LexUZ шарҳи
Мазкур қарор Ўзбекистон Республикаси Вазирлар Маҳкамасининг 2003 йил 23 январдаги ««Чилонзор буюм бозори» очиқ акциядорлик жамияти фаолиятини ташкил этиш тўғрисида»ги 40-сонли қарорига мувофиқ ўз кучини йўқотган.
Юридик шахс бўлмасдан тадбиркорлик фаолияти билан шуғулланувчи жисмоний шахсларнинг Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари сотишини тартибга солиш мақсадида Вазирлар Маҳкамаси қарор қилади:
1. Белгилаб қўйилсинки, 1998 йил 1 июлдан бошлаб жисмоний шахслар юридик шахс бўлмасдан тадбиркорлик фаолияти тартибида истеъмол товарларини сотиш учун Тошкент шаҳар «Отчопар буюм бозори» ҳудудига фақат тадбиркорларда туман солиқ инспекциялари томонидан бериладиган номи ёзилган гувоҳномалар мавжуд бўлган тақдирда киритилади.
2. «Юридик шахс бўлмасдан тадбиркорлик фаолияти билан шуғулланувчи жисмоний шахслар томонидан Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари савдосини амалга ошириш тартиби тўғрисида»ги Низом иловага мувофиқ тасдиқлансин.
Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари сотувчи жисмоний шахслар даромадларидан олинадиган солиқ ҳар ойда энг кам ойлик иш ҳақининг: озиқ-овқат товарлари учун 30 баравари миқдорида; ноозиқ-овқат товарлари учун 20 баравари миқдорида белгиланади. Бир жисмоний шахс томонидан айни бир вақтда озиқ-овқат ва ноозиқ-овқат товарлари билан савдо қилинган тақдирда солиқ миқдори озиқ-овқат товарлари сотиш учун белгиланган солиқ миқдоридан келиб чиққан ҳолда белгиланади;
Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари билан савдо қилиш ҳуқуқига рухсат олган жисмоний шахслар ўзига берилган номи ёзилган гувоҳнома амалда бўладиган бутун давр мобайнида ушбу бозорда даромадлар ва харажатлар дафтарини юритишдан озод қилинадилар.
Солиқ ва тўлов интизомини мустаҳкамлаш Ҳукумат комиссиясига «Отчопар буюм бозори» очиқ турдаги акциядорлик жамияти ҳудудида озиқ-овқат ва ноозиқ-овқат товарлари билан савдо қилувчи жисмоний шахслар даромадларидан олинадиган солиқ миқдорларини кўриб чиқиш ва ўзгартириш тўғрисида қарор қабул қилиш ҳуқуқи берилсин.
4. Ўзбекистон Республикаси Давлат солиқ қўмитаси «Отчопар буюм бозори» очиқ турдаги акциядорлик жамияти ҳудудида истеъмол товарлари билан савдо қилиш ҳуқуқини берувчи номи ёзилган гувоҳномалар ўз вақтида тайёрланишини ва жисмоний шахсларга берилишини таъминласин, бунда 1998 йил 1 июлдан бошлаб кўрсатиш учун, уларнинг гувоҳномаларни ўз вақтида олишлари учун имкониятлар яратишни назарда тутсин.
«Отчопар буюм бозори» очиқ турдаги акциядорлик жамияти ҳудудида савдо фаолиятини амалга оширувчи тадбиркорлар ўртасида зарур тайёргарлик ва тушунтириш ишларини олиб борсин;
«Ўрикзор» мавзесида қурилаётган «Карвон бозор» улгуржи бозорини фойдаланишга топширишни тезлаштирсин ва Ўзбекистон Республикаси Ички ишлар вазирлиги билан истеъмол товарлари улгуржи савдоси ушбу бозорга кўчирилишини таъминласин.
Тошкент шаҳар ҳокими (К. Н. Тўлаганов) зиммасига «Отчопар буюм бозори» очиқ турдаги акциядорлик жамиятида савдо-сотиқни ташкил этишнинг янги тартибини жорий қилишга доир зарур ташкилий тадбирларни амалга ошириш, шу жумладан, тасдиқланган Низомга мувофиқ белгиланган муддатларда номи ёзилган гувоҳномалар олган тадбиркорларга бозорда ўз вақтида жой бериш юзасидан шахсан жавобгарлик юклансин.
6. Ўзбекистон Республикаси Ички ишлар вазирлигига шу йилнинг 1 июлидан бошлаб «Отчопар буюм бозори» очиқ турдаги акциядорлик жамияти ҳудудида жисмоний шахслар томонидан номи ёзилган гувоҳномалар асосидагина савдо қилиниши устидан қаттиқ назорат ўрнатиш юклансин. Бундан буён бозорга туташ ҳудудларда, шу жумладан тунги вақтларда савдо-сотиқ қилишга барҳам бериш ва унга йўл қўймаслик бўйича таъсирчан чора-тадбирлар кўрилсин.
7. Тошкент шаҳар ҳокимлиги Ўзбекистон Республикаси Давлат солиқ қўмитаси ва Ички ишлар вазирлиги билан биргаликда «Отчопар буюм бозори» очиқ турдаги акциядорлик жамияти ҳудудида савдони ташкил этишнинг янги тартибини жорий этиш натижаларини умумлаштирсин ҳамда мақсадга мувофиқ бўлган тақдирда савдонинг худди шундай тартибини Тошкент шаҳрининг бошқа буюм бозорларида ҳам жорий этиш тўғрисида 1998 йил 1 октябргача Вазирлар Маҳкамасига таклифлар киритсин.
8. Мазкур қарорнинг бажарилишини назорат қилиш Тошкент шаҳар ҳокими К. Н. Тўлаганов ва Бош вазир ўринбосари Б. С. Ҳамидов зиммасига юклансин.
1.1. Ушбу Низом Ўзбекистон Республикаси Вазирлар Маҳкамасининг 1998 йил 18 майдаги 218-сон қарорига мувофиқ ишлаб чиқилган ва юридик шахс бўлмасдан Тошкент шаҳар «Отчопар буюм бозори» (бундан кейинги ўринларда Бозор деб аталади) ҳудудида тадбиркорлик фаолияти тартибида истеъмол товарлари савдоси билан шуғулланувчи жисмоний шахсларга татбиқ этилади.
Бозорда камида олти ой муддатга савдо қилиш жойини ижарага олганлик учун талон олган жисмоний шахсларга рухсат этилади.
1.3. Жисмоний шахсларнинг юридик шахс бўлмасдан тадбиркорлар сифатида Бозорда истеъмол товарлари сотишига қалбакилаштиришдан ҳимоя қилувчи махсус воситаларга ва тадбиркор тўғрисидаги асосий маълумотлардан иборат ахборотларнинг магнитли манбаларига эга бўлган номи ёзилган Гувоҳномалар (бундан кейинги ўринларда Гувоҳнома деб аталади) бўйича рухсат этилади (1-илова).
1.4. Бозордаги савдо ўринлари сони Бозор дирекцияси томонидан аниқланади ва Тошкент шаҳар ҳокимлиги томонидан тасдиқланади. Тошкент шаҳар ҳокимлиги Бозордаги бўш савдо ўринлари мавжудлигини доимий равишда тезкорлик билан ҳисобга олиб боради ва кейинчалик уларни Бозорда савдо қилишни хоҳловчи жисмоний шахсларга, тушган аризалар бўйича, навбати билан бериш учун туман ҳокимликларига маълум қилади.
1.5. Илгари ушбу Бозорда савдо қилиш ҳуқуқига эга бўлган ҳамда савдо ва тадбиркорлик фаолияти қоидаларини бузмаган тадбиркорлар Бозордаги бўш ва бўшаб қолган савдо ўринларида савдо қилишда устун ҳуқуққа эга бўладилар.
2.1. Бозорда истеъмол товарлари билан савдо қилиш хоҳишини билдирган жисмоний шахслар Гувоҳнома олиш учун Тошкент шаҳрининг ўзи яшайдиган жойдаги тегишли туман ҳокимлигига (бошқа шаҳарликлар эса — Чилонзор тумани ҳокимлигига) қуйидаги ҳужжатларни тақдим этадилар:
а) юридик шахс бўлмасдан тадбиркор сифатида рўйхатдан ўтиш учун белгиланган намунадаги ариза ёки илгари унинг юридик шахс бўлмасдан тадбиркор сифатида рўйхатдан ўтказилганлиги тўғрисидаги ҳокимлик қарори мавжуд бўлса — ана шу қарор;
б) келгуси олти ой учун Бозорда савдо қилиш ҳуқуқига рухсатнома олиш учун белгиланган намунадаги ариза;
в) тадбиркорни рўйхатдан ўтказиш учун (илгари рўйхатдан ўтказилмаган тадбиркорлар учун) йиғим тўланганлиги тўғрисидаги квитанция;
б) унга, бўш ўринлар мавжудлигидан келиб чиққан ҳолда, Бозорда истеъмол товарлари (товарлар тури кўрсатилган ҳолда — озиқ-овқат, ноозиқ-овқат товарлари) билан савдо қилиш ҳуқуқини бериш тўғрисида қарор чиқаради.
2.3. Бозорда бўш савдо ўринлари бўлмаган ҳолларда тадбиркорга унинг Бозорда савдо қилиш ҳуқуқини олиш бўйича навбатининг тартиб рақами хабар қилинади. Тадбиркор хоҳишига кўра, ўзининг навбати келгунгача ўтадиган даврда, белгиланган тартибда бошқа бозорларда савдо билан шуғулланиши мумкин.
бир кун мобайнида тадбиркорга жисмоний шахснинг тадбиркорлик фаолиятидан тушадиган даромадларидан олинадиган солиқни тўлаш, шунингдек номи ёзиладиган рўйхатдан ўтказиш Гувоҳномасини тайёрлаш харажатлари бўйича белгиланган нусхадаги (2-илова) тўлов билдиришномаларини;
банкнинг жисмоний шахс томонидан олти ой учун кўрсатилган солиқ ҳамда Гувоҳномани тайёрлаш харажатлари аванс тариқасида тўланганлиги тўғрисидаги ҳужжатлари асосида, берилган кунидан бошлаб олти ой мобайнида ҳақиқий ҳисобланадиган, белгиланган намунадаги Гувоҳномани уч кун мобайнида расмийлаштиради ва тадбиркорга беради.
2.5. Амалда бўлиш муддати тугагач Гувоҳнома олинган жойига қайтариб берилади, кейинчалик у Тошкент шаҳар Давлат солиқ бош бошқармасига топширилади.
Тадбиркор Бозорда савдо фаолиятини давом эттириш хоҳишини билдирган тақдирда, туман солиқ инспекцияси, жисмоний шахс томонидан навбатдаги давр учун тегишли солиқ, зарурат бўлганда эса янги Гувоҳнома бериш харажатлари ҳам тўлангандан кейин Гувоҳноманинг амалда бўлиш муддатини янги муддатга узайтиради.
2.6. Бозор маъмурияти тадбиркор Гувоҳномани кўрсатгач ундан савдо ўрни ижараси учун белгиланган йиғимни олади ва унга ижаранинг бутун муддати мобайнида савдо қилиш жойи кўрсатилган тегишли талонни беради.
2.7. Бозорда истеъмол товарлари билан савдо қилиш ҳуқуқини берувчи ҳужжатларни расмийлаштиришнинг умумий схемаси 3-иловада кўрсатилган.
3.1. Жисмоний шахсларнинг тадбиркорлик фаолиятидан оладиган даромадларидан ундириладиган солиқ энг кам ойлик иш ҳақига нисбатан қуйидаги миқдорларда белгиланади:
Бир жисмоний шахс томонидан бир вақтнинг ўзида озиқ-овқат ва ноозиқ-овқат товарлари билан савдо қилинган ҳолларда солиқ миқдори озиқ-овқат товарларини сотиш ставкаларидан келиб чиқиб белгиланади.
3.2. Кўрсатиб ўтилган солиқни тўлаш ва Гувоҳнома учун ҳақ тўлаш жисмоний шахслар томонидан нақд пул билан (жисмоний шахснинг шахсий счёти бўлганда пул ўтказиш билан) Халқ банки ёки бошқа вакил қилинган банк муассасалари орқали амалга оширилади.
3.3. Кўрсатиб ўтилган солиқни ундиришдан тушган пул маблағлари Тошкент шаҳрининг тегишли туманлари маҳаллий бюджети даромадига ўтказилади.
3.4. Бозорда савдо қилиш ҳуқуқини олган тадбиркорлар Бозорда савдо ишларини амалга ошириш даврида даромадлар ва харажатларни ҳисобга олиш дафтари юритишдан озод этиладилар.
4.2. Савдо фаолиятини амалга ошириш чоғида тадбиркор ўз устки қийимининг кўринадиган жойига гувоҳномасини доимий равишда тақиб юришга мажбурдир.
4.3. Ҳар бир гувоҳнома ажратиб берилган бир савдо қилиш жойида (савдо нуқтасида) фақат унинг эгасига савдо қилиш ҳуқуқини беради.
4.4. Бозор ҳудудида белгиланган тартибни бузган ҳолда истеъмол товарларини сотиш билан шуғулланаётган шахслар амалдаги қонунчиликка мувофиқ жавобгарликка тортиладилар:
а) «Отчопар буюм бозори» очиқ турдаги акциядорлик жамияти ҳудудида номи ёзилган гувоҳнома ёки бошқа шахсга тегишли бўлган номи ёзилган гувоҳнома билан савдо фаолиятини амалга ошириш рўйхатдан ўтказишдан бўйин товлаган ҳолда савдо фаолиятини амалга ошириш деб қаралади ва Ўзбекистон Республикасининг Маъмурий жавобгарлик тўғрисидаги кодексининг 176-моддаси 2-қисмида назарда тутилган, ҳуқуқбузарлик ашёларини мусодара қилган ҳолда, энг кам ойлик иш ҳақининг уч бараваридан беш бараваригача миқдорда жарима солишга олиб келади. Бундай ҳуқуқбузарликлар тўғрисидаги материаллар ички ишлар органлари ходимлари томонидан баённома шаклида расмийлаштирилади ва у судга оширилади. Бунда жисмоний шахс бозорда савдо қилиш ҳуқуқидан маҳрум этилади, номи ёзилган гувоҳнома эса ҳақиқий эгасига нисбатан чора кўриш учун туман солиқ инспекциясига қайтарилади;
б) маъмурий жазо қўлланилгандан сўнг бир йил давомида такроран содир этилган шундай ҳаракат, бундай ҳаракат учун маъмурий жазо қўлланилгандан сўнг содир этилган назорат қилинмайдиган фойда (даромад) олиш мақсадида белгиланган тартибда рўйхатдан ўтишдан бўйин товлаган ҳолда савдо фаолиятини амалга ошириш деб қаралади ва Ўзбекистон Республикасининг Жиноят кодекси 188-моддаси 1-қисми бўйича 3 йилгача муайян ҳуқуқдан маҳрум қилиб, энг кам ойлик иш ҳақининг 50 бараваригача миқдорда жарима солишга ёки 2 йилгача ахлоқ тузатиш ишлари ёхуд мол-мулкини мусодара қилган ҳолда, 6 ойгача қамоқ жазосига олиб келади. Бундай ҳуқуқбузарликлар тўғрисидаги материаллар ички ишлар ходимлари томонидан баённома шаклида расмийлаштирилади ва у судга оширилади. Бунда жисмоний шахс бозорда савдо қилиш ҳуқуқидан маҳрум этилади, номи ёзилган гувоҳнома эса ҳақиқий эгасига нисбатан чора кўриш учун туман солиқ инспекциясига қайтарилади;
в) гувоҳномани савдо фаолиятини амалга ошириш учун бошқа шахсга бериш қатъий тақиқланади ва тадбиркорлик фаолияти билан шуғулланишнинг белгиланган тартибини бузиш деб қаралади. Туман солиқ инспекцияси мазкур ҳуқуқ бузишни аниқлаган ички ишлар органларининг тақдимномаси асосида, Ўзбекистон Республикасининг Маъмурий жавобгарлик тўғрисидаги кодексининг 176-моддаси 1-қисмига мувофиқ энг кам ойлик иш ҳақининг уч бараваридан беш бараваригача миқдорда жарима солади. Бунда жисмоний шахс савдо қилиш ҳуқуқидан маҳрум этилади, номи ёзилган гувоҳнома эса олиб қўйилади.
Гувоҳнома қатъий ҳисобда турадиган ҳужжат ҳисобланади. Улар Тошкент шаҳар Давлат солиқ бош бошқармаси томонидан тайёрланади, у гувоҳномаларни кейинчалик туман солиқ инспекциялари бўйича тақсимлаган ҳолда уларнинг ҳисоби ва сақланиши учун жавоб беради.
6.1. Бозорда жисмоний шахслар томонидан савдо фаолиятини амалга оширишда уларнинг мазкур Низомга риоя қилишлари устидан назоратни ички ишлар органлари, зарур ҳолларда эса — давлат солиқ хизмати органлари билан биргаликда амалга оширадилар.
6.2. Юридик шахслар томонидан савдо фаолияти (кўчма савдо) мазкур Низомга мувофиқ тўловларни ундирган ҳолда умумий белгиланган тартибда амалга оширилади.
Юридик шахс бўлмасдан тадбиркорлик фаолияти билан шуғулланувчи жисмоний шахслар томонидан Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари савдосини амалга ошириш тўғрисидаги Низомга
1-ИЛОВА
1-ИЛОВА
Юридик шахс бўлмасдан тадбиркорлик фаолияти билан шуғулланувчи жисмоний шахслар томонидан Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари савдосини амалга ошириш тўғрисидаги Низомга
2-ИЛОВА
2-ИЛОВА
Юридик шахс бўлмасдан тадбиркорлик фаолияти билан шуғулланувчи жисмоний шахслар томонидан Тошкент шаҳар «Отчопар буюм бозори» очиқ турдаги акциядорлик жамияти ҳудудида истеъмол товарлари савдосини амалга ошириш тўғрисидаги Низомга
3-ИЛОВА
3-ИЛОВА
Т/р | Бажарувчи | Ҳужжатлар рўйхати | Муддати | Масъуллар |
1. | Жисмоний шахс яшаш жойидаги Тошкент шаҳрининг тегишли туман ҳокимлигига мурожаат қилади (бошқа шаҳардан келганлар «Отчопар буюм бозори» очиқ турдаги акциядорлик жамияти жойлашган Чилонзор тумани ҳокимлигига мурожаат қиладилар) | 1. Юридик шахс бўлмасдан тадбиркор сифатида рўйхатдан ўтказиш учун ва кейинги 6 ой давомида «Отчопар буюм бозори» очиқ турдаги акциядорлик жамияти ҳудудида савдо қилиш хуқуқига рухсат олиш учун белгиланган шаклдаги аризалар. 2.Тадбиркорни рўйхатдан ўтказиш учун йиғим тўланганлиги тўғрисида квитанция. 3.Паспорт (шахсан кўрсатилади). 4.2 дона фотосурат (3,5х4,5 см) | ||
2. | Туман ҳокимлиги | Жисмоний шахсни тадбиркор сифатида рўйхатдан ўтказиш тўғрисида қарор чиқаради ва қарорнинг нусхасини туман солиқ инспекциясига юборади. | 2 кун мобайнида | Туман ҳокими |
3. | Туман солиқ инспекцияси | Белгиланган миқдорда даромад солиғи тўлаш, шунингдек номи ёзилган рўйхатдан ўтказиш гувоҳномаси харажатларини тўлаш учун тўлов хабарномаси ёзиб беради (2-илова) | Кун давомида | Туман солиқ инспекцияси раҳбари |
4. | Жисмоний шахс — ариза бергандан сўнг туман солиқ инспекциясига мурожаат қилади. | Туман солиқ инспекциясида, белгиланган миқдорда даромад солиғи тўлаш, шунингдек номи ёзилган рўйхатдан ўтказиш гувоҳномаси харажатларини тўлаш учун тўлов хабарномасини олади, кўрсатилган суммаларни банкка тўлайди; тўланганлик тўғрисидаги ҳужжатларни туман солиқ инспекциясига тақдим этади. | ||
5. | Туман солиқ инспекцияси | 1. Ҳокимлик қарори ва тегишли тўловлар тўланганлиги тўғрисидаги ҳужжатлар асосида «Отчопар буюм бозори» очиқ турдаги акциядорлик жамияти ҳудудида савдо қилиш ҳуқуқини берувчи белгиланган намунадаги (1-илова) номи ёзилган рўйхатдан ўтказиш гувоҳномасини расмийлаштиради. 2.Солиқ тўловчини ҳисобга қўяди ва «Отчопар буюм бозори» очиқ турдаги акциядорлик жамияти ҳудудида савдо қилиш ҳуқуқини берувчи номи ёзилган гувоҳнома беради. | 3 кун мобайнида | Туман солиқ инспекцияси |
6. | Бозор маъмурияти | 1.Тадбиркордан камида 6 ой муддатга савдо растасини ижарага олганлик учун патта тўловини ундиради ва савдо қилиш учун жой беради. 2.Тошкент шаҳар ҳокимлигига ва Давлат солиқ бош бошқармасига жойлар мавжудлиги тўғрисида мунтазам равишда ахборот бериб боради. | Тегишли ҳужжатлар (номи ёзилган гувоҳнома, патта тўланганлиги тўғрисидаги квитанция) тақдим этилган кунда Ҳар ойда | Бозор маъмурияти |
7. | Ички ишлар вазирлиги органлари | Тадбиркорларда «Отчопар буюм бозори» очиқ турдаги акциядорлик жамияти ҳудудида халқ истеъмоли товарлари билан савдо қилиш ҳуқуқини берувчи номи ёзилган гувоҳномалар мавжудлигини текширадилар ҳамда қонун бузилишлар аниқланган тақдирда Низомнинг IV бўлимида кўрсатилган чораларни кўрадилар. | Мунтазам равишда | Ички ишлар органларининг тегишли хизматлари раҳбарлари |