O‘zbekiston Respublikasi Prezidentining “O‘zbekiston Respublikasida advokatura institutini yanada isloh qilish chora-tadbirlari to‘g‘risida” 2008-yil 1-maydagi PF-3993-son Farmonini bajarish yuzasidan hamda O‘zbekiston Advokatlar assotsiatsiyasi negizida O‘zbekiston Respublikasi barcha advokatlarining majburiy a’zoligiga asoslangan O‘zbekiston Respublikasi Advokatlar palatasi tashkil etilishi munosabati bilan Vazirlar Mahkamasi qaror qiladi:
O‘zbekiston Respublikasi Advokatlar palatasining ilova qilinayotgan tashkiliy tuzilmasiga muvofiq Konferensiya Palataning yuqori organi, Boshqaruv — ijro etuvchi organi, Taftish komissiyasi esa moliyaviy nazorat organi hisoblanadi;
O‘zbekiston Respublikasi Advokatlar palatasining raisi va uning o‘rinbosarlari O‘zbekiston Respublikasi Adliya vazirligining taqdimnomasiga ko‘ra Konferensiya saylagan O‘zbekiston Respublikasi Advokatlar palatasi Boshqaruvi a’zolari orasidan besh yil muddatga O‘zbekiston Respublikasi Advokatlar palatasi Konferensiyasi tomonidan saylanadi;
Qoraqalpog‘iston Respublikasida, viloyatlar va Toshkent shahrida yuridik shaxs maqomiga ega bo‘lgan, O‘zbekiston Respublikasi Advokatlar palatasi tomonidan tasdiqlanadigan nizomlar asosida faoliyat ko‘rsatadigan O‘zbekiston Respublikasi Advokatlar palatasining hududiy boshqarmalari tashkil etiladi;
O‘zbekiston Respublikasi Advokatlar palatasi hududiy boshqarmalarining rahbarlari (tegishli hududda faoliyat ko‘rsatayotgan advokatlar orasidan) O‘zbekiston Respublikasi Advokatlar palatasining raisi tomonidan lavozimga tayinlanadi va lavozimdan ozod qilinadi.
2. O‘zbekiston Respublikasi Adliya vazirligi O‘zbekiston Advokatlar assotsiatsiyasi bilan birgalikda ikki oy muddatda:
O‘zbekiston Respublikasi Advokatlar palatasining ta’sis Konferensiyasini o‘tkazsin, unda ustav tasdiqlanishini, Boshqaruv va Taftish komissiyasi shakllantirilishini, shuningdek O‘zbekiston Respublikasi Advokatlar palatasining raisi va uning o‘rinbosarlari saylanishini nazarda tutsin;
O‘zbekiston Respublikasi Advokatlar palatasining belgilangan tartibda davlat ro‘yxatidan o‘tkazilishini ta’minlasin.
advokatlarning O‘zbekiston Respublikasi Advokatlar palatasi Konferensiyasi tomonidan belgilanadigan miqdordagi kirish va a’zolik badallari;
qonun hujjatlarida taqiqlanmagan boshqa tushumlar O‘zbekiston Respublikasi Advokatlar palatasi faoliyatini moliyalashtirish manbalari etib belgilansin.
Ko‘rsatib o‘tilgan mablag‘lardan faqat Palataning ustavdagi faoliyatini amalga oshirish uchun foydalaniladi hamda ular O‘zbekiston Respublikasi Advokatlar palatasi a’zolari o‘rtasida taqsimlanmaydi.
4. Toshkent shahar hokimligi O‘zbekiston Respublikasi Adliya vazirligi bilan birgalikda bir oy muddatda O‘zbekiston Respublikasi Advokatlar palatasining joylashtirilishini ta’minlasin.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Advokatlar palatasi hududiy boshqarmalarining joylashtirilishini ta’minlasinlar.
5. O‘zbekiston aloqa va axborotlashtirish agentligi O‘zbekiston Respublikasi Advokatlar palatasini zarur aloqa vositalari, shu jumladan Hukumat aloqasi vositalari bilan ta’minlasin.
6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.