O‘zbekiston Respublikasining “Davlat statistikasi to‘g‘risida” va “Davlat bojxona xizmati to‘g‘risida”gi qonunlariga va O‘zbekiston Respublikasi Vazirlar Mahkamasining 1998-yil 31-martdagi 137-sonli “O‘zbekiston Respublikasida tashqi savdo faoliyatini erkinlashtirish bo‘yicha qo‘shimcha chora-tadbirlar to‘g‘risida”gi qaroriga asosan Davlat statistika qo‘mitasi, Davlat bojxona qo‘mitasi, Iqtisodiyot vazirligi va Tashqi iqtisodiy aloqalar, investitsiyalar va savdo vazirligi qaror qiladi:
1. Davlat va bojxona tashqi savdo statistikasi ma’lumotlarini yig‘ish va qayta ishlash uslubiyati to‘g‘risidagi nizom ilovaga muvofiq tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab 10 kun o‘tgandan keyin kuchga kiradi.
Davlat statistika qo‘mitasi, Davlat bojxona qo‘mitasi, Iqtisodiyot vazirligi va Tashqi iqtisodiy aloqalar, investitsiyalar va savdo vazirligining
2007-yil 27-avgustdagi 11, 01-02/15-23, 31 va EG-01/10-4715-son qarori bilan
TASDIQLANGAN
2007-yil 27-avgustdagi 11, 01-02/15-23, 31 va EG-01/10-4715-son qarori bilan
TASDIQLANGAN
1. Ushbu Nizom to‘lov balansining uslubiyatiga muvofiq, tashqi savdoda mahsulotlar va xizmatlar hisobining to‘liq aks ettirilishini ta’minlash maqsadida, davlat va bojxona tashqi savdo statistikasi ma’lumotlarini yig‘ish va qayta ishlashning uslubiyatini hamda O‘zbekiston Respublikasi Davlat statistika qo‘mitasi va Davlat bojxona qo‘mitasi o‘rtasidagi ma’lumotlar almashinuvi tartibini aniqlab beradi.
Keyingi tahrirga qarang.
2. Mahsulotlar tashqi savdosi bo‘yicha statistik ma’lumotlarni yig‘ish va qayta ishlash hamda ular bo‘yicha ma’lumotlar bazasini shakllantirish Davlat bojxona qo‘mitasi tomonidan bojxona deklaratsiyalari ma’lumotlari asosida amalga oshiriladi.
Keyingi tahrirga qarang.
3. Bojxona deklaratsiyasida va bojxona statistikasi tomonidan hisobga olinmaydigan, egalik huquqi rezidentdan norezidentga o‘tgan yoki aksincha bo‘lgan mahsulotlar eksport-importi hajmi to‘g‘risidagi ma’lumotlarni yig‘ish va qayta ishlash Davlat statistika qo‘mitasi tomonidan maxsus statistik kuzatuvlar tarmog‘i orqali amalga oshiriladi.
Keyingi tahrirga qarang.
4. Xizmatlar eksport-importini hisobga olish Davlat statistika qo‘mitasi tomonidan davlat statistika hisoboti va maxsus kuzatuvlar asosida amalga oshiriladi.
O‘zbekiston Respublikasi hududida xorijiy fuqarolar tomonidan yodgorliklar, sovg‘alar va shaxsiy ehtiyojlar uchun sotib olingan boshqa ashyolarga qilingan xarajatlar “O‘zbekturizm” MK tomonidan o‘tkaziladigan maxsus kuzatuvlar ma’lumotlari asosida xizmatlar eksportida aks etadi.
Keyingi tahrirga qarang.
O‘zbekiston Respublikasi hududida norezidentlarning o‘zlarining doimiy muassasalari orqali amalga oshiradigan, tugallanishi uchun bir yildan oshiq vaqt talab qiladigan qurilish, foydali qazilmalarni izlash va qidiruv sohalaridagi xizmatlar hajmi xizmatlar importida aks etmaydi va ular ichki ishlab chiqarish sifatida qaraladi.
5. Davlat bojxona qo‘mitasi hisobot davridan keyingi har oyning 7-sanasigacha tezkor, 15-sanasida esa O‘zbekiston Respublikasi tashqi savdo bojxona statistikasining me’yoriy hujjatlarini hisobga olgan holda, tovarlar tashqi savdosi ma’lumotlari bazasi bo‘yicha aniqlashtirilgan ma’lumotlarni (Tashqi iqtisodiy faoliyat mahsulotlar nomenklaturasining 9 ta belgisi bo‘yicha) jismoniy shaxslar to‘g‘risidagi ma’lumotlarni ajratgan holda Davlat statistika qo‘mitasiga taqdim etadi. Taqdim etilayotgan ma’lumotlar o‘sib borish tartibida shakllantiriladi.
Keyingi tahrirga qarang.
6. Davlat bojxona qo‘mitasi zarur hollarda Davlat statistika qo‘mitasiga respublika to‘lov balansining shakllanishi uchun kerak bo‘lgan bojxona deklaratsiyalarining alohida holatlari bo‘yicha ma’lumotlarni taqdim etadi.
7. Davlat statistika qo‘mitasi har oyda Davlat bojxona qo‘mitasiga har oyning 1-sanasi holatiga yuridik manzillarini ko‘rsatgan holda Korxona va tashkilotlarning yagona davlat registridan ma’lumotlarni taqdim etadi.
Keyingi tahrirga qarang.
8. Davlat bojxona qo‘mitasi har chorakda tovarlar tashqi savdosi bo‘yicha bojxona axborotnomasini nashr etadi.
Keyingi tahrirga qarang.
9. Tashqi savdo bo‘yicha yakuniy jamlanma ma’lumotlarni shakllantirish, ularni nashr qilish va foydalanuvchilarga zarur kesimlarda taqdim etish Davlat statistika qo‘mitasi tomonidan o‘rnatilgan tartibda amalga oshiriladi.