(qarorning nomi O‘zbekiston Respublikasi Vazirlar Mahkamasining 2017-yil 25-martdagi 155-sonli qarori tahririda — O‘R QHT, 2017-y., 13-son, 207-modda)
LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 29-dekabrdagi 786-sonli “Tashqi beg‘araz ko‘mak mablag‘larini jalb etish mexanizmlarini va donorlar bilan ishlash tizimini takomillashtirishga oid qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Navoiy viloyatida erkin iqtisodiy zona tashkil etish to‘g‘risida” 2008-yil 2-dekabrdagi PF-4059-son Farmonini bajarish yuzasidan Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2017-yil 25-martdagi 155-sonli qarori tahririda — O‘R QHT, 2017-y., 13-son, 207-modda)
1. Navoiy viloyati hokimligi, O‘zbekiston Respublikasi Investitsiyalar bo‘yicha davlat qo‘mitasi, “Yergeodezkadastr” davlat qo‘mitasi, Iqtisodiyot vazirligi, Xususiylashtirilgan korxonalarga ko‘maklashish va raqobatni rivojlantirish davlat qo‘mitasining “Navoiy” erkin iqtisodiy zonasini Navoiy viloyati, Karmana tumani, “Do‘stlik” agrofirmasining 205 — 216, 381a — 388, 404 — 470 konturlardagi 500 gektar bo‘lgan maydonda hamda Navoiy shahri, S. Ayniy ko‘chasidagi umumiy yer maydoni 81,4 gektar bo‘lgan 27 va 69-uy manzillarida joylashtirish to‘g‘risidagi taklifi ma’qullansin.
(1-band O‘zbekiston Respublikasi Vazirlar Mahkamasining 2018-yil 7-avgustdagi 629-sonli qarori tahririda — Qonun hujjatlari ma’lumotlari milliy bazasi, 08.08.2018-y., 09/18/629/1635-son)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2017-yil 10-apreldagi 196-sonli qaroriga asosan o‘z kuchini yo‘qotgan — O‘R QHT, 2017-y., 15-son, 252-modda)
3. Boshqaruv xodimlarining dastlabki soni 5 nafar bo‘lgan “Navoiy” erkin iqtisodiy zonasi Direksiyasi tashkil etilsin.
(3-band O‘zbekiston Respublikasi Vazirlar Mahkamasining 2018-yil 16-yanvardagi 29-sonli qarori tahririda — Qonun hujjatlari ma’lumotlari milliy bazasi, 18.01.2018-y., 09/18/29/0587-son)
4. O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi hamda Moliya vazirligi “Navoiy” erkin iqtisodiy zonasi to‘g‘risidagi nizomning amal qilishi samaradorligi yuzasidan monitoring olib borsinlar hamda zarur bo‘lganda “Navoiy” EIZ hududida xo‘jalik faoliyati yuritish amaliyotini hisobga olgan holda o‘zgartirish va qo‘shimchalar to‘g‘risida tezkorlik bilan takliflar kiritsinlar.
(4-band O‘zbekiston Respublikasi Vazirlar Mahkamasining 2017-yil 25-martdagi 155-sonli qarori tahririda — O‘R QHT, 2017-y., 13-son, 207-modda)
“Navoiy” EIZning Navoiy viloyati erkin iqtisodiy zonalari va kichik sanoat zonalari Ma’muriy kengashi (keyingi o‘rinlarda Ma’muriy kengash deb ataladi) tomonidan tasdiqlanadigan mustaqil budjetining bir qismi, xarajatlar smetasi doirasida belgilangan tartibda ajratiladigan budjet mablag‘lari, shuningdek qonun hujjatlarida taqiqlanmagan boshqa manbalar hisobiga moliyalashtiriladi;
(5-bandning uchinchi xatboshisi O‘zbekiston Respublikasi Vazirlar Mahkamasining 2018-yil 16-yanvardagi 29-sonli qarori tahririda — Qonun hujjatlari ma’lumotlari milliy bazasi, 18.01.2018-y., 09/18/29/0587-son)
“Navoiy” EIZ xo‘jalik faoliyati qatnashchilarini ro‘yxatdan o‘tkazadi va “Navoiy” EIZning qatnashchilari bo‘lmagan boshqa xo‘jalik yurituvchi subyektlar hisobini yuritadi;
investorlar bilan “Navoiy” EIZ hududiga investitsiya kiritish, “Navoiy” EIZ hududida faoliyatni amalga oshiruvchi xo‘jalik yurituvchi subyektlar bilan yer uchastkalari ijarasi yuzasidan shartnomalar tuzadi;
belgilangan tartibda tanlab olingan investorlar tomonidan o‘z zimmasiga qabul qilgan majburiyatlarning zarur darajada bajarilishini nazorat qiladi, natijalarini keyinchalik Ma’muriy kengashga taqdim etadi;
O‘zbekiston Respublikasi Vazirlar Mahkamasi “Navoiy” EIZ direksiyasi” davlat unitar korxonasining (keyingi o‘rinlarda “Navoiy” EIZ direksiyasi deb ataladi) muassisi etib belgilansin.
(5-band O‘zbekiston Respublikasi Vazirlar Mahkamasining 2017-yil 25-martdagi 155-sonli qarori tahririda — O‘R QHT, 2017-y., 13-son, 207-modda)
bir hafta muddatda — “Navoiy” EIIZ direksiyasi to‘g‘risidagi nizom loyihasini, uning shtatlar jadvalini hamda “Navoiy” EIIZ direksiyasini yuqori malakali rahbar kadrlar va mutaxassislar bilan ta’minlash yuzasidan takliflar kiritsin;
ikki hafta muddatda — Navoiy viloyati hokimligi bilan birgalikda “Navoiy” EIIZ direksiyasining belgilangan tartibda davlat ro‘yxatidan o‘tkazilishini hamda xorijiy va milliy valyutada bank hisob raqamlari ochilishini ta’minlasin.
7. O‘zbekiston Respublikasi Moliya vazirligi “Navoiy” EIIZ direksiyasining ustav fondini respublika budjetidan moliyalashtiriladigan 2008-yilgi Investitsiya dasturi bo‘yicha tejalgan 4,89 mlrd so‘m miqdorida shakllantirsin, ularni maqsadli ravishda:
“Navoiy” EIIZ direksiyasi hududi atrofini perimetr bo‘yicha xalqaro normalarga muvofiq to‘siq bilan o‘rashga;
tashqi muhandislik kommunikatsiyalari, shu jumladan suv ta’minoti, gaz ta’minoti, elektr ta’minoti va kanalizatsiya kommunikatsiyalari keltirishga;
Ma’muriy kengash tomonidan tasdiqlanadigan xarajatlar smetasi doirasida “Navoiy” EIIZ direksiyasi ta’minotiga yo‘naltirsin.
xizmatlar ko‘rsatish hamda yer uchastkalari, binolar va inshootlarni ijaraga berishdan olingan daromadlarning bir qismi Erkin iqtisodiy zonalar va kichik sanoat zonalari ma’muriy kengashlari faoliyatini muvofiqlashtiruvchi Respublika kengashi tomonidan belgilangan tartibda sarflangan budjet mablag‘larini qoplashga yo‘naltiriladi;
(8-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 16-yanvardagi 29-sonli qarori tahririda — Qonun hujjatlari ma’lumotlari milliy bazasi, 18.01.2018-y., 09/18/29/0587-son)
E-40 trassasidan “Navoiy” EIZ hududigacha (2,2 km) to‘rt polosali avtomobil yo‘li qurilishi O‘zbekiston Respublikasi Moliya vazirligi huzuridagi Respublika yo‘l jamg‘armasi mablag‘lari hisobiga “O‘zavtoyo‘l” davlat-aksiyadorlik kompaniyasi tomonidan amalga oshiriladi;
(8-bandning uchinchi xatboshisi O‘zbekiston Respublikasi Vazirlar Mahkamasining 2017-yil 25-martdagi 155-sonli qarori tahririda — O‘R QHT, 2017-y., 13-son, 207-modda)
“Navoiy” EIZ tashqi energiya ta’minoti obyektlari qurilishi “O‘zbekenergo” AJ mablag‘lari hisobiga amalga oshiriladi.
(8-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 25-martdagi 155-sonli qarori tahririda — O‘R QHT, 2017-y., 13-son, 207-modda)
Navoiy viloyati hokimligi huzuridagi “Yagona buyurtmachi xizmati” injiniring kompaniyasi — to‘siqlar va “Navoiy” EIIZ hududigacha muhandislik kommunikatsiyalari qurilishi bo‘yicha buyurtmachi etib;
“Navoiy kon-metallurgiya kombinati” davlat korxonasining Zarafshon qurilish boshqarmasi — “Navoiy” EIIZ hududi atrofiga to‘siqlar qurilishi bo‘yicha bosh pudrat tashkiloti etib;
“O‘zshaharsozlikLITI” OAJ — “Navoiy” EIIZ, to‘siqlar, tashqi muhandislik kommunikatsiyalari bosh rejasini hamda zarur loyiha-smeta hujjatlarini ishlab chiqish bo‘yicha bosh loyihalashtiruvchi etib belgilansin.
10. Navoiy viloyati hokimligi huzuridagi “Yagona buyurtmachi xizmati” injiniring kompaniyasiga, “O‘zshaharsozlikLITI” OAJga va Zarafshon qurilish boshqarmasiga loyiha-smeta hujjatlarini ishlab chiqishni va qurilish-montaj ishlarini bir paytda amalga oshirishga:
O‘zbekiston Respublikasi Davlat arxitektura va qurilish qo‘mitasi loyiha-smeta hujjatlarining belgilangan tartibda davlat ekspertizasidan o‘tkazilishini ta’minlasin va ishlab chiqilishi ustidan arxitektura-ekspert kuzatuvini hamda qurilish-montaj ishlari sifati ustidan davlat nazoratini o‘rnatsin.
11. Navoiy viloyati hokimligi “Navoiy” EIIZ hududida ma’muriy bino foydalanishga topshirilgungacha bo‘lgan davr uchun “Navoiy” EIIZ direksiyasini Navoiy shahrida xizmat binolari bilan ta’minlasin.
12. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Adliya vazirligi boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga bir oy muddatda takliflar kiritsinlar.
13. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari N.M. Xanov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2017-yil 10-apreldagi 196-sonli qaroriga asosan o‘z kuchini yo‘qotgan — O‘R QHT, 2017-y., 15-son, 252-modda)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2017-yil 25-martdagi 155-sonli qaroriga asosan o‘z kuchini yo‘qotgan — O‘R QHT, 2017-y., 13-son, 207-modda)