LexUZ sharhi
Mazkur qaror O‘zbekiston Respublikasi Iqtisodiyot vazirligi va Moliya vazirligining 2008-yil 22-sentabrdagi 59 va 97-sonli “O‘zbekiston Respublikasi tovar-xomashyo birjasi birja savdolarida paxta shroti (kunjarasi) va paxta chigiti sheluxasini sotish tartibi to‘g‘risidagi Nizomni tasdiqlash haqida”gi qarori (ro‘yxat raqami 1870, 18.11.2008-y.) bilan o‘z kuchini yo‘qotgan.
O‘zbekiston Respublikasining “Birjalar va birja faoliyati to‘g‘risida”gi Qonuniga muvofiq O‘zbekiston Respublikasi Prezidentining 2005-yil 10-martdagi PQ–24-sonli “Jamiyatni demokratlashtirish va yangilash, mamlakatni isloh qilish hamda modernizatsiyalash maqsad va vazifalarini amalga oshirish dasturi to‘g‘risida”gi, 2006-yil 31-maydagi PQ–360-sonli qarorlari, O‘zbekiston Respublikasi Vazirlar Mahkamasining 2004-yil 5-fevraldagi 57-sonli “Mahsulotlar, xomashyo va materiallarning yuqori likvidli turlarini sotishning bozor mexanizmlarini joriy etishni davom ettirish to‘g‘risida”gi qaroriga muvofiq qaror qilamiz:
1. O‘zbekiston Respublikasi tovar-xomashyo birjasi tomonidan o‘tkaziladigan birja savdolarida paxta shroti (kunjarasi) va paxta chigiti sheluxasini sotish tartibi to‘g‘risidagi nizom ilova* muvofiq tasdiqlansin.
* Ilova rus tilidagi matnda berilgan.
2. O‘zbekiston Respublikasi Iqtisodiyot vazirligi, Davlat mulki qo‘mitasi, Moliya vazirligi, “Yog‘moytamakisanoat” uyushmasi va O‘zRTXAB OAJning 2004-yil 6-maydagi 32, 01/24-30, 61, 4-1-167, 42-01/245-sonli “Kimoshdi savdolarida paxta shroti (kunjara)ni va paxta chigiti sheluxasini sotish tartibi to‘g‘risidagi Vaqtinchalik nizom” o‘z kuchini yo‘qotgan deb hisoblansin (2004-yil 7-iyun, ro‘yxat raqami 1368 — O‘zbekiston Respublikasi Qonun hujjatlari to‘plami, 2004-y., 22-23-son, 271-modda).
3. Mazkur qaror O‘zbekiston Respublikasi Adliya vazirligida davlat ro‘yxatiga olingan kundan so‘ng o‘n kun ichida kuchga kiradi.