Oldingi tahrirga qarang.
Ayolni muqaddas bilish, unga alohida ehtirom ko‘rsatish, ozod va obod yurtimiz kelajagi bo‘lgan har tomonlama yetuk yoshlarni tarbiyalashdagi beqiyos o‘rnini yana bir bor e’tirof etish, barkamol, oqila xotin-qizlar avlodini voyaga yetkazish, ular orasidagi iqtidorli yoshlarning ta’lim, fan, adabiyot, madaniyat, san’at, sport, axborot texnologiyalarini rivojlantirish va jamoatchilik faoliyatidagi yutuqlari, tengdoshlarining milliy istiqlol g‘oyalari va madaniy-ma’naviy qadriyatlarga e’tiqodining yuksalishi yo‘lidagi ibratli faoliyati, keng ko‘lamli islohotlarni jadallashtirishdagi faol ishtirokini rag‘batlantirish maqsadida:
(muqaddima O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
1. O‘zbekiston Xotin-qizlar qo‘mitasi, Fanlar akademiyasi, Badiiy akademiya, “Ma’naviyat va ma’rifat” jamoatchilik markazi, Yozuvchilar, Bastakorlar, Me’morlar uyushmalari, “Oltin meros”, “Kamolot”, “Umid”, “Ulug‘bek”, “Navro‘z” jamg‘armalari va keng jamoatchilikning Zulfiya nomidagi Davlat mukofotini ta’sis etish bo‘yicha takliflari ma’qullansin.
Oldingi tahrirga qarang.
Zulfiya nomidagi Davlat mukofotini Qoraqalpog‘iston Respublikasi, viloyatlar va Toshkent shahri vakilalariga ikkitadan har yili Xalqaro xotin-qizlar bayrami arafasida berish maqsadga muvofiq deb topilsin.
(1-bandning ikkinchi xatboshisi O‘zbekiston Respublikasi Prezidentining 2018-yil 29-martdagi PF-5389-sonli Farmoni tahririda — Qonun hujjatlari ma’lumotlari milliy bazasi, 30.03.2018-y., 06/18/5389/0962-son)
Oldingi tahrirga qarang.
Zulfiya nomidagi Davlat mukofoti ta’lim, fan, adabiyot, madaniyat, san’at, sport, axborot texnologiyalari sohalari va jamoatchilik faoliyatida alohida yutuqlarga erishgan o‘n to‘rt yoshga to‘lgan va o‘ttiz yoshdan oshmagan iqtidorli xotin-qizlarga beriladi;
(2-bandning ikkinchi xatboshisi O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
Oldingi tahrirga qarang.
(2-bandning uchinchi xatboshisi O‘zbekiston Respublikasi Prezidentining 2019-yil 13-dekabrdagi PF-5894-son Farmoni tahririda — Qonun hujjatlari ma’lumotlari milliy bazasi, 14.12.2019-y., 06/19/5894/4161-son)
Oldingi tahrirga qarang.
umumiy o‘rta, o‘rta maxsus, professional ta’lim muassasalarining Zulfiya nomidagi Davlat mukofoti sovrindorlari bo‘lgan o‘quvchilari oliy ta’lim muassasalarining bakalavriatiga, bakalavriat talabalari esa oliy ta’lim muassasalarining magistraturasiga tegishli yo‘nalish va ixtisoslik bo‘yicha kirish sinovlarisiz davlat grantlari asosida qabul qilinadi.
(2-bandning to‘rtinchi xatboshisi O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
3. Zulfiya nomidagi Davlat mukofotining O‘zbekiston Xotin-qizlar qo‘mitasi tomonidan Fanlar akademiyasi, Badiiy akademiya, “Ma’naviyat va ma’rifat”jamoatchilik markazi va boshqa tegishli jamoat tashkilotlari bilan birgalikda ishlab chiqilgan ko‘krak nishoni hamda diplomi namunasi tasdiqlansin.
4. Zulfiya nomidagi Davlat mukofoti to‘g‘risidagi Nizom 1-ilovaga, mukofot komissiyasi to‘g‘risidagi Nizom 2-ilovaga va komissiya tarkibi 3-ilovaga* muvofiq tasdiqlansin.
Oldingi tahrirga qarang.
5. Zulfiya nomidagi Davlat mukofoti komissiyasi Oila va xotin-qizlar qo‘mitasi huzurida jamoatchilik asosida faoliyat ko‘rsatishi hamda unga O‘zbekiston Respublikasi Bosh vaziri o‘rinbosari — Oila va xotin-qizlar qo‘mitasi raisi rahbarlik qilishi belgilab qo‘yilsin.
(5-band O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
Oldingi tahrirga qarang.
6. Belgilansinki, Zulfiya nomidagi Davlat mukofotini berish, uning ko‘krak nishonlari va diplomini tayyorlash bilan bog‘liq sarf-xarajatlar Oila va xotin-qizlarni qo‘llab-quvvatlash davlat maqsadli jamg‘armasi mablag‘lari hisobidan amalga oshiriladi.
(6-band O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
Oldingi tahrirga qarang.
7. Zulfiya nomidagi Davlat mukofoti mukofot Zulfiya nomidagi Davlat mukofoti komissiyasi keng jamoatchilik fikrini atroflicha o‘rganib, talabgorlar faoliyatini har tomonlama muhokama qilib chiqargan xulosalari asosida O‘zbekiston Respublikasi Prezidentining qarori bilan berilishi belgilab qo‘yilsin.
(7-band O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
8. Mazkur Farmonning bajarilishini nazorat qilish O‘zbekiston Respublikasi Bosh vazirining o‘rinbosari D. G‘ulomova zimmasiga yuklansin.
Oldingi tahrirga qarang.
Oldingi tahrirga qarang.
Oldingi tahrirga qarang.
1. Zulfiya nomidagi Davlat mukofoti ta’lim, fan, adabiyot, madaniyat, san’at, sport, axborot texnologiyalari sohalari va jamoatchilik faoliyatida alohida yutuqlarga erishgan o‘n to‘rt yoshga to‘lgan va o‘ttiz yoshdan oshmagan iqtidorli xotin-qizlarga beriladi.
(1-bandning birinchi xatboshisi O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
Zulfiya nomidagi Davlat mukofoti har yili Qoraqalpog‘iston Respublikasi, viloyatlar va Toshkent shahridan ikki nafardan talabgorlarga beriladi.
(1-band O‘zbekiston Respublikasi Prezidentining 2018-yil 29-martdagi PF-5389-sonli Farmoni tahririda — Qonun hujjatlari ma’lumotlari milliy bazasi, 30.03.2018-y., 06/18/5389/0962-son)
Oldingi tahrirga qarang.
2. Zulfiya nomidagi Davlat mukofotini olish uchun talabgorning so‘nggi uch yil mobaynidagi ibratli faoliyati, ta’lim, fan, adabiyot, madaniyat, san’at, sport, axborot texnologiyalari sohalari va jamoatchilik faoliyatidagi alohida yutuqlariga oid hujjatlar taqdim etiladi.
Hujjatlarni taqdim etish va rasmiylashtirish tartibi Oila va xotin-qizlar qo‘mitasi huzuridagi Zulfiya nomidagi Davlat mukofoti komissiyasi tomonidan belgilanadi.
(2-band O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
3. Zulfiya nomidagi Davlat mukofotiga taqdim etish to‘g‘risidagi qarorlar vazirliklar, davlat qo‘mitalari, mahalliy hokimiyat organlari, ijodiy uyushmalar, jamoat tashkilotlari tomonidan qabul qilinadi.
Ijodiy, ilmiy va ta’lim muassasalari yuqorida qayd etilgan tashkilotlarga Zulfiya nomidagi Davlat mukofotini olishga nomzod ko‘rsatish bo‘yicha takliflar kiritish, shuningdek, tavsiya etilgan ishlarga doir o‘z fikr-mulohazalarini mukofot komissiyasiga ma’lum qilish huquqiga egadirlar.
4. Zulfiya nomidagi Davlat mukofotiga tavsiya etilgan talabgorlar faoliyati va asarlari muhokamasini tashkil qilish, shuningdek, zarur materiallarni o‘z vaqtida taqdim etish tegishli vazirliklar, kompaniyalar, ijodiy uyushmalar va boshqa manfaatdor tashkilotlar zimmasiga yuklanadi.
Ko‘rsatib o‘tilgan talablar bajarilmagan taqdirda komissiya ishlarni ko‘rib chiqishni rad etishi mumkin.
Oldingi tahrirga qarang.
5. Zulfiya nomidagi Davlat mukofotlarini berishga doir takliflar to‘g‘risidagi qaror komissiya tarkibining kamida uchdan ikki qismi ishtirokida, yashirin ovoz berish orqali ko‘pchilik ovoz bilan qabul qilinadi hamda O‘zbekiston Respublikasi Prezidenti Administratsiyasiga taqdim etiladi.
(5-band O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
6. Zulfiya nomidagi Davlat mukofotiga sazovor bo‘lganlarga tantanali vaziyatda sovrindorlik yorliqlari va nishonlari topshiriladi.
Oldingi tahrirga qarang.
1. Oila va xotin-qizlar qo‘mitasi huzuridagi Zulfiya nomidagi Davlat mukofoti komissiyasi (keyingi o‘rinlarda Komissiya deb ataladi) ta’lim, fan, adabiyot, madaniyat, san’at, sport, axborot texnologiyalari va boshqa sohalardagi eng nufuzli arboblardan, ijodiy uyushmalar, nodavlat notijorat tashkilotlar, ta’lim, madaniyat va sport muassasalarining taniqli vakillaridan tashkil topadi va uning tarkibi har to‘rt yilda uchdan ikki qismi yangilanishi nazarda tutilgan holda Vazirlar Mahkamasi tomonidan tasdiqlanadi. Mazkur Komissiya a’zolari jamoatchilik asosida ishlaydilar.
(1-band O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
Oldingi tahrirga qarang.
2. Komissiyaga O‘zbekiston Respublikasi Bosh vaziri o‘rinbosari — Oila va xotin-qizlar qo‘mitasi raisi rahbarlik qiladi.
(2-band O‘zbekiston Respublikasi Prezidentining 2024-yil 7-fevraldagi PF-34-sonli Farmoni tahririda — Qonunchilik ma’lumotlari milliy bazasi, 07.02.2024-y., 06/24/34/0107-son)
Oldingi tahrirga qarang.
3. Komissiyaga Zulfiya nomidagi Davlat mukofotini olish bo‘yicha takliflarni ushbu mukofot to‘g‘risidagi Nizomga qat’iy muvofiq holda ko‘rib chiqish va O‘zbekiston Respublikasi Prezidenti qarori uchun zarur bo‘lgan takliflarni tayyorlashga doir barcha ishlar yuklanadi.
(3-band O‘zbekiston Respublikasi Prezidentining 2005-yil 2-martdagi PF-3578-sonli Farmoni tahririda — O‘R QHT, 2013-y., 4-son, 43-modda)
b) talabgorlar ro‘yxati, ularning ibratli faoliyatlari, asarlari haqidagi ma’lumotlarni tavsiya etgan tashkilotlarni ko‘rsatgan holda, mukofot berilishidan ikki oy oldin respublika ommaviy axborot vositalarida e’lon qiladi;
v) Davlat mukofotiga tavsiya etilgan talabgorlarning faoliyati, asarlarining jamoatchilik tomonidan keng va oshkora muhokama qilinishini tashkil etadi, ularning jamoatchilik va mutaxassislar tomonidan xolisona baholanishiga ko‘maklashadi;
Oldingi tahrirga qarang.
g) Davlat mukofoti yuzasidan tushgan takliflarni o‘rganib chiqib, mukofotlarni berish to‘g‘risidagi qarorlarini O‘zbekiston Respublikasi Prezidenti Administratsiyasiga taqdim etadi;
(4-bandning “g” kichik bandi O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
d) Davlat mukofoti sovrindori yorliqlarini, faxriy nishonlarini rasmiylashtiradi xamda ularni topshirishni tashkil etadi, shuningdek, mukofotlar pulini to‘lashni amalga oshiradi.
a) Davlat mukofotiga tavsiya etilgan talabgorlarning faoliyati, asarlarini oldindan ko‘rib chiqish, ular yuzasidan xulosalar tayyorlash uchun pul to‘lash yo‘li bilan mutaxassis-ekspertlarni taklif etish;
b) Davlat mukofotini olishga tavsiya etilgan talabgorlarning ibratli faoliyatlari va ijodiy ishlariga doir materiallarni tegishli tashkilotlarga ekspertlarning ko‘rib chiqishi uchun yuborish;
Oldingi tahrirga qarang.
v) mukofotga tavsiya etilgan talabgorlarning faoliyati va ijodi bilan joylarda tanishish uchun komissiya a’zolarini, ekspertlar yoki ekspert komissiyalarini Qoraqalpog‘iston Respublikasi, viloyatlar va Toshkent shahriga yuborish.
(5-bandning “v” kichik bandi O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)