Юқори сифатли ипак қурти пилласи ишлаб чиқаришни янада кенгайтириш, республика ипакчилик тармоғи корхоналарининг барқарор фаолият юритишини таъминлаш мақсадида:
«Ўзбекенгилсаноат» АЖнинг пиллакашлик корхоналари Ўзбекистон Республикаси Вазирлар Маҳкамаси билан келишилган ҳолда ипак қуртининг жонланиш, ҳосилдорлик ва технологик хусусиятлари юқорироқ кўрсаткичларга эга уруғини пилла етиштирадиган хўжаликларда боқиш учун етишмайдиган ҳажмларда ҳар йили импорт қилади;
импорт қилинадиган ипак қурти уруғи «божхона ҳудудида қайта ишлаш» божхона режимига жойлаб қўйилади ва кейинчалик хорижий етказиб берувчилар билан хом ипак толаси ҳамда пиллани қайта ишлаш чиқиндилари орқали ўзаро ҳисоб-китоб қилинади.
2. «Ўзбекенгилсаноат» АЖнинг пиллакашлик корхоналари ихтиёрида қоладиган, «божхона ҳудудида қайта ишлаш» божхона режими остида олиб кирилган ипак қурти уруғи ҳажмларини қайта ишлашдан кейин вужудга келадиган ва «эркин муомалага чиқариш» (импорт) божхона режимига қўйилган қайта ишланган маҳсулотлар ва чиқиндилар (ТИФ ТН коди 5001, 5002, 5003) иловага мувофиқ рўйхат бўйича 2018 йилнинг 1 январигача божхона тўловларидан (божхона расмийлаштируви йиғимларидан ташқари) озод этилсин.
Олдинги таҳрирга қаранг.
3. Белгилансинки, божхона расмийлаштирувини амалга ошириш учун қайта ишланган маҳсулотлар ва чиқиндилар ҳажмлари Ўзбекистон Республикаси Қишлоқ хўжалиги вазирлиги ҳамда «Ўзбекенгилсаноат» АЖ билан келишилган ҳолда ипак қурти уруғини олиб кирган «Ўзбекенгилсаноат» АЖнинг пиллакашлик корхонаси билан пилла тайёрлаш корхонаси ўртасида имзоланадиган солиштирма далолатномалари асосида белгиланади.
(3-банд Ўзбекистон Республикаси Президентининг 2018 йил 1 августдаги ПФ-5497-сонли Фармони таҳририда — Қонун ҳужжатлари маълумотлари миллий базаси, 01.08.2018 й., 06/18/5497/1604-сон)
4. Мазкур фармойишнинг ижросини назорат қилиш Ўзбекистон Республикасининг Бош вазири А. Арипов зиммасига юклансин.
Т/р | Корхоналар номи | 2017 йилда ипак қурти уруғини олиб кириш ҳажми |
1. | «Silver Silk Company» МЧЖ ҚК | 150 минг қути (300 минг кассета) |
2. | «Inter Silk Pro» МЧЖ ҚК | 75 минг қути (150 минг кассета) |
3. | «Verigrow Ipagi» МЧЖ ХК | 15 минг қути (30 минг кассета) |
4. | «Singapore-Samarkand» МЧЖ ХК | 10 минг қути (20 минг кассета) |
LexUZ шарҳи