O‘ZBEKISTON RESPUBLIKASIDA TRENERLIK FAOLIYATINI YaNADA TARTIBGA SOLISh ChORA-TADBIRLARI TO‘G‘RISIDA
LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 19-noyabrdagi 918-sonli “O‘zbekiston Respublikasi Jismoniy tarbiya va sport vazirligi huzuridagi Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirish markazi hamda O‘zbekiston Respublikasida trenerlik faoliyatlarini yanada takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
“Jismoniy tarbiya va sport to‘g‘risida”gi O‘zbekiston Respublikasi Qonunini bajarish yuzasidan, trenerlik faoliyatini yanada tartibga solish, aholiga jismoniy tarbiya-sport hamda sog‘lomlashtirish xizmatlari ko‘rsatishning sifatini oshirish va xavfsizligini ta’minlash maqsadida Vazirlar Mahkamasi qaror qiladi:
Trenerlik faoliyati bilan shug‘ullanish yuzasidan attestatsiya o‘tkazish tartibi to‘g‘risidagi Nizom 1-ilovaga muvofiq;
Trenerlik faoliyati bilan shug‘ullanish yuzasidan attestatsiya o‘tkazish bo‘yicha Respublika komissiyasi tarkibi 2-ilovaga muvofiq tasdiqlansin;
2. O‘zbekiston Respublikasi Madaniyat va sport ishlari vazirligi Oliy va o‘rta maxsus ta’lim vazirligi, Xalq ta’limi vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, jismoniy tarbiya - sport tashkilotlari hamda boshqa manfaatdor tashkilotlar bilan birgalikda:
Keyingi tahrirga qarang.
trenerlik faoliyati bilan shug‘ullanish yuzasidan attestatsiya o‘tkazish uchun zarur shart-sharoitlar yaratishga yo‘naltirilgan tashkiliy chora-tadbirlar kompleksini bir oy muddatda ishlab chiqsin va tasdiqlasin;
2013-yil 1-yanvardan boshlab trenerlik faoliyati bilan shug‘ullanish yuzasidan attestatsiyadan o‘tmagan shaxslar bilan mehnat shartnomalarini belgilangan tartibda bekor qilish bo‘yicha zarur chora-tadbirlar ko‘rsin.
Keyingi tahrirga qarang.
3. Vazirliklar va idoralar bir oy muddatda idoraviy normativ-huquqiy hujjatlarni ushbu qarorga muvofiqlashtirsinlar.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N.Aripov zimmasiga yuklansin.
1. Ushbu Nizom “Jismoniy tarbiya va sport to‘g‘risida”gi O‘zbekiston Respublikasi Qonuniga muvofiq trenerlik faoliyati bilan shug‘ullanish yuzasidan attestatsiya o‘tkazish, trenerlik faoliyati bilan shug‘ullanishga ruxsatnomani rasmiylashtirish va berish tartibini belgilaydi.
2. Ushbu Nizom talablari O‘zbekiston Respublikasi hududida trenerlik faoliyatini amalga oshirishni xohlovchi jismoniy shaxslar, shuningdek jismoniy tarbiya va sportni ommalashtiruvchi yoki ushbu sohada aholiga xizmatlar ko‘rsatuvchi yuridik va jismoniy shaxslar uchun majburiy hisoblanadi.
Ushbu Nizom sport yo‘nalishidagi muassasalardan tashqari, davlat umumta’lim maktablarida, kollejlarda, litseylarda va oliy o‘quv muassasalarida jismoniy tarbiya bo‘yicha o‘qituvchilar sifatida o‘z faoliyatini amalga oshiruvchi shaxslarga tatbiq etilmaydi.
trenerlik faoliyati bilan shug‘ullanish yuzasidan attestatsiya (keyingi o‘rinlarda attestatsiya deb ataladi) — jismoniy shaxslarning jismoniy tarbiya va sport sohasidagi malakasini, bilimlarini va kasbiy ko‘nikmalari darajasini ularning trenerlik faoliyati bilan shug‘ullanishiga ruxsat berish maqsadida aniqlash;
trenerlik faoliyati — aholi va sportchilar bilan o‘quv-trenirovka, jismoniy tarbiya-sport hamda sog‘lomlashtirish tadbirlarini o‘tkazishga, shuningdek sport natijalariga erishish uchun ularning musobaqa faoliyatiga rahbarlikni amalga oshirishga yo‘naltirilgan faoliyat;
trener — sport bo‘yicha trener, trener-o‘qituvchi yoki trenerlik faoliyati bilan shug‘ullanish uchun tegishli ruxsatnomaga ega bo‘lgan trener-instruktor sifatida trenerlik faoliyatini amalga oshiruvchi jismoniy shaxs;
trenerlik faoliyati bilan shug‘ullanishga ruxsatnoma — O‘zbekiston Respublikasi hududida jismoniy shaxsga trenerlik faoliyati bilan shug‘ullanish huquqini beradigan hujjat.
o‘quv-trenirovka, jismoniy tarbiya-sport va sog‘lomlashtirish mashg‘ulotlarini o‘tkazishda aholi xavfsizligini ta’minlash;
trenyerlarning malaka, metodologik madaniyati darajasini maqsadli, uzluksiz oshirishini, shaxsiy, kasbiy o‘sishini, ularning zamonaviy pedagogik texnologiyalar va amaliy ko‘nikmalardan foydalanishini rag‘batlantirish;
sportchilarni tayyorlash samaradorligi va sifatini oshirish, aholi bilan jismoniy tarbiya-sport va sog‘lomlashtirish mashg‘ulotlarini o‘tkazish.
5. Kollegiallik, oshkoralik, ochiq-ravshanlik, talabgorga xolisona munosabatda bo‘lish va kamsitishlarga yo‘l qo‘ymaslik attestatsiyaning asosiy tamoyillari hisoblanadi.
6. Attestatsiya Trenerlik faoliyati bilan shug‘ullanish yuzasidan attestatsiyadan o‘tkazish bo‘yicha Respublika komissiyasi (keyingi o‘rinlarda Komissiya deb ataladi) tomonidan o‘tkaziladi.
7. Komissiyaning shaxsiy tarkibi O‘zbekiston Respublikasi Madaniyat va sport ishlari vazirligi, boshqa manfaatdor vazirliklar va idoralar, sport turlari bo‘yicha respublika sport tashkilotlari (federatsiyalari, uyushmalari va boshqalar), jismoniy tarbiya va sport sohasidagi ta’lim muassasalari xodimlaridan shakllantiriladi hamda O‘zbekiston Respublikasi Vazirlar Mahkamasi tomonidan tasdiqlanadi.
Keyingi tahrirga qarang.
Komissiya a’zolari boshqa ishga o‘tgan taqdirda uning tarkibiga ushbu lavozimlarga yangidan tayinlangan yoxud zimmasiga tegishli funksiyalarni bajarish yuklangan shaxslar kiritiladi.
Komissiya a’zolarining Komissiyaga yuklangan vazifalarni bajarish bo‘yicha ishlarini muvofiqlashtirish;
Komissiyaning ko‘rib chiqishi uchun kiritiladigan materiallar bo‘yicha tegishli xulosalarni o‘z vaqtida taqdim etish;
Komissiya qarorlari ijrosi monitoringini yuritish va uning natijalarini Komissiyaning ko‘rib chiqishi uchun taqdim etish;
ishchi organ va ekspert guruhlarning Komissiya majlisiga materiallar tayyorlash bo‘yicha faoliyatini tashkil etish;
Komissiya raisi bilan majlislarni o‘tkazish muddatlari va joylari, shuningdek taklif etiladiganlar kontingentini kelishish;
Komissiya vakolatiga kiradigan masalalar bo‘yicha davlat organlari va boshqa tashkilotlarga so‘rovlar tayyorlash.
12. O‘zbekiston Respublikasi Madaniyat va sport ishlari vazirligining Sertifikatlashtirish va kompyuterlashtirish markazi (keyingi o‘rinlarda ishchi organ deb ataladi) Komissiyaning ishchi organi hisoblanadi.
Keyingi tahrirga qarang.
Komissiya majlislarini o‘tkazishga barcha zarur materiallarning o‘z vaqtida tayyorlanishini ta’minlaydi hamda unga davlat organlari va boshqa tashkilotlardan, shuningdek Komissiya a’zolaridan zarur materiallarni va trenerlik faoliyatiga taalluqli ekspert xulosalarni olish huquqi beriladi;
Komissiya majlislari o‘tkazilishini va kun tartibidagi masalalar bo‘yicha tahliliy materiallar tayyorlashni tashkil qiladi;
attestatsiyani sifatli o‘tkazish bilan bog‘liq ishlarni tashkil etish uchun malakali mutaxassislardan ishchi va ekspert guruhlarni shakllantiradi va ularning ishlarini muvofiqlashtiradi;
ishchi va ekspert guruhlar faoliyatini va Komissiya qabul qilgan qarorlarning bajarilishini joylarga borgan holda o‘rganadi;
Komissiya a’zolarini va taklif etiladigan shaxslarni majlisning o‘tkaziladigan sanasi, joyi va vaqti to‘g‘risida tegishli materiallarni yuborgan holda xabardor qiladi;
Komissiya qaroriga ko‘ra attestatsiyadan o‘tgan shaxslarga trenerlik faoliyati bilan shug‘ullanish yuzasidan ruxsatnomalarni rasmiylashtiradi va beradi, shuningdek ularning dublikatlarini beradi;
Keyingi tahrirga qarang.
“Trenerlik faoliyati bilan shug‘ullanish yuzasidan ruxsatnomaga ega bo‘lgan shaxslar reyestri” Davlat axborot resursini yuritadi;
Komissiya qarorlariga muvofiq boshqa materiallarni Komissiyaning ko‘rib chiqishi uchun taqdim etadi.
Komissiya qarori bo‘yicha ishchi organga Komissiyaning faoliyati samaradorligini oshirish va attestatsiya o‘tkazish maqsadida boshqa funksiyalar ham yuklanishi mumkin.
14. Talabgorni attestatsiyadan o‘tkazish 3 yilda bir marta o‘tkaziladi, Komissiya tomonidan attestatsiyadan o‘tishning boshqa muddatlari belgilanadigan quyidagi holatlar bundan mustasno:
talabgorda davlat va xalqaro sport unvonlari va/yoki mukofotlari mavjud bo‘lsa yoxud talabgor O‘zbekiston Respublikasida sportni va trenerlik faoliyatini rivojlantirishga salmoqli ulush qo‘shgan bo‘lsa;
talabgorlarda trenerlik faoliyati bilan shug‘ullanishga, ularda ko‘rsatilgan muddatlarni hisobga olgan holda, sport turlari bo‘yicha xalqaro federatsiyalar tomonidan berilgan ruxsat beruvchi hujjatlar mavjud bo‘lsa. Bunda sport turining xususiyati (olimpiada, noolimpiada, milliy va boshqa sport turlari) e’tiborga olinadi.
15. Homilador ayollar, shuningdek uch yoshgacha bolalari bo‘lgan ayollar attestatsiyaga jalb etilmaydi.
16. Ilgari ijtimoiy xavfli, og‘ir va alohida og‘ir jinoyatlari, shuningdek O‘zbekiston Respublikasining konstitutsiyaviy tuzumiga qarshi qaratilgan jinoyatlari uchun jinoiy javobgarlikka tortilgan shaxslar attestatsiyaga qo‘yilmaydi.
17. Trenerlik faoliyati bilan shug‘ullanish yuzasidan ruxsatnoma berish uchun attestatsiyadan o‘tkazish ushbu Nizomga 1-ilovaga muvofiq sxema bo‘yicha amalga oshiriladi.
Keyingi tahrirga qarang.
18. Trenerlik faoliyati bilan shug‘ullanishni xohlovchi jismoniy shaxs Komissiyaning ishchi organiga trenerlik faoliyatining turini ko‘rsatgan holda ariza taqdim etadi.
Keyingi tahrirga qarang.
g) ish joyi bo‘yicha tasdiqlangan mehnat daftarchasining nusxasi yoki undan ko‘chirma (mavjud bo‘lsa);
d) jismoniy tarbiya va sport sohasida malaka oshirish kurslarida o‘qiganlik to‘g‘risidagi sertifikat (mavjud bo‘lsa);
e) sog‘lig‘ining holati to‘g‘risidagi tibbiyot (psixiatriya, narkologiya va fiziologiya) muassasalarining ma’lumotnomalari;
z) attestatsiyadan o‘tkazilganligi, trenerlik faoliyati bilan shug‘ullanishga ruxsatnoma rasmiylashtirilganligi va berilganligi uchun to‘lovni tasdiqlovchi hujjatning nusxasi.
Keyingi tahrirga qarang.
Talabgorlardan ushbu Nizomda nazarda tutilmagan hujjatlar taqdim etilishini talab qilishga yo‘l qo‘yilmaydi.
Keyingi tahrirga qarang.
Komissiyaning ishchi organi taqdim etilgan hujjatlarni o‘n besh kun muddatda ko‘rib chiqadi hamda attestatsiyaning birinchi bosqichi o‘tadigan sana va joy to‘g‘risida yoki attestatsiyadan o‘tkazishning rad etilishi haqida qaror qabul qiladi.
Keyingi tahrirga qarang.
20. Attestatsiyadan o‘tkazilganlik, trenerlik faoliyati bilan shug‘ullanishga ruxsatnomani rasmiylashtirganlik va berganlik uchun to‘lov kunidagi eng kam oylik ish haqining 1 (bir) baravari miqdorida to‘lov undiriladi. To‘lov attestatsiyaning barcha bosqichlari o‘tkazilganligi uchun to‘lov undiriladi, futbol bo‘yicha attestatsiya bundan mustasno. To‘lov mablag‘larni Komissiya ishchi organining tegishli bank hisob raqamiga o‘tkazish yo‘li bilan amalga oshiriladi.
Futbol bo‘yicha attestatsiyaning birinchi bosqichi o‘tkazilganligi, trenerlik faoliyati bilan shug‘ullanishga ruxsatnoma rasmiylashtirilganligi va berilganligi uchun to‘lov kunidagi eng kam oylik ish haqining 1 (bir) baravari miqdorida to‘lov undiriladi.
Futbol bo‘yicha attestatsiyaning ikkinchi bosqichi o‘tkazilganligi uchun to‘lov miqdori Futbol bo‘yicha trenyerlar va hakamlar respublika maktabi tomonidan belgilanadi hamda uning tegishli bank hisob raqamiga o‘tkaziladi.
Olingan mablag‘lar tegishli ravishda ishchi organning hamda Futbol bo‘yicha trenyerlar va hakamlar respublika maktabining attestatsiya bo‘yicha ishlarni tashkil etish, trenerlik faoliyati bilan shug‘ullanishga ruxsatnomani rasmiylashtirish va berish bilan bog‘liq xarajatlarini qoplashga yo‘naltiriladi.
Keyingi tahrirga qarang.
21. Attestatsiya ikki bosqichda o‘tkaziladi. Birinchi bosqich Komissiyaning ishchi organi tomonidan mintaqalarda o‘tkaziladi. Attestatsiyaning birinchi bosqichi muvaffaqiyatli o‘tgandan keyin ikkinchi bosqich respublika mintaqalarida sport turlari respublika (mintaqa) tashkilotlarini (federatsiyalar, uyushmalar va boshqalarni) jalb etgan holda o‘tkaziladi.
22. Attestatsiyaning birinchi bosqichini o‘tkazish sanasi, joyi va vaqti to‘g‘risidagi axborot attestatsiyani o‘tkazish to‘g‘risida qaror qabul qilingandan keyin 30 kun mobaynida, attestatsiya boshlangungacha 10 kundan kechikmay talabgorlarga yozma ravishda yetkaziladi.
Keyingi tahrirga qarang.
23. Attestatsiyaning birinchi bosqichi davomida talabgorlar malaka sinovlaridan (mutaxassislar bazaviy nazariy bilimlari darajasining attestatsiya mezonlariga muvofiqligini aniqlash jarayoni) o‘tadilar, bunda kompyuter dasturlari qo‘llanilgan holda yoki yozma shaklda ularning trenerlik faoliyatini amalga oshirish asoslarini, fiziologiya sohasidagi umumiy masalalarni, o‘quv-trenirovka va jismoniy tarbiya-sog‘lomlashtirish mashg‘ulotlarini o‘tkazish, o‘quv-trenirovka va jismoniy tarbiya-sog‘lomlashtirish mashg‘ulotlarini o‘tkazish paytida shikastlanganlarga birinchi tibbiy yordam ko‘rsatish metodikalarini bilishlari hamda trenerlik faoliyati bilan shug‘ullanish jarayonida zarur bo‘lgan boshqa umumiy nazariy bilimlarni bilishlari aniqlanadi. Savollar va baholash mezonlarining namunaviy ro‘yxati ishchi organning taqdimnomasi bo‘yicha Komissiya tomonidan tasdiqlanadi.
O‘zbekiston davlat jismoniy tarbiya institutini, boshqa oliy ta’lim muassasalarining jismoniy tarbiya va sport fakultetlarini yoki olimpiya zaxirasi kollejlarini tamomlaganlik to‘g‘risidagi diplomlarga ega bo‘lgan shaxslar ko‘rsatib o‘tilgan ta’lim muassasalarini tamomlagandan keyin uch yil mobaynida attestatsiyaning birinchi bosqichidan o‘tgan deb hisoblanadilar.
Keyingi tahrirga qarang.
Keyingi tahrirga qarang.
24. Uzrli sabab bilan attestatsiyaga kelmagan talabgorlar navbatdagi attestatsiyaga, biroq ko‘pi bilan bir marta qo‘yiladilar. Uzrli sabab bilan bir martadan ortiq attestatsiyaga kelmaganlik uzrsiz sabab bilan kelmagan deb baholanadi, talabgor esa attestatsiyadan o‘tmagan deb hisoblanadi.
25. Uzrsiz sabablar bilan attestatsiyaga kelmagan talabgorlarga ishchi organ tomonidan (hujjatlar/materiallar asosida) talabgorni attestatsiyadan o‘tmagan deb hisoblash hamda unga trenerlik faoliyati bilan shug‘ullanishga ruxsatnoma berish rad etilganligi to‘g‘risida qaror chiqarilganligi haqidagi yozma bildirishnoma yuboriladi.
Uzrsiz sabab bilan attestatsiyaga kelmagan shaxslar oldingi attestatsiya vaqtidan boshlab ko‘pi bilan 1 (bir) oydan keyin attestatsiyadan takroriy o‘tish huquqiga egadirlar.
26. Attestatsiyaning birinchi bosqichidan muvaffaqiyatli o‘tilgan taqdirda talabgorlarning hujjatlari Komissiyaga yuboriladi, u besh kun muddatda umumjismoniy tayyorgarlik bo‘yicha trener-instruktorlar sifatida trenerlik faoliyati bilan shug‘ullanishga ruxsatnoma berish yoxud ruxsatnoma berishni rad etish to‘g‘risida qaror qabul qiladi. Talabgorlar sport turlari bo‘yicha trenyerlar sifatida faoliyatni amalga oshirish xohishini bildirgan taqdirda ular sportning tegishli turi bo‘yicha trenyerlarga qo‘yiladigan kasbiy sifatlari, bilimlari va mahoratlarini aniqlash hamda sport turlari bo‘yicha trenyerlar, sport turlari bo‘yicha trener-o‘qituvchilar va trener-instruktorlar sifatida trenerlik faoliyati bilan shug‘ullanishga ruxsatnoma berish maqsadida xulosa olish uchun sport turlari bo‘yicha respublika (mintaqa) tashkilotlariga (federatsiyalari, uyushmalari va boshqalarga) yuboriladi. Tegishli sport tashkilotlari yoki malakali xodim mavjud bo‘lmagan taqdirda sportning tegishli turi bo‘yicha attestatsiyaning ikkinchi bosqichini o‘tkazish tartibi Komissiya tomonidan belgilanadi.
27. Attestatsiyaning ikkinchi bosqichi davomida talabgorlar sportning ommalashtirilayotgan turiga oid nazariy va amaliy bilimlari bo‘yicha sinovdan o‘tadilar, sinov yakuni bo‘yicha xulosa beriladi.
Xulosani berish tartibi, muddatlari va shartlari Komissiya bilan kelishgan holda sport turlari bo‘yicha respublika (mintaqa) tashkilotlari (federatsiyalari, uyushmalari va boshqalar) tomonidan tasdiqlanadi.
28. Ishchi organ tomonidan attestatsiyaning birinchi bosqichi natijalari va sport turlari bo‘yicha respublika (mintaqa) tashkilotlari (federatsiyalari, uyushmalari va boshqalar)ning attestatsiyaning ikkinchi bosqichi yakunlari bo‘yicha xulosalari trenerlik faoliyati bilan shug‘ullanishga ruxsatnoma berish yoxud ruxsatnoma berishni rad etish to‘g‘risida qaror qabul qilish uchun Komissiyaga yuboriladi.
29. “O‘zbekiston Respublikasida xizmat ko‘rsatgan sport ustozi” unvoniga ega bo‘lgan shaxslar trenerlik faoliyati bilan shug‘ullanishga ruxsatnomani muddatsiz, attestatsiyadan o‘tmasdan va attestatsiyani o‘tkazish to‘lovisiz oladilar. Davlat va xalqaro unvonlarga va/yoki mukofotlarga ega bo‘lgan, shuningdek O‘zbekiston Respublikasida trenerlik faoliyatini rivojlantirishga salmoqli hissa qo‘shgan shaxslar attestatsiyadan o‘tishdan va attestatsiyani o‘tkazish to‘lovidan Komissiya qarori bo‘yicha ozod qilinishi mumkin.
Keyingi tahrirga qarang.
30. Komissiya majlisi unda Komissiya a’zolari umumiy sonining kamida uchdan ikki qismi qatnashgan taqdirda vakolatli hisoblanadi. Qarorlar ochiq ovoz berish yo‘li bilan qabul qilinadi. Agar talabgor Komissiya a’zosi hisoblansa u attestatsiyadan o‘tishda o‘z nomzodi bo‘yicha ovoz berishda qatnashmaydi.
Komissiya qarori uning uchun Komissiyaning majlisda qatnashayotgan a’zolarining oddiy ko‘pchiligi ovoz bergan taqdirda qabul qilingan deb hisoblanadi. Ovozlar teng bo‘lgan taqdirda raislik qiluvchining ovozi hal qiluvchi hisoblanadi.
31. Komissiya majlislari zaruriyatga ko‘ra o‘tkaziladi va so‘rov yo‘li bilan amalga oshirilishi mumkin.
32. Komissiya qarori protokol bilan rasmiylashtiriladi, u rais yoki uning o‘rinbosari tomonidan imzolangan kundan boshlab kuchga kiradi.
33. Komissiya qarori ijobiy bo‘lgan taqdirda ishchi organ tomonidan talabgorga trenerlik faoliyati bilan shug‘ullanish uchun ushbu Nizomga 2-ilovaga muvofiq shakl bo‘yicha ruxsatnoma beriladi.
Keyingi tahrirga qarang.
34. Trenerlik faoliyati bilan shug‘ullanishga ruxsatnoma blankasi qat’iy hisobot beriladigan hujjat hisoblanadi va tartib raqamiga ega bo‘ladi. Trenerlik faoliyati bilan shug‘ullanishga ruxsatnoma blankasi raqamlangan, ip o‘tkazib tikilgan hamda rahbarning imzosi va ishchi organning muhri bilan tasdiqlangan tegishli daftarda majburiy tartibda ro‘yxatdan o‘tkaziladi.
35. Komissiya qarori yuzasidan qonun hujjatlarida belgilangan tartibda shikoyat bildirilishi mumkin.
37. Attestatsiyadan o‘tmagan jismoniy shaxs oldingi attestatsiyadan 6 (olti) oydan keyin takroriy attestatsiyadan o‘tish huquqiga ega.
Attestatsiyadan ketma-ket 2 (ikki) marta o‘tmagan jismoniy shaxs oxirgi attestatsiyadan 18 (o‘n sakkiz) oydan keyin attestatsiyadan takroriy o‘tish huquqiga ega.
Keyingi tahrirga qarang.
Keyingi tahrirga qarang.
38. Trenerlik faoliyati bilan shug‘ullanishga ruxsatnomaning mavjudligi, ish jarayonida yuqori sport va mehnat natijalariga erishganlik trenyerlarga malaka toifasi berish uchun asos hisoblanadi.
39. Trenyerlarga malaka toifasi berish tartibi O‘zbekiston Respublikasi Madaniyat va sport ishlari vazirligi tomonidan tasdiqlanadi.
Keyingi tahrirga qarang.
41. Ushbu Nizom talablarining buzilishida aybdor bo‘lgan shaxslar qonun hujjatlariga muvofiq javob beradilar.
Trenerlik faoliyati bilan shug‘ullanish yuzasidan attestatsiya o‘tkazish tartibi to‘g‘risidagi Nizomga
1-ILOVA
1-ILOVA
Keyingi tahrirga qarang.
Trenerlik faoliyati bilan shug‘ullanish yuzasidan attestatsiya o‘tkazish tartibi to‘g‘risidagi Nizomga
2-ILOVA
2-ILOVA
(O‘zbekiston Respublikasi Davlat gerbi tasviri) | ||
O‘ZBEKISTON RESPUBLIKASI MADANIYAT VA SPORT IShLARI VAZIRLIGI | ||
SERTIFIKATLAShTIRISh VA KOMPYuTERLAShTIRISh MARKAZI | ||
Trenerlik faoliyati bilan shug‘ullanish yuzasidan | ||
______- son RUXSATNOMA | ||
_________________________________________________ | ||
(F.I.O.) | ||
O‘zbekiston Respublikasi hududida______________________ | ||
(trenerning ixtisosligi ko‘rsatilsin) | ||
sifatida trenerlik faoliyatiga ruxsat berilgan. | ||
Asos_________________________________________________________________________ | ||
_____________________________________________________________________________ | ||
_______________________________ | ||
20____y.________________da berilgan. | ||
20___y.__________________________ gacha haqiqiy hisoblanadi. | ||
Rahbar ____________________________________ | ||
(vakolatli organning nomi) | ||
__________________________ | ||
(imzo) | ||
M.O‘. |
Keyingi tahrirga qarang.
Keyingi tahrirga qarang.