LexUZ sharhi
Mazkur qaror O‘zbekiston Respublikasi Vazirlar Mahkamasining 2014-yil 10-martdagi 57-sonli “O‘zbekiston Respublikasi Prezidentining “Fuqarolik jamiyati institutlarini rivojlantirishga ko‘maklashish borasidagi qo‘shimcha chora-tadbirlar to‘g‘risida” 2013-yil 12-dekabrdagi PQ-2085-son qarorini amalga oshirish chora-tadbirlari haqida”gi qaroriga asosan o‘z kuchini yo‘qotgan.
Vazirlar Mahkamasi qaror qiladi:
1. “Jamoat birlashmalari to‘g‘risida”gi SSJI Qonuniga binoan hamda jamoat birlashmalari bilan aloqalarni ta’minlash, ularning ustavlarini ro‘yxatdan o‘tkazish va ana shu ustavlarga rioya qilinishi ustidan nazorat olib borish ishlarini tashkil etish maqsadida O‘zbekiston SSJ Adliya vazirligiga mazkur vazirlikning markaziy apparatida jamoat birlashmalari bo‘yicha Boshqarma, Qoraqalpog‘iston MSSJ Adliya vazirligi, viloyat ijroiya qo‘mitalari va Toshkent shahar ijroiya qo‘mitasi adliya boshqarmalarida tegishli bo‘limlar tuzilib, O‘zSSJ Adliya vazirligi boshqaruv sistemasi apparati xodimlarining sonini 60 kishiga, shu jumladan, Vazirlik markaziy apparatining sonini 20 kishiga ko‘paytirishga ruxsat etilsin.
Belgilansinki, O‘zbekiston SSJ Adliya vazirligining jamoat birlashmalari bo‘yicha boshqarmasiga Vazir o‘rinbosari — Boshqarma boshlig‘i boshchilik qiladi. Shu munosabat bilan O‘zSSJ Adliya vaziri o‘rinbosarlari soni 1 kishiga ko‘paytirilsin va kollegiya tarkibi 9 kishidan iborat bo‘lishiga ruxsat berilsin.
O‘zSSJ Moliya vazirligi O‘zSSJ Adliya vazirligi sistemasi apparati xodimlarining yillik ish haqi fondini va uni saqlash xarajatlarining eng yuqori summasini aniqlasin. Vazirlik markaziy apparati uchun qo‘shimcha ravishda bitta yengil avtomashinaga limit va tegishli mablag‘lar ajratsin.
O‘zSSJ Iqtisodiyot qo‘mitasi, O‘zSSJ Davlat moddiy-texnika ta’minoti qo‘mitasi, O‘zSSJ Savdo vazirligi, Qoraqalpog‘iston MSSJ Vazirlar Kengashi, viloyat ijroiya qo‘mitalari va Toshkent shahar ijroiya qo‘mitasi adliya organlarining talabnomalariga ko‘ra shu yilning I choragida tuzilayotgan xizmatlarni joylashtirish, tashkiliy-texnika vositalari va asbob-uskunalar bilan ta’minlashga bog‘liq masalalarni hal qilsinlar.
jamoat birlashmalari bo‘yicha Boshqarma (bo‘lim) to‘g‘risidagi Nizomni ishlab chiqsin va mazkur bo‘linmalarni yuqori malakali kadrlar bilan to‘ldirishni ta’minlasin;
O‘zSSJ Moliya vazirligi bilan birgalikda jamoat birlashmalarining ustavlarini ro‘yxatga olish Qoidalarini, shuningdek ustavlarni ro‘yxatga olganlik uchun yig‘imlar olish tartibini hamda miqdorlarini tayyorlasin va Vazirlar Mahkamasiga tasdiqlash uchun taqdim etsin.
3. O‘zbekiston SSR Ministrlar Sovetining 1988-yil 28-noyabrdagi 443-son qarorining 1-punkti quyidagi so‘zlar bilan to‘ldirilsin: “shuningdek, O‘zbekiston SSJ hududida faoliyat ko‘rsatuvchi jumhuriyat, jumhuriyatlararo va xalqaro jamoat birlashmalarining ustavlarini ro‘yxatga olishni va ushbu ustavlarga rioya etilishi ustidan nazorat qilishni”.
Keyingi tahrirga qarang.
4. Korxonalarga, muassasalarga, tashkilotlarga, ijara jamoalariga, kooperativlarga, boshqa yuridik shaxslar va fuqarolarga huquqiy yordam ko‘rsatish, shartnoma va e’tiroz-da’vo ishlarini yaxshilashga yordam berish, huquqiy umumta’limni amalga oshirish maqsadida O‘zSSJ Adliya vazirligining Vazirlik huzurida xo‘jalik hisobidagi korxonalarga, muassasalarga, tashkilotlarga, kooperativlarga, boshqa yuridik shaxslarga va fuqarolarga huquqiy yordam ko‘rsatish Markazini tuzish haqidagi taklifi qabul qilinsin.
O‘zSSJ Iqtisodiyot qo‘mitasi va O‘zSSJ Davlat moddiy-texnika ta’minoti qo‘mitasi Markaz mablag‘lari hisobidan zarur moddiy-texnika resurslari va avtotransport ajratish to‘g‘risidagi masalani hal qilsinlar.
O‘zSSJ Aloqa vazirligi belgilangan tartibda Markaz binosida telefon va teletayp aloqasini ta’minlasin.
Xo‘jalik hisobidagi Markazga noshirlik faoliyati uchun ruxsat berilsin. O‘zbekiston SSJ Davlat matbuot qo‘mitasi bu ishda zarur metodik va amaliy yordam ko‘rsatsin.
5. Toshkent shahar ijroiya qo‘mitasi O‘zSSJ Adliya vazirligi bilan birgalikda bir oy muddat ichida mazkur Vazirlikning jamoat birlashmalari bo‘yicha Boshqarmasi va xo‘jalik hisobidagi Markazini joylashtirish masalasini ko‘rib chiqsin.
6. O‘zSSJ Adliya vazirligi markaziy apparatining va uning bo‘linmalarining ishlashi uchun qulay sharoitlar yaratish maqsadida:
O‘zSSJ Oliy va o‘rta maxsus ta’lim vazirligi K. Marks ko‘chasi, 32-uydagi binoni O‘zSSJ Adliya vazirligining balansiga o‘tkazsin;
O‘zSSJ Adliya vazirligi, Toshkent shahar ijroiya qo‘mitasi Krenkel ko‘chasi, 5-uydagi binoni va Proletar ko‘chasidagi Toshkent shahar ijroqo‘mining adliya boshqarmasi joylashgan 4-uydagi binoni O‘zSSJ Oliy va o‘rta maxsus ta’lim vazirligiga uning bo‘linmalarini joylashtirish uchun bersinlar;
O‘zSSJ Iqtisodiyot qo‘mitasi, O‘zSSJ Moliya vazirligi va O‘zbekiston SSJ Davlat moddiy-texnika ta’minoti qo‘mitasi markaziy apparat binosiga xizmat ko‘rsatish uchun budjetdan ajratmalar limitini va shtatlarni, kapital remont va telefonlashtirish uchun zarur moddiy-texnika resurslarini belgilangan tartibda O‘zSSJ Adliya vazirligiga ajratish masalasini ko‘rib chiqsinlar va ajratsinlar;
O‘zSSJ Ichki ishlar vazirligi O‘zSSJ Adliya vazirligi uchun ajratiladigan binoda qo‘riqlash-kirish-chiqish tartibini tashkil etish haqidagi masalani belgilangan tartibda ko‘rib chiqsin.
7. O‘zbekiston SSR Ministrlar Sovetining “V. I. Lenin nomidagi Toshkent davlat universitetining moddiy-texnika bazasini mustahkamlash yuzasidan qo‘shimcha tadbirlar to‘g‘risida” 1990-yil 13-fevraldagi 89-son qarorining 6-punkti uchinchi abzatsidagi: “Romanovskiy va K. Marks ko‘chalaridagi” so‘zlar o‘zgartirilib, “Romanovskiy ko‘chasidagi” so‘zlar bilan almashtirilsin.