LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Xorijiy investitsiyalarni jalb qilish asosida jahon va ichki bozorlarda talab katta bo‘lgan jun gilamlar va erga solinadigan paloslar ishlab chiqarish hajmlarini ko‘paytirish maqsadida Vazirlar Mahkamasi qaror qiladi:
1. Vazirlar Mahkamasining Iste’mol tovarlari ishlab chiqarish va savdo kompleksi, “O‘zbekyengilsanoat” davlat uyushmasining Xorazm viloyati Xiva shahrida “Xiva gilami” aksiyadorlik jamiyati tomonidan Germaniyaning “Geko GmbX Fertribsgezellshaft” va “Promateks Industrianlagen GmbX” firmalari bilan birgalikda yiliga 2321,7 ming kv. metr jun jakkar gilamlar va erga solinadigan paloslar ishlab chiqaruvchi “Xiva karpet” O‘zbekiston — Germaniya qo‘shma korxonasini tashkil etish to‘g‘risidagi taklifi ma’qullansin.
Belgilansinki, “Xiva karpet” qo‘shma korxonasining ustav jamg‘armasi 20547,6 ming Germaniya markasi miqdorida quyidagi yo‘l bilan shakllantiriladi:
xorijiy muassislar — 10273,8 ming Germaniya markasi (50 foiz), ulardan “Geko GmbX Fertribsgezellshaft” — 8219,04 ming Germaniya markasi, “Promateks Industrianlagen GmbX” — 2054,76 ming Germaniya markasini aylanma mablag‘larni shakllantirish, asbob-uskunalar kontrakt qiymatining 15 foizini oldindan to‘lash, shuningdek foizlarni to‘lash va investitsiya davri mobaynida kreditni tashkil etganlik uchun xarajatlarni qoplash uchun pul mablag‘lari sifatida qo‘shadilar.
O‘zbekistonlik muassis “Xiva gilami” aksiyadorlik jamiyati — 10273,8 ming Germaniya markasiga teng miqdorda (50 foiz) so‘mlarda ishlab chiqarish maydonlari, aylanma va pul mablag‘larini qo‘shadi.
2. “Xiva gilami” aksiyadorlik jamiyatiga, istisno tariqasida, “Xiva karpet” qo‘shma korxonasi ustav jamg‘armasiga o‘z ulushini 1921,5 ming Germaniya markasining so‘mdagi teng miqdorida pul mablag‘lari bilan uni foydalanishga topshirish vaqtidan boshlab qo‘shma korxona faoliyatidan olinadigan foydani qayta moliyalashtirish yo‘li bilan qo‘shishni ikki yil mobaynida tugallash huquqi berilsin.
“Xiva karpet” qo‘shma korxonasi xorijiy muassislari marketingni va qo‘shma korxona tomonidan ishlab chiqariladigan mahsulotning kamida 70 foizini tashqi bozorda jahon narxlari bo‘yicha sotilishini ta’minlash majburiyatini olganligi;
“Xiva karpet” qo‘shma korxonasida ishlab chiqarishni tashkil etish uchun 1-ilovaga* muvofiq sxema bo‘yicha umumiy qiymati 72543,2 ming Germaniya markasi bo‘lgan investitsiya loyihasi ishlab chiqilganligi, unda Germaniyaning “Teksproyekt GmbX” firmasi bilan texnologiya asbob-uskunalari, ularni montaj qilishni hisobga olgan holda yetkazib berish, ishga tushirish va kadrlarni o‘qitish uchun qiymati 56312,0 ming Germaniya markasi bo‘lgan kontrakt tuzish nazarda tutilishi;
kontraktni mablag‘ bilan ta’minlash “Xiva karpet” qo‘shma korxonasining 8446,8 ming Germaniya markasi summasidagi ustav jamg‘armasi va Germaniyaning “Bankgezelshaft Berlin AG” bankining 47865,2 ming Germaniya markasi summasidagi krediti hisobiga amalga oshirilishi;
loyihani amalga oshirish uchun ikki yillik imtiyozli davr bilan 9 yil muddatga beriladigan “Bankgezelshaft Berlin AG” Germaniya banki krediti bo‘yicha asosiy qarzni, foizlar va xizmat ko‘rsatish xarajatlarini uzish “Xiva karpet” qo‘shma korxonasining o‘z mablag‘lari hisobiga 2-ilovaga* muvofiq amalga oshirilishi ma’lumot uchun qabul qilinsin.
* 1 va 2-ilova rus tilidagi matnda berilgan.
4. Xorijiy investitsiyalar ishtirokida yirik va strategik jihatdan muqim investitsiya loyihalarini amalga oshirish masalalari bo‘yicha muvofiqlashtiruvchi kengash (Isayev A.N.) “Xiva karpet” qo‘shma korxonasi loyihasini xorijiy investitsiyalar va kreditlar hisobiga amalga oshiriladigan 2001-yilgi investitsiya loyihalarining aniq dasturiga kiritsin.
5. O‘zbekiston Respublikasi Tashqi iqtisodiy faoliyat milliy banki kontrakt qiymati (47865,2 ming Germaniya markasi)ning 85 foizini mablag‘ bilan ta’minlash uchun “Germes” (Germaniya) jamiyatining sug‘urta qoplamasi ostida “Bankgezelshaft Berlin AG” banki bilan qarz bitimini belgilangan tartibda tuzsin va kredit resurslarini “Xiva karpet” qo‘shma korxonasiga qayta moliyalashtirsin.
6. O‘zbekiston Respublikasi Moliya vaziri O‘zbekiston Tashqi iqtisodiy faoliyat milliy bankining “Bankgezelshaft Berlin AG” banki oldidagi to‘lov majburiyatlari bo‘yicha va O‘zbekiston Tashqi iqtisodiy faoliyat milliy bankiga “Xiva karpet” qo‘shma korxonasining majburiyatlari yuzasidan O‘zbekiston Respublikasi Hukumati nomidan belgilangan tartibda kafolat berishga vakil qilinsin.
7. O‘zbekiston Respublikasi Adliya vazirligi O‘zbekiston Respublikasi Hukumatining kafolati bo‘yicha yuridik xulosani belgilangan tartibda rasmiylashtirsin.
8. Mazkur loyiha bo‘yicha “Bankgezelshaft Berlin AG” banki va “Germes” sug‘urta jamiyati O‘zbekiston Respublikasi hududida to‘lovlar manbai bo‘lgan norezidentlardan undiriladigan daromadlarga soliqlar to‘lashdan ozod qilinsin.