“Elektr energetikasi to‘g‘risida”gi O‘zbekiston Respublikasi Qonuniga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari E.R. Shoismatov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 1994-yil 9-martdagi 124-son qarori (O‘zbekiston Respublikasi QT, 1994-y., 3-son, 15-modda) bilan tasdiqlangan Yoqilg‘i-energetika resurslaridan foydalanish qoidalarini buzganlik uchun iqtisodiy jazolarni qo‘llash to‘g‘risidagi nizom II bo‘limining 1.3-bandida:
“v) iste’molchilar tomonidan elektr qurilmalarining yagona elektr energetikasi tizimi tarmoqlariga yoki issiqlikdan foydalanuvchi qurilmalarning issiqlik ta’minoti korxonalari tarmoqlariga tegishli shartnoma tuzmasdan o‘zboshimchalik bilan ulab qo‘yilishi korxonalar va tashkilotlardan ishlatilgan elektr va issiqlik energiyasi qiymatining 10 baravari miqdorini undirib olishga sabab bo‘ladi”;
“k) energetika asbob-uskunalari va tarmoqlarining belgilangan qoidalar talablariga javob bermaydigan qoniqarsiz texnik holati, energiya qurilmalari va tarmoqlarining texnik holatidagi hamda ulardan foydalanishdagi kamchiliklarni bartaraf etish bo‘yicha “O‘zdavenergonazorat” davlat inspeksiyasi yozma ko‘rsatmalarining muntazam bajarilmasligi ushbu qurilmalar balansida bo‘lgan korxonalar, tashkilotlar va muassasalarga nisbatan ishlatiladigan, uzatiladigan yoki mazkur qurilmalar bilan vujudga keltiriladigan energiya o‘rtacha oylik hajmi qiymatining 25 foizi miqdorida iqtisodiy choralar qo‘llashga sabab bo‘ladi”.
2. Vazirlar Mahkamasining “Gidrotexnika inshootlarining xavfsizligi to‘g‘risida”gi O‘zbekiston Respublikasi Qonunini amalga oshirish chora-tadbirlari to‘g‘risida” 1999-yil 16-noyabrdagi 499-son qarorida (O‘zbekiston Respublikasi QT, 1999-y., 11-son, 66-modda):
2-banddagi “O‘zdavenergonazorat” davlat inspeksiyasi” so‘zlari “O‘zbekenergo” davlat-aksiyadorlik kompaniyasi” so‘zlari bilan almashtirilsin;
2-ilovaning 12-bandidagi “O‘zdavenergonazorat” davlat inspeksiyasi” so‘zlari “O‘zbekenergo” davlat-aksiyadorlik kompaniyasi” so‘zlari bilan almashtirilsin.
Oldingi tahrirga qarang.
(3-band O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan o‘z kuchini yo‘qotgan — O‘R QHT, 2012-y., 44-son, 507-modda)
4. Vazirlar Mahkamasining 2009-yil 22-avgustdagi 245-son qarori (O‘zbekiston Respublikasi QT, 2009-y., 8-son, 64-modda) bilan tasdiqlangan Elektr energiyasidan foydalanish qoidalarida:
1-bandning birinchi xatboshiga “Fuqarolik kodeksiga” so‘zlaridan keyin “Elektr energetikasi to‘g‘risida” so‘zlari qo‘shilsin;
“Elektr energiyasiga amaldagi tariflar o‘zgargan taqdirda, hududiy elektr tarmoqlari korxonasi ularning kuchga kirishidan kamida o‘n besh kun oldin qarorni ommaviy axborot vositalarida e’lon qiladi”;
elektr energiyasi yetkazib berishning to‘xtatib qo‘yilishi sabablari to‘g‘risida belgilangan tartibda axborot olish;
hududiy elektr tarmoqlari korxonasiga ular iste’mol qiladigan elektr energiyasi hajmlarining o‘zgartirilishi to‘g‘risida belgilangan tartibda takliflar kiritish. Bunda elektr energiyasining shartnomadagi hajmini o‘zgartirish bo‘yicha taklif mo‘ljallanayotgan o‘zgartirishdan oldin 10 kundan kechikmay (joriy oy tugagungacha) berilishi kerak;
elektr energiyasi to‘liq hajmda yetkazib berilmasligi yoki sifat ko‘rsatkichlari davlat standartlariga muvofiq bo‘lmagan elektr energiyasi yetkazib berilishi oqibatida hududiy elektr tarmoqlari korxonasi yoki elektr ta’minoti korxonasi tomonidan yetkazilgan zararlarni belgilangan tartibda qoplash;
elektr ta’minoti shartnomalarini tuzish va bajarishda yuzaga kelayotgan nizolarni hal etish uchun sudga yoki bo‘ysunishi bo‘yicha yuqori tashkilotga, mansabdor shaxsga murojaat qilish.
Elektr energiyasi iste’molchilari qonun hujjatlariga muvofiq boshqa huquqlarga ham ega bo‘lishi mumkin.
elektr ta’minoti shartnomasi shartlarida belgilangan elektr energiyasini iste’mol qilish rejimiga rioya etish;
elektr ta’minoti shartnomasiga muvofiq, kelgusi hisob-kitob oyi uchun elektr energiyasi va iste’mol qilinadigan quvvat hajmi uchun o‘z vaqtida haq to‘lash (maishiy iste’molchilardan tashqari);
ishlatilayotgan elektr qurilmalari, priborlar va asbob-uskunalarning zarur texnik holatini va Iste’molchilarning elektr qurilmalarini ishlatishda xavfsizlik texnikasi qoidalariga rioya qilinishini ta’minlash, hududiy elektr tarmoqlari korxonasiga yoki elektr ta’minoti korxonasiga elektr asbob-uskunalarining nosozligi to‘g‘risida xabar qilish;
“O‘zdavenergonazorat” davlat inspeksiyasining elektr qurilmalarining texnik holati yaxshilanishiga va ishlatishning tashkil etilishiga, shuningdek elektr energiyasidan oqilona foydalanilishiga yo‘naltirilgan yozma ko‘rsatmalarini o‘z vaqtida bajarish;
hududiy elektr tarmoqlari korxonasi vakilining elektr energiyasini hisobga olish priborlarini ko‘rishiga imkon berish.
Elektr energiyasi iste’molchilari, shuningdek hududiy elektr tarmoqlari korxonasining talabiga ko‘ra quyidagilarni hisobga olishi va xabar qilishi shart:
yagona elektr energetika tizimining eng ko‘p va eng kam yuklamali davrlarida reaktiv energiya va quvvatning har sutkalik sarfi;
yagona elektr energetika tizimining eng ko‘p yuklamasining o‘tish davrida aktiv energiya (quvvat)ning har 30 daqiqadagi sarfi”;
“Hududiy elektr tarmoqlari korxonasi yoki uning elektr ta’minoti korxonasi quyidagi hollarda elektr energiyasini iste’molchiga yetkazib berishni belgilangan tartibda to‘xtatib qo‘yishi mumkin va uzib qo‘yish oqibatlari uchun javob bermaydi:”;
oltinchi xatboshidagi “elektr qabul qilgichlar” so‘zlari “elektr qurilmalari” so‘zlari bilan almashtirilsin.