LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “2008—2010-yillarda sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi to‘g‘risida” 2008-yil 28-maydagi PQ-879-son qarorini bajarish yuzasidan hamda Mahalliylashtirish dasturi imkoniyatlaridan yanada to‘liq va samarali foydalanish, loyihalarni kiritish va chiqarib tashlash mexanizmlarini takomillashtirish, shuningdek baholashning aniq va ravshan mezonlari asosida loyihalarning ayrim parametrlariga tuzatishlar kiritish maqsadida Vazirlar Mahkamasi qaror qiladi:
1. Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatish kiritish tartibi to‘g‘risidagi nizom 1-ilovaga muvofiq tasdiqlansin.
Keyingi tahrirga qarang.
2. Quyidagilar Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturining amalga oshirilishini ta’minlash bo‘yicha Maxsus komissiyaning asosiy vazifalari etib belgilansin:
Keyingi tahrirga qarang.
mahalliylashtiradigan ishlab chiqarishlarni va sanoat korxonalari o‘rtasidagi kooperatsiyani rivojlantirish yuzasidan respublikada olib borilayotgan ishlarni muvofiqlashtirish;
Mahalliylashtirish dasturining amalga oshirilishini, asbob-uskunalar, butlovchi buyumlar, xomashyo va materiallarning o‘zlashtirilishini hamda importni maqbullashtirish bo‘yicha chora-tadbirlarni muntazam ravishda nazorat qilish;
Mahalliylashtirish dasturining belgilangan prognoz ko‘rsatkichlariga erishishga to‘sqinlik qilayotgan omillarni bartaraf etish bo‘yicha zarur chora-tadbirlar ko‘rish;
kichik va xususiy tadbirkorlik korxonalari bilan yirik sanoat korxonalari o‘rtasidagi kooperatsiyani rivojlantirish masalalari tezkorlik bilan hal qilinishini ta’minlash;
butlovchi buyumlar, xomashyo va materiallarning ilgari import qilib kelingan turlarini ishlab chiqarishni yo‘lga qo‘yish maqsadida mavjud imkoniyatlar va quvvatlarni aniqlash;
3. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. Mazkur Nizom Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga (keyingi o‘rinlarda Mahalliylashtirish dasturi deb ataladi) tuzatish kiritish tartibini belgilab beradi.
Mahalliylashtirish dasturiga kiritilgan loyihalarni chiqarib tashlash yoki shu yo‘nalishdagi muqobil loyihalar bilan almashtirish;
respublika korxonalarida ishlab chiqarish-texnik va iste’mol maqsadidagi materiallar va buyumlarni ishlab chiqarishni o‘zlashtirish bo‘yicha yangi loyihalarni kiritish bo‘yicha asoslangan takliflar asosida amalga oshirilishi mumkin.
3. Mahalliylashtirish dasturiga tuzatishlar kiritish (Dasturga loyihalarni kiritish yoki chiqarib tashlash, mahalliylashtirish loyihalarini almashtirish ayrim loyihalarning mahalliylashtirish darajasini pasaytirish) O‘zbekiston Respublikasi Vazirlar Mahkamasining qaroriga ko‘ra amalga oshiriladi.
Mahalliylashtirish dasturi loyihalari parametrlariga tuzatish kiritish (prognoz ko‘rsatkichlarni, mahalliylashtiriladigan mahsulot nomenklaturasini, loyihaning yoki mulkchilik shakli yoxud tashkiliy-huquqiy shakli o‘zgarishi munosabati bilan korxonaning nomini o‘zgartirish va boshqalar, ayrim loyihalarning mahalliylashtirish darajasini pasaytirish bundan mustasno) Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturining amalga oshirilishini ta’minlash bo‘yicha Maxsus komissiyaning (keyingi o‘rinlarda Maxsus komissiya deb ataladi) protokoli asosida amalga oshiriladi.
4. Takliflar vakolatli organlar tomonidan ariza beruvchi (loyiha tashabbuskori) quyidagi hujjatlarni rasman taqdim etgandan keyin baholanadi:
a) Mahalliylashtirish dasturiga kiritish taklif etilayotgan loyihalar uchun — loyihaning ushbu Nizomga ilovaga muvofiq shakl bo‘yicha tuzilgan pasporti hamda oxirgi ikki yil uchun yillik balans;
b) Mahalliylashtirish dasturiga kiritilgan loyihalarning ayrim parametrlariga tuzatish kiritish uchun — loyihaning aniqlashtirilgan pasporti (faqat ishlab chiqarish hajmini ko‘paytirish hollari bundan mustasno), ayrim parametrlarga tuzatish kiritish zarurligini asoslaydigan qaydnoma, tahliliy va jadval materiallari bilan birgalikda;
v) Mahalliylashtirish dasturidan chiqarib tashlash taklif etilayotgan loyihalar uchun — loyihani Mahalliylashtirish dasturidan chiqarib tashlash zarurligi asoslangan qaydnoma, tahliliy va jadval materiallari bilan birgalikda.
5. Loyiha tashabbuskorlari taqdim etilayotgan axborotlarning, shu jumladan loyihaning pasportida ko‘rsatilgan axborotlarning ishonchliligi uchun javob beradi.
6. Loyihalar tashabbuskoridan loyiha pasportida nazarda tutilmagan qo‘shimcha axborot taqdim etilishini talab qilishga yo‘l qo‘yilmaydi.
7. Davlat va xo‘jalik organlari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, mahalliylashtirish loyihalari tashabbuskori bo‘lgan xo‘jalik yurituvchi subyektlar Mahalliylashtirish dasturiga tuzatish kiritish yuzasidan ishlab chiqilgan takliflarni O‘zbekiston Respublikasi Vazirlar Mahkamasining Iqtisodiyot va tashqi iqtisodiy aloqalar masalalari yig‘ma axborot-tahlil departamentiga (keyingi o‘rinlarda Yig‘ma departament deb ataladi) kiritadilar.
8. Yig‘ma departament loyiha maqsadidan, uni moliyalashtirish manbalaridan va taklif etilayotgan tuzatishning mohiyatidan kelib chiqqan holda kelib tushgan materiallarni bir hafta muddatda ko‘rib chiqish uchun quyidagi tegishli vakolatli organlarga yuboradi:
loyihalarni chiqarib tashlash yoki loyihalarning parametrlarini o‘zgartirishning maqsadga muvofiqligini aniqlash yuzasidan loyihani amalga oshirishning umumiy iqtisodiy maqsadga muvofiqligini baholash uchun;
taklif etilayotgan marketing konsepsiyasi, shu jumladan mahalliylashtiriladigan mahsulotni sotish istiqbollari;
import qilinadigan texnologik asbob-uskunalarning texnologiya darajasi hamda xomashyo, materiallar va xizmatlar narxlarining cheklangan parametrlari;
loyihalarni chiqarib tashlash yoki loyihalarning parametrlarini o‘zgartirishning maqsadga muvofiqligi asosida loyihani amalga oshirishning samaradorligi va imkoniyatlarini baholash uchun;
v) Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasiga — raqobat muhitini, ishlab chiqariladigan mahsulotga talabning mavjudligini, bozorning yetarlicha ta’minlanganligini va narxlar shakllanishini baholash uchun;
g) O‘zbekiston Respublikasi Moliya vazirligiga (loyiha moliyalashtirishning markazlashtirilgan manbalari yoki Hukumat kafolati ostidagi kredit mablag‘lari hisobiga amalga oshirilgan hollarda) — iqtisodiy samaradorlikni kelishish uchun.
9. Takliflarni baholash va Yig‘ma departamentga asoslangan xulosani taqdim etish yuqorida ko‘rsatib o‘tilgan vakolatli organlar tomonidan ikki hafta muddatda amalga oshiriladi. Vakolatli organ aynan ana shu muddatda loyiha tashabbuskoriga o‘z xulosasining nusxasini yuboradi.
Ko‘rsatib o‘tilgan muddat mobaynida vakolatli ekspertiza organlari loyihalarning tashabbuskorlari bilan birgalikda taqdim etilgan hujjatlarni ko‘rib chiqadilar, iqtisodiy maqsadga muvofiq bo‘lmagan loyihalarning hujjatlarida noaniqliklar aniqlangan taqdirda ularni puxta ishlashda ariza beruvchiga yordam beradilar.
10. Loyihaning qayta ishlangan pasportini ko‘rib chiqishda vakolatli organlar tomonidan ilgari yuborilgan xulosada ko‘rsatilmagan yangi mulohazalar bildirilishiga yo‘l qo‘yilmaydi.
11. Loyihaning qayta ishlangan pasporti mulohazalar va takliflar hisobga olingan holda ushbu Nizomda nazarda tutilgan tartibda qayta ishlangan loyiha pasporti varianti tashabbuskor tomonidan taqdim etilgandan keyin bir hafta muddatda ko‘rib chiqiladi.
12. Yig‘ma departament bir hafta muddatda vakolatli organlardan tushgan ijobiy xulosalarni umumlashtiradi va ularni ko‘rib chiqish uchun Maxsus komissiyaga kiritadi.
Bir yoki undan ortiq vakolatli ekspertiza organlarining salbiy xulosasi mavjud bo‘lganda Yig‘ma departament tegishli xulosani ko‘rib chiqish uchun Maxsus komissiyaga kiritadi.
13. Maxsus komissiya Vazirlar Mahkamasining tegishli komplekslari ishtirokida zaruriyatga ko‘ra, biroq yil choragida kamida bir marta o‘tkaziladigan o‘z majlislarida tushgan takliflar (xulosalar)ni ko‘rib chiqadi hamda Mahalliylashtirish dasturiga o‘zgartirish va qo‘shimchalar kiritishning maqsadga muvofiqligi to‘g‘risida protokol qabul qiladi.
14. Maxsus komissiya majlisi komissiya a’zolarining kamida to‘rtdan uch qismi hozir bo‘lganda o‘tkaziladi.
Maxsus komissiya qarorlari majlisda hozir bo‘lgan Maxsus komissiya a’zolarining oddiy ko‘pchilik ovozi bilan qabul qilinadi. Ovozlar teng bo‘lgan taqdirda Maxsus komissiya raisining ovozi hal qiluvchi ovoz hisoblanadi.
Maxsus komissiyaning qarorlari Maxsus komissiya raisi yoki uning o‘rinbosari tomonidan tasdiqlanadigan protokol bilan rasmiylashtiriladi.
15. Mahalliylashtirish dasturiga tuzatish kiritish zarur bo‘lganda O‘zbekiston Respublikasi Iqtisodiyot vazirligi bir hafta muddatda belgilangan tartibda Maxsus komissiyaning protokoli asosida Mahalliylashtirish dasturiga tuzatish kiritish to‘g‘risida O‘zbekiston Respublikasi Vazirlar Mahkamasi qarorining loyihasini kiritadi.
16. Loyiha parametrlarining quyidagi majburiy mezonlar asosida Mahalliylashtirish dasturi maqsadlari va vazifalariga muvofiqligi loyihani Mahalliylashtirish dasturiga kiritish imkoniyati to‘g‘risida taklif kiritish uchun asos hisoblanadi:
a) Iqtisodiyot vazirligining xulosasiga ko‘ra mamlakat sanoatini rivojlantirishning asosiy ustuvorliklariga muvofiqlik;
b) mahalliylashtiriladigan mahsulotni ishlab chiqarishni tashkil etish uchun quvvatlar va xomashyo resurslari mavjudligi;
v) mahalliylashtirish darajasi bosqichma-bosqich oshirib borilgan holda ishlab chiqarish boshlangan paytdan boshlab 12 oy mobaynida ishlab chiqarilayotgan mahsulot bo‘yicha mahalliylashtirish darajasining kamida 30 foizga yetishi;
g) TIF TN kodi bo‘yicha pirovard mahsulot tovar pozitsiyasi boshlang‘ich xomashyoga taqqoslaganda kamida birinchi 4 belgilardan biri darajasiga o‘zgarishi ta’minlanishi;
d) mahalliylashtiriladigan mahsulotning sotish narxi ana shunday import qilinadigan mahsulot narxidan yuqori bo‘lmaganda loyihaning iqtisodiy o‘zini qoplashi (O‘zbekistongacha bo‘lgan transport sarf-xarajatlari, bojxona va soliq to‘lovlari hisobga olingan holda);
e) Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligining xulosasiga ko‘ra mahalliylashtiriladigan mahsulotga ichki va tashqi bozorlarda barqaror talabning mavjudligi;
j) mahalliylashtiriladigan mahsulotga nisbatan xalqaro standartlar bo‘yicha ishlab chiqarish boshlangan paytdan boshlab 18 oy mobaynida sifatni boshqarish tizimi joriy etilishi.
17. Yuqorida ko‘rsatib o‘tilgan mezonlarga to‘liq muvofiq bo‘lmagan istiqbolli loyihalar mavjud bo‘lganda bunday loyihalarni kiritishning maqsadga muvofiqligi masalasi Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligining xulosalariga ko‘ra ko‘rib chiqish uchun Maxsus komissiyaga kiritiladi.
18. Mahalliylashtirish dasturiga mamlakatimiz bozori yetarlicha ta’minlangan (Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasining xulosasi), sog‘lom raqobat muhiti yaratilgan yoki ishlab chiqarish hajmi ichki bozor ehtiyojlarini qoplaydigan shunday mahsulotlarni (texnik tavsiflari va iste’mol xususiyatlariga ko‘ra) ishlab chiqaradigan boshqa mahalliy tovar ishlab chiqaruvchilar mavjud bo‘lgan mahsulotlarni ishlab chiqarish va xizmatlar ko‘rsatish bo‘yicha loyihalar kiritilmaydi.
19. Quyidagilar loyihalarni Mahalliylashtirish dasturidan chiqarib tashlash, shu jumladan loyiha tashabbuskorlari takliflariga ko‘ra chiqarib tashlash to‘g‘risida vakolatli organlar tomonidan xulosa chiqarish uchun asos hisoblanadi:
mahsulotning sifati va narxiga ko‘ra raqobatbardoshli emasligi tufayli mahsulotning ushbu turiga ichki bozorda talabning yo‘qligi;
Mahalliylashtirish dasturi prognoz parametrlarining bajarilmasligi (yil yakunlariga ko‘ra 30 foizdan kam);
soliq va bojxona imtiyozlari berilishi natijasida bo‘shaydigan mablag‘larning tegishli maqsadda ishlatilmasligi, shuningdek texnologik asbob-uskunalar, ehtiyot qismlar va materiallarning asossiz ravishda import qilinishi aniqlangan hollar.
20. Loyiha Mahalliylashtirish dasturidan chiqarilganda loyihani amalga oshirayotgan korxona loyiha Mahalliylashtirish dasturidan chiqarilgan kundan boshlab qonun hujjatlarida belgilangan tegishli soliq va bojxona imtiyozlaridan mahrum bo‘ladi.
Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatish kiritish tartibi to‘g‘risidagi nizomga
ILOVA
ILOVA
Korxonaning nomi | |
Mulkchilik shakli | |
Yirik/kichik korxona | |
Yuqori tashkilotning nomi | |
Korxonaning manzili, telefoni, faksi, e-mail | |
Rahbariyat: F.I.O. | |
Bosh buxgalter: F.I.O. | |
Korxona tashkil etilgan yil | |
Korxonaning hozirgi vaqtdagi faoliyati yo‘nalishi | |
Umumiy maydoni, ga | |
Shu jumladan binolar va inshootlar maydoni, ga | |
Ishlab chiqarish infratuzilmasi* | |
E’lon qilingani | ming so‘m | |||
Shakllantirilgani | ming so‘m | |||
T/r | Muassislar va aksiyadorlar ro‘yxati | Ulush summasi, (ming so‘m) | UFdagi hissa (%) | Ulush xarakteri |
Mahsulotning nomi | |
TIF TN kodi, 10 belgi darajasida | |
DS, TSh, O’zDst va boshqalar | |
Texnik parametrlar, DSga muvofiq, TSh va boshqalar | |
Ishlab chiqarishning yillik o‘rtacha quvvati (fizik hajmlarda) |
Texnologik jarayon |
Texnologik parametrlar, asbob-uskunalarni yetkazib beruvchilar va ishlab chiqaruvchilar |
Mahsulotni sotish bo‘yicha aniq marketing strategiyasini, mahsulotning potensial iste’molchilari bilan oldindan ahdlashuvlarning mavjudligini, shunga o‘xshash buyumlarni ishlab chiqaruvchilar va import qiluvchilardan raqobatli ustunliklar mavjudligini, ichki va tashqi bozorlar (eksport mavjud bo‘lgan taqdirda) ehtiyoji hajmini tavsiflash. Marketing ishlanmalari yakunlari bo‘yicha “Raqobatchilar va ularning bozordagi ulushi jadvalini to‘ldirish |
Izoh. Ishlab chiqarishni mahalliylashtirish darajasi quyidagi formula bo‘yicha hisoblab chiqariladi:
I — import qilinayotgan xomashyo, materiallar va butlovchi buyumlarning so‘mlarda ifodalangan valyuta qiymati;
(Mahalliy yetkazib beruvchilardan sotib olinadigan import xomashyo mahalliy xomashyo bo‘lmasligi kerak)
Mahalliylashtirilayotgan mahsulotning nomi | O‘lchov birligi | Mahsulot birligini sotish narxi | Yillik ishlab chiqarish hajmi, 100% quvvatda | Ishlab chiqarishning birinchi yilidagi ishlab chiqarish hajmi | Ishlab chiqarishning ikkinchi yilidagi ishlab chiqarish hajmi | Ishlab chiqarishning uchinchi yilidagi ishlab chiqarish hajmi | ||||
miqdori | summasi (mln. so‘m) | miqdori | summasi (mln. so‘m) | miqdori | summasi (mln. so‘m) | miqdori | summasi (mln. so‘m) | |||
shu jumladan: eksport uchun | ||||||||||
Valyutaning pasport to‘ldirilgan sanadagi kursi | ||
Potensial iste’molchilar va mahalliylashtirilayotgan mahsulotning qo‘llanish sohalari |
T/r | Raqobatchilar nomi | Ishlab chiqarilayotgan mahsulotning nomi | O‘lchov birligi | Mahsulot birligi narxi (ming so‘m) | Sotishning yillik hajmi | |
miqdori | summasi (mln. so‘m) | |||||
T/r | Nomi | O‘lchov birligi | Narxi (ming so‘m) | Bojxona to‘lovlari (QQS stavkalari (%), bojlar (%), aksiz (%)) hisobga olingan narxi (ming so‘m) | Yillik ehtiyoj | Bojxona to‘lovlari hisobga olingan yillik xarajatlar (ming so‘m) |
Materiallar va xomashyo, shu jumladan: | ||||||
1. | Import materiallar va xomashyo | |||||
1.1. | ||||||
2. | Mahalliy materiallar va xomashyo | |||||
2.1. | ||||||
Butlovchi buyumlar (mavjud bo‘lganda), shu jumladan: | ||||||
3. | Import butlovchi buyumlar | |||||
3.1. | ||||||
4. | Mahalliy butlovchi buyumlar | |||||
4.1. | ||||||
5. | Kommunal xizmatlar xarajatlari | |||||
5.1. | ||||||
6. | Boshqa xarajatlar |
T/r | Nomi | O‘lchov birligi | Narxi (ming so‘m) | Yillik ehtiyoj | Yillik xarajatlar |
1. | Boshqaruv xarajatlari | ||||
1.1. | |||||
1.2. | |||||
2. | Ishlab chiqarish xarajatlari | ||||
2.1. | |||||
2.2. | |||||
3. | Marketing xarajatlari | ||||
4. | Boshqa xarajatlar |
Ombordagi xomashyo zaxiralari | |
Tayyor mahsulot zaxiralari | |
Xom ashyo va butlovchi buyumlar uchun to‘lov | |
Kommunal xizmatlar uchun to‘lov |
T/r | Xom ashyo va butlovchi buyumlar nomi, TIF TN kodi, 9 belgi darajasida | Texnik parametrlar DS, TSh va shu kabilarga muvofiq | Xom ashyo va butlovchi buyumlarni yetkazib beruvchilar | Etkazib berish hajmlari | Etkazib berish muddatlari | Kontraktatsiyaning mavjudligi |
1. | ||||||
2. |
* Mahsulot tannarxi kalkulatsiyasi Vazirlar Mahkamasining 1999-yil 5-fevraldagi 54-son qaroriga muvofiq taqdim etilsin.
Nomi | O‘lchov birligi | Miqdori | Narxi (ming so‘m) | Summasi | Tannarxdagi ulushi | |
Materiallar, shu jumladan: | ||||||
Import materiallar | ||||||
Mahalliy materiallar | ||||||
Butlovchi buyumlar, shu jumladan: | ||||||
Import butlovchi buyumlar | ||||||
Mahalliy butlovchi buyumlar | ||||||
Boshqa xarajatlar | ||||||
Ishlab chiqarish tannarxi | ||||||
Mahsulot birligi hisobiga jami | ||||||
Mahsulot birligini sotish narxi |
T/r | Xodimlar nomi | Xodimlar soni | O‘rtacha oylik ish haqi (ming so‘m) | Jami bir oyda (ming so‘m) | Jami bir yilda (ming so‘m) |
Ma’muriyat | |||||
Ishlab chiqarish xodimlari | |||||
T/r | Loyihaning qiymati, shu jumladan: | O‘lchov birligi | Qiymati | Moliyalashtirish manbalari | ||
o‘z mablag‘lari | budjet mablag‘lari | qarz mablag‘lari | ||||
1. | Qat’iy belgilangan aktivlar | |||||
1.1. | Mahalliylashtirilayotgan mahsulot ishlab chiqarishni tashkil etish uchun qurilish-montaj ishlari (mavjud bo‘lganda) | |||||
1.2. | Mahalliylashtirilayotgan mahsulotni ishlab chiqarishda foydalaniladigan bino va inshootlar | |||||
1.3. | Mahalliylashtirilayotgan mahsulotni ishlab chiqarishda foydalaniladigan asbob-uskunalar, shu jumladan: | |||||
1.3.1. | Mavjud bo‘lgani | |||||
1.3.2. | Sotib olinadigani | |||||
2. | Aylanma kapital | |||||
3. | Moliyaviy xarajatlar | |||||
4. | Boshqa xarajatlar | |||||
Jami |
T/r | Soliqlarning nomi | Soliq stavkasi | Hisoblash bazasi | Davriyligi |
Umumdavlat soliqlari | ||||
Mahalliy soliqlar | ||||
Korxona rahbari | _____________ | ___________ | _____________ | |
(F.I.O.) | (imzo) | (sana) | ||
M.O‘. | ||||
Korxonaning bosh buxgalteri | _____________ | ___________ | _____________ | |
(F.I.O.) | (imzo) | (sana) |
Keyingi tahrirga qarang.
1. Vazirlar Mahkamasining “Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi to‘g‘risidagi Nizomni tasdiqlash haqida” 2004-yil 13-avgustdagi 391-son qarori (O‘zbekiston Respublikasi QT, 2004-y., 8-son, 82-modda).
2. Vazirlar Mahkamasining “Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish to‘g‘risida” 2004-yil 30-dekabrdagi 620-son qarori (O‘zbekiston Respublikasi QT, 2004-y., 12-son, 112-modda).
3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida” 2005-yil 10-avgustdagi 192-son qaroriga 1-ilovaning 5-bandi (O‘zbekiston Respublikasi QT, 2005-y., 8-son, 41-modda).
4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish kiritish va ba’zilarini o‘z kuchini yo‘qotgan deb hisoblash to‘g‘risida” 2005-yil 8-sentabrdagi 206-son qaroriga 1-ilovaning 63-bandi (O‘zbekiston Respublikasi QT, 2005-y., 9-10-son, 48-modda).
5. Vazirlar Mahkamasining “2006—2008-yillarda mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish Dasturiga tuzatishlar kiritish to‘g‘risida” 2007-yil 8-maydagi 93-son qarori.