LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 12-fevraldagi 107-sonli “O‘zbekiston Respublikasi Vazirlar Mahkamasi ijro etuvchi tuzilmasi takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyatni amalga oshirish huquqi uchun litsenziyalar o‘z vaqtida rasmiylashtirilishini ta’minlash maqsadida Vazirlar Mahkamasi qaror qiladi:
1. Vazirlar Mahkamasining 2012-yil 15-martdagi 72-son qarori bilan tasdiqlangan Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash to‘g‘risidagi nizomda nazarda tutilgan talablar bajarilishini nazorat qilish, shu jumladan belgilangan tartibda rasmiylashtirilgan litsenziyalarni imzolash vaqtincha O‘zbekiston Respublikasi Bosh vazirining o‘rinbosari A.I.Ikramov zimmasiga yuklansin.
2. O‘zbekiston Respublikasi Bosh vazirining o‘rinbosari A.I.Ikramov Bosh vazirning o‘rinbosari — Axborot tizimlari va telekommunikatsiyalar masalalari kompleksi rahbari tayinlangunga qadar ushbu qarorning 1-bandiga muvofiq funksiyalar bajarilishini ta’minlasin.