LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Xorijiy valyutada davlat bojlari, yig‘imlari va soliq bo‘lmagan boshqa to‘lovlar olishni tartibga solish va valyuta tushumlaridan samarali foydalanish maqsadida:
Oldingi tahrirga qarang.
qonun hujjatlarida belgilangan hollarda, xorijiy valyutada olinadigan davlat boji, yig‘imlar va soliq bo‘lmagan boshqa to‘lovlarning bir qismi vazirliklar, davlat qo‘mitalari, idoralar va xo‘jalik boshqaruvi organlari maxsus jamg‘armalarining valyuta hisobvaraqlariga o‘tkaziladi.
(1-bandining ikkinchi xatboshisi O‘zbekiston Respublikasi Prezidentining 2010-yil 2-apreldagi PF-4211-son Farmoni tahririda — O‘R QHT, 2010-y., 14-15-son, 102-modda)
vazirliklar, davlat qo‘mitalari, idoralar va xo‘jalik boshqaruvi organlari maxsus valyuta jamg‘armalarining mablag‘lari ularning xohishiga ko‘ra moddiy-texnika bazasini mustahkamlash, kadrlar tayyorlash va xizmat safari xarajatlari uchun foydalaniladi.
2. “O‘zbekiston Respublikasi Davlat Bojxona qo‘mitasi tashkil etish to‘g‘risida” O‘zbekiston Respublikasi Prezidentining 1992-yil 10-avgustdagi farmonining valyuta tushumlarini taqsimlashga taalluqli 10-bandi o‘z kuchini yo‘qotgan deb hisoblansin.
3. Vazirlar Mahkamasi bir hafta muddat ichida vazirliklar, davlat qo‘mitalari, idoralar va xo‘jalik boshqaruvi organlari xorijiy valyutada oladigan davlat bojlari, yig‘imlari va soliq bo‘lmagan boshqa to‘lovlarni hamda ularning miqdorlari (stavkalari)ni belgilab beruvchi qaror qabul qilsin.