Ўзбекистон Республикаси Қонунчилик маълумотлари миллий базаси

Kонституциявий ҳуқуқ. Энциклопедик луғат

ҚИДИРУВ

дастлабки тергов, суриштирув ва оператив қидирув фаолиятини олиб борувчи органларнинг мансабдор шахслари томонидан суд ёки терговдан яшириниб юрган айбланувчи (судланувчини)ни ва жазони ўташдан ёки озодликдан маҳрум этилиш жойидан қочиб кетган, шунингдек бедарак йўқолганларни топиш учун амалга ошириладиган тадбирлар мажмуи. Ўз.Р Жиноят-процессуал кодексининг 365-моддасига мувофиқ, айбланувчининг турган жойи номаълум бўлганда, терговчи унинг турган жойини аниқлаш учун зарур бўлган барча чораларни кўриши, зарур ҳолларда эса, унга нисбатан қидирув эълон қилиши шарт. Терговчи фақат айбланувчи тариқасида ишда иштирок этишга жалб қилиниши тўғрисида қарор чиқарилган шахсга нисбатан қидирув эълон қилишга ҳақли. Қ. дастлабки тергов тўхтатилгандан кейин ҳам эълон қилиниши мумкин.

Қ. маҳаллий (айбланувчи турар жойида яширилган бўлса), минтақавий (қидирилаётган шахс яшаш жойидан ташқари ҳудудда яширинган бўлса ва умумдавлат миқёсида ички ишлар идоралари томонидан амалга оширилади.