LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 10-apreldagi 196-sonli “Erkin iqtisodiy zonalar faoliyatini tashkil etish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Navoiy viloyatida erkin industrial-iqtisodiy zona tashkil etish to‘g‘risida” 2008-yil 2-dekabrdagi PF-4059-son Farmonini bajarish yuzasidan Vazirlar Mahkamasi qaror qiladi:
1. Xorijiy fuqarolar va fuqaroligi bo‘lmagan shaxslarning “Navoiy” erkin industrial-iqtisodiy zonasi hududiga kirishi, undan chiqib ketishi, u yerda bo‘lishi va ishga yollanishining soddalashtirilgan tartibi to‘g‘risidagi nizom ilovaga muvofiq tasdiqlansin.
2. Belgilab qo‘yilsinki, “Navoiy” erkin industrial-iqtisodiy zonasi hududiga kirish va undan chiqish uchun vizalar berish, O‘zbekiston Respublikasida vaqtincha ro‘yxatdan o‘tkazish, shuningdek xorijiy ishchi kuchini jalb qilish uchun ruxsatnoma berish va hududdagi xo‘jalik faoliyati qatnashchilariga mehnat faoliyati huquqini tasdiqlash hamda ularning amal qilish muddatini uzaytirish davlat boji va boshqa to‘lovlar undirilmasdan amalga oshiriladi.
3. O‘zbekiston aloqa va axborotlashtirish agentligi O‘zbekiston Respublikasi Ichki ishlar vazirligining buyurtmanomalariga binoan “Navoiy” erkin industrial-iqtisodiy zonasi hududidagi tegishli bo‘linmani belgilangan tartibda zarur aloqa kanallari bilan va ularning uzluksiz ishlashini ta’minlasin.
4. O‘zbekiston Respublikasi Ichki ishlar vazirligi, Tashqi ishlar vazirligi boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar yuzasidan O‘zbekiston Respublikasi Vazirlar Mahkamasiga takliflar kiritsinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. Ushbu Nizom xorijiy fuqarolar va fuqaroligi bo‘lmagan shaxslarning “Navoiy” erkin industrial-iqtisodiy zonasi (keyingi o‘rinlarda “Navoiy” EIIZ deb ataladi) hududiga kirishi, undan chiqib ketishi, u yerda bo‘lishi va ishga yollanishining soddalashtirilgan tartibini belgilaydi.
Xorijiy fuqarolar va fuqaroligi bo‘lmagan shaxslarning “Navoiy” erkin industrial-iqtisodiy zonasi hududiga kirishi, undan chiqib ketishi, u yerda bo‘lishi va ishga yollanishining soddalashtirilgan tartibi to‘g‘risida Nizomni bajarish yuzasidan xatti-harakatlar sxemasi ushbu Nizomga ilovada berilgan.
“Navoiy” EIIZ hududidagi xo‘jalik faoliyati qatnashchilari tomonidan mehnat faoliyatini amalga oshirish uchun jalb etiladigan xorijiy fuqarolarga va fuqaroligi bo‘lmagan shaxslarga tatbiq etiladi.
Ushbu Nizomning maqsadi uchun ushbu bandda ko‘rsatilgan shaxslar “Navoiy” EIIZ hududidagi xorijiy fuqarolar deb ataladi.
3. “Navoiy” EIIZ direksiyasi “Navoiy” EIIZ hududidagi xorijiy fuqarolarning umumiy hisobini yuritadi hamda xorijiy fuqarolarga ularning O‘zbekiston Respublikasi qonun hujjatlarida va ushbu Nizomda nazarda tutilgan huquq va majburiyatlarini o‘z vaqtida tushuntirishni ta’minlaydi, shuningdek ularning vaqtinchalik ro‘yxatdan o‘tkazilishini ta’minlash, respublika hududida yurishi va ular uchun belgilangan bu yerda bo‘lish muddati tugagach O‘zbekiston Respublikasidan chiqib ketishini ta’minlash yuzasidan javob beradi.
4. Tanlab olishdan o‘tmagan xorijiy fuqarolar va fuqaroligi bo‘lmagan shaxslarning O‘zbekiston Respublikasiga kirishi, u yerda bo‘lishi va undan chiqib ketishini rasmiylashtirish, shuningdek ular tomonidan xorijiy ishchi kuchlarini jalb etish umumiy ravishda belgilangan tartibda amalga oshiriladi.
5. “Navoiy” EIIZ hududidagi xorijiy fuqarolarga kirish vizalari “Navoiy” EIIZ direksiyasining O‘zbekiston Respublikasi Tashqi ishlar vazirligiga beradigan yozma iltimosnomasi asosida beriladi.
Agar O‘zbekiston Respublikasi tomonidan ayrim davlatlar fuqarolari uchun ruxsatnomalarni rasmiylashtirishning ushbu Nizomda nazarda tutilganidan boshqa yanada qulayroq tartibi belgilangan bo‘lsa, qulayroq bo‘lgan tartib qo‘llanadi.
6. “Navoiy” EIIZ direksiyasining xorijiy fuqaroning O‘zbekiston Respublikasiga kirish vizasi berish uchun yozma iltimosnomasini ko‘rib chiqish muddati iltimosnoma berilgan kundan boshlab ikki ish kunidan oshmasligi kerak.
7. “Navoiy” EIIZ hududidagi xorijiy fuqarolarga O‘zbekiston Respublikasiga (kirish, kirish-chiqish) kirish vizalari:
a) O‘zbekiston Respublikasining xorijdagi diplomatik vakolatxonalari va konsullik muassasalari tomonidan, ular mavjud bo‘lmagan taqdirda — boshqa mamlakatlarning ular bilan ayrim konsullik funksiyalarini bajarish to‘g‘risida ahdlashuv mavjud bo‘lgan diplomatik vakolatxonalari tomonidan;
b) O‘zbekiston Respublikasi Tashqi ishlar vazirligining xorijiy mamlakatlarga qatnovlar mavjud bo‘lgan aeroportlardagi konsullik byurosi tomonidan beriladi.
8. O‘zbekiston Respublikasiga kirish vizalari “Navoiy” EIIZ hududidagi xorijiy fuqarolarga bir yilgacha muddatga yoki O‘zbekiston Respublikasi Mehnat va aholini ijtimoiy muhofaza qilish vazirligi huzuridagi Tashqi mehnat migratsiyasi masalalari agentligi (keyingi o‘rinlarda Agentlik deb ataladi) tomonidan berilgan mehnat faoliyatiga huquqning tasdiqnomasi amal qiladigan muddatga beriladi.
9. O‘zbekiston Respublikasiga kirish uchun ko‘p martalik vizalar “Navoiy” EIIZ hududidagi xorijiy fuqarolarga bir yilgacha muddatga yoki Agentlik tomonidan berilgan mehnat faoliyatiga huquqning tasdiqnomasi amal qiladigan muddatga beriladi.
10. “Navoiy” EIIZ hududidagi xorijiy fuqarolar O‘zbekiston Respublikasi hududiga kirish vizalari olish uchun O‘zbekiston Respublikasining xorijdagi diplomatik vakolatxonalari yoki konsullik muassasalariga ikki nusxada to‘ldirilgan belgilangan shakldagi anketa-arizani, milliy pasportni yoki uning o‘rnini bosadigan hujjatni, “Navoiy” EIIZ direksiyasi iltimosnomasini, O‘zbekiston Respublikasiga kontraktlar (shartnomalar) bo‘yicha ishlash uchun uch oydan ko‘p muddatga kelayotganlar esa — Agentlik tomonidan berilgan mehnat faoliyatini amalga oshirish huquqiga tasdiqnomani ham taqdim etadilar.
11. Kirish vizasi O‘zbekiston Respublikasining butun hududida haqiqiydir, xorijiy fuqarolarning kirishi uchun yopiq bo‘lgan joylar, obyektlar bundan mustasno.
12. “Navoiy” EIIZ hududidagi xorijiy fuqarolar O‘zbekiston Respublikasining kirish uchun ochiq bo‘lgan hududi bo‘ylab erkin yurishlari mumkin.
13. “Navoiy” EIIZ hududidagi xorijiy fuqarolar “Navoiy” EIIZga tutashgan, uy-joylar va ijtimoiy infratuzilmalar qurish uchun ajratilgan va “Navoiy” EIIZ Bosh rejasida nazarda tutilgan hududda yashaydilar.
“Navoiy” EIIZ hududidagi xorijiy fuqarolar “Navoiy” EIIZ direksiyasi va ichki ishlar organlari bilan kelishgan holda boshqa hududda ham yashashi mumkin.
14. “Navoiy” EIIZ hududidagi xorijiy fuqarolar O‘zbekiston Respublikasi hududida milliy pasportlari yoki uning o‘rnini bosadigan boshqa hujjatlari bo‘yicha vaqtinchalik ro‘yxatdan o‘tkazish asosida yashaydilar. Milliy pasportlar yoki uning o‘rnini bosadigan boshqa hujjatlar yetib kelgandan keyin bir sutka mobaynida vaqtinchalik ro‘yxatdan o‘tish uchun “Navoiy” EIIZ direksiyasiga taqdim etiladi, bayram va dam olish kunlari bundan mustasno.
15. “Navoiy” EIIZ hududidagi xorijiy fuqarolarni vaqtinchalik ro‘yxatdan o‘tkazish va uning muddatini uzaytirish Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish bo‘limi tomonidan amalga oshiriladi.
16. “Navoiy” EIIZ hududidagi xorijiy fuqarolar “Navoiy” EIIZ direksiyasining yozma murojaatnomalari asosida Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish bo‘limida vaqtinchalik ro‘yxatdan o‘tkaziladi. Murojaatnomalar, bayram va dam olish kunlaridan tashqari, ro‘yxatdan o‘tkazilishi kerak bo‘lgan xorijiy fuqarolar tomonidan vaqtinchalik ro‘yxatdan o‘tkazish uchun milliy pasportlar yoki ularning o‘rnini bosadigan hujjatlar topshirilgan vaqtdan boshlab uch sutka mobaynida berilishi kerak.
“Navoiy” EIIZ hududidagi xorijiy fuqarolarni vaqtinchalik ro‘yxatdan o‘tkazish va uning muddatini uzaytirish “Navoiy” EIIZ direksiyasi yozma murojaatnomalarida ko‘rsatilgan davr uchun, lekin viza amal qiladigan muddat doirasida bir kun muddatda amalga oshiriladi.
17. “Navoiy” EIIZ hududidagi xorijiy fuqarolarni vaqtinchalik ro‘yxatdan o‘tkazishdan ozod qilish qonun hujjatlarida belgilangan tartibda amalga oshiriladi.
18. “Navoiy” EIIZ hududidagi xorijiy fuqarolar milliy pasportlarini yoki uni o‘rnini bosadigan hujjatlarini o‘zi bilan birga olib yurishlari shart.
“Navoiy” EIIZ hududidagi xorijiy fuqarolar milliy pasporti yoki uning o‘rnini bosadigan hujjatlari yo‘qolganligi to‘g‘risida darhol “Navoiy” EIIZ direksiyasiga va ichki ishlar organlariga xabar qilishlari kerak.
19. “Navoiy” EIIZ hududidagi xorijiy fuqarolar tomonidan shaxsiy va xizmat avtotransport vositasidan foydalanish, O‘zbekiston Respublikasi hududida avtotransport vositalarini boshqarish uchun haydovchilik guvohnomalarini qo‘llanish, xorijiy fuqarolarning transport vositalarini davlat texnik ko‘rigidan o‘tkazish, shuningdek O‘zbekiston Respublikasining fuqarolariga tegishli bo‘lgan avtomototransportni foydalanish uchun xorijiy fuqarolarga yoki O‘zbekiston Respublikasida yashaydigan xorijiy fuqarolarga berish belgilangan tartibda amalga oshiriladi.
20. “Navoiy” EIIZ hududidagi xorijiy fuqarolarning O‘zbekiston Respublikasi hududida yurishi, shuningdek O‘zbekiston Respublikasiga kirish huquqini cheklash, ularning bu yerda bo‘lish muddatini qisqartirish va ularni respublikadan tashqariga chiqarib yuborish qonun hujjatlariga muvofiq amalga oshiriladi.
21. “Navoiy” EIIZ hududidagi xorijiy fuqarolar uchun O‘zbekiston Respublikasidan chiqish vizalarini (chiqish, chiqish-kirish vizalarini) berish va ularning amal qilish muddatini uzaytirish:
a) O‘zbekiston Respublikasi Ichki ishlar vazirligining Kirish, chiqish va fuqarolikni rasmiylashtirish boshqarmasi:
b) Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish bo‘limi tomonidan amalga oshiriladi.
22. “Navoiy” EIIZ hududidagi xorijiy fuqarolar vizalar berish va ularning amal qilish muddatini uzaytirish uchun milliy pasportini yoki uning o‘rnini bosadigan hujjatini ko‘rsatgan holda “Navoiy” EIIZ direksiyasiga murojaat qiladilar.
“Navoiy” EIIZ direksiyasi iltimosnoma va ikki nusxada to‘ldirilgan belgilangan shakldagi anketa-ariza bilan O‘zbekiston Respublikasi Ichki ishlar vazirligining Kirish, chiqish va fuqarolikni rasmiylashtirish boshqarmasiga yoki Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish bo‘limiga murojaat qiladi.
23. “Navoiy” EIIZ hududidagi xorijiy fuqaroning O‘zbekiston Respublikasidan chiqish vizalarini (chiqish, chiqish-kirish vizalarini) berish va ularning amal qilish muddatini uzaytirish yuzasidan buyurtmanomasini ko‘rib chiqish muddati buyurtmanoma berilgan kundan boshlab besh ish kunidan oshmasligi kerak.
Oldingi tahrirga qarang.
Ish beruvchi tomonidan yuqori malakali ishlarni bajarish uchun taklif etilgan xorijiy fuqaroga viza (kirish, kirish-chiqish vizalari) berish va uning amal qilish muddatini uzaytirish yuzasidan buyurtmanomani ko‘rib chiqish buyurtmanoma berilgan kundan boshlab uch ish kuni mobaynida amalga oshiriladi.
(23-band O‘zbekiston Respublikasi Vazirlar Mahkamasining 2012-yil 31-iyuldagi 232-sonli qaroriga asosan xatboshi bilan to‘ldirilgan — O‘R QHT, 2012-y., 31-son, 357-modda)
24. “Navoiy” EIIZ hududidagi xorijiy fuqarolarga ko‘p martalik chiqish-kirish vizalari bir yilgacha muddatga yoki Agentlik tomonidan berilgan mehnat faoliyatiga huquqning tasdiqnomasi amal qiladigan muddatga beriladi.
25. Ushbu Nizomning 21-bandida ko‘rsatilgan ichki ishlar organlari “Navoiy” EIIZ hududidagi xorijiy fuqaroning anketa-arizasini ko‘rib chiqish natijalariga ko‘ra amal qilish muddati ko‘rsatilmagan chiqish vizasini xorijiy fuqaroning milliy pasportiga yoki uning o‘rnini bosadigan hujjatiga yopishtirib qo‘yadi.
“Navoiy” EIIZ hududidagi xorijiy fuqarolar ko‘p martalik chiqish-kirish vizalari yopishtirib qo‘yilgandan keyin “Navoiy” EIIZ direksiyasining bildirishnomasi bilan chet elga ko‘p martalab chiqishlari mumkin.
26. “Navoiy” EIIZ hududida mehnat faoliyatini amalga oshirish maqsadida O‘zbekiston Respublikasiga kelayotgan xorijiy fuqaro faqat o‘zining nomiga qonun hujjatlarida belgilangan shaklda Agentlik tomonidan berilgan mehnat faoliyatiga huquqning tasdiqnomasi (keyingi o‘rinlarda tasdiqnoma deb ataladi) mavjud bo‘lgan taqdirdagina ishga yollanishi mumkin.
Bunda tasdiqnomaning amal qilish muddati xorijiy ishchi kuchini jalb etish huquqiga berilgan ruxsatnomaning amal qilish davridan oshmasligi kerak.
27. Ish beruvchiga Agentlik tomonidan qonun hujjatlarida belgilangan shaklda xorijiy ishchi kuchini jalb etish huquqiga ruxsatnoma (keyingi o‘rinlarda ruxsatnoma deb ataladi) tasdiqnoma berish uchun asos hisoblanadi.
Ruxsatnoma bir yil muddatga beriladi va bu muddat tomonlarning kelishuviga ko‘ra, ish beruvchi tomonidan ushbu Nizomning 29-bandida nazarda tutilgan hujjatlarni taqdim etish asosida, mehnat kontraktining amal qilish muddati o‘tgungacha uzaytiriladi.
28. Xorijiy xodim uchun tasdiqnoma ish beruvchiga xorijiy ishchi kuchini jalb etish huquqiga ruxsatnoma bilan birgalikda beriladi.
29. “Navoiy” EIIZ qatnashchisi ruxsatnoma tasdiqnomani olish uchun Agentlikka quyidagi hujjatlarni taqdim etadi:
kontrakt loyihasi yoki xorijiy xodimlarni jalb etish niyati va shartlari to‘g‘risida xorijiy fuqarolar yoki xorijiy tashkilotlar bilan oldindan ahdlashilganlikni tasdiqlovchi boshqa hujjatlar.
Ruxsatnoma/tasdiqnoma muddatini uzaytirish uchun quyidagi hujjatlar taqdim etiladi: belgilangan shakldagi ariza;
30. “Navoiy” EIIZ hududidagi xorijiy fuqarolar uchun ruxsatnoma/tasdiqnoma berish yuzasidan hujjatlarni ko‘rib chiqish O‘zbekiston Respublikasi Mehnat va aholini ijtimoiy himoya qilish vazirligining mehnat va aholini ijtimoiy muhofaza qilish hududiy boshqarmasi xulosalarini talab qilmasdan amalga oshiriladi.
31. Ruxsatnoma/tasdiqnoma berish (uning muddatini uzaytirish) to‘g‘risidagi qaror Agentlik tomonidan, ish beruvchi ushbu Nizomning 29-bandida nazarda tutilgan hujjatlarni bergan kundan boshlab o‘n ish kuni mobaynida qabul qilinadi.
32. Ruxsatnoma boshqa ish beruvchilarga berilmaydi. Ruxsatnoma asosida jalb etiladigan xorijiy xodimlar boshqa ish beruvchiga ishlash uchun o‘tkazilishi mumkin emas.
33. Ruxsatnoma/tasdiqnomaning amal qilishini to‘xtatib turish, uni bekor qilish, shuningdek xorijiy xodimlarni O‘zbekiston Respublikasi hududidan chiqarib yuborish qonun hujjatlarida belgilangan tartibda amalga oshiriladi.
Xorijiy fuqarolar va fuqaroligi bo‘lmagan shaxslarning “Navoiy” erkin industrial-iqtisodiy zonasi hududiga kirishi, undan chiqib ketishi, u yerda bo‘lishi va ishga yollanishining soddalashtirilgan tartibi to‘g‘risidagi nizomga
ILOVA
ILOVA
Oldingi tahrirga qarang.
(ilova O‘zbekiston Respublikasi Vazirlar Mahkamasining 2012-yil 31-iyuldagi 232-sonli qaroriga asosan izoh bilan to‘ldirilgan — O‘R QHT, 2012-y., 31-son, 357-modda)