O‘zbekiston Respublikasi Prezidentining “Respublika tibbiyot muassasalari faoliyatini tashkil etishni takomillashtirish chora-tadbirlari to‘g‘risida” 2007-yil 2-oktabrdagi PQ-700-son qaroriga muvofiq hamda tibbiy faoliyatni litsenziyalash tartibini takomillashtirish maqsadida Vazirlar Mahkamasi qaror qiladi:
Keyingi tahrirga qarang.
Xususiy tibbiyot muassasalariga litsenziya beriladigan tibbiy faoliyat ixtisosliklari turlarining ro‘yxati 2-ilovaga muvofiq;
Keyingi tahrirga qarang.
O‘zbekiston Respublikasi Sog‘liqni saqlash vazirligining Litsenziyalash va nodavlat tibbiyot muassasalari tomonidan ko‘rsatilayotgan tibbiy xizmatlar sifatini nazorat qilish boshqarmasi to‘g‘risidagi nizom 3-ilovaga muvofiq tasdiqlansin.
2. Belgilab qo‘yilsinki, tibbiy faoliyatni amalga oshirish uchun ilgari berilgan litsenziyalar litsenziatlar ushbu qarorda belgilangan yangi litsenziya talablari va shartlariga muvofiq bo‘lgan taqdirda ushbu qaror chiqqan kundan boshlab 5 yil mobaynida amal qiladi.
tibbiy faoliyatni amalga oshirish huquqi uchun litsenziyalar qat’iy ravishda ushbu qarorga muvofiq berilishini ta’minlasin;
ilgari berilgan litsenziya egalarining ushbu qarorda belgilangan litsenziya talablari va shartlariga muvofiqligini uch oy muddatda ko‘rib chiqsin hamda egalari mazkur talablar va shartlarga javob bermaydigan litsenziyalarning amal qilishini belgilangan tartibda to‘xtatish chora-tadbirlarini ko‘rsin;
bir oy muddatda O‘zbekiston Respublikasi Sog‘liqni saqlash vazirligining Litsenziyalash va nodavlat tibbiyot muassasalari tomonidan ko‘rsatilayotgan tibbiy xizmatlar sifatini nazorat qilish boshqarmasi apparatini hamda sog‘liqni saqlashni boshqarish hududiy organlaridagi tegishli bo‘linmalarni yuqori malakali va tajribali mutaxassislar bilan butlasin;
uch oy muddatda litsenziatlar tomonidan litsenziya talablari va shartlarining, shu jumladan ular tomonidan ko‘rsatilayotgan xizmatlar sifatiga qo‘yiladigan talablarning bajarilishi to‘g‘risidagi axborotlarni o‘z ichiga oladigan markazlashtirilgan ma’lumotlar bazasini yaratsin;
aholini ommaviy axborot vositalari, shu jumladan Internet tarmog‘i orqali litsenziya talablari va shartlari, shu jumladan ko‘rsatilayotgan xizmatlar sifatiga qo‘yiladigan talablar, shuningdek litsenziyasining amal qilishi to‘xtatib qo‘yilgan, to‘xtatilgan yoxud litsenziyasi bekor qilingan litsenziatlar to‘g‘risida muntazam ravishda xabardor qilib borsin.
4. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Qosimov zimmasiga yuklansin.
2. Tibbiy faoliyatni litsenziyalash O‘zbekiston Respublikasi Sog‘liqni saqlash vazirligi (keyingi o‘rinlarda litsenziyalovchi organ deb ataladi) tomonidan amalga oshiriladi.
Litsenziyalovchi organda litsenziyalar berish to‘g‘risidagi hujjatlarni ko‘rib chiqish, ular yuzasidan xulosalar tayyorlash O‘zbekiston Respublikasi Sog‘liqni saqlash vazirligining Litsenziyalash va nodavlat tibbiyot muassasalari tomonidan ko‘rsatilayotgan tibbiy xizmatlar sifatini nazorat qilish boshqarmasi (keyingi o‘rinlarda Litsenziyalash va nazorat qilish boshqarmasi deb ataladi) tomonidan amalga oshiriladi.
3. Kasalliklarni profilaktika, diagnostika qilish va davolashga, chalingan kasallik (kasalliklar)dan keyin reabilitatsiya qilishga yo‘naltirilgan, maxsus tibbiy ma’lumotni va ko‘nikmalarni talab qiluvchi muayyan tibbiy ixtisoslik (ixtisosliklar) bo‘yicha faoliyat litsenziyalanadigan tibbiy faoliyat hisoblanadi.
4. Ushbu Nizomda nazarda tutilgan talablar va shartlarga muvofiq bo‘lgan yuridik va jismoniy shaxslar (keyingi o‘rinlarda yuridik va jismoniy shaxslar deb ataladi) litsenziya talabgorlari bo‘lishi mumkin.
Keyingi tahrirga qarang.
Davlat tibbiyot muassasalari, shuningdek O‘zbekiston Respublikasi Vazirlar Mahkamasi qarorlariga muvofiq tashkil etilgan tibbiyot muassasalari tibbiy faoliyatni amalga oshirishi ularni tashkil etish to‘g‘risidagi dalolatnomalarda nazarda tutilgan taqdirda tibbiy faoliyatni litsenziya olmasdan amalga oshirishga haqlidir. Ushbu qoida ko‘rsatib o‘tilgan muassasalarni mazkur Nizomda nazarda tutilgan litsenziya talablari va shartlarini, shuningdek qonun hujjatlariga muvofiq qo‘yiladigan tibbiy faoliyatni amalga oshirish bilan bog‘liq boshqa talablarni bajarishdan ozod qilmaydi.
Keyingi tahrirga qarang.
5. Xususiy tibbiyot muassasalari va jismoniy shaxslarga tibbiy faoliyatni amalga oshirish huquqi uchun litsenziyalar faqat yagona ro‘yxati O‘zbekiston Respublikasi Vazirlar Mahkamasi tomonidan tasdiqlanadigan muayyan ixtisoslik turlari bo‘yicha beriladi.
Boshqa nodavlat tibbiyot muassasalari tibbiy faoliyatni Sog‘liqni saqlash vazirligi tomonidan tasdiqlanadigan ixtisoslik turlari bo‘yicha amalga oshiradilar.
7. Yuridik va jismoniy shaxslarga tibbiy faoliyatni amalga oshirish huquqi uchun litsenziyalar 5 yil muddatga beriladi. Litsenziya 5 yildan kam muddatga litsenziya talabgorining arizasiga ko‘ra berilishi mumkin.
Keyingi tahrirga qarang.
yuridik shaxs uchun — rahbarning oliy tibbiy ma’lumotga va mutaxassisligi bo‘yicha kamida 5 yil ish stajiga, tegishli mutaxassislik bo‘yicha malaka toifasiga, shuningdek boshqa mutaxassis vrachlarning oliy tibbiy ma’lumotga va tegishli mutaxassislik bo‘yicha malaka toifasiga ega bo‘lishi;
Keyingi tahrirga qarang.
tibbiyot muassasasida ishlayotgan mutaxassis vrachlarning kamida 5 yilda bir marta malaka oshirish talablariga rioya etgan holda zarur kasb darajasini ta’minlash;
Keyingi tahrirga qarang.
jismoniy shaxs uchun — oliy yoki o‘rta maxsus, tibbiy kasb-hunar ma’lumotiga va ixtisoslashuvga, shuningdek litsenziyalanadigan ixtisoslik bo‘yicha kamida 5 yil ish stajiga va malaka toifasiga ega bo‘lish;
Keyingi tahrirga qarang.
litsenziya talabgorida litsenziyalanayotgan faoliyat turini bajarish uchun mo‘ljallangan, unga mulk huquqi bilan yoki boshqa qonuniy asosda tegishli bo‘lgan, sanitariya qoidalari va normalariga muvofiq binolarning mavjud bo‘lishi;
tibbiy faoliyatning litsenziyalanayotgan tegishli turiga va/yoki ixtisoslikka muvofiq bo‘lgan tashkiliy-texnik shart-sharoitlar va moddiy-texnika jihozlarining, shu jumladan:
Keyingi tahrirga qarang.
a) litsenziya talabgoriga mulk huquqi bilan yoki boshqa qonuniy asosda tegishli bo‘lgan, metrologiya normalariga va texnika xavfsizligi normalariga muvofiq bo‘lgan zamonaviy diagnostika va davolash asbob-uskunalarining mavjud bo‘lishi;
b) O‘zbekiston Respublikasi Sog‘liqni saqlash vazirligi tomonidan qo‘llashga ruxsat berilgan tibbiy texnologiyalardan foydalanishni ta’minlaydigan asboblar, qattiq va yumshoq maxsus inventarlar, transport vositalari va hujjatlarning mavjud bo‘lishi;
O‘zbekiston Respublikasi Sog‘liqni saqlash vazirligi tomonidan tasdiqlangan namunalar va shakllar bo‘yicha dastlabki tibbiy hujjatlarni yuritish, shuningdek statistika ma’lumotlarini qonun hujjatlarida belgilangan tartibda taqdim etish;
O‘zbekiston Respublikasi Sog‘liqni saqlash vazirligi tomonidan ruxsat etilgan diagnostika, profilaktika va davolash metodlarini, shuningdek dori-darmonlarni qo‘llash;
faoliyatni litsenziyada ko‘rsatilgan tur va/yoki ixtisoslik doirasida, shuningdek litsenziya bitimiga muvofiq manzil (manzillar) bo‘yicha amalga oshirish.
9. Tibbiy faoliyatning tegishli turini amalga oshirish uchun zarur bo‘lgan moddiy-texnik bazaga, asbob-uskunalarga va boshqa texnika vositalariga, shuningdek mutaxassisning tibbiyot anjomlarining majburiy to‘plami bilan ta’minlanganligiga minimal talablar belgilangan tartibda O‘zbekiston Respublikasi Sog‘liqni saqlash vazirligi tomonidan belgilanadi.
Keyingi tahrirga qarang.
10. Litsenziya talabgori litsenziya olish uchun litsenziyalovchi organga quyidagi hujjatlarni taqdim etadi:
yuridik shaxs uchun — yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bank muassasasidagi hisob raqami;
Keyingi tahrirga qarang.
jismoniy shaxs uchun — familiyasi, ismi, otasining ismi, fuqaroning shaxsini tasdiqlovchi hujjat ma’lumotlari, bank muassasasining nomi va bank muassasasidagi hisob raqami;
Keyingi tahrirga qarang.
yuridik yoki jismoniy shaxs amalga oshirishni mo‘ljallayotgan tibbiy faoliyatning litsenziyalanadigan turi hamda faoliyatning ko‘rsatilgan turi amalga oshiriladigan muddat;
Keyingi tahrirga qarang.
b) yuridik shaxslar uchun — yuridik shaxsning davlat ro‘yxatidan o‘tkazilganligi to‘g‘risidagi guvohnomaning notarial tasdiqlangan nusxasi; jismoniy shaxslar uchun — yakka tartibdagi tadbirkorning davlat ro‘yxatidan o‘tkazilganligi to‘g‘risidagi guvohnomaning notarial tasdiqlangan nusxasi;
Keyingi tahrirga qarang.
v) hududiy sanitariya-epidemiologiya nazorati organining arizada ko‘rsatilgan tibbiy faoliyat turi va/yoki ixtisosliklar bo‘yicha amalga oshirish uchun mo‘ljallangan binolarning sanitariya normalari va qoidalariga muvofiqligi to‘g‘risidagi xulosasi;
Keyingi tahrirga qarang.
g) litsenziya talabgorida muayyan ixtisoslik bo‘yicha tibbiy faoliyatni amalga oshirish uchun zarur bo‘lgan mavjud tibbiyot asbob-uskunalari va apparatlari ro‘yxati va ularning mavjudligini tasdiqlaydigan boshqa hujjatlar;
d) “O‘zstandart” agentligi organlari yoki “O‘zstandart” agentligida tegishli xulosalar berish huquqi uchun akkreditatsiya qilingan metrologiya xizmatlari tomonidan tibbiyot asbob-uskunalari va apparatlarining metrologiya normalari va standartlariga muvofiqligi to‘g‘risida berilgan xulosa;
e) yuridik shaxslar uchun — rahbar uchun — oliy tibbiy ma’lumot to‘g‘risidagi diplomning, mehnat daftarchasining, malaka toifasi berilganligi to‘g‘risidagi sertifikatning, keyingi 5 yilda malaka oshirganlik va/yoki ixtisoslashuvdan o‘tganlik to‘g‘risidagi hujjatning notarial tasdiqlangan nusxasi, shuningdek mutaxassis vrachlar uchun — oliy tibbiy ma’lumot to‘g‘risidagi diplomning, malaka toifasi berilganligi to‘g‘risidagi sertifikatning, keyingi 5 yilda malaka oshirganlik va/yoki ixtisoslashuvdan o‘tganlik to‘g‘risidagi hujjatning notarial tasdiqlangan nusxasi;
Keyingi tahrirga qarang.
j) jismoniy shaxslar uchun — oliy va/yoki o‘rta maxsus, tibbiy kasb-hunar ma’lumoti to‘g‘risidagi diplomning, mehnat daftarchasining, malaka toifasi berilganligi to‘g‘risidagi sertifikatning, keyingi 5 yilda malaka oshirganlik va/yoki ixtisoslashuvdan o‘tganlik to‘g‘risidagi hujjatning notarial tasdiqlangan nusxasi;
Keyingi tahrirga qarang.
z) litsenziya talabgori tomonidan litsenziya talabgorining arizasi litsenziyalovchi organ tomonidan ko‘rib chiqilganligi uchun yig‘im to‘langanligini tasdiqlovchi hujjat.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
12. Hujjatlar litsenziya talabgori tomonidan litsenziyalovchi organga chopar orqali yoxud olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
Hujjatlar Sog‘liqni saqlash vazirligining Litsenziyalash va nazorat qilish boshqarmasining mas’ul shaxsi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda arizachiga yuboriladi (topshiriladi).
Keyingi tahrirga qarang.
13. Litsenziya talabgori noto‘g‘ri yoki buzilgan ma’lumotlar taqdim etilganligi uchun qonun hujjatlariga muvofiq javob beradi.
14. Ariza ko‘rib chiqilganligi uchun litsenziya talabgoridan qonun hujjatlarida belgilangan eng kam oylik ish haqining besh baravari miqdorida yig‘im undiriladi.
Ariza ko‘rib chiqilganligi uchun yig‘im summasi litsenziyalovchi organning hisob raqamiga o‘tkaziladi. Litsenziya talabgori berilgan arizadan voz kechgan taqdirda to‘langan yig‘im summasi qaytarilmaydi.
15. Tibbiy faoliyatni litsenziyalash ushbu Nizomga ilova qilinayotgan sxemaga muvofiq amalga oshiriladi.
Litsenziya berish yoki litsenziya berishni rad etish to‘g‘risidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab yigirma kundan ortiq bo‘lmagan muddatda litsenziyalovchi organ tomonidan qabul qilinadi.
16. Litsenziya talabgorining barcha zarur hujjatlar ilova qilingan arizasi ariza olingan kunda ko‘rib chiqish uchun Litsenziyalash va nazorat qilish boshqarmasiga kiritiladi.
Litsenziya talabgori tomonidan taqdim etilgan hujjatlar ular olingan kundan boshlab o‘n besh kun muddatda (zarurat bo‘lganda joyiga borib) ekspertizadan o‘tkazilishi kerak.
Zarurat bo‘lganda litsenziyalovchi organ hujjatlarni ekspertizadan o‘tkazish uchun qo‘shimcha ravishda tegishli ixtisosga ega bo‘lgan yuqori malakali mutaxassislarni jalb qilishga haqlidir.
17. Litsenziya talabgorining litsenziya talablari va shartlariga muvofiqligini aniqlash uchun litsenziyalovchi organ Litsenziyalash va nazorat qilish boshqarmasining taqdimnomasi bo‘yicha o‘z mablag‘lari hisobiga:
litsenziya talabgorida litsenziyalanadigan faoliyat turini amalga oshirish uchun mavjud sharoitlarni joyiga borib baholash;
18. Taqdim etilgan hujjatlar bo‘yicha litsenziya talabgoriga litsenziya berish yoxud litsenziya berishni rad etish to‘g‘risidagi taklif bilan xulosa tuziladi.
19. Litsenziyalovchi organ uch kun muddatda Litsenziyalash va nazorat qilish boshqarmasining xulosasi asosida litsenziya berish yoki litsenziya berishni rad etish to‘g‘risida qaror qabul qiladi hamda qabul qilingan qaror to‘g‘risida litsenziatni ikki kun muddatda xabardor qiladi.
Litsenziyalovchi organning litsenziya berishni rad etish to‘g‘risidagi qarori yuzasidan qonun hujjatlarida belgilangan tartibda shikoyat qilinishi mumkin.
20. Litsenziya berilganligi uchun eng kam oylik ish haqining o‘n baravari miqdorida davlat boji undiriladi. Davlat boji summasi respublika budjetiga o‘tkaziladi.
Litsenziya berishga qaror qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda yuboriladi (topshiriladi).
21. Litsenziya litsenziya talabgori tomonidan davlat boji to‘langanligini tasdiqlovchi hujjat taqdim etilgandan va u litsenziya bitimini imzolagandan keyin ikki kun muddatda beriladi.
Keyingi tahrirga qarang.
litsenziyalanadigan tibbiy faoliyat turi va/yoki muayyan tibbiy ixtisoslik bo‘yicha faoliyat amalga oshiriladigan manzil (manzillar);
Keyingi tahrirga qarang.
litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;
tibbiy faoliyatning muayyan turi va/yoki ixtisoslikni amalga oshirish xususiyatlariga taalluqli boshqa shartlar.
Keyingi tahrirga qarang.
Litsenziya qayta rasmiylashtirilgan yoki filial ochilgan taqdirda litsenziya bitimiga o‘zgartirish yoki qo‘shimchalar kiritiladi yoxud yangi litsenziya bitimi tuziladi.
22. Litsenziyalar maxsus blankalarda rasmiylashtiriladi. Litsenziya blankasi namunasi O‘zbekiston Respublikasi Vazirlar Mahkamasining 2000-yil 20-dekabrdagi 488-son qaroriga muvofiq litsenziyalovchi organ tomonidan tasdiqlanadi.
Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziyalar blankalari litsenziyalovchi organ buyurtmasiga ko‘ra “Davlat belgisi” davlat-ishlab chiqarish birlashmasi tomonidan bosmaxona usulida tayyorlanadi. Litsenziyalar blankalarining hisobga olinishi, saqlanishi va ulardan maqsadli foydalanilishi uchun Litsenziyalash va nazorat qilish boshqarmasi rahbari shaxsan javob beradi.
23. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ litsenziyani bekor qilish to‘g‘risida qaror qabul qilishga haqlidir.
24. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida belgilangan asoslar bo‘yicha rad etilishi mumkin.
Litsenziya talabgori litsenziyalovchi organning litsenziya berishni rad etish to‘g‘risidagi qarori, shuningdek litsenziyalovchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
25. Litsenziya berishni rad etish to‘g‘risida qaror qabul qilingan taqdirda rad etish to‘g‘risidagi bildirishnoma ikki kun muddatda litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib, hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi).
Litsenziya berish rad etilishiga asos bo‘lgan sabablar litsenziya talabgori tomonidan bartaraf etilgan taqdirda, hujjatlarni takroran ko‘rib chiqish litsenziyalovchi organ tomonidan litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda takroran taqdim etilgan hujjatlar ko‘rib chiqish uchun litsenziyalovchi organga ular qabul qilingan kunda kiritiladi.
Litsenziyalash va nazorat qilish boshqarmasi taqdim etilgan hujjatlarni olti kundan ortiq bo‘lmagan muddatda takroran ko‘rib chiqadi va ular bo‘yicha litsenziya berish yoki litsenziya berishni rad etish to‘g‘risida ekspert xulosasi tayyorlaydi.
Litsenziyalovchi organ uch kun muddatda Litsenziyalash va nazorat qilish boshqarmasining xulosasi asosida litsenziya berish yoki litsenziya berishni rad etish to‘g‘risida qaror qabul qiladi va litsenziya talabgorini qabul qilingan qaror haqida ikki kun muddatda xabardor qiladi.
Litsenziya talabgorlarining arizalari takroran ko‘rib chiqilganligi uchun yig‘im undirilmaydi. Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
Keyingi tahrirga qarang.
26. Yuridik shaxs — litsenziat qayta tashkil etilganda, uning nomi yoki joylashgan joyi (pochta manzili) o‘zgarganda, litsenziat yoki uning huquqiy vorisi qayta ro‘yxatdan o‘tkazilgandan keyin bir hafta muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish to‘g‘risida ariza berishi shart.
Jismoniy shaxs — litsenziatning familiyasi, ismi, otasining ismi yoki yashash joyi yoki faoliyatni amalga oshirish joyi (pochta manzili) o‘zgargan taqdirda, litsenziat qayta ro‘yxatdan o‘tkazilgandan keyin bir hafta muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish to‘g‘risida ariza berishi shart.
27. Litsenziat litsenziya qayta rasmiylashtirilgunga qadar unda ko‘rsatilgan faoliyat turini ilgari berilgan litsenziya asosida amalga oshiradi.
28. Litsenziyani qayta rasmiylashtirishda litsenziyalovchi organ litsenziyalar reyestriga tegishli o‘zgartirishlar kiritadi. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish to‘g‘risida ariza olingan kundan boshlab o‘n kun mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organning hisob raqamiga o‘tkaziladi.
29. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza litsenziyalovchi organga litsenziyaning amal qilish muddati o‘tgunga qadar ikki oydan kechikmay berilishi kerak.
Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
30. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Litsenziyalar dublikatlarini berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organning hisob raqamiga o‘tkaziladi.
31. Litsenziat tomonidan litsenziya talablari va shartlariga rioya etilishi ustidan nazorat qonun hujjatlariga muvofiq litsenziyalovchi organ tomonidan amalga oshiriladi.
32. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ o‘z vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziat tomonidan litsenziya talablari va shartlarining buzilganligidan dalolat beruvchi holatlar mavjud bo‘lganda litsenziatning ularga rioya qilishini qonun hujjatlarida belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘rash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyalarning amal qilishini to‘xtatib turish, to‘xtatish yoki ularni bekor qilish to‘g‘risida qonun hujjatlarida belgilangan tartibda qarorlar chiqarish va taqdimnoma bilan sudga murojaat qilish;
xo‘jalik yurituvchi subyektlar tomonidan tibbiy faoliyatni litsenziya olmasdan amalga oshirishning aniqlangan hollari to‘g‘risidagi materiallarni qonun hujjatlarida nazarda tutilgan choralar ko‘rish uchun belgilangan tartibda davlat soliq xizmati organlariga yuborish.
33. Litsenziya talablari va shartlariga rioya etilishini tekshirishda litsenziyalovchi organ xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi litsenziyalovchi organda qoladi.
O‘zbekiston Respublikasi Sog‘liqni saqlash vazirligining markaziy apparatida va sog‘liqni saqlashni boshqarish hududiy organlarida o‘rnatilgan “ishonch telefoni” bo‘yicha axborot olish;
boshqa nazorat organlari tomonidan nodavlat muassasalarida o‘tkazilgan litsenziatlarni tekshirishlar yakunlari bo‘yicha tushadigan axborotlarni to‘plash, umumlashtirish va tahlil qilish yo‘li bilan litsenziatlar tomonidan litsenziya talablari va shartlariga rioya qilinishi ustidan monitoring olib borishi mumkin;
Keyingi tahrirga qarang.
35. Litsenziyaning amal qilishini to‘xtatib turish va to‘xtatish, uni bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22—24-moddalarida nazarda tutilgan hollarda va tartibda amalga oshiriladi.
Litsenziyalovchi organning litsenziyaning amal qilishini to‘xtatib turish to‘g‘risidagi qarori yuzasidan sudga shikoyat qilish mumkin. Litsenziyalovchi organ qarorining asossiz ekanligi sud tomonidan e’tirof etilgan taqdirda litsenziyalovchi organ litsenziat oldida litsenziat ko‘rgan zarar miqdorida javob beradi.
Tibbiy faoliyatni amalga oshirish huquqi uchun litsenziyalar reyestrlari yuridik va jismoniy shaxslar uchun alohida-alohida yuritiladi.
Keyingi tahrirga qarang.
Keyingi tahrirga qarang.
yuridik shaxslar uchun — tashkilotning nomi va soliq to‘lovchining identifikatsiya raqami, mulkchilik shakli, filiallar to‘g‘risida ma’lumotlar, tashkilot rahbarining familiyasi, ismi, otasining ismi;
jismoniy shaxslar uchun — litsenziatning familiyasi, ismi, otasining ismi, uning pasporti ma’lumotlari, uy manzili, telefoni;
Keyingi tahrirga qarang.
37. Litsenziyalar reyestridagi ma’lumotlar ular bilan yuridik va jismoniy shaxslarning tanishishi uchun ochiq hisoblanadi, ular to‘lov asosida litsenziyalovchi organdan aniq litsenziatlar to‘g‘risida litsenziyalar reyestridan ko‘chirma tarzida ma’lumot olishga haqlidir.
Litsenziyalar reyestridan ma’lumot berilganligi uchun eng kam oylik ish haqining yarmi miqdorida to‘lov undiriladi, to‘lov litsenziyalovchi organning hisob raqamiga o‘tkaziladi.
38. Ushbu Nizomning buzilishida aybdor bo‘lgan shaxslar qonun hujjatlarida belgilangan tartibda javob beradilar.
Keyingi tahrirga qarang.
2. Akusherlik va ginekologiya (maslahat-diagnostika yordami, konservativ davolash, kichik operativ ginekologiya)
5. Otorinolaringologiya (LOR organlarning murakkab tug‘ma nuqsonlarini bartaraf etishga oid operatsiyalardan tashqari)
12.2. Koloproktologiya (maslahat-diagnostika yordami, konservativ davolash, kichik operativ koloproktologiya)
Keyingi tahrirga qarang.
1. Ushbu Nizom O‘zbekiston Respublikasi Prezidentining “Sog‘liqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yo‘nalishlari to‘g‘risida” 2007-yil 19-sentabrdagi PF-3923-son Farmoniga hamda O‘zbekiston Respublikasi Prezidentining “Respublika tibbiyot muassasalari faoliyatini tashkil etishni takomillashtirish chora-tadbirlari to‘g‘risida” 2007-yil 2-oktabrdagi PQ-700-son qaroriga muvofiq ishlab chiqilgan va O‘zbekiston Respublikasi Sog‘liqni saqlash vazirligining Litsenziyalash va nodavlat tibbiyot muassasalari tomonidan ko‘rsatilayotgan tibbiy xizmatlar sifatini nazorat qilish boshqarmasining (keyingi o‘rinlarda Litsenziyalash va nazorat qilish boshqarmasi deb ataladi) vazifalari, funksiyalari, huquqlari va javobgarligini belgilaydi.
2. Litsenziyalash va nazorat qilish boshqarmasi O‘zbekiston Respublikasi Sog‘liqni saqlash vazirligi markaziy apparatining tarkibiy bo‘linmasi hisoblanadi.
3. Litsenziyalash va nazorat qilish boshqarmasi o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga, boshqa qonun hujjatlariga, shuningdek O‘zbekiston Respublikasi Sog‘liqni saqlash vazirligining buyruqlari va farmoyishlariga amal qiladi.
Keyingi tahrirga qarang.
litsenziyalar talabgorlarining litsenziya talablari va shartlariga muvofiqligini chuqur o‘rganib chiqish;
litsenziatlar tomonidan ko‘rsatiladigan tibbiy xizmatlarning qonun hujjatlarida belgilangan tartibda qo‘llanishga ruxsat etilgan profilaktika, diagnostika va davolash vositalariga muvofiqligini nazorat qilish;
Keyingi tahrirga qarang.
monitoring olib borish davomida va tekshirishlar natijalari bo‘yicha olingan litsenziatlarning litsenziya talablari va shartlariga rioya qilishi, litsenziatlarning tibbiy xizmatlari sifati haqidagi axborotlarni umumlashtirish va tahlil qilish;
qoida buzilishlari aniqlangan taqdirda O‘zbekiston Respublikasi Sog‘liqni saqlash vazirligi rahbariyatiga litsenziyaning amal qilishini to‘xtatib turish, to‘xtatish yoxud litsenziyani bekor qilish to‘g‘risida belgilangan tartibda takliflar kiritish.
5. Litsenziyalash va nazorat qilish boshqarmasi o‘ziga yuklangan vazifalarga muvofiq quyidagi funksiyalarni amalga oshiradi:
talabgorlar tomonidan tibbiy faoliyatni amalga oshirish huquqiga litsenziya olish uchun taqdim etilgan hujjatlarni ekspertizadan o‘tkazadi;
ekspertlar guruhini shakllantiradi, litsenziyalar talabgorlari tomonidan tibbiy faoliyatni amalga oshirish sharoitlarining dastlabki, zarurat bo‘lganda esa qo‘shimcha ekspertizasini tashkil qiladi;
o‘z vakolatlari doirasida litsenziyalar talabgorlariga zarur axborotlarni taqdim etadi, ularga konsultativ-metodik yordam ko‘rsatadi;
litsenziyalar blankalarini rasmiylashtiradi, litsenziya talabgorlarini O‘zbekiston Respublikasi Sog‘liqni saqlash vazirligi tomonidan litsenziyalar berish bilan bog‘liq masalalar bo‘yicha qabul qilinadigan qarorlar to‘g‘risida xabardor qiladi, litsenziya bitimlarini rasmiylashtiradi, litsenziatlarga litsenziyalar beradi, litsenziyalarni belgilangan tartibda qayta rasmiylashtiradi yoki ularning dublikatlarini beradi;
litsenziatlar tomonidan litsenziya talablari va shartlarining, shu jumladan ular tomonidan ko‘rsatiladigan xizmatlar sifatiga qo‘yiladigan talablarning bajarilishi to‘g‘risidagi axborotlardan iborat bo‘lgan reyestrni va markazlashtirilgan ma’lumotlar bazasini yuritadi;
O‘zbekiston Respublikasi Sog‘liqni saqlash vazirligi tomonidan litsenziatlarning litsenziya talablari va shartlariga rioya etishlarini tekshirishlarda (nazorat tartibidagi tekshirishlarda) belgilangan tartibda qatnashadi;
litsenziatlar tomonidan litsenziya talablari va shartlarining, shuningdek ular tomonidan ko‘rsatiladigan xizmatlar sifatiga qo‘yiladigan talablarning buzilishi hollari aniqlangan hollarda bajarilishi majburiy bo‘lgan ko‘rsatmalar beradi;
qonun hujjatlarida belgilangan tartibda tibbiy faoliyatni amalga oshirish huquqi uchun litsenziyalarning amal qilishini to‘xtatib turish, to‘xtatish yoxud litsenziyalarni bekor qilish haqida taqdimnoma taqdim etgan holda qaror qabul qilish yoki sudga murojaat qilish uchun zarur hujjatlarni rasmiylashtiradi;
Keyingi tahrirga qarang.
tibbiy faoliyatni litsenziyalash sohasidagi normativ-huquqiy hujjatlar loyihalarini ishlab chiqishda qatnashadi;
litsenziatlar tomonidan ko‘rsatiladigan tibbiy xizmatlarning sifati to‘g‘risida monitoring o‘tkazish davomida va tekshirishlar natijalari bo‘yicha olingan axborotlarni umumlashtiradi va tahlil qiladi;
O‘zbekiston Respublikasi Sog‘liqni saqlash vazirligining tegishli bo‘linmalari bilan birgalikda diagnostika va davolash standartlarini, klinik protokollar va tavsiyalarni ishlab chiqishda hamda tibbiy amaliyotga joriy qilishda qatnashadi.
6. Litsenziyalash va nazorat qilish boshqarmasi litsenziatlar tomonidan litsenziya talablari va shartlariga rioya qilinishi yuzasidan quyidagi yo‘llar bilan doimiy monitoringni amalga oshiradi:
Keyingi tahrirga qarang.
O‘zbekiston Respublikasi Sog‘liqni saqlash vazirligining markaziy apparatida va sog‘liqni saqlashni boshqarish hududiy organlarida o‘rnatilgan “ishonch telefonlari” orqali axborotlar olish;
boshqa nazorat qiluvchi organlar tomonidan o‘tkazilgan litsenziatlar faoliyatini tekshirishlar yakunlari bo‘yicha tushadigan axborotlarni to‘plash, umumlashtirish va tahlil qilish;
Keyingi tahrirga qarang.
7. Litsenziyalash va nazorat qilish boshqarmasi o‘ziga yuklangan vazifalar va funksiyalarni bajarish uchun o‘z vakolatlari doirasida quyidagi huquqlarga ega:
litsenziatlardan tekshirishlar o‘tkazish chog‘ida zarur hujjatlarni va tekshirish bilan bevosita bog‘liq bo‘lgan boshqa axborotlarni so‘rash va olish;
litsenziatlarga aniqlangan qoida buzilishlarini bartaraf etish to‘g‘risida bajarilishi majburiy bo‘lgan ko‘rsatmalar berish, bunday qoida buzishlarni bartaraf etish zarur bo‘lgan muddatlarni belgilash;
boshqa nazorat qiluvchi organlardan ular tomonidan o‘tkazilgan litsenziatlar faoliyatini tekshirishlar natijalari to‘g‘risidagi ular tomonidan ko‘rsatiladigan tibbiy xizmatlar sifati masalalariga taalluqli axborotlarni so‘rash va olish;
O‘zbekiston Respublikasi Sog‘liqni saqlash vazirligi rahbariyatiga tibbiy faoliyatni litsenziyalash, litsenziatlar tomonidan litsenziya talablari va shartlariga, shuningdek tibbiy xizmatlar sifatiga rioya qilinishini nazorat qilish bilan bog‘liq bo‘lgan ishlarni takomillashtirish bo‘yicha takliflar kiritish.
8. Litsenziyalash va nazorat qilish boshqarmasi o‘ziga yuklangan vazifalar va funksiyalarning samarali bajarilishi, taqdim etiladigan tahliliy hujjatlarning xolisonaligi va to‘liqligi uchun javob beradi.
9. Litsenziyalash va nazorat qilish boshqarmasi oliy tibbiy, farmatsevtika va yuridik ma’lumotga ega bo‘lgan yuqori malakali mutaxassislar bilan butlanadi.
Litsenziyalash va nazorat qilish boshqarmasi bevosita O‘zbekiston Respublikasi Sog‘liqni saqlash vaziriga bo‘ysunadi.
10. Litsenziyalash va nazorat qilish boshqarmasiga O‘zbekiston Respublikasi Sog‘liqni saqlash vaziri tomonidan lavozimga tayinlanadigan va lavozimdan ozod qilinadigan boshliq rahbarlik qiladi.
Litsenziyalash va nazorat qilish boshqarmasi boshlig‘ining bir nafar o‘rinbosari bo‘ladi. Litsenziyalash va nazorat qilish boshqarmasi boshlig‘i bo‘lmagan taqdirda uning funksiyasini boshliqning o‘rinbosari bajaradi.
Litsenziyalash va nazorat qilish boshqarmasiga umumiy rahbarlikni amalga oshiradi, boshqarma ishlarini tashkil etadi va nazorat qiladi;
Litsenziyalash va nazorat qilish boshqarmasiga yuklangan vazifalar va funksiyalarning samarali bajarilishi, taqdim etiladigan tahliliy materiallar va hujjatlarning to‘liqligi uchun shaxsan javob beradi;
Litsenziyalash va nazorat qilish boshqarmasi bo‘limlari faoliyatini muvofiqlashtiradi, bo‘limlar xodimlari o‘rtasida funksional vazifalarni taqsimlaydi, har bir xodimning aniq topshiriqlarning bajarilishi uchun javobgarligi darajasini belgilaydi;
O‘zbekiston Respublikasi Sog‘liqni saqlash vaziriga boshqarma xodimlarini lavozimga tayinlash va lavozimdan ozod qilish, shuningdek Litsenziyalash va nazorat qilish boshqarmasi xodimlarini rag‘batlantirish yoki ularni intizomiy javobgarlikka tortish to‘g‘risida takliflar kiritadi;
Litsenziyalash va nazorat qilish boshqarmasi faoliyatini takomillashtirish bo‘yicha takliflarni ishlab chiqadi va vazirlik rahbariyatiga kiritadi;
O‘zbekiston Respublikasi Sog‘liqni saqlash vazirini Litsenziyalash va nazorat qilish boshqarmasi faoliyati to‘g‘risida muntazam ravishda xabardor qiladi.
nodavlat tibbiyot muassasalari va xususiy vrachlik faoliyati bilan shug‘ullanuvchi jismoniy shaxslar tomonidan ko‘rsatiladigan tibbiy xizmatlar sifatini nazorat qilish bo‘limi.
Keyingi tahrirga qarang.
13. Litsenziyalash va nazorat qilish boshqarmasi xodimlari Litsenziyalash va nazorat qilish boshqarmasi boshlig‘i taqdimnomasiga binoan O‘zbekiston Respublikasi Sog‘liqni saqlash vaziri tomonidan lavozimga tayinlanadi va lavozimdan ozod qilinadi.
Litsenziyalash va nazorat qilish boshqarmasi xodimlari o‘z faoliyatini boshqarma boshlig‘i tomonidan tasdiqlanadigan funksional vazifalarga muvofiq amalga oshiradilar.
14. Sog‘liqni saqlashni boshqarish hududiy organlarida litsenziatlar tomonidan ko‘rsatiladigan tibbiy xizmatlar sifati ustidan nazorat Qoraqalpog‘iston Respublikasi Sog‘liqni saqlash vazirligi, viloyatlar va Toshkent shahar sog‘liqni saqlash boshqarmalarining tibbiyot xizmatlari sifatini nazorat qilish bo‘yicha bosh mutaxassislar (keyingi o‘rinlarda bosh mutaxassislar deb ataladi) tomonidan amalga oshiriladi.
Bosh mutaxassislar Qoraqalpog‘iston Respublikasi Sog‘liqni saqlash vaziri, viloyatlar va Toshkent shahar sog‘liqni saqlash boshqarmalari boshliqlari tomonidan, O‘zbekiston Respublikasi Sog‘liqni saqlash vazirligining Litsenziyalash va nazorat qilish boshqarmasi bilan kelishgan holda lavozimga tayinlanadi va lavozimdan ozod qilinadi.
15. Litsenziyalash va nazorat qilish boshqarmasi xodimlarini, shuningdek bosh mutaxassislarni attestatsiyadan o‘tkazish qonun hujjatlarida belgilangan tartibda amalga oshiriladi.
Keyingi tahrirga qarang.
1. Vazirlar Mahkamasining “Tibbiy faoliyatni va farmatsevtika faoliyatini litsenziyalash to‘g‘risidagi nizomlarni tasdiqlash haqida” 2003-yil 31-oktabrdagi 477-son qarori 1-bandining ikkinchi xatboshi va ushbu qarorga 1-ilova (O‘zbekiston Respublikasi QT, 2003-y., 10-son, 106-modda).
Keyingi tahrirga qarang.
2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” (O‘zbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish to‘g‘risida” 2005-yil 21-sentabrdagi PQ-186-son qarori) 2006-yil 22-maydagi 92-son qaroriga ilova 28-bandining “a” kichik bandi (O‘zbekiston Respublikasi QT, 2006-y., 5-son, 34-modda).
3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida” (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” O‘zbekiston Respublikasining 2006-yil 10-oktabrdagi O‘RQ-59-son Qonuni) 2006-yil 10-noyabrdagi 235-son qaroriga 1-ilova 50-bandining “a” kichik bandi (O‘zbekiston Respublikasi QT, 2006-y., 11-son, 86-modda).
4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2007-yil 18-maydagi 104-son qaroriga ilovaning 1-bandi (O‘zbekiston Respublikasi QT, 2007-y., 5-son, 30-modda).