Ўзбекистон Республикасининг «Давлат статистикаси тўғрисида» ва «Давлат божхона хизмати тўғрисида»ги қонунларига асосан Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Давлат божхона қўмитаси ва Давлат статистика қўмитаси қарор қилади:
1. Макроиқтисодиёт ва статистика вазирлигининг 1998 йил 5 августдаги 14-12-05/65, Давлат божхона қўмитасининг 1998 йил 7 августдаги 34-01/07-2493, Ташқи иқтисодий алоқалар вазирлигининг 1998 йил 6 августдаги ДСП-01/204548-сон қарорлари билан тасдиқланган ва 1998 йил 22 сентябрда Ўздавстандарт билан келишилган «Давлат ва божхона ташқи савдо статистикаси маълумотларини йиғиш ва қайта ишлашнинг ягона услубияти тўғрисида»ги низом (1998 йил 11 ноябрь, рўйхат рақами 530) ўз кучини йўқотган деб топилсин.
2. Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Давлат божхона қўмитаси ва Давлат статистика қўмитасининг «Давлат ва божхона ташқи савдо статистикаси маълумотларини йиғиш ва қайта ишлаш услубияти тўғрисидаги низомни тасдиқлаш тўғрисида» ги 2007 йил 31 июлдаги 27, ЭГ-01/10-4290, 01-02/15-17, 9-сон қарори бекор қилинсин.
3. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб 10 кун ўтгандан кейин кучга киради.