LexUZ sharhi
Mazkur Farmon O‘zbekiston Respublikasi Prezidentining 2017-yil 6-dekabrdagi PF-5276-sonli “Jismoniy shaxslar tomonidan naqd xorijiy valyutani olib kirish va olib chiqib ketish tartibini yanada soddalashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublikada naqd xorijiy valyuta muomalasining amaldagi tartibini takomillashtirish va tashqi aloqalarni rivojlantirish uchun qulay sharoit yaratish maqsadida:
1. 1998-yil 1-apreldan boshlab respublikadan tashqariga naqd xorijiy valyuta olib chiqib ketishning quyidagi tartibi belgilansin:
Oldingi tahrirga qarang.
(1-bandning ikkinchi xatboshisi O‘zbekiston Respublikasi Prezidentining 2003-yil 28-iyuldagi PF-3284-sonli Farmoni tahririda— Oliy Majlis Axborotnomasi, 2003-y., 6-7-son, 97-modda)
norezidentlarga — bojxonaga taqdim etilgan deklaratsiyaga muvofiq respublikaga keltirilgan valyuta miqdorida.
Ko‘rsatilgan miqdordan ortiqcha naqd xorijiy valyutani olib ketishga O‘zbekiston Respublikasi Markaziy banki yoki xorijiy valyuta bilan operatsiyalarni o‘tkazishga asosiy litsenziyasi bo‘lgan vakolatli banklarning ruxsati bilan yo‘l qo‘yiladi.
Oldingi tahrirga qarang.
2. Jismoniy shaxslar O‘zbekiston Respublikasi rezidentlari va norezidentlariga 1998-yil 1-apreldan boshlab belgilangan tartibda bojxona deklaratsiyalarini to‘ldirish sharti bilan naqd xorijiy valyutani respublikaga erkin olib kelishiga ruxsat etilsin.
(2-band O‘zbekiston Respublikasi Prezidentining 2001-yil 19-iyundagi PF-2887-sonli Farmoni tahririda — Oliy Majlis Axborotnomasi, 2001-y., 6-son, 123-modda)
3. O‘zbekiston Respublikasining xorijiy valyuta bilan operatsiya o‘tkazishga asosiy litsenziyasi bo‘lgan vakolatli banklariga jismoniy shaxslarga hisob raqamlari va omonatga qo‘yilgan naqd xorijiy valyutasini olgan taqdirda, shuningdek, xizmat safari xarajatlari uchun respublikadan xorijiy valyutani olib ketish huquqini tasdiqlaydigan hujjatlarni berishga ruxsat etilsin.
Oldingi tahrirga qarang.
(4-band O‘zbekiston Respublikasi Prezidentining 2002-yil 27-iyundagi PF-3099-sonli Farmoniga asosan o‘z kuchini yo‘qotgan — Oliy Majlis Axborotnomasi, 2002-y., 6-7-son, 115-modda)
5. O‘zbekiston Respublikasi Davlat bojxona qo‘mitasi “O‘zbekiston havo yo‘llari” milliy aviakompaniyasi bilan birgalikda aviatsiya transportida respublika hududi orqali o‘tadigan O‘zbekiston Respublikasi norezidentlari uchun bojxona deklaratsiyasiga muvofiq, qo‘shimcha hujjat va ma’lumotnomalar talab qilmay, bojxona hujjatlarini rasmiylashtirish hamda naqd xorijiy valyutani olib kelish va olib ketish ustidan nazoratning soddalashtirilgan tartibini o‘rnatsin.
6. O‘zbekiston Respublikasi Prezidentining 1996-yil 24-oktabrdagi “Respublikada naqd xorijiy valyuta muomalasini tartibga solish choralari to‘g‘risida”gi Farmonining 3-bandi bekor qilinsin.
7. O‘zbekiston Respublikasi Davlat bojxona qo‘mitasi, Markaziy banki, Moliya vazirligi va Adliya vazirligi amaldagi idoraviy me’yoriy hujjat va yo‘riqnomalarni uch kun muddatda ushbu Farmon talablariga muvofiqlashtirsin.
8. Ushbu Farmonning bajarilishini nazorat qilish O‘zbekiston Respublikasi Markaziy banki raisi F. Mullajonov va O‘zbekiston Respublikasi Davlat bojxona qo‘mitasi raisi O‘. Komilov zimmasiga yuklansin.