Respublikada musiqiy ta’limni, madaniyat va san’at o‘quv yurtlari faoliyatini yaxshilash to‘g‘risida
LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Yosh avlodni o‘zbek madaniyati va san’ati an’analari, ilg‘or jahon andozalari asosida bilim olishini ta’minlash hamda ushbu soha o‘qituvchi, ilmiy-ijodiy xodimlari mehnatini rag‘batlantirish, shuningdek, respublika madaniyat va san’at bilim yurtlarining moddiy-texnik bazasini mustahkamlash maqsadida:
1. O‘zbekiston Respublikasi Madaniyat ishlari vazirligining o‘z tasarrufidagi bolalar musiqa va san’at maktablarini “Ta’lim muassasalari” ro‘yxatiga kiritish haqidagi taklifi qabul qilinsin.
(1-bandning ikkinchi xatboshisi O‘zbekiston Respublikasi Prezidentining 2017-yil 17-maydagi PF–5043-sonli Farmoni tahririda — O‘R QHT, 2017-y., 20-son, 354-modda)
bolalar musiqa va san’at maktablari o‘qituvchilari (direktor, direktor o‘rinbosari, o‘qituvchi va konsertmeystyerlar)ga Vazirlar Mahkamasining 1992-yil 8-yanvardagi 3-sonli qarorida belgilangan imtiyozlar;
o‘rta maxsus o‘quv yurtlarining o‘qituvchilari, konsertmeystyerlariga hamda San’atshunoslik ilmiy-tadqiqot instituti ilmiy xodimlariga O‘zbekiston Respublikasi Prezidentining “O‘zbekistonda teatr va musiqa san’atini yanada rivojlantirishni qo‘llab-quvvatlash va rag‘batlantirish to‘g‘risida”gi Farmoni hamda Vazirlar Mahkamasining 1995-yil 28-oktabrdagi 415-sonli qarorida belgilangan moddiy rag‘batlantirish bo‘yicha barcha imtiyozlar tatbiq etilsin.
(2-bandning birinchi xatboshisi O‘zbekiston Respublikasi Prezidentining 2017-yil 17-maydagi PF–5043-sonli Farmoni tahririda — O‘R QHT, 2017-y., 20-son, 354-modda)
(2-bandning birinchi xatboshisi O‘zbekiston Respublikasi Prezidentining 2005-yil 18 ibldagi PF-3625-sonli Farmoni tahririda — O‘R QHT, 2005-y., 28-29-son, 203-modda)
tegishli vazirlik, tashkilot va muassasalar bilan birgalikda yosh avlodni vatanparvarlik hamda istiqlol g‘oyalariga sadoqat ruhida tarbiyalash, boy milliy-ma’naviy merosimiz, hozirgi zamon ijodiy yutuqlarimiz, shuningdek, umuminsoniy qadriyatlarni hurmat qilish, o‘rganish va o‘zlashtirish ishlarini yanada yaxshilash chora-tadbirlarini ishlab chiqib amalga oshirish;
bolalar musiqa va san’at maktablari, oliy va o‘rta maxsus o‘quv yurtlarida iqtidorli yoshlarning milliy an’analarni chuqur o‘rganish va o‘zlashtirish, shuningdek, jahon andozalariga mos ravishda ta’lim olishlari uchun maxsus o‘quv dasturlarini tayyorlash;
o‘quv yurtlarini yuqori sifatli cholg‘u asboblari va zarur zamonaviy texnik vositalar bilan ta’minlash chora-tadbirlarini ko‘rish;
nodir, qimmatbaho musiqa asboblarini to‘plash, asrash, ulardan unumli foydalanish maqsadida vazirlik huzurida “Musiqiy cholg‘ular davlat kolleksiyasi”ni tashkil etish;
iste’dodli yoshlarni san’at sohasidagi xalqaro va respublika miqyosidagi ko‘rik-tanlovlar, festivallar va boshqa turdagi anjumanlarda ishtirok etishlari, ularning chet ellarga ijodiy safarlarga chiqishlari, shuningdek, mamlakatimizda bunday tadbirlarning o‘tkazilishini ta’minlash topshirilsin.
3. O‘zbekiston Respublikasi Moliya vazirligi ushbu Farmonda ko‘zda tutilgan sarf-xarajatlarni Madaniyat vazirligining buyurtmasiga muvofiq O‘zbekiston Respublikasining respublika budjetidan qoplasin.
(3-bandning birinchi xatboshisi O‘zbekiston Respublikasi Prezidentining 2017-yil 17-maydagi PF–5043-sonli Farmoni tahririda — O‘R QHT, 2017-y., 20-son, 354-modda)
Markaziy bank tegishli mablag‘larni belgilangan tartibda erkin muomaladagi valyutaga ayirboshlashni ta’minlasin.
4. Joylardagi bolalar musiqa va san’at maktablari o‘qituvchilarini moddiy rag‘batlantirish va bilim yurtlarining moddiy-texnik bazasini mustahkamlash bilan bog‘liq sarf-xarajatlarning Qoraqalpog‘iston Respublikasi budjeti, viloyatlar va Toshkent shahar mahalliy budjetlari hisobidan qoplanishi belgilab qo‘yilsin.
(4-band O‘zbekiston Respublikasi Prezidentining 2014-yil 8-iyuldagi PF-4631-sonli Farmoni tahririda — O‘R QHT, 2014-y., 29-son, 356-modda)
5. Ommaviy axborot vositalariga yoshlarning madaniyat va san’at sohasida erishayotgan yutuqlarini keng targ‘ib qilish, yangi iste’dodlarni izlab topish va ularni tanitishda bevosita ishtirok etish tavsiya etilsin.