tashqi savdo operatsiyalari va xalqaro huquq sohasidagi yuqori malakali mutaxassislar bilan to‘liq ta’minlasin;
O‘zbekiston Respublikasi Moliya vazirligi bilan kelishilgan holda, belgilangan tartibda, Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasining mablag‘larini shakllantirish va foydalanish tartibi to‘g‘risidagi nizomni tasdiqlasin.
Oldingi tahrirga qarang.
71. Jamg‘arma Kengashi iqtisodiy jihatdan maqsadga muvofiqlikdan kelib chiqqan holda, Jamg‘armaning, shuningdek uning respublika mintaqalaridagi hududiy filiallarining hamda xorijiy mamlakatlardagi vakolatxonalari shtatlar birligi va tuzilmasini belgilasin.
(71-band O‘zbekiston Respublikasi Prezidentining 2016-yil 16-martdagi PQ-2507-sonli qaroriga asosan kiritilgan — O‘R QHT, 2016-y., 12-son, 110-modda)
8. Toshkent shahar hokimligi va O‘zbekiston Respublikasi Tashqi iqtisodiy faoliyat milliy bankining Jamg‘arma ijro etuvchi direksiyasini Toshkent shahar, G‘. G‘ulom ko‘chasi, 1-uyda joylashtirish to‘g‘risidagi taklifi qabul qilinsin, uni zarur texnika, asbob-uskunalar va aloqa turlari bilan jihozlash ko‘zda tutilsin.
Jamg‘arma Kengashi Qoraqalpog‘iston Respublikasi Vazirlar Kengashi va viloyatlar hokimliklari, O‘zbekiston Respublikasi Tashqi iqtisodiy faoliyat milliy banki bilan birgalikda ikki oy muddatda Jamg‘armaning hududiy filiallari shakllantirilishi va joylashtirilishini ta’minlasin.
Jamg‘armaning ijro etuvchi direksiyasini va uning hududiy filiallarini joylashtirish ijara haqi undirilmasdan amalga oshirilishi belgilab qo‘yilsin.
9. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.