Shaharsozlik to‘g‘risidagi qonun hujjatlariga rioya qilinishini ta’minlash, shaharsozlik hujjatlarini ro‘yobga chiqarishda, aholi punktlarining zamonaviy qiyofasini shakllantirish va ularni kompleks qurishda davlat organlarining faoliyati samaradorligini oshirish, shaharsozlik faoliyatini amalga oshirishda ruxsat berish tartibotlarini soddalashtirish, shuningdek Davlat shaharsozlik kadastrini yuritish samaradorligini ta’minlash hamda davlat arxitektura-qurilish nazorati hududiy organlarining huquqiy maqomini mustahkamlash maqsadida Vazirlar Mahkamasi qaror qiladi:
O‘zbekiston Respublikasi “Davarxitektqurilish” qo‘mitasining Davlat arxitektura-qurilish nazorati hududiy inspeksiyasi to‘g‘risidagi Namunaviy nizom 2-ilovaga muvofiq;
Oldingi tahrirga qarang.
(1-bandning to‘rtinchi xatboshisi O‘zbekiston Respublikasi Vazirlar Mahkamasining 2013-yil 25-fevraldagi 54-sonli qaroriga asosan chiqarilgan — O‘R QHT, 2013-y., 10-son, 125-modda)
Keyingi tahrirga qarang.
2. O‘zbekiston Respublikasi Hukumatining 4-ilovaga muvofiq ayrim qarorlariga o‘zgartirish va qo‘shimchalar kiritilsin.
3. O‘zbekiston Respublikasi Hukumatining 5-ilovaga muvofiq ayrim qarorlari o‘z kuchini yo‘qotgan deb hisoblansin.
4. Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.A.Xo‘jayev zimmasiga yuklansin.
Keyingi tahrirga qarang.
1. Ushbu Nizom O‘zbekiston Respublikasining Shaharsozlik kodeksiga muvofiq O‘zbekiston Respublikasi Davlat arxitektura va qurilish qo‘mitasining (keyingi o‘rinlarda “Davarxitektqurilish” qo‘mitasi deb ataladi) Davlat arxitektura-qurilish nazorati hududiy inspeksiyasining (keyingi o‘rinlarda Inspeksiya deb ataladi) maqomi, vazifalari, funksiyalari, vakolatlari va javobgarligini belgilaydi.
2. Inspeksiya o‘z faoliyatida O‘zbekiston Respublikasi Konstitutsiyasiga va qonunlariga, Oliy Majlis palatalari qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, “Davarxitektqurilish” qo‘mitasining buyruqlari va farmoyishlariga, boshqa normativ-huquqiy hujjatlarga, mazkur Nizomga amal qiladi.
3. Inspeksiya “Davarxitektqurilish” qo‘mitasi tarkibiga kiradi va o‘z vakolatlari doirasida O‘zbekiston Respublikasi hududida qurilish, qurilish materiallari, buyumlari va konstruksiyalari ishlab chiqarish sohasida texnik jihatdan tartibga solishga doir normativ hujjatlarga, shaharsozlik normalari va qoidalariga rioya etilishini nazorat qiladi.
4. Inspeksiya yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga, mustaqil balansga, banklarda hisob raqamlariga ega bo‘ladi.
qurilish, qurilish materiallari, buyumlari va konstruksiyalari ishlab chiqarish sohasida texnik jihatdan tartibga solishga doir normativ hujjatlar;
qurilish-montaj ishlarining barcha bosqichlarida ularni amalga oshirish texnologiyasi talablariga rioya etilishini nazorat qilish;
b) qurilish-montaj ishlarini amalga oshirishga ruxsat bergan holda qurilish obyektlarini ro‘yxatdan o‘tkazish, qonun hujjatlarida nazarda tutilgan hollar bundan mustasno;
v) obyektda qo‘llanayotgan qurilish materiallari, buyumlari va konstruksiyalarining texnik jihatdan tartibga solish talablariga muvofiqligini nazorat qilish;
g) ishlab chiqaruvchilar tomonidan qurilish materiallari, konstruksiyalari va buyumlarini ishlab chiqarishda texnik jihatdan tartibga solishga doir normativ hujjatlar talablariga rioya etilishini nazorat qilish;
d) qurilishi tugallangan obyektlarni foydalanishga qabul qilish bo‘yicha komissiyalar ishlarida majburiy ravishda qatnashish, yakka tartibdagi uy-joy qurilishi bundan mustasno;
e) shaharsozlik to‘g‘risidagi qonun hujjatlariga rioya etilishini nazorat qilishni tashkil etish sohasidagi normativ-metodik hujjatlarni takomillashtirish yuzasidan takliflar kiritish va unda qatnashish;
j) qurilish materiallari, buyumlari va konstruksiyalarini standartlashtirish va sertifikatlashtirish ishlarini amalga oshirish.
hududlarni rivojlantirishni rejalashtirish va qurishga doir shaharsozlik hujjatlari amalga oshirilishiga rioya qilinishini;
loyiha hujjatlariga qurilish jarayonida kiritilayotgan o‘zgartirishlarning normativ talablarga muvofiqligini;
loyihalash va pudrat tashkilotlarida — ishlar va xizmatlarni bajaruvchilarda loyihalash va qurilish faoliyatining qonun hujjatlarida nazarda tutilgan litsenziyalanadigan turlarini amalga oshirish huquqiga litsenziyalarning mavjudligini;
bajarilayotgan qurilish-montaj ishlarining sifatini va ularning qurilish normalari va qoidalariga, normativ-texnik va loyiha hujjatlariga muvofiqligini, shuningdek pudrat tashkiloti tomonidan qurilish obyektida ijro hujjatlari yuritilishini;
qurilish obyektida normativ-texnik va loyiha hujjatlarida nazarda tutilgan sinovlar, suratga olishlar va o‘lchashlar o‘tkazilishini;
obyekt qurilishida qo‘llanayotgan qurilish materiallari, buyumlari va konstruksiyalarining texnik jihatdan tartibga solish talablariga muvofiqligini;
qurilish materiallari, konstruksiyalari va buyumlarini ishlab chiqaruvchilar tomonidan texnik jihatdan tartibga solishga doir normativ hujjatlar talablariga rioya etilishini tanlab nazorat qiladi;
b) binolar, inshootlar, ularning qismlari va konstruktiv elementlarining avariya holatlarini va avariyalari sabablarini tekshirish bo‘yicha texnika komissiyalarining ishlarida qatnashadi;
v) shartnoma asosida mavjud binolar va inshootlarning texnik holatini ularni tiklash yoki rekonstruksiya qilishning maqsadga muvofiqligi yuzasidan tekshiradi va tegishli xulosalar beradi;
g) qurilish mahsulotlarining sifatini ta’minlash, shaharsozlikka oid qonun hujjatlari talablariga rioya qilish masalalari bo‘yicha davlat boshqa vakolatli organlari, ilmiy-tadqiqot, loyihalashtirish va jamoat tashkilotlari bilan o‘zaro hamkorlik qiladi;
d) texnik jihatdan tartibga solishga doir normativ hujjatlar talablari, qurilish normalari va qoidalari buzilishiga yo‘l qo‘ygan tashkilotlar va korxonalarning arxitektura-shaharsozlik faoliyatini amalga oshirish huquqi uchun hamda qurilish sohasida faoliyatning ayrim turlarini amalga oshirish huquqi uchun berilgan litsenziyalarining amal qilishini to‘xtatib turish yoki to‘xtatish to‘g‘risida “Davarxitektqurilish” qo‘mitasiga takliflar kiritadi;
e) loyihalashtirish va qurilish sohasidagi qonun buzilishlari uchun jarimalar solish to‘g‘risida qonun hujjatlariga muvofiq qaror qabul qiladi;
Keyingi tahrirga qarang.
j) nazorat natijalarini tahlil qiladi, xalqaro tajribani o‘rganadi, qurilish sifatini yaxshilash va qurilish materiallaridan oqilona foydalanish bo‘yicha normativ talablarni, metodik hujjatlarni takomillashtirishga doir takliflar ishlab chiqadi;
z) “O‘zstandart” agentligi bilan birgalikda sifatga oid xalqaro talablarga muvofiq qurilish materiallari, buyumlari va konstruksiyalarini standartlashtirish va sertifikatlashtirish ishlarini olib boradi.
7. Qurilish tugallangandan keyin Inspeksiya buyurtmachiga bajarilgan qurilish-montaj ishlarining texnik jihatdan tartibga solishga doir normativ hujjatlarga, shaharsozlik normalari va qoidalariga muvofiqligi to‘g‘risida xulosa beradi. Xulosa Obyektni foydalanishga qabul qilish davlat komissiyasining dalolatnomasiga ilova qilinadi.
a) Inspeksiyada ro‘yxatdan o‘tkazilgan obyektlarda to‘sqinliksiz bo‘lish va nazorat funksiyalarini amalga oshirish;
b) Inspeksiyada ro‘yxatdan o‘tkazilmagan qurilish obyektlarida to‘sqinliksiz bo‘lish va (subyektning moliya-xo‘jalik faoliyatiga aralashmasdan) qisqa muddatli inspektorlik tekshirishlarini, keyinchalik nazorat qiluvchi organlar faoliyatini muvofiqlashtirish hududiy komissiyasini bir kun muddatda xabardor qilgan holda, amalga oshirish, yakka tartibdagi uy-joy qurilishi bundan mustasno;
v) qonun hujjatlarida belgilangan tartibda tashkilotlarda hamda qurilish materiallari, buyumlari va konstruksiyalari ishlab chiqaruvchi korxonalarda bo‘lish;
g) loyihalashtirish, pudrat tashkilotlari va buyurtmachi tashkilotlardan loyiha, texnologiya va ijro hujjatlarini hamda qo‘llanilayotgan materiallar, buyumlar, konstruksiyalar va bajarilayotgan qurilish-montaj ishlari sifatini tekshirish uchun zarur bo‘lgan boshqa materiallarni olish;
d) pudrat tashkilotlariga konstruksiyalar, uzellar va detallarning ayrim elementlarini ochishni, tagzamindagi tuproqni sinashni va qayta yopib qo‘yishni, qo‘llanilgan qurilish materiallari, buyumlari, konstruksiyalarini, muhandislik tizimlarini sinab ko‘rishni topshirish, zarurat bo‘lganda tegishli xulosa tayyorlash uchun ekspertlarni — ilmiy-tadqiqot tashkilotlarining mutaxassislarini jalb qilish;
aniqlangan buzilishlarni bartaraf etish to‘g‘risida shaharsozlik faoliyati subyektlari va qurilish materiallari, buyumlari, konstruksiyalarini tayyorlovchilar (yetkazib beruvchilar) tomonidan bajarilishi majburiy bo‘lgan yozma ko‘rsatmalar berish;
idoralar va tashkilotlarning obyektlar qurilishi sifatini nazorat qiluvchi texnik nazorat xizmatlari hamda sinov qurilish laboratoriyalari ishlarini tanlab nazoratdan o‘tkazish;
Keyingi tahrirga qarang.
texnik jihatdan tartibga solishga doir normativ hujjatlar talablari buzilishlari aniqlanganda qurilish materiallari, konstruksiyalari, buyumlarini ishlab chiqarish, sotish va qurilishda qo‘llashni to‘xtatib turish;
Keyingi tahrirga qarang.
tasdiqlangan loyiha yechimlari va normativ-huquqiy hujjatlar talablari buzilishlari aniqlanganda, ushbu buzilishlar pishiqlik va mustahkamlik tavsiflari pasayishiga olib kelganda, shuningdek binolar va inshootlarda avariyalar xavfi paydo bo‘lganda qurilish-montaj ishlari amalga oshirilishini to‘xtatib turish;
buyurtmachilar va pudratchilarga shaharsozlik sohasidagi qonun hujjatlari talablarini buzayotgan (ularning buyruqlari bilan tayinlangan) mansabdor shaxslarni javobgarlikka tortish to‘g‘risida taqdimnomalar kiritish;
loyiha bo‘yicha bajarilgan qurilish-montaj ishlarining sifati va to‘liqligi, qurilish obyektlarining texnik holati haqida ekspert xulosalari berish;
shaharsozlikka oid qonun hujjatlarining buzilishlari to‘g‘risidagi materiallarni sud organlariga, prokuraturaga berish;
qurilishi tugallangan obyektlarni foydalanishga qabul qilishda qoidalar buzilgan holda topshirilgan obyektlarni statistika hisobotidan chiqarish to‘g‘risida statistika organlariga taqdimnoma kiritish.
shaharsozlik faoliyati subyektlari tomonidan loyiha hujjatlariga muvofiq qurilish-montaj ishlarining sifati ta’minlanishi zarur tarzda nazorat qilinishi;
obyekt qurilishida qo‘llanayotgan qurilish materiallari, buyumlari va konstruksiyalarining texnik jihatdan tartibga solishga doir normativ hujjatlar talablariga muvofiqligi yuzasidan zarur nazorat tashkil etilishi;
qurilish materiallari, konstruksiyalari va buyumlari ishlab chiqaruvchilari tomonidan texnik jihatdan tartibga solishga doir normativ hujjatlar talablariga rioya etish yuzasidan zarur nazoratning ta’minlanishi uchun javob beradi.
11. Qurilish obyektlarida nazorat ishlari buyurtmachi va pudratchining buyruqlari (mavjud bo‘lganda) bilan tayinlanadigan ularning mas’ul vakillari ishtirokida o‘tkaziladi.
Zarur hollarda, nazorat qilish maqsadlari uchun loyihalashtirish, bank va (yoki) boshqa manfaatdor tashkilotlar mutaxassislari shartnoma asosida jalb etilishi mumkin.
12. Qurilish materiallari, konstruksiyalari va buyumlari ishlab chiqaruvchi korxonalarda nazorat ishlari texnik jihatdan tartibga solishga doir normativ hujjatlarga (mavjud bo‘lganda) rioya etilishi uchun mas’ul bo‘lgan mansabdor shaxslar (bosh muhandis, sex boshlig‘i, texnika nazorati bo‘limi boshlig‘i va boshqalar) ishtirokida o‘tkaziladi.
13. Nazorat ishlari natijalariga ko‘ra qurilish obyektida yuritiladigan ishlarni bajarish daftarida tegishli yozuvlar qayd etiladi, Inspeksiya inspektori, buyurtmachi va pudratchining vakillari imzolaydigan dalolatnoma tuziladi, zarur hollarda yozma ko‘rsatma beriladi.
O‘zbekiston Respublikasi qonun hujjatlariga muvofiq jarima solish nazarda tutilgan buzilishlar holatlari yuzasidan yozma ko‘rsatma Inspeksiya rahbari imzosi bilan beriladi.
Keyingi tahrirga qarang.
14. Inspeksiya inspektorlari o‘z funksional vazifalarini bajarishda davlat nazoratining boshqa vakolatli organlari bilan o‘zaro hamkorlik qiladilar.
15. Inspeksiyaga O‘zbekiston Respublikasi “Davarxitektqurilish” qo‘mitasi raisi buyrug‘i bilan lavozimga tayinlanadigan va lavozimdan ozod etiladigan boshliq boshchilik qiladi.
16. Inspeksiya boshlig‘ining o‘rinbosari “Davarxitektqurilish” qo‘mitasi raisi bilan kelishgan holda Inspeksiya boshlig‘ining buyrug‘i bilan lavozimga tayinlanadi va lavozimdan ozod qilinadi.
17. Inspeksiyaning inspektorlari va boshqa xodimlari Inspeksiya boshlig‘ining buyrug‘i bilan tayinlanadi.
Inspeksiyalarning inspektorlari o‘z funksional faoliyatini “Davarxitektqurilish” qo‘mitasi tomonidan har uch yilda o‘tkaziladigan attestatsiya natijalariga ko‘ra beriladigan sertifikatlar asosida amalga oshiradilar.
18. Hududiy inspeksiya to‘g‘risidagi Nizom, Inspeksiyaning shtat jadvali va xarajatlar smetasi “Davarxitektqurilish” qo‘mitasi tomonidan tasdiqlanadi.
19. Inspeksiyaning tashkiliy tuzilmasi O‘zbekiston Respublikasi Vazirlar Mahkamasi tomonidan tasdiqlanadi.
a) O‘zbekiston Respublikasi Investitsiya dasturiga kiritilgan obyektlarda loyiha bo‘yicha bajarilgan qurilish-montaj ishlarining sifati va to‘liqligi yuzasidan nazorat funksiyalarini amalga oshirish uchun bajarilgan qurilish-montaj ishlarining qiymatidan (QQSsiz) ajratmalar:
b) tadbirkorlik subyektlarining qurilayotgan obyektlari bo‘yicha shartnoma asosida nazoratni amalga oshirish ishlarini bajarishdan qurilish-montaj ishlari qiymatining 0,03 foizi miqdoridan ortiq bo‘lmagan daromadlar;
v) qurilish materiallarini sertifikatlashtirish, mavjud binolar va inshootlarni tiklash yoki rekonstruksiya qilish yuzasidan ularning texnik holatini tekshirish bo‘yicha shartnoma asosida ishlarni bajarish va xizmatlar ko‘rsatishdan, shuningdek laboratoriya xizmatlari va qonun hujjatlarida taqiqlanmagan xizmatlarning boshqa turlarini ko‘rsatishdan olingan daromadlar.
21. Qurilish materiallarini sertifikatlashtirish, mavjud binolar va inshootlarning texnik holatini tekshirish bo‘yicha bajarilayotgan ishlar va ko‘rsatilayotgan xizmatlarning, shuningdek laboratoriya xizmatlari va Inspeksiya tomonidan ko‘rsatilayotgan xizmatlar boshqa turlarining qiymatini aniqlash metodikasi O‘zbekiston Respublikasi Moliya vazirligi bilan kelishgan holda “Davarxitektqurilish” qo‘mitasi tomonidan tasdiqlanadi.
22. Har oyda Inspeksiyaning shartnoma asosida tushadigan daromadlarining 10 foizi O‘zbekiston Respublikasi “Davarxitektqurilish” qo‘mitasiga o‘tkaziladi.
23. Inspeksiya xodimlarining xatti-harakatlari yuzasidan “Davarxitektqurilish” qo‘mitasiga yoki sudga murojaat qilinishi mumkin.
24. Noqonuniy xatti-harakatlari hamda yuridik va jismoniy shaxslarga zarar yetkazilganligi uchun Inspeksiya inspektorlari qonun hujjatlariga muvofiq javobgarlikka tortiladi.
25. Inspeksiyani qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2013-yil 25-fevraldagi 54-sonli qaroriga asosan o‘z kuchini yo‘qotgan — O‘R QHT, 2013-y., 10-son, 125-modda)
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2003-yil 20-avgustdagi 357-son qarori (O‘zbekiston Respublikasi QT, 2003-y., 8-son, 72-modda) bilan tasdiqlangan Tadbirkorlik subyektlarini davlat ro‘yxatidan o‘tkazish, hisobga qo‘yish va ruxsat beruvchi hujjatlarni rasmiylashtirish tartibi to‘g‘risidagi nizomda:
Oldingi tahrirga qarang.
(1-bandning “a” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Oldingi tahrirga qarang.
(1-bandning “b” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Oldingi tahrirga qarang.
(1-bandning “v” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Oldingi tahrirga qarang.
(1-bandning “g” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Oldingi tahrirga qarang.
(1-bandning “d” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Oldingi tahrirga qarang.
(1-bandning “e” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Oldingi tahrirga qarang.
(1-bandning “j” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
z) 42-banddagi “Yergeodezkadastr” davlat qo‘mitasining hududiy xizmatida” so‘zlari “Yer resurslari, geodeziya, kartografiya va davlat kadastri davlat qo‘mitasining yer resurslari va davlat kadastri tuman (shahar) bo‘limida (keyingi o‘rinlarda “Yergeodezkadastr” davlat qo‘mitasining tegishli hududiy xizmatlari deb ataladi)” so‘zlari bilan almashtirilsin;
i) 49-bandning birinchi xatboshi quyidagi mazmundagi birinchi — to‘rtinchi xatboshilar bilan almashtirilsin:
“Ariza beruvchi tomonidan bino parametrlarini o‘zgartirish xohishi bildirilgan taqdirda Inspeksiya tuman (shahar) hokimining turar joyni noturar joy toifasiga o‘tkazish to‘g‘risidagi qarori olingan kunda mazkur Nizomda nazarda tutilgan tartibda:
tuman (shahar) foydalanish tashkilotlariga — muhandislik-kommunikatsiya tarmoqlariga ulanish uchun texnik shartlarni olish yuzasidan;
tuman (shahar) arxitektura va qurilish boshqarmasiga (bo‘limiga) — arxitektura-rejalashtirish topshirig‘ini ishlab chiqish yuzasidan tegishli buyurtma beradi.
ikkinchi—sakkizinchi xatboshilar tegishli ravishda beshinchi — o‘n birinchi xatboshilar deb hisoblansin;
k) III bo‘limning “G” kichik bo‘limi nomidagi “Kimoshdi savdolarida” so‘zlari “tanlov asosida” so‘zlari bilan almashtirilsin;
“50. Tadbirkorlik subyektlariga biznesni tashkil etish uchun tanlov asosida yer uchastkasi berish qonun hujjatlarida belgilangan tartibda amalga oshiriladi”;
m) 51 va 52-bandlar, shuningdek 55-bandning oltinchi xatboshi o‘z kuchini yo‘qotgan deb hisoblansin;
birinchi xatboshidagi “Ishlab chiqilgan loyiha-smeta hujjatlarining” so‘zlari “Ishlab chiqilgan loyihani” so‘zlari bilan almashtirilsin;
“Mazkur Nizomning 36-bandida nazarda tutilgan obyektlarni qurishda loyihaning arxitekturaga oid qismi kelishish protokolini rasmiylashtirmasdan hududiy arxitektura va qurilish boshqarmasi boshlig‘i tomonidan uch kun muddatda bepul asosda amalga oshiriladi”;
“61-1. Obyekt qurilishi loyihasi kelishilgandan va tasdiqlangandan keyin tadbirkorlik subyekti tuman yer uchastkalari ushbu tumanda (shaharda) joylashgan taqdirda tuman (shahar) hokimiga yoki yer uchastkalari bir necha tumanlarda (shaharlarda) joylashgan taqdirda Qoraqalpog‘iston Respublikasi Vazirlar Kengashiga va viloyat hokimiga yer uchastkasi ajratish to‘g‘risida ariza beradi.
Yer uchastkasi ajratish to‘g‘risidagi qaror qonun hujjatlarida belgilangan tartibda tuman (shahar), viloyat hokimi yoki Qoraqalpog‘iston Respublikasi Vazirlar Kengashi tomonidan qabul qilinadi.
61-2. Davlat hokimiyati tegishli organining yer uchastkasi ajratish to‘g‘risidagi qarorini olgandan keyin tadbirkorlik subyekti “Yergeodezkadastr” davlat qo‘mitasining tegishli hududiy xizmatiga murojaat qiladi, u 1 ish kuni mobaynida yer uchastkasiga bo‘lgan huquqni ro‘yxatdan o‘tkazadi va belgilangan shakldagi guvohnoma beradi.
Yer uchastkasiga bo‘lgan huquqni ro‘yxatdan o‘tkazganlik uchun ro‘yxatdan o‘tkazuvchi organ tomonidan yuridik shaxslardan eng kam oylik ish haqining 50 foizi miqdorida, jismoniy shaxslardan esa — 10 foizi miqdorida to‘lov undiriladi”;
“62. Arxitektura-shaharsozlik kengashi bilan belgilangan tartibda kelishib olingan loyiha hujjatlari, shuningdek ekspertizaning ijobiy xulosasi qurilish-montaj ishlarini amalga oshirishga ruxsatnoma olish uchun asos hisoblanadi.
Mazkur Nizomning 36-bandida nazarda tutilgan obyektlarni qurishda qurilish-montaj ishlarini amalga oshirish uchun ruxsatnoma olish talab qilinmaydi.
63. Qurilish-montaj ishlarini amalga oshirish uchun ruxsatnoma berish arxitektura va qurilish nazorati inspeksiyalari tomonidan 2 ish kunidan ortiq bo‘lmagan muddatda amalga oshiriladi.
Arxitektura-qurilish nazorati hududiy organlarining inspektorlari obyektlardagi qurilish-montaj ishlarining sifati va to‘liq bajarilishi yuzasidan nazorat funksiyalarini belgilangan tartibda amalga oshiradilar.
Tadbirkorlik subyektlari tomonidan qurilishi olib borilayotgan obyektlarda qurilish-montaj ishlarining sifati va to‘liq bajarilishi yuzasidan nazorat funksiyalarining amalga oshirilganligi uchun shartnoma asosida, biroq qurilish-montaj ishlari qiymatining 0,03 foizidan ortiq bo‘lmagan miqdorda haq to‘lanadi, smeta hisob-kitobi bo‘lmaganda esa avval ro‘yxatga olingan shunga o‘xshash obyektlar singari haq to‘lanadi.
64. Davlat tegishli organining yer uchastkasi ajratish to‘g‘risidagi qarorini olgandan keyin tadbirkorlik subyektlari tuman (shahar) arxitektura va qurilish (boshqarmasi) bo‘limiga yoki xo‘jalik hisobidagi tuman (shahar) yer tuzish va ko‘chmas mulk kadastri xizmatiga tasdiqlangan va kelishilgan loyiha hujjatlarining talab etiladigan ro‘yxatini taqdim etadi, ular uch ish kuni mobaynida yer uchastkasi chegaralarini naturaga ko‘chirib beradilar.
Tuman (shahar) arxitektura va qurilish boshqarmasi (bo‘limi) qizil chiziq va qurilish loyihasining tahliliy hisob-kitobini amalga oshirish, yer uchastkasi, qizil chiziq, qurilish chizig‘i va boshqa ajratish elementlari chegaralarini naturaga ko‘chirish va biriktirish uchun aholi punktlaridagi yer uchastkasi chegaralarini ko‘chirishda shaharsozlik normalari va qoidalarida belgilangan tartibda shartnoma asosida tumanlar (shaharlar)dagi “O‘zGAShKLITI” DUKning loyiha-qidiruv tashkilotlari vakolatxonalarini jalb etadi.
Aholi punktlaridan tashqarida yer uchastkasi chegaralarini naturaga ko‘chirish xo‘jalik hisobidagi tuman (shahar) yer tuzish va ko‘chmas mulk kadastri xizmati tomonidan tuman (shahar) arxitektura va qurilish (boshqarmasi) bo‘limining vakolatli vakili ishtirokida amalga oshiriladi.
u) 65-bandning birinchi xatboshidagi “Arxitektura va qurilish bosh boshqarmasi” so‘zlari “O‘zGAShKLITI” DUKning tuman (shahar)dagi vakolatxonasi” so‘zlari bilan almashtirilsin;
“Qabul qilish komissiyasi tarkibi shaharsozlik normalari va qoidalarida belgilangan tartibda aniqlanadi”;
x) 1 va 1a-ilovalardagi “Muhandislik ta’minoti (gaz ta’minoti, elektr ta’minoti, suv ta’minoti, issiqlik ta’minoti, kanalizatsiya, telefon aloqasi) yuklamasi hisob-kitobi bilan birga loyihalashtirishga topshiriqni ishlab chiqishingizni va quyidagi taxmin qilinayotgan hisob-kitob sig‘imi bo‘yicha” so‘zlari “Ishlab turgan muhandislik kommunikatsiyalariga (gaz ta’minoti, elektr ta’minoti, suv ta’minoti, issiqlik ta’minoti, kanalizatsiya, telefon aloqasi) ulash uchun texnik shartlar bo‘yicha hujjatlarni rasmiylashtirishingizni va quyidagi taxmin qilinayotgan hisob-kitob sig‘imi bo‘yicha” so‘zlari bilan almashtirilsin;
Oldingi tahrirga qarang.
(1-bandning “ts” kichik bandi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 470-modda)
Tuman (shahar) hokimining obyektni rekonstruksiya qilish to‘g‘risidagi qarorini Inspeksiyaga berish.
Keyingi tahrirga qarang.
2. Vazirlar Mahkamasining “O‘zbekiston Respublikasi Davlat arxitektura va qurilish qo‘mitasi faoliyatini takomillashtirish chora-tadbirlari to‘g‘risida” 2003-yil 2-dekabrdagi 538-son qarorining (O‘zbekiston Respublikasi QT, 2003-y., 12-son, 128-modda) 5-bandidagi “6a” raqami chiqarib tashlansin.
Keyingi tahrirga qarang.
3. Vazirlar Mahkamasining 2005-yil 15-noyabrdagi 250-son qarori (O‘zbekiston Respublikasi QT, 2005-y., 11-son, 60-modda) bilan tasdiqlangan Davlat shaharsozlik kadastrini yuritish tartibi to‘g‘risidagi nizomda:
a) 2-banddagi “bahosi” so‘zidan keyin “shaharsozlik faoliyatini amalga oshirish uchun zarur bo‘lgan boshqa ma’lumotlar” so‘zlari qo‘shilsin;
“Shaharsozlik faoliyati amalga oshiriladigan O‘zbekiston Respublikasi hududi va hududining qismlari, aholi punktlari hududlari va hududlarining qismlari, aholi joylashishining umumdavlat va mintaqaviy tizimlari, yer uchastkalari, binolar va inshootlar, hududiy-ishlab chiqarish, shaharsozlik va landshaft komplekslari, rekreatsion zonalar va ishlab chiqarish zonalari, madaniy meros obyektlari va ularning muhofaza zonalari, akvatoriylar, muhandislik va transport kommunikatsiyalari Davlat shaharsozlik kadastrining obyektlari hisoblanadi”;
hududlarning, ko‘chmas mulk, muhandislik, transport va ijtimoiy infratuzilma obyektlarining aniq manzilli reyestrlari;
hududlarni rivojlantirish va qurish to‘g‘risidagi tasdiqlangan shaharsozlik hujjatlari haqidagi ma’lumotlar;
hududlarni qurish hamda shaharsozlik faoliyati obyektlaridan foydalanish bo‘yicha shaharsozlik reglamentlari to‘g‘risidagi ma’lumotlar;
g) 9-banddagi “hududiy arxitektura va qurilish organlari hamda mahalliy davlat hokimiyati va boshqaruvi organlari” so‘zlari “Davarxitektqurilish” qo‘mitasi va “Yergeodezkadastr” davlat qo‘mitasi bo‘linmalari, loyihalashtirish tashkilotlari, mahalliy davlat hokimiyati organlari va muhandislik-texnik tadqiqotlarning elektron geofondi obyektlari to‘g‘risidagi ma’lumotlarga ega bo‘lgan boshqa tashkilotlar” so‘zlari bilan almashtirilsin;
“10-1. Kadastr obyekti — shaharsozlik ma’lumotnomasi, obyektning shaharsozlik pasporti, kadastr daftari, kadastr obyektlarining holati to‘g‘risidagi hisobotlarga mulk huquqini va boshqa huquqlarni tasdiqlovchi hujjatlar kadastr hujjatlarining asosiy turlari hisoblanadi.
Shaharsozlik ma’lumotnomasi manfaatdor shaxslarning so‘roviga muvofiq taqdim etiladi, davlat shaharsozlik kadastri obyektining holati to‘g‘risidagi hisobotdan shakllantiriladi, unda obyektning miqdor va/yoki sifat holati, bahosi, obyekt joylashgan joy tasvirlangan xarita (tarxlar), uning chegaralari, muhofaza zonalari, hududda o‘rnatilgan shaharsozlik reglamentlari to‘g‘risidagi ma’lumotlar, shuningdek boshqa ma’lumotlar ko‘rsatiladi.
Obyektning shaharsozlik pasporti shaharsozlik faoliyati obyekti yaratilganligini (tiklanganligini), hududi va alohida obyekt holati o‘zgartirilganligini yoki foydalanilganligi hollarini tasdiqlaydi, unda kadastr obyektiga huquqlarni shakllantirish, hisobga olish va keyinchalik davlat ro‘yxatidan o‘tkazish uchun zarur bo‘lgan kadastr suratga olish va texnik xatlovdan o‘tkazish, maxsus tekshirishlar va tadqiqotlar, kadastr obyektini sifat va miqdor jihatidan baholash hujjatlari va materiallari bo‘ladi”;
Davlat shaharsozlik kadastrining elektron manbalardagi axborot bazasi Avtomatlashtirilgan geoaxborot qidiruv tizimi sifatida shakllantiriladi.
Davlat shaharsozlik kadastrining Avtomatlashtirilgan geoaxborot tizimi davlat axborot resursi hisoblanadi”;
“11-1. Davlat shaharsozlik kadastridan ma’lumotlar berish qonun hujjatlari bilan tartibga solinadi”;
“14. Davlat shaharsozlik kadastrini yuritish “Davarxitektqurilish” qo‘mitasi tizimiga kiruvchi tarkibiy bo‘linmalar (keyingi o‘rinlarda davlat shaharsozlik kadastrini yurituvchi bo‘linmalar deb ataladi) tomonidan amalga oshiriladi.
“O‘zbekiston qurilishda muhandislik qidiruvlari, geoaxborot va shaharsozlik kadastri loyiha ilmiy-tekshirish instituti” davlat unitar korxonasi (“O‘zGAShKLITI” DUK, keyingi o‘rinlarda bosh tashkilot deb ataladi) Davlat shaharsozlik kadastri sohasida yagona ilmiy va texnik siyosatni yuritish bo‘yicha “Davarxitektqurilish” qo‘mitasining vakolatli tashkiloti hisoblanadi”;
Davlat shaharsozlik kadastrining Avtomatlashtirilgan geoaxborot tizimi joriy etilishini va faoliyat ko‘rsatishini ta’minlaydi;
ma’lumotlar bazasi tarkibini ishlab chiqadi, ularni Davlat shaharsozlik kadastrini yurituvchi bo‘linmalarga beradi, ma’lumotlar bazasi to‘g‘ri to‘ldirilishi yuzasidan nazorat olib boradi;
Davlat shaharsozlik kadastrini yurituvchi bo‘linmalar xodimlarini Davlat shaharsozlik kadastrining Avtomatlashtirilgan geoaxborot tizimida ishlashga o‘qitilishini tashkil etadi;
Davlat shaharsozlik kadastrini yurituvchi bo‘linmalar tomonidan taqdim etilgan kadastr axborotini turkumlashtiradi va ularni Davlat shaharsozlik kadastrining Avtomatlashtirilgan geoaxborot tizimiga kiritadi;
Davlat shaharsozlik kadastrining yangi obyektlari to‘g‘risidagi hisobga olish va baholash ma’lumotlari to‘planishini nazorat qiladi;
har yili belgilangan tartibda DKYaTga Davlat shaharsozlik kadastri obyektlarining holati va ulardan foydalanilishi to‘g‘risida axborot taqdim etadi;
Davlat shaharsozlik kadastri obyektlarining miqdor va sifat holati to‘g‘risidagi joriy o‘zgarishlarni to‘playdilar va turkumlashtiradilar;
Davlat shaharsozlik kadastri obyektlarining kadastr kitoblarini yuritadilar, o‘z vakolatlari doirasida o‘z ma’lumotlar bazasini yuritadilar hamda ularni turkumlashtirish va Davlat shaharsozlik kadastrining Avtomatlashtirilgan geoaxborot tizimiga kiritish uchun “Davarxitektqurilish” qo‘mitasining bosh tashkilotiga beradilar;
Davlat shaharsozlik kadastri yangi obyektlarini hisobga qo‘yadilar, ular to‘g‘risida hisobga olish va baholash ma’lumotlarini to‘playdilar;
“Ro‘yxatga olinadigan Davlat shaharsozlik kadastri obyektlari to‘g‘risidagi axborotlar integratsiyalashgan bloklarga ajratiladi, ular quyidagi kichik tizimlardan iborat bo‘ladi:
l) 22-bandning uchinchi xatboshidagi “avtomatlashtirilgan axborot tizimiga” so‘zlari “avtomatlashtirilgan geoaxborot tizimiga” so‘zlari bilan almashtirilsin;
“22-1. Davlat shaharsozlik kadastri tarkibida muhandislik-texnik qidiruvlarning elektron geofondi yuritiladi, u Davlat shaharsozlik kadastrining Avtomatlashtirilgan geoaxborot tizimini geografik (kartografik) ta’minlash manbai hisoblanadi. Muhandislik-texnik qidiruvlarning elektron geofondi ushbu Nizom talablari hisobga olingan holda yuritiladi.
loyihalashtirish, qurish, yer osti va yer usti obyektlarini, transport va muhandislik kommunikatsiyalarini ishlatish masalalarini hal etish uchun muhandislik-geologiya, gidrogeologiya, geofizika va boshqa qidiruv va tadqiqot materiallaridan;
qizil chiziqlar va qurilishni tartibga solish chiziqlari bo‘yicha ma’lumotlar bazasidan iborat bo‘ladi.
n) Davlat shaharsozlik kadastrini yuritish tartibi to‘g‘risidagi nizomga ilova matni quyidagi tahrirda bayon qilinsin:
4. Vazirlar Mahkamasining 2009-yil 12-fevraldagi 41-son qarori bilan tasdiqlangan Aholi punktlari kompleks qurilishini nazorat qilish hududiy komissiyasi to‘g‘risidagi nizom 5-bandining beshinchi xatboshiga “jazo choralarini qo‘llash” so‘zlaridan keyin “shuningdek aybdor shaxslarni qonun hujjatlarida nazarda tutilgan javobgarlikka tortish” so‘zlari qo‘shilsin.
5. Vazirlar Mahkamasining 2009-yil 2-iyuldagi 184-son qarori (O‘zbekiston Respublikasi QT, 2009-y., 7-son, 53-modda) bilan tasdiqlangan Tumanlar (shaharlar) hokimliklari huzuridagi tadbirkorlik subyektlarini ro‘yxatdan o‘tkazish inspeksiyalari tomonidan yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, loyihalarni vakolatli organlarda bir joyning o‘zida kelishish tartibi to‘g‘risidagi nizom 16-bandining oltinchi xatboshi chiqarib tashlansin.
Keyingi tahrirga qarang.
1. Vazirlar Mahkamasining “Qurilish obyektlarini ro‘yxatdan o‘tkazish va qurilish-montaj ishlarini boshlashga ruxsatnoma berish tartibi to‘g‘risidagi nizomni tasdiqlash haqida” 2000-yil 29-dekabrdagi 509-son qarori (O‘zbekiston Respublikasi QT, 2000-y., 12-son, 83-modda).
2. Vazirlar Mahkamasining “O‘zbekiston Respublikasi Davlat arxitektura va qurilish qo‘mitasi faoliyatini takomillashtirish chora-tadbirlari to‘g‘risida” 2003-yil 2-dekabrdagi 538-son qarori (O‘zbekiston Respublikasi QT, 2003-y., 12-son, 128-modda) 2-bandining uchinchi xatboshi, shuningdek qarorga 3 va 6a-ilovalar.
3. Vazirlar Mahkamasining “Xavfli ishlab chiqarish obyektlarining sanoat xavfsizligi to‘g‘risida”gi O‘zbekiston Respublikasi Qonunini amalga oshirishga doir qo‘shimcha chora-tadbirlar haqida” 2008-yil 10-dekabrdagi 271-son qaroriga (O‘zbekiston Respublikasi QT, 2008-y., 12-son, 64-modda) 6-ilova.
4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Tadbirkorlik faoliyatini yanada qo‘llab-quvvatlash va rivojlantirish chora-tadbirlari to‘g‘risida” 2009-yil 15-maydagi PQ–1112-son qarori)” 2009-yil 5-iyundagi 152-son qaroriga ilova 3-bandining “o”, “p”, “r” kichik bandlari (O‘zbekiston Respublikasi QT, 2009-y., 6-son, 41-modda).
5. Vazirlar Mahkamasining “O‘zbekiston Respublikasi Davlat arxitektura va qurilish qo‘mitasi tarkibidagi Qoraqalpog‘iston Respublikasi Davlat arxitektura va qurilish qo‘mitasi, viloyatlar va Toshkent shahar arxitektura va qurilish bosh boshqarmalari hamda shahar va tuman arxitektura va qurilish boshqarmalari (bo‘limlari) faoliyatini takomillashtirish to‘g‘risida” 2009-yil 11-noyabrdagi 294-son qaroriga 3-ilovaning 1-bandi.