O‘zbekiston Respublikasi Vazirlar Mahkamasining 2004-yil 20-iyuldagi 341-son “O‘zbekiston Respublikasi Oliy va o‘rta maxsus ta’lim vazirligi faoliyatini takomillashtirish to‘g‘risida”gi qaroriga (O‘zbekiston Respublikasi qonun hujjatlari to‘plami, 2004-y., 29-son, 332-modda) muvofiq buyuraman:
1. Oliy va o‘rta maxsus, kasb-hunar ta’limi muassasalarida o‘qitishning to‘lov-kontrakt shakli va undan tushgan mablag‘larni taqsimlash tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Oliy va o‘rta maxsus ta’lim vazirining 2012-yil 28-dekabrdagi 508-son buyrug‘iga
ILOVA
ILOVA
Mazkur Nizom O‘zbekiston Respublikasining “Ta’lim to‘g‘risida”gi (O‘zbekiston Respublikasi Oliy Majlisining Axborotnomasi, 1997-y., 9-son, 225-modda) va “Kadrlar tayyorlash milliy dasturi to‘g‘risida”gi (O‘zbekiston Respublikasi Oliy Majlisining Axborotnomasi, 1997-y., 11-12-son, 295-modda) qonunlariga muvofiq oliy va o‘rta maxsus, kasb-hunar ta’limi muassasalarida (bundan buyon matnda ta’lim muassasalari deb yuritiladi) o‘qitishning to‘lov-kontrakt (bundan buyon matnda kontrakt deb yuritiladi) shaklini belgilash va undan kelib tushadigan mablag‘larni taqsimlash tartibini belgilaydi.
1. Mazkur Nizom O‘zbekiston Respublikasi Davlat budjetidan moliyalashtiriladigan ta’lim muassasalariga tatbiq etiladi.
Mazkur Nizom oliy ta’lim muassasalarida tashkil etiladigan oliy o‘quv yurtidan keyingi ta’lim tizimiga hamda malaka oshirish va qayta tayyorlash tizimiga, shuningdek harbiy ta’lim muassasalariga tatbiq etilmaydi.
Oldingi tahrirga qarang.
2. Qonunchilik hujjatlariga muvofiq, ta’lim muassasalariga kontrakt asosida o‘qishga qabul qilish O‘zbekiston Respublikasi Prezidenti yoki Vazirlar Mahkamasining qarori bilan tasdiqlangan qabul kvotalari doirasida hamda qabul kvotalaridan tashqari O‘zbekiston Respublikasi ta’lim muassasalariga qabul qilish bo‘yicha Davlat komissiyasi (bundan buyon matnda Davlat komissiyasi deb yuritiladi) tomonidan amalga oshiriladi.
(2-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
3. Xorijiy fuqarolarni ta’lim muassasalariga o‘qishga qabul qilish O‘zbekiston Respublikasi Vazirlar Mahkamasining 2008-yil 4-avgustdagi 169-son “Xorijiy fuqarolarni O‘zbekiston Respublikasi ta’lim muassasalariga o‘qishga qabul qilish va o‘qitish tartibini takomillashtirish to‘g‘risida”gi qaroriga (O‘zbekiston Respublikasi qonun hujjatlari to‘plami, 2008-y., 31-32-son, 304-modda) muvofiq kontrakt asosida amalga oshiriladi.
Oldingi tahrirga qarang.
Xorijiy fuqarolarni Toshkent davlat yuridik universitetiga o‘qishga qabul qilish O‘zbekiston Respublikasi Vazirlar Mahkamasining 2017-yil 2-iyundagi 347-son “Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari to‘g‘risida”gi qaroriga muvofiq amalga oshiriladi;
(3-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘iga asosan ikkinchi xatboshi bilan to‘ldirilgan (ro‘yxat raqami 2431-1, 13.10.2017-y.) — Qonun hujjatlari ma’lumotlari milliy bazasi, 2017-y.)
O‘zbekiston Respublikasining “Ta’lim to‘g‘risida”gi Qonuniga asosan O‘zbekiston Respublikasida istiqomat qilayotgan fuqaroligi bo‘lmagan shaxslar bilim olishda O‘zbekiston Respublikasi fuqarolari bilan teng huquqlarga ega.
4. Oliy ta’lim muassasalarida ikkinchi va undan keyingi oliy ma’lumotni olish O‘zbekiston Respublikasi “Ta’lim to‘g‘risida”gi Qonunining 14-moddasiga asosan kontrakt asosida amalga oshiriladi.
5. Oliy ta’lim muassasalarida o‘qitish uchun kontrakt ikki yoki uch tomonlama rasmiylashtirilishi mumkin bo‘lib, uning taraflari quyidagilar hisoblanadi:
ikki tomonlama kontraktda: bir tomondan — oliy ta’lim muassasasining vakolatli shaxsi, ikkinchi tomondan — abituriyent yoki talaba yoxud ularning ota-onasi (yoki ularning o‘rnini bosuvchi shaxslar);
uch tomonlama kontraktda: bir tomondan — oliy ta’lim muassasasining vakolatli shaxsi, ikkinchi tomondan — yuridik yoki jismoniy shaxs (bundan buyon matnda buyurtmachi deb yuritiladi), uchinchi tomondan — abituriyent yoki talaba yoxud ularning ota-onasi (yoki ularning o‘rnini bosuvchi shaxslar).
6. Kontraktda shartnomaning bajarilish muddatlari, hisob-kitob qilish tartibi, taraflarning huquqlari va majburiyatlari, shartnoma majburiyatlari bajarilmaganda yoki lozim darajada bajarilmaganda taraflar uchun vujudga kelishi mumkin bo‘lgan huquqiy oqibatlar, nizolarni hal etish tartibi hamda taraflarning rekvizitlari, shartnoma tuzilgan sana va joy hamda boshqa muhim shartlar nazarda tutilishi lozim.
7. Kontraktlar Davlat komissiyasining abituriyentlarni kontrakt asosida talabalikka tavsiya etish to‘g‘risidagi qarori (bundan buyon matnda Davlat komissiyasining qarori deb yuritiladi) qabul qilinganidan so‘ng rasmiylashtiriladi.
8. Davlat komissiyasining qaroriga asosan talabalikka tavsiya etilgan abituriyentlarni mazkur Nizomda belgilangan tartibda kontraktda nazarda tutilgan tegishli to‘lovlar amalga oshirilguniga qadar yoki abituriyentlarni talabalikka qabul qilish bo‘yicha oliy ta’lim muassasasining buyrug‘i qabul qilingunga qadar oliy ta’lim muassasasining tegishli buyrug‘iga asosan darslarda qatnashib turishiga ruxsat etiladi.
9. Tegishli komissiyalar tomonidan belgilangan tartibda o‘qishini ko‘chirishga yoki qayta tiklashga tavsiya etilgan talabalarni ham mazkur Nizomda belgilangan tartibda kontraktda nazarda tutilgan tegishli to‘lovlar amalga oshirilguniga qadar oliy ta’lim muassasasining tegishli buyrug‘iga asosan darslarda qatnashib turishiga ruxsat etiladi.
Oldingi tahrirga qarang.
10. Taraflar o‘rtasida tuzilgan kontraktga muvofiq to‘lovni amalga oshirilganligi to‘g‘risidagi bank to‘lov topshiriqnomasi yoki kvitansiyasi nusxasi, shuningdek to‘lovlarning oliy ta’lim muassasasining hisobvarag‘iga kelib tushganligi asosida abituriyentni yoki tegishli komissiyalar tomonidan belgilangan tartibda o‘qishini ko‘chirishga yoxud qayta tiklashga tavsiya etilgan talabalarni oliy ta’lim muassasasiga talabalikka qabul qilish to‘g‘risidagi buyruq chiqariladi.
(10-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘i (ro‘yxat raqami 2431-1, 13.10.2017-y.) tahririda — Qonun hujjatlari ma’lumotlari milliy bazasi, 2017-y.)
Oldingi tahrirga qarang.
11. Qonunchilik hujjatlariga muvofiq, o‘quv yili davomida Davlat komissiyasining qarori qo‘shimcha ravishda chiqarilganda yoki Davlat komissiyasi tomonidan to‘lovlarni amalga oshirish muddati uzaytirilganda, abituriyentni yoki belgilangan tartibda o‘qishini ko‘chirishga yoxud qayta tiklashga tavsiya etilgan talabalarni oliy ta’lim muassasasiga talabalikka qabul qilish to‘g‘risidagi tegishli buyruqni chiqarish muddati ham uzaytirilishi mumkin.
(11-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
12. Oliy ta’lim muassasalarida kontrakt asosida o‘qitishning to‘lov miqdori bilim sohalari, soha va ta’lim yo‘nalishlari, ta’lim shakllari (ishlab chiqarishdan ajralgan yoki ajralmagan holda) va ta’lim bosqichlari (bakalavriat, magistratura, ikkinchi va undan keyingi ta’lim) bo‘yicha alohida, har o‘quv yili uchun belgilanadi.
13. Oliy ta’lim muassasalarida kontrakt asosida o‘qitishning to‘lov miqdori O‘zbekiston Respublikasi Vazirlar Mahkamasining 2009-yil 20-avgustdagi 237-son “Respublika oliy ta’lim muassasalarini moliyaviy jihatdan yanada mustahkamlash choralari to‘g‘risida”gi qaroriga muvofiq O‘zbekiston Respublikasi Moliya vazirligi tomonidan Oliy va o‘rta maxsus ta’lim vazirligi hamda boshqa manfaatdor vazirlik va idoralar bilan kelishilgan holda belgilanadi.
14. Xorijiy fuqarolarni oliy ta’lim muassasalarida kontrakt asosida o‘qitishning to‘lov miqdori O‘zbekiston Respublikasi Vazirlar Mahkamasining 2008-yil 4-avgustdagi 169-son “Xorijiy fuqarolarni O‘zbekiston Respublikasi ta’lim muassasalariga o‘qishga qabul qilish va o‘qitish tartibini takomillashtirish to‘g‘risida”gi qaroriga muvofiq, O‘zbekiston Respublikasi Moliya vazirligi va ta’lim muassasalariga ega bo‘lgan boshqa vazirlik va idoralar bilan kelishgan holda Oliy va o‘rta maxsus ta’lim vazirligining taklifi asosida Davlat komissiyasi tomonidan belgilanadi.
15. Oliy ta’lim muassasalarida kontrakt asosida o‘qitishning to‘lov miqdorini belgilash bir talabani o‘qitish bilan bog‘liq xarajatlar miqdoridan kelib chiqib amalga oshiriladi.
16. Bir talabani o‘qitish bilan bog‘liq xarajatlar miqdori quyidagi mezonlarni inobatga olgan holda belgilanadi:
17. Oliy ta’lim muassasalari faoliyatini ta’minlash uchun zarur bo‘lgan mablag‘larning yetishmaydigan qismi oliy ta’lim muassasalarini saqlashga ajratiladigan O‘zbekiston Respublikasi Davlat budjeti mablag‘lari hisobidan qoplanadi.
Oldingi tahrirga qarang.
18. Ish haqi va stipendiyalar miqdorlarining, energiya resurslari, kommunal va ekspluatatsiya xizmatlarining narxlari va tariflari o‘zgarishi munosabati bilan kontrakt asosida o‘qitishning to‘lov miqdori (oshirilgan to‘lov-kontrakt miqdori bundan mustasno) o‘quv yili davomida qayta ko‘rib chiqilishi mumkin.
(18-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
19. O‘quv yili davomida kontrakt asosida o‘qitishning to‘lov miqdori o‘zgarganda oliy ta’lim muassasasi tomonidan o‘qitish uchun to‘lov qayta hisob-kitob qilinadi va kontraktga tegishli o‘zgartirishlar kiritiladi.
Qayta hisob-kitob natijasida to‘lanishi lozim bo‘lgan qo‘shimcha mablag‘, o‘qitish uchun to‘lovni oshirilganligi to‘g‘risidagi xabarnoma olingan kundan boshlab bir oy muddatda amalga oshirilishi lozim.
O‘qitishning to‘lov miqdori kamaytirilganda ortiqcha to‘langan mablag‘ keyingi to‘lovlar hisobiga o‘tkaziladi yoki to‘lovni amalga oshirgan tarafning yozma murojaatiga ko‘ra qaytarib beriladi.
20. Oliy ta’lim muassasalarida kontrakt asosida o‘qitish uchun belgilangan miqdordagi to‘lov o‘quv yilida to‘liq yoki qisman (biroq, birinchi to‘lov tegishli o‘quv yili uchun belgilangan to‘lov miqdorining 50 foizidan kam bo‘lmagan holda) mazkur Nizomning 22-bandida yoki kontraktda belgilangan muddatlarda amalga oshiriladi.
Oldingi tahrirga qarang.
21. O‘zbekiston yoshlar ittifoqi tomonidan moddiy yordam sifatida talabalarini o‘qitish uchun to‘lovlar qonunchilik hujjatlariga muvofiq amalga oshiriladi.
(21-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
belgilangan to‘lov miqdorining kamida 50 foizi — talabalikka tavsiya etilgan abituriyentlar uchun 15-sentabrgacha, ikkinchi va undan keyingi bosqich talabalar uchun 1-oktabrgacha;
Oldingi tahrirga qarang.
Qo‘shimcha oshirilgan to‘lov-kontrakt asosida qabul qilingan abituriyentlarning birinchi o‘quv yili uchun to‘lovi Davlat komissiyasi tomonidan belgilangan muddatlarda amalga oshiriladi.
(22-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘iga asosan xatboshi bilan to‘ldirilgan (ro‘yxat raqami 2431-1, 13.10.2017-y.) — Qonun hujjatlari ma’lumotlari milliy bazasi, 2017-y.)
Oldingi tahrirga qarang.
23. Xorijiy fuqarolarni o‘qitish uchun belgilangan to‘lovlar milliy valyutada amalga oshiriladi, qonunchilik hujjatlariga muvofiq to‘lovlar chet el valyutasida amalga oshirilishi mumkin bo‘lgan holatlar bundan mustasno.
(23-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
24. Qonunchilik hujjatlariga muvofiq, o‘quv yili davomida Davlat komissiyasining qarori qo‘shimcha ravishda chiqarilganda oliy ta’lim muassasalariga kontrakt asosida qabul qilingan abituriyentlardan o‘qitish uchun to‘lov faqat o‘quv yilining qolgan muddati uchun olinadi.
(24-bandning birinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Bunda, o‘quv yilining qolgan muddati sifatida oliy ta’lim muassasasining abituriyentni darslarga qatnashishga ruxsat berish to‘g‘risidagi buyrug‘ida darslarga qatnashishi belgilangan oyning birinchi sanasidan o‘quv yilining oxirigacha bo‘lgan davr tushuniladi.
Oldingi tahrirga qarang.
Oshirilgan to‘lov-kontrakt miqdori Davlat komissiyasining qarori hamda oliy ta’lim muassasasining abituriyentlarni darslarga qatnashishga ruxsat berish to‘g‘risidagi buyrug‘i qabul qilingan sanadan qat’i nazar, to‘liq to‘lanadi. Bunda, stipendiya abituriyentlarni darslarga qatnashishga ruxsat berilgan oyning birinchi sanasidan o‘rnatilgan tartibda belgilanadi.
(24-bandning uchinchi xatboshisi O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
25. O‘quv yilining qolgan muddati uchun to‘lov miqdori o‘quv yilining oxiriga qadar qolgan oylar sonini tegishli o‘quv yiliga tasdiqlangan o‘qitishning to‘lov miqdorining o‘n ikkidan bir qismiga ko‘paytirish orqali aniqlanadi.
26. Oliy ta’lim muassasalari bitiruvchi kurs talabalarining oxirgi o‘quv yili (qismlarga bo‘lib to‘langanda oxirgi o‘quv semestri) uchun to‘lov, to‘lovning belgilangan miqdoridan iyul va avgust oylari uchun to‘lanadigan stipendiya miqdorini chegirib qolish orqali amalga oshiriladi.
Bunda, chegirib qolinadigan stipendiya miqdori kontrakt asosida o‘qitish uchun to‘lov miqdorining oxirgi belgilangan stipendiyaning miqdori 0,75 koeffitsiyenti qo‘llangan bazaviy miqdoridan kelib chiqib aniqlanadi.
LexUZ sharhi
Qo‘shimcha ma’lumot uchun qarang: O‘zbekiston Respublikasi oliy va o‘rta maxsus ta’lim vazirining 2014-yil 17-iyundagi 2-sonli buyrug‘i bilan tasdiqlangan “Oliy va o‘rta maxsus, kasb-hunar ta’limi muassasalarida o‘qitishning to‘lov-kontrakt shakli va undan tushgan mablag‘larni taqsimlash tartibi to‘g‘risidagi nizomning 26-bandiga (ro‘yxat raqami 2431, 2013-yil 26-fevral)” rasmiy sharh.
Oldingi tahrirga qarang.
27. Talaba o‘quv intizomini va oliy ta’lim muassasasining ichki tartib-qoidalarini buzganligi, bir semestr davomida darslarni uzrli sabablarsiz 74 soatdan ortiq qoldirganligi yoki o‘qitish uchun belgilangan miqdordagi to‘lovni o‘z vaqtida amalga oshirmaganligi sababli talabalar safidan chetlashtirilganda yoxud belgilangan muddatlarda fanlarni o‘zlashtira olmaganligi (akademik qarzdor bo‘lganligi) sababli kursdan qoldirilganda oliy ta’lim muassasasi tomonidan uning tegishli o‘quv semestri uchun amalga oshirilgan to‘lovi qaytarib berilmaydi.
(27-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘i (ro‘yxat raqami 2431-1, 13.10.2017-y.) tahririda — Qonun hujjatlari ma’lumotlari milliy bazasi, 2017-y.)
Oldingi tahrirga qarang.
Bunda, oshirilgan to‘lov-kontrakt asosida talabalikka qabul qilinganlar birinchi kursning birinchi semestri davomida talabalar safidan chetlashtirilganda ular tomonidan amalga oshirilgan to‘lovning 50 foizi qaytarib berilmaydi.
(27-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘iga (ro‘yxat raqami 2431-2, 27.03.2018-y.) asosan xatboshi bilan to‘ldirilgan — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
28. Talaba quyidagi sabablarga ko‘ra talabalar safidan chetlashtirilganda oliy ta’lim muassasasi tomonidan uning o‘qigan muddati uchun haqiqatda sarflangan xarajatlar chegirilgan holda tegishli o‘quv yili yoki semestri uchun oldindan amalga oshirilgan to‘lovning qolgan qismi kontraktning tegishli tarafi yozma murojaatiga ko‘ra qaytarib beriladi:
Oldingi tahrirga qarang.
Bunda, oshirilgan to‘lov-kontrakt asosida talabalikka qabul qilinganlar birinchi kursda talabalar safidan chetlashtirilganda qaytariladigan to‘lov miqdori o‘quv yilining oxiriga qadar qolgan oylar sonini tegishli o‘quv yiliga tasdiqlangan o‘qitishning oshirilgan to‘lov-kontrakt miqdorining o‘n ikkidan bir qismiga ko‘paytirish orqali aniqlanadi va kontraktning tegishli tarafi yozma murojaatiga ko‘ra qaytarib beriladi.
(28-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘iga (ro‘yxat raqami 2431-2, 27.03.2018-y.) asosan xatboshi bilan to‘ldirilgan — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
Oldingi tahrirga qarang.
29. Talaba o‘quv yili davomida qonunchilik hujjatlariga muvofiq akademik ta’tilga chiqqan hollarda ham oliy ta’lim muassasasi tomonidan uning o‘qigan muddati uchun haqiqatda sarflangan xarajatlar chegirilgan holda tegishli o‘quv yili yoki semestri uchun oldindan amalga oshirilgan to‘lovning qolgan qismi kontraktning tegishli tarafi yozma murojaatiga ko‘ra qaytarib beriladi.
(29-bandning birinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Bunda, o‘quv yili yoki semestri boshidan oliy ta’lim muassasasi tomonidan talabaning talabalar safidan chetlatilganligi yoki akademik ta’tilga chiqqanligi haqidagi buyruq chiqarilgan oyning oxirgi sanasigacha bo‘lgan davr, talabaning o‘qigan muddati hisoblanadi.
30. O‘quv yili davomida o‘qishga qabul qilingan yoki qayta tiklangan talabalar, faqat o‘quv yili oxirigacha qolgan muddat uchun to‘lovlarni amalga oshiradi.
Oldingi tahrirga qarang.
Bunda, to‘lovlar talabani o‘qishga qabul qilinganligi yoki qayta tiklaganligi munosabati bilan darslarga qatnashishga ruxsat berish to‘g‘risidagi buyruqda darslarga qatnashishi belgilangan oyning birinchi sanasidan o‘quv yili oxirigacha bo‘lgan davr uchun hisoblanadi va mazkur davrda o‘rnatilgan tartibda stipendiya to‘lanadi.
(30-bandning ikkinchi xatboshisi O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
Oldingi tahrirga qarang.
Belgilangan muddatlarda fanlarni o‘zlashtira olmagan (akademik qarzdor bo‘lgan) talaba kursdan qoldirilganda to‘lov miqdori o‘qishi davom etadigan o‘quv semestri uchun amalga oshiriladi.
(30-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘iga asosan xatboshi bilan to‘ldirilgan (ro‘yxat raqami 2431-1, 13.10.2017-y.) — Qonun hujjatlari ma’lumotlari milliy bazasi, 2017-y.)
31. Har yangi o‘quv yili boshlanguniga qadar oliy ta’lim muassasasi tomonidan kontrakt asosida o‘qitishning belgilangan to‘lov miqdori talabalar e’tiboriga yetkazilishi lozim, to‘lov miqdori o‘zgarmagan hollar bundan mustasno.
32. Oliy ta’lim muassasasi bilan abituriyent yoki talabani kontrakt asosida o‘qitish uchun kontrakt tuzgan buyurtmachi belgilangan muddatda to‘lovni amalga oshirish imkoniyatiga ega bo‘lmaganda, kontrakt boshqa buyurtmachi bilan belgilangan tartibda qayta rasmiylashtirilishi mumkin.
Bunda, kontraktni qayta rasmiylashtirishga abituriyent yoki talabaning arizasi yoxud avval kontraktni rasmiylashtirgan buyurtmachining abituriyent yoki talabani o‘qitish uchun to‘lov qobiliyati yo‘qligi to‘g‘risida oliy ta’lim muassasasiga qilingan yozma murojaati asos qilib olinadi.
33. Budjet tashkilotlarining O‘zbekiston Respublikasi Davlat budjeti mablag‘lari, shuningdek o‘qitishning kontrakt shaklidan tushgan yoki Budjet tashkilotlarini rivojlantirish jamg‘armasi mablag‘lari hisobidan o‘qitish uchun to‘lovlarni amalga oshirilishi taqiqlanadi.
Oldingi tahrirga qarang.
34. O‘qitishning kontrakt shaklidan shu jumladan oshirilgan to‘lov-kontrakt asosida tushgan mablag‘lar oliy ta’lim muassasasi daromadiga kiritiladi hamda belgilangan tartibda tasdiqlangan daromadlar va xarajatlar smetasida quyidagilarga sarflash uchun taqsimlanishi mumkin:
(34-bandning birinchi xatboshisi O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
oliy ta’lim muassasalarining ishlab chiqarishdan ajralgan holda kontrakt asosida ta’lim olayotgan talabalariga (xorijiy talabalardan tashqari) stipendiyalar to‘lashga;
oliy ta’lim muassasalari xodimlarining ish haqi va unga tenglashtirilgan to‘lovlari, shuningdek yagona ijtimoiy to‘lovlar bo‘yicha xarajatlarni to‘lashga;
oliy ta’lim muassasalarida bino va inshootlarni saqlash hamda kommunal xizmatlar bo‘yicha xarajatlarni to‘lashga;
o‘quv-laboratoriya binolari, talabalar turar joylari hamda boshqa bino va inshootlarni, asbob-uskunalarni joriy va kapital ta’mirlashga, oliy ta’lim muassasasining hududini va atrofini obodonlashtirishga, shuningdek qurilish-tiklash ishlariga;
o‘quv, ilmiy-tadqiqot va laboratoriya jihozlari, yumshoq va qattiq inventarlar, mebellar, o‘qitishning texnik vositalari, kompyuter texnikasi va ularning ehtiyot hamda butlovchi qismlarini, kerakli materiallarni va boshqalarni sotib olish hamda ta’mirlashga;
“Ma’naviyat va ma’rifat” tadbirlari, “Universiada” va “Barkamol avlod” sport tadbirlari, “Nihol” ijodiy festivallarini o‘tkazishga;
O‘zbekiston Respublikasi Prezidentining “Iste’dod” jamg‘armasi yo‘nalishi bo‘yicha xorijiy oliy o‘quv yurtlarida istiqbolli yosh pedagog va ilmiy kadrlarni malakasini oshirish va stajirovka o‘tashlariga;
O‘zbekiston Respublikasi Prezidenti yoki Hukumati qarorlari asosida vazirlik va idoralarning O‘zbekiston Respublikasi Davlat budjetidan tashqari jamg‘armalariga ajratmalarni amalga oshirishga;
oliy ta’lim muassasalari xodimlarini moddiy rag‘batlantirishga (ustama, mukofot) va ularga moddiy yordam ko‘rsatishga;
oliy ta’lim muassasalari talabalarini ijtimoiy muhofaza qilish doirasida bir yilda bir talabaga eng kam ish haqining olti barobaridan ortiq bo‘lmagan miqdorda bir yo‘la moddiy yordam ko‘rsatishga;
oliy ta’lim muassasasi faoliyatini amalga oshirishini ta’minlash uchun zarur bo‘lgan boshqa xarajatlarni qoplashga.
35. Xarajatlarni amalga oshirishda mablag‘lar birinchi navbatda stipendiya, ish haqi va unga tenglashtirilgan to‘lovlar hamda energiya resurslari va kommunal xizmatlarning haqini to‘lash maqsadlariga yo‘naltiriladi.
36. Oliy ta’lim muassasalarining kontrakt asosida ta’lim olayotgan talabalariga stipendiyalar, ularni o‘qitish uchun to‘lovlar amalga oshirilgandan keyin to‘lanadi. Bunda, stipendiya faqat o‘qitish uchun to‘lov amalga oshirilgan oylar uchungina beriladi.
37. Oliy ta’lim muassasalarining o‘qitishning kontrakt shaklidan tushgan mablag‘lari Budjet tashkilotlarini rivojlantirish jamg‘armasi tarkibiga kiritilmaydi.
38. O‘qitishning kontrakt shaklidan tushgan va vaqtinchalik bo‘sh turgan mablag‘lar oliy ta’lim muassasasi tomonidan O‘zbekiston Respublikasining moliyaviy barqaror va to‘lov qobiliyati yuqori bo‘lgan banklarining depozit hisobvarag‘lariga tanlov asosida joylashtirilishi mumkin. Olingan foiz daromadlari oliy ta’lim muassasasining o‘qitishning kontrakt shaklidan tushgan mablag‘lari daromadlar va xarajatlar smetasiga kiritiladi hamda mazkur Nizomning 34-bandida nazarda tutilgan maqsadlarga sarflash uchun taqsimlanadi.
Oldingi tahrirga qarang.
39. Oliy ta’lim muassasalari tomonidan o‘qitishning kontrakt shaklidan tushgan mablag‘lar va ular sarflanishining buxgalteriya hisobi qonunchilik hujjatlarida belgilangan tartibda yuritiladi.
(39-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
40. Har yili oliy ta’lim muassasalari tomonidan o‘qitishning kontrakt shaklidan tushadigan mablag‘lar bo‘yicha kalendar yilga daromadlar va xarajatlar smetasi ishlab chiqilib tasdiqlanadi hamda bo‘ysunuvi bo‘yicha tegishli vazirlik yoki idoraga ro‘yxatdan o‘tkazish uchun taqdim etiladi.
(40-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
41. Oliy ta’lim muassasalarining o‘qitishning kontrakt shaklidan tushgan mablag‘lari bo‘yicha daromadlar va xarajatlar smetalariga o‘zgartirishlar, kalendar yil davomida o‘qitish uchun to‘lov miqdori, ish haqi va stipendiyalar miqdorlarining, energiya resurslari, kommunal va ekspluatatsiya xizmatlarining narxlari hamda tariflari o‘zgarganda, shuningdek oliy ta’lim muassasalari takliflari asosida belgilangan tartibda kiritiladi.
Oldingi tahrirga qarang.
42. Oliy ta’lim muassasalarida o‘qitishning kontrakt shaklidan tushgan mablag‘lar bo‘yicha daromadlar va xarajatlar smetalarini tuzish Budjet tashkilotlari va budjet mablag‘lari oluvchilarning xarajatlar smetasi va shtat jadvallarini tuzish, tasdiqlash va ro‘yxatdan o‘tkazish tartibi to‘g‘risidagi nizomga (ro‘yxat raqami 2634, 2014-yil 15-dekabr), shuningdek mazkur Nizomga muvofiq amalga oshiriladi.
(42-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘i (ro‘yxat raqami 2431-1, 13.10.2017-y.) tahririda — Qonun hujjatlari ma’lumotlari milliy bazasi, 2017-y.)
43. Oliy ta’lim muassasalari tomonidan o‘qitishning kontrakt shaklidan tushgan mablag‘lar bo‘yicha daromadlar va xarajatlarning hisobotlarini tuzish, tasdiqlash va taqdim qilish O‘zbekiston Respublikasi Davlat budjetidan mablag‘ bilan ta’minlanadigan tashkilotlarning davriy moliyaviy hisobotlarini tuzish, tasdiqlash hamda taqdim qilish bo‘yicha qoidalarga (ro‘yxat raqami 2270, 2011-yil 27-sentabr) (O‘zbekiston Respublikasi qonun hujjatlari to‘plami, 2011-y., 39-son, 408-modda) muvofiq amalga oshiriladi.
44. Oliy ta’lim muassasalari o‘qitishning kontrakt shaklidan tushgan mablag‘lar bo‘yicha daromadlar va xarajatlar smetalarining bajarilishi haqidagi choraklik va yillik hisobotlarni bo‘ysunuvi bo‘yicha tegishli vazirlik yoki idoraga belgilangan tartibda taqdim etishlari lozim.
45. O‘zbekiston Respublikasi Vazirlar Mahkamasining 2012-yil 6-iyuldagi 200-son “O‘zbekiston Respublikasida o‘rta maxsus, kasb-hunar ta’limi to‘g‘risidagi nizomni tasdiqlash haqida”gi qaroriga (O‘zbekiston Respublikasi qonun hujjatlari to‘plami, 2012-y., 28-son, 315-modda) muvofiq kasb-hunar kolleji manfaatdor vazirliklar va idoralar, ish beruvchilar, mehnat va aholi bandligi organlari bilan hamkorlikda kontrakt asosida:
o‘rta maxsus, kasb-hunar ma’lumotiga ega bo‘lmagan shaxslarni umumta’lim maktablarining 11-sinflari bitiruvchilari kasbiy tayyorgarlikka ega bo‘lishlari uchun o‘rta maxsus, kasb-hunar ta’limi dasturlari bo‘yicha;
ikkinchi mutaxassislikni olishni xohlovchi o‘rta maxsus, kasb-hunar ma’lumotli shaxslarni o‘rta maxsus, kasb-hunar ta’limi dasturlari bo‘yicha o‘qitishi mumkin (bo‘sh o‘quv maydonlari, zarur resurs ta’minoti va o‘qituvchi kadrlar mavjud bo‘lgan taqdirda).
Oldingi tahrirga qarang.
46. O‘rta maxsus, kasb-hunar ta’lim muassasalarida kontrakt asosida o‘qitishning to‘lov miqdori O‘zbekiston Respublikasi Moliya vazirligi tomonidan O‘zbekiston Respublikasi Oliy va o‘rta maxsus ta’lim vazirligining Kasb-hunar ta’limi markazi hamda boshqa manfaatdor vazirlik va idoralar bilan kelishilgan holda belgilanadi.
(46-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
47. Xorijiy fuqarolarni o‘rta maxsus, kasb-hunar ta’lim muassasalarida kontrakt asosida o‘qitishning to‘lov miqdori mazkur Nizomning 14-bandida ko‘rsatib o‘tilgan tartibda belgilanadi.
48. Ish haqi miqdorining, energiya resurslari, kommunal va ekspluatatsiya xizmatlarining narxlari va tariflari o‘zgarishi munosabati bilan kontrakt asosida o‘qitishning to‘lov miqdori o‘quv yili davomida qayta ko‘rib chiqilishi mumkin.
49. O‘rta maxsus, kasb-hunar ta’limi muassasalarida kontrakt asosida o‘qitish uchun kontraktning rasmiylashtirilishi, to‘lov miqdori va uni amalga oshirilishi mazkur Nizomning 5—12, 15—17, 19, 20, 22—25 va 27—33-bandlarida belgilangan tartibda amalga oshiriladi.
50. O‘qitishning kontrakt shaklidan tushgan mablag‘lar o‘rta maxsus, kasb-hunar ta’limi muassasasi daromadiga kiritiladi hamda belgilangan tartibda tasdiqlangan daromadlar va xarajatlar smetasida quyidagilarga sarflash uchun taqsimlanishi mumkin:
o‘rta maxsus, kasb-hunar ta’limi muassasalari xodimlarining ish haqi va unga tenglashtirilgan to‘lovlari, shuningdek yagona ijtimoiy to‘lovlar bo‘yicha xarajatlarni to‘lashga;
o‘rta maxsus, kasb-hunar ta’limi muassasalarida bino va inshootlarni saqlash hamda kommunal xizmatlar bo‘yicha xarajatlarni to‘lashga;
o‘quv-laboratoriya binolari hamda boshqa bino va inshootlarni, asbob-uskunalarni joriy va kapital ta’mirlashga, o‘rta maxsus, kasb-hunar ta’limi muassasasining hududini va atrofini obodonlashtirishga, shuningdek qurilish-tiklash ishlariga;
o‘quv, ilmiy-tadqiqot va laboratoriya jihozlari, yumshoq va qattiq inventarlar, mebellar, o‘qitishning texnik vositalari, kompyuter texnikasi va ularning ehtiyot hamda butlovchi qismlarini, kerakli materiallarni va boshqalarni sotib olish hamda ta’mirlashga;
o‘rta maxsus, kasb-hunar ta’limi muassasasi Axborot-resurs markazi (kutubxona) fondini to‘ldirishga;
“Ma’naviyat va ma’rifat” tadbirlari, “Universiada” va “Barkamol avlod” sport tadbirlari, “Nihol” ijodiy festivallarini o‘tkazishga;
O‘zbekiston Respublikasi Prezidenti yoki Hukumati qarorlari asosida vazirlik va idoralarning O‘zbekiston Respublikasi Davlat budjetidan tashqari jamg‘armalariga ajratmalarni amalga oshirishga;
o‘rta maxsus, kasb-hunar ta’limi muassasalari xodimlarini moddiy rag‘batlantirishga (ustama, mukofot) va ularga moddiy yordam ko‘rsatishga;
o‘rta maxsus, kasb-hunar ta’limi muassasalari o‘quvchilarini ijtimoiy muhofaza qilish doirasida bir yilda bir o‘quvchiga eng kam ish haqining olti barobaridan ortiq bo‘lmagan miqdorda bir yo‘la moddiy yordam ko‘rsatishga;
o‘rta maxsus, kasb-hunar ta’limi muassasasi faoliyatini amalga oshirishini ta’minlash uchun zarur bo‘lgan boshqa xarajatlarni qoplashga.
51. Xarajatlarni amalga oshirishda mablag‘lar birinchi navbatda ish haqi va unga tenglashtirilgan to‘lovlar hamda energiya resurslari va kommunal xizmatlarning haqini to‘lash maqsadlariga yo‘naltiriladi.
52. O‘rta maxsus, kasb-hunar ta’limi muassasalarining o‘qitishning kontrakt shaklidan tushgan mablag‘lari Budjet tashkilotlarini rivojlantirish jamg‘armasi tarkibiga kiritilmaydi.
53. O‘qitishning kontrakt shaklidan tushgan va vaqtinchalik bo‘sh turgan mablag‘lar o‘rta maxsus, kasb-hunar ta’limi muassasasi tomonidan O‘zbekiston Respublikasining moliyaviy barqaror va to‘lov qobiliyati yuqori bo‘lgan banklarining depozit hisobvarag‘lariga tanlov asosida joylashtirilishi mumkin. Olingan foiz daromadlari o‘rta maxsus, kasb-hunar ta’limi muassasasining o‘qitishning kontrakt shaklidan tushgan mablag‘lari daromadlar va xarajatlar smetasiga kiritiladi hamda mazkur Nizomning 50-bandida nazarda tutilgan maqsadlarga sarflash uchun taqsimlanadi.
Oldingi tahrirga qarang.
54. O‘rta maxsus, kasb-hunar ta’limi muassasalari tomonidan o‘qitishning kontrakt shaklidan tushgan mablag‘lar va ular sarflanishining buxgalteriya hisobi qonunchilik hujjatlarida belgilangan tartibda yuritiladi.
(54-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
55. Har yili o‘rta maxsus, kasb-hunar ta’limi muassasalari o‘qitishning kontrakt shaklidan tushadigan mablag‘lar bo‘yicha kalendar yilga daromadlar va xarajatlar smetasi ishlab chiqilib tasdiqlanadi hamda bo‘ysunuvi bo‘yicha tegishli vazirlik yoki idoraga ro‘yxatdan o‘tkazish uchun taqdim etiladi.
(55-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
56. O‘rta maxsus, kasb-hunar ta’limi muassasalarining o‘qitishning kontrakt shaklidan tushgan mablag‘lari bo‘yicha daromadlar va xarajatlar smetalariga o‘zgartirishlar, kalendar yil davomida o‘qitish uchun to‘lov miqdori, ish haqi miqdori, va kommunal, ekspluatatsiya xizmatlari va energiya resurslari narxlari hamda tariflarining miqdorlari o‘zgarganda, shuningdek o‘rta maxsus, kasb-hunar ta’limi muassasalari takliflari asosida belgilangan tartibda kiritiladi.
Oldingi tahrirga qarang.
57. O‘rta maxsus, kasb-hunar ta’limi muassasalarida o‘qitishning kontrakt shaklidan tushgan mablag‘lar bo‘yicha daromadlar va xarajatlar smetalarini tuzish Budjet tashkilotlari va budjet mablag‘lari oluvchilarning xarajatlar smetasi va shtat jadvallarini tuzish, tasdiqlash va ro‘yxatdan o‘tkazish tartibi to‘g‘risidagi nizomga (ro‘yxat raqami 2634, 2014-yil 15-dekabr), shuningdek mazkur Nizomga muvofiq amalga oshiriladi.
(57-band O‘zbekiston Respublikasi oliy va o‘rta maxsus ta’lim vazirining 2017-yil 28-avgustdagi 5-2017-sonli buyrug‘i (ro‘yxat raqami 2431-1, 13.10.2017-y.) tahririda — Qonun hujjatlari ma’lumotlari milliy bazasi, 2017-y.)
58. O‘rta maxsus, kasb-hunar ta’limi muassasalari tomonidan o‘qitishning kontrakt shaklidan tushgan mablag‘lar bo‘yicha daromadlar va xarajatlarning hisobotlarini tuzish, tasdiqlash va taqdim qilish O‘zbekiston Respublikasi Davlat budjetidan mablag‘ bilan ta’minlanadigan tashkilotlarning davriy moliyaviy hisobotlarini tuzish, tasdiqlash hamda taqdim qilish bo‘yicha qoidalarga (ro‘yxat raqami 2270, 2011-yil 27-sentabr) (O‘zbekiston Respublikasi qonun hujjatlari to‘plami, 2011-y., 39-son, 408-modda) muvofiq amalga oshiriladi.
59. O‘rta maxsus, kasb-hunar ta’limi muassasalari o‘qitishning kontrakt shaklidan tushgan mablag‘lar bo‘yicha daromadlar va xarajatlar smetalarining bajarilishi haqidagi choraklik va yillik hisobotlarni bo‘ysunuvi bo‘yicha tegishli vazirlik yoki idoraga belgilangan tartibda taqdim etishlari lozim.
60. Ta’lim muassasalarining rahbarlari, moliya va buxgalteriya xizmatlari xodimlari to‘lov-kontrakt asosida o‘qitishdan tushgan mablag‘lar bo‘yicha daromadlar va xarajatlar smetasining to‘g‘ri tuzilishi, ularning bajarilishi bo‘yicha hisobotlarning haqqoniyligi, shuningdek budjetdan tashqari mablag‘larni tasdiqlangan smetalarga muvofiq maqsadli sarflanishi uchun qonunchilikda belgilangan tartibda javobgardirlar.
Oldingi tahrirga qarang.
61. Ta’lim olishning to‘lov-kontrakt asosida kelib tushadigan mablag‘larining to‘g‘ri sarflanishi va mablag‘lardan maqsadli foydalanish ustidan nazoratni tasarrufida ta’lim muassasalari bo‘lgan vazirliklar va idoralar, O‘zbekiston Respublikasi Moliya vazirligining Davlat moliyaviy nazorati bosh boshqarmasi, uning hududiy organlari va joylardagi moliya organlari qonunchilik tomonidan taqdim etilgan vakolatlarga muvofiq amalga oshiradi.
(61-band O‘zbekiston Respublikasi oliy va o‘rta maxsus ta’lim vazirining 2018-yil 27-fevraldagi 4-2018-sonli buyrug‘i (ro‘yxat raqami 2431-2, 27.03.2018-y.) tahririda — Qonun hujjatlari ma’lumotlari milliy bazasi, 28.03.2018-y., 10/18/2431-2/0944-son)
62. Mazkur Nizom O‘zbekiston Respublikasi Moliya vazirligi, Xalq ta’limi vazirligi, Sog‘liqni saqlash vazirligi, Madaniyat va sport ishlari vazirligi, Tashqi ishlar vazirligi, Qishloq va suv xo‘jaligi vazirligi, Aloqa, axborotlashtirish va telekommunikatsiya texnologiyalari davlat qo‘mitasi, Davlat soliq qo‘mitasi, O‘zbekiston Badiiy akademiyasi, “O‘zbekiston temir yo‘llari” davlat aksiyadorlik temir yo‘l kompaniyasi va “Navoiy kon-metallurgiya kombinati” davlat korxonasi bilan kelishilgan.